Lomɛŋ 14:5 - Eka Eswhī

⁵ Emɔ̄ʼ epuɔ é kwaāŋ ŋ́gɛ, emɔ̄ʼ meleʼé alāʼ é tsyaā emɔ̄ʼ. Emɔ̄ʼ epuɔ é kwaŋ azɔ́p ŋ́gɛ, eleʼé alāʼ ntsem, é puú ŋgɔ́ áa taʼ azō. Ŋiŋ a ké nnɔ̄ŋ ŋkwāŋa ánɛ eziɛ́ ntií lɛ́, á cuŋte nzhɛ́ ajū mīi a kwaŋa.

Lomɛŋ 14:5 Iomraidhean Croise

Lúkási 1:1

Ndi Teofil, o ó si nzhɛ́ɛ menu mīi, é ke tɔ́k á tsetsɛlɛ pímpɛ. Epuɔ tɛ nzáne é ke fāʼ eshhʉ̄ á letī azɔ́p. Pɔ́ ke tí á mbɔŋɔ́ páʼ wɔ njhʉɛ‑njʉɔ́ e ke pɛté eshúŋ á yímpɛ épúp. Ŋ́gɔ́ epuɔ pīi, é ke jʉ́ɔ menu mɛ́t, tɛ efhó á nzií, ḿbiŋ mbú ncʉ́ʼ azɔ́p wɔ shúŋ‑anu Ndém mɛ́t.

Lomɛŋ 14:14

Atsyapuɔ Yɛɛ́so á lē ŋghʉ, meŋ ecuŋte nzhɛ́ á légɛ, amɔ̄ʼ ajū mīi á lɛ̄ɛ ŋgɔ́ ajūɔ epe, á té éwú ú. Táʼ, ŋiŋ a ké njʉ́ɔ ŋ́gɛ, epe é ánɛ azō, azō mɛ́t, á lɛ nzéŋ ncʉ́ʼ ajūɔ epe á mbū yí.

Lomɛŋ 14:23

Táʼ, ŋiŋ a ge epfɛ́t azō, ntē yí e nɔ̄ŋ ŋŋāka á yí, mbɔ Ndém a a tswá á yí ŋgʉɔ athʉ́ lepé, melaʼ mīi a ka ghʉ̄ páʼ lefɛ̄ nnɛ̄t yi ŋgyá á mbū Klísto, a á si nzɛ́ttɛ ŋ́gɛ, a eghʉ̄ épúp ɔ́. Ŋiŋ a piŋɛ ŋghʉ̄ azō, té gɔ́ yīi, lefɛ̄ nnɛ̄t ŋgyá á mbū Klísto, a á si nzɛ́ttɛ ŋ́gɛ, a eghʉ̄ épúp, mbɔ ŋgaŋ a á fa.

Lomɛŋ 4:21

Ńnɔŋ ncūŋtɛ nzhɛ́ɛ á ntē yí á légɛ, Ndém a kuūʼ á yí á leghʉ, ajū mīi yí é ndāʼne, á po.

1 Kɔlɛŋte 8:11

Ŋ́gɔ́ éyi a gʉɔ mpfɛ́t, mbɔ ajū mīi o ó gē eghʉ, ńnɔŋ nzhɛ́ɛ, á ghʉ, ŋiŋ yīi, a zɛɛ́t te tete ánɛ mɛnzhɛ Ndém, á lákne. Tɛ́ ŋké ŋgɔ́ á méŋ mɔ́ wu, mbɔ Klísto a le kwhʉ́ melaʼ mí.

1 Kɔlɛŋte 8:7

Táʼ, emɔ̄ʼ epuɔ á nnɔ pímpɛ, é té si nzhɛ́ɛ á légɛ, melém é té etsō ɔ́. Pɔ́ lē ŋgūa mesī, tɛ ntshí mé ayáʼa. Pɔ́ pfɛɛ́t mbap zīi, mɛ́ lɔk ŋgwáʼ njʉʼ, ńjʉ́ɔ á gɔ́ páʼ, pɔ́ wuʼtɛ melém lā. Pɔ́ zɛɛ́t te tete ánɛ mɛnzhɛ Ndém. Á épúp tɛ́ pɔ́ kwaāŋ ŋ́gɛ, mbap mɛ́t zīi pɔ́ é pfɛ́t lā, e é tseŋ lenāŋ tsɔ́p a Ndém.