Lomɛŋ 14:4 - Eka Eswhī

⁴ O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 14:4 Iomraidhean Croise

Mefaʼ Meziŋ-ntō 11:17

Páʼ Ndém a ke yá lewūʼ á mbū epuɔ pwɔ̄, é zéŋ ŋgɔ́ á kwaʼ tsīi, a le yá á mbū pímpɛ, áfʉʼ zīi, ḿpɛ é le fɛ́ nnɛ̄t ŋgyá á mbū Atsyapuɔ Yɛɛ́so Klísto lā, meŋ ké ḿbiŋ ŋgɔ́ páʼa, ŋ́gɔ́ á awɔ́, tɛ ŋgɔ̄ á ndʉʼɛ̄ anu zīi, Ndém yí méŋwɛ̄t, a á kɔŋ ŋ́gɛ, a egɔ́ épúp é?»

Lomɛŋ 11:23

Ŋ́ké ŋgɔ́ mé epuɔ Yúda pīi, Ndém a le záʼ á wɔ́p lā, pɔ́ gɔ́ te zéŋ ntém nzem Ndém ɛ́, mbɔ Ndém a a zéŋ eyɛt á wɔ́p azɔ́p leswhī leswhī, melaʼ mīi a wɛɛ̄ mete, á lelɔk ŋghʉ̄ épúp.

Lomɛŋ 14:3

Ŋiŋ yīi a pfɛɛ́t etsō tsem, a te pɔŋté á leŋyaŋne á ŋiŋ yīi, a gɛ te mpfɛ́tɛ mbap á ā. Ŋiŋ yīi, a piīŋ te mbap pfɛ́t, a te pɔŋté á lethū alɔ́ʼ ŋiŋ yīi a pfɛɛ́t etsō tsem, tɛ mbā á yí í, melaʼ mīi Ndém á veéŋ á ŋgaŋ azí.

Lomɛŋ 16:25

Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

Lomɛŋ 9:20

Wu ŋiŋnɔŋ, o ké mbiŋ ŋgɔ́ páʼā ŋgɔ́ awɔ́, tɛ ŋgɔ̄ á ndʉʼɛ́ ajū mīi, Ndém mé kɔŋ ŋ̄? Ŋgwʉ́ŋ é gɔ eghʉ̄ʉ páʼ lā, ńzɛ́tte á mbɔɔ‑meŋgwʉ́ŋ ŋ́gɛ: «Melaʼ akɔ̄ o le pɔ́ á gá ánɛ ejʉɔ ntií í?»

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

1 Piɛ 1:5

A le féŋ á mbū pɛ pīi, pɛ fɛɛ́ nnɛ̄t ŋgyá mé yí, á lɔk mete mí ŋkápte á wɛ́. Tɛ mɛ́ eláʼ ánɛ nzoknzem aleʼé, ńjʉ́ɔ páʼ a á ghʉ pɛ tswɛ́t.

Zwide 1:24

Awuʼte á egɔ́ á mbū ŋiŋ yīi, a kuūʼ á lekāpte á wɛ́ tɛ ŋgɔ́ yīi, ŋiŋ a gɔ le a mɛnzhɛ fāa. Ŋ́kápte á wɛ́, tɛ ŋgɔ́ yīi, pɛ e láʼ ege etshí á ntē shʉ́shɔ́k yí, énɔŋ ekáka, alɔ́ʼ á le ánɛ pɛ ɛ́.