Lomɛŋ 14:3 - Eka Eswhī

³ Ŋiŋ yīi a pfɛɛ́t etsō tsem, a te pɔŋté á leŋyaŋne á ŋiŋ yīi, a gɛ te mpfɛ́tɛ mbap á ā. Ŋiŋ yīi, a piīŋ te mbap pfɛ́t, a te pɔŋté á lethū alɔ́ʼ ŋiŋ yīi a pfɛɛ́t etsō tsem, tɛ mbā á yí í, melaʼ mīi Ndém á veéŋ á ŋgaŋ azí.

Lomɛŋ 14:3 Iomraidhean Croise

Matío 18:10

«Pɛ epá á wɛ́ á lewāk tsɔ taʼ méŋ agáʼ mɔ́ á nnɔ ewɔŋkhʉ̄ puɔ. Meŋ shúŋɔ á wɛ́ ŋ́gɛ, mecɔʼ Ndém pīi é túŋnɛ á wɔ́p, é tshiteé á lezēŋ Mɔʼɔ́ ga á athʉ́ lephū, efʉʼ metsem. [

Matío 9:14

Nnɔ Jáaŋ nnoʼ‑epuɔ á ntshi é ghʉ eshʉ̄ʼ mé lezēŋ Yɛɛ́so, ńzɛ́tte á yí ŋ́gɛ: «Pek, mbɔɔ epuɔ Falísia é si ŋkɔ̄ŋɔ nnáŋa nzi melaʼ Ndém. Nnɔ wú é piŋ nnɔ̄ŋ te ŋghʉ̄ɛ épúp ɔ́ melaʼ akɔ̄?»

Lúkási 18:9

Yɛɛ́so á náŋ tɛ mbɛ́te ashuŋne lepúʼ jʉɔ á mbū epuɔ pīi, pɔ́ é si ŋkwāŋa ŋ́gɛ, pɔ́ é epuɔ membɔŋ, ḿbiŋɛ ŋŋyāŋnɛ epi emɔ̄ʼ ŋ́gɛ, epuɔ tepɔŋ.

Mefaʼ Meziŋ-ntō 10:34

Piɛ á lɛ ŋŋáʼa nchu yí, ńdé á mbū Kɔɔnɛye pɔ́ a epuɔ pí ŋ́gɛ: «Tsetsɔŋɔ, meŋ á chʉ́ nnɛ̄t nzhɛ́ ndeŋ ndeŋ ŋ́gɛ, Ndém a te ŋiŋ tɛ̄ʼte.

Mefaʼ Meziŋ-ntō 10:44

Piɛ á zɛ́t eshúŋne shuŋné, Azwakne Ndém á sóʼo ŋkó á ntē epuɔ metsem pīi, pɔ́ nnɔŋ njúʼɔ ashuŋne zí.

Mefaʼ Meziŋ-ntō 28:2

Epuɔ alāʼ mɛ́t é pú ŋkókne á wék á mbɔŋɔ́. Ńtswákne á mía mmók, pek eshʉ̄ʉʼ nzók, melaʼ mīi mbeŋ e le nɔ̄ŋ ndúu, efwɔ̄k é piŋ mbú nnɔŋ ŋkúu.

Lomɛŋ 11:15

Ndém a le náʼ mbaʼne á wɔ́p mé á nzem, ŋghʉ̄ ŋgɔŋ epuɔ metsem, é piŋ nzem á mbū yí. A láʼ aleʼé zīi, Ndém a ghʉɛ, pɔ́ zéŋɛ mbīŋɛ nzem á nnɔ, a lɛ ŋgɔ́ lɛ akɔ̄? A láʼ egɔ́ anu mbɔŋ tɛʼ, égɔ́ páʼ, ŋiŋ a kwhʉ́ɛ, ńzéŋɛ nzímɛ ánɛ lewhʉ̄ lā.

Lomɛŋ 14:1

Pɛ etswí á ŋiŋ yīi a á si mbwɛ́tɛ á ánɛ lefɛ̄ nnɛ̄t ŋgyá á mbū Klísto, ńnéŋ á nnɔ pɛ. Ndɛ́ʼ pɛ a pɔ́p é ŋak ánɛ ezi ntií lekwaŋte anu.

Lomɛŋ 14:10

Ḿbiŋ ŋgɔ́ mé wu, mbɔ melaʼ akɔ̄, o piŋɛ nthúɔ alɔ́ʼ méŋ mɔ́ wu, tɛ mbāa á yí í? Ŋ́gɔ́ mé wu, mbɔ melaʼ akɔ̄, o piŋɛ ŋŋyāŋnɛ á méŋ mɔ́ wu ú? Á páʼā, ḿpɛ metsem e eláʼ ntshí á mvhɔ Ndém, a ezáʼ ntsaŋ awíɛ awíɛ.

Lomɛŋ 14:13

Púp, ndɛ́ʼ ḿpɛ ezéŋ nthúne melɔ́ʼ, tɛ mbā á ŋiŋ. Pɛ enéŋ á ntē pɛ, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ wɛ á kwate, ká ŋgwhʉ̄ á ntē mefa á.

Lomɛŋ 14:15

A gɔ́ éyi, ecū mīi o pfɛ́tɛ, é gɔ eghʉ̄ʉ, méŋ mɔ́ wu á ká ánɛ lefɛ̄ nnɛ̄t, mbɔ o pfɛɛ́t épúp páʼā, ńdɔkɔ te nzɛ́t ŋkɔ̄ŋɔ á yí í. Pá á wú á lelɔk ajū mīi o pfɛ́tɛ, ŋ́ghʉ̄, ŋiŋ yīi Klísto a le kwhʉ́ melaʼ mí, á lákne.

Lomɛŋ 14:21

Ajū mīi á mbɔŋ, á si ŋgɔ́ á legɔ̄ le mbap pfɛ́t, á legɔ̄ le meluʼ nú, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ á kwate ŋgwhʉ̄ á esī í.

Lomɛŋ 15:7

A épúp tɛ́, pɛ ekókne mennɛ̄t mɛ́ nzeŋne zeŋné, ńdeŋ ndeŋ páʼ, Klísto á le kokné á wɛ́ épúp, ŋ́ghʉ̄ épúp, ńdɔk ŋgūʼte á Ndém.