Lomɛŋ 14:22 - Eka Eswhī

²² Kúʼte anu zīi o ó si nzhɛ́ɛ ánɛ anu jʉɔ mɛ́t á ntē wu, pɛ Ndém mé ezhɛ́. Eshhʉ̄ mbɔŋ a á si ŋgɔ́ á ŋiŋ yīi, ntē yí é té si ŋŋāka á yí, ánɛ anu zīi, a á sáŋ tɛ njʉ́ɔ ŋ́gɛ, á mbɔŋ á leghʉ ɛ́.

Lomɛŋ 14:22 Iomraidhean Croise

Mefaʼ Meziŋ-ntō 24:16

Melaʼ épúp tɛ́, meŋ kaāk ete efʉʼ metsem, á legɔ̄ ndeŋ ndeŋ á mvhɔ Ndém, mbɔɔ á mvhɔ epuɔ menɔŋ.

Lomɛŋ 14:14

Atsyapuɔ Yɛɛ́so á lē ŋghʉ, meŋ ecuŋte nzhɛ́ á légɛ, amɔ̄ʼ ajū mīi á lɛ̄ɛ ŋgɔ́ ajūɔ epe, á té éwú ú. Táʼ, ŋiŋ a ké njʉ́ɔ ŋ́gɛ, epe é ánɛ azō, azō mɛ́t, á lɛ nzéŋ ncʉ́ʼ ajūɔ epe á mbū yí.

Lomɛŋ 14:2

Lefɛ̄ nnɛ̄t mmɔʼ ŋiŋ ŋgyá á mbū Klísto, a shuúŋ á yí á légɛ, á gɔ epú mpfɛ́t etsō tsem. Lefɛ̄ nnɛ̄t mmɔʼ ŋiŋ á ká, tɛ eshúŋ á yí ŋ́gɛ, a gɔ le mbap pfɛ́t.

Lomɛŋ 14:23

Táʼ, ŋiŋ a ge epfɛ́t azō, ntē yí e nɔ̄ŋ ŋŋāka á yí, mbɔ Ndém a a tswá á yí ŋgʉɔ athʉ́ lepé, melaʼ mīi a ka ghʉ̄ páʼ lefɛ̄ nnɛ̄t yi ŋgyá á mbū Klísto, a á si nzɛ́ttɛ ŋ́gɛ, a eghʉ̄ épúp ɔ́. Ŋiŋ a piŋɛ ŋghʉ̄ azō, té gɔ́ yīi, lefɛ̄ nnɛ̄t ŋgyá á mbū Klísto, a á si nzɛ́ttɛ ŋ́gɛ, a eghʉ̄ épúp, mbɔ ŋgaŋ a á fa.

Lomɛŋ 14:5

Emɔ̄ʼ epuɔ é kwaāŋ ŋ́gɛ, emɔ̄ʼ meleʼé alāʼ é tsyaā emɔ̄ʼ. Emɔ̄ʼ epuɔ é kwaŋ azɔ́p ŋ́gɛ, eleʼé alāʼ ntsem, é puú ŋgɔ́ áa taʼ azō. Ŋiŋ a ké nnɔ̄ŋ ŋkwāŋa ánɛ eziɛ́ ntií lɛ́, á cuŋte nzhɛ́ ajū mīi a kwaŋa.

Lomɛŋ 2:1

A zi mbú ŋgɔ́ áa awɔ́ lɛ́, ńnɔŋ nthúɔ alɔ́ʼ ŋiŋ, mbɔ mɛ́ gɔ le á yí tsá, melaʼ mīi, wu yīi o ó si nthúɔ alɔ́ʼ epuɔ, ḿbiŋ nnɔ̄ŋ ŋghʉ̄ɛ ajú páʼ pɔ́p, á páʼā, o lɔkɔ ntshíɛ athʉ́ á akhu wu mbīi.

Lomɛŋ 7:15

Meŋ á páʼā, ńnɔŋ te njúʼɔ ajū mīi, meŋ ghʉɛ ɛ́. Ajū mīi, meŋ á si ŋkɔ̄ŋɔ á leghʉ, meŋ te aziɛ́ ghʉ. Azi meŋ te kɔ̄ɔŋ, meŋ mbiŋ ŋghʉ̄ áa aziɛ́.

Lomɛŋ 7:24

Yeé emɔ̄ʼ eshhʉ̄ tepɔŋ yīi, meŋ á ewiɛ́ lée. Awɔ́ a a láʼ ekú á gá, á mbū mbe nnɛ̄t jʉɔ zīi, e é efʉʼ metsem, ńtshóne á gá, ŋ́gyá áa mbū lewhʉ̄ ʉ̄?

1 Kɔlɛŋte 8:7

Táʼ, emɔ̄ʼ epuɔ á nnɔ pímpɛ, é té si nzhɛ́ɛ á légɛ, melém é té etsō ɔ́. Pɔ́ lē ŋgūa mesī, tɛ ntshí mé ayáʼa. Pɔ́ pfɛɛ́t mbap zīi, mɛ́ lɔk ŋgwáʼ njʉʼ, ńjʉ́ɔ á gɔ́ páʼ, pɔ́ wuʼtɛ melém lā. Pɔ́ zɛɛ́t te tete ánɛ mɛnzhɛ Ndém. Á épúp tɛ́ pɔ́ kwaāŋ ŋ́gɛ, mbap mɛ́t zīi pɔ́ é pfɛ́t lā, e é tseŋ lenāŋ tsɔ́p a Ndém.

2 Kɔlɛŋte 1:12

Ajū mīi ḿpek lɔkɔ ŋkāʼtɛ, á si ŋgɔ́ páʼ akwaŋte zék á té si ŋŋāka á wék ɛ́. Pek lɔɔ̄k á ndeŋ ndeŋ pɔ́ anuúnē zīi, á fhɔ́ɔ á mbū Ndém, tɛ́ nnáŋ á ŋgɔŋ ega. Ńtswhi ŋgwɛ̄ á ndeŋ ndeŋ pɔ́ anuúnē mɛ́t, ánɛ pɛ. Ŋ́gē ewɛ épúp, á té fhɔ́ɔ ánɛ azhɛ̄‑anu ŋiŋnɔŋ ɔ́, á fhɔ́ɔ áa ánɛ apɔŋɔ́ ntē te ndhʉ zīi, Ndém a wɛɛ̄ ánɛ pek.

Galat 6:1

Epɔ̄ memía, ŋiŋ a kemɛ á ŋiŋ, á nɔ̄ŋ ŋghʉ̄ɛ mefa, mbɔ pɛ pīi, Azwakne Ndém mé si ntsāŋa á wɛ́, pɛ mé pɔŋteé á leghʉ, ŋgaŋ á fhó ánɛ mɛnzhɛ tepɔŋ ntó. Ŋ́ké ŋgē eghʉ épúp, ńdɔ̄k áa apwɛne. Ńnɔŋ mbáa azɛ́ athū, melaʼ mīi, táté a gɔ ezéŋ ntshóne á wú ajú, ńnéŋ á ntē mefa.

Jáak 3:13

Ŋiŋ a gɔ́ɔ á nnɔ pɛ, ŋ́kwāŋ ŋ́gɛ, yí wɛɛ̄ azhɛ̄‑anu, ńzéŋ ŋgwɛ̄ leghi, á lɔk atswhī mbɔŋ zí ntswī, ńzéŋ ndɔ̄k mefaʼ mīi, a ghʉɛ, mé lesōʼne nnɛ̄t ŋgyá á esī, ńtswī.

1 Jáaŋ 3:21

Mepɔŋ mesoó pá, ntē yímpɛ é nɔŋ te ŋŋāka á yímpɛ ɛ́, mbɔ ḿpɛ e tshí á mvhɔ Ndém, té pú mbɔ́k amɔ̄ʼ azō.