Lomɛŋ 14:20 - Eka Eswhī

²⁰ Ndɛ́ʼ pɛ eták afaʼ Ndém, melaʼ anu, ánɛ etsō lejhʉ̄. Á anuúnē á légɛ, mɛ́ gɔ epú mpfɛ́t etsō tsem. Táʼ, á ka pɔ̄ŋ ŋ́gɛ, ŋiŋ a epfɛ́t etsō lejhʉ̄ tsīi, é gɔ eghʉ̄ʉ, taʼ méŋ mɔ́ á whʉ á ntē mefa á.

Lomɛŋ 14:20 Iomraidhean Croise

Matío 15:11

Ajū mīi á kó á nchu ŋiŋ, aziɛ́ mé té lɛ ŋghʉ̄, ŋgaŋ á cʉ́ʼ ŋgaŋ epe ɛ́. Ajū mīi á tó á nchu ŋiŋ, aziɛ́ mé ghʉʉ̄ á cʉ́ʼ á ŋgaŋ epe. »

Matío 18:6

«Ŋiŋ a piŋɛ ntshóne á taʼ, á nnɔ ewɔŋkhʉ̄ puɔ pīi, é fɛɛ́ nnɛ̄t ŋgyá á mbū meŋ, ńnéŋ á ntē mefa, á gɔ́ mbɔŋ á mbū ŋgaŋ, á mɛ́ legaŋ mía mía tɔ́ á ntɔ̄ŋ yí, ńtshóne á yí mmāʼ á mía ntshi, á leteŋ.

Mefaʼ Meziŋ-ntō 10:15

Ŋghi mɛ́t é zéŋ eshúŋne á mbū yí mmɔʼ legʉɔ, ńdé ŋ́gɛ: «O te pɔŋté á letɔ̄ŋ ajū mīi, Ndém a á fók epe éwú, é lɛ ajūɔ epe ɛ́. »

Lomɛŋ 14:2

Lefɛ̄ nnɛ̄t mmɔʼ ŋiŋ ŋgyá á mbū Klísto, a shuúŋ á yí á légɛ, á gɔ epú mpfɛ́t etsō tsem. Lefɛ̄ nnɛ̄t mmɔʼ ŋiŋ á ká, tɛ eshúŋ á yí ŋ́gɛ, a gɔ le mbap pfɛ́t.

Lomɛŋ 14:21

Ajū mīi á mbɔŋ, á si ŋgɔ́ á legɔ̄ le mbap pfɛ́t, á legɔ̄ le meluʼ nú, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ á kwate ŋgwhʉ̄ á esī í.

Efɛze 2:10

Ndém mé le pɔ́ á yímpɛ, a le zapá ánɛ Yɛɛ́so, té mbɔ́ á yímpɛ. Ŋ́ghʉ̄ɛ épúp, ńdɔkɔ ŋ́gɛ, ŋghʉʉ́‑menu mímpɛ é egɔ́ mbɔŋ, ńzīŋ ánɛ nzhɛ zīi, Ndém a le té njhʉ̄ ŋkīa á mbū pímpɛ, ḿpɛ pīiŋ mbɔ́ŋte á leziŋ éwú.

Fílíip 1:6

Meŋ chʉʉ́ nnɛ̄t nzhɛ́ á légɛ, Ndém, páʼ a ke zī afaʼ mbɔŋ á ntē pɛ lā, a a lɔk egʉɔ mé mvhɔ, tɛ etsékne, áleʼé zīi, Yɛɛ́so Klísto a piŋɛ nzem.

Tíit 1:15

Ajūɔ tsem á mbɔŋ, á mbū epuɔ pīi pɔ́ wɛɛ̄ ntē mbɔŋ, á mvhɔ Ndém. Ḿbiŋ ŋgɔ́ á mbū epuɔ pīi, epe é lē mpféŋ á wɔ́p, épuɔ pīi pɔ́ lʉʉ̄ʼ á wɔ́p á lefɛ̄ nnɛ̄t ŋgyá á mbū Yɛɛ́so, mbɔ ajūɔ mbɔŋ, á té mbū pɔ́p ɔ́, á cʉ́ʼɛ épúp, mbɔ akwaŋte zɔ́p á efʉʼ metsem, ńtshí áa leghʉ anu tepɔŋ, leghi tsɔ́p é zéŋ ntshí áa leghʉ anu tepɔŋ.