Lomɛŋ 14:2 - Eka Eswhī

² Lefɛ̄ nnɛ̄t mmɔʼ ŋiŋ ŋgyá á mbū Klísto, a shuúŋ á yí á légɛ, á gɔ epú mpfɛ́t etsō tsem. Lefɛ̄ nnɛ̄t mmɔʼ ŋiŋ á ká, tɛ eshúŋ á yí ŋ́gɛ, a gɔ le mbap pfɛ́t.

Lomɛŋ 14:2 Iomraidhean Croise

Lomɛŋ 14:1

Pɛ etswí á ŋiŋ yīi a á si mbwɛ́tɛ á ánɛ lefɛ̄ nnɛ̄t ŋgyá á mbū Klísto, ńnéŋ á nnɔ pɛ. Ndɛ́ʼ pɛ a pɔ́p é ŋak ánɛ ezi ntií lekwaŋte anu.

Lomɛŋ 14:14

Atsyapuɔ Yɛɛ́so á lē ŋghʉ, meŋ ecuŋte nzhɛ́ á légɛ, amɔ̄ʼ ajū mīi á lɛ̄ɛ ŋgɔ́ ajūɔ epe, á té éwú ú. Táʼ, ŋiŋ a ké njʉ́ɔ ŋ́gɛ, epe é ánɛ azō, azō mɛ́t, á lɛ nzéŋ ncʉ́ʼ ajūɔ epe á mbū yí.

Lomɛŋ 14:20

Ndɛ́ʼ pɛ eták afaʼ Ndém, melaʼ anu, ánɛ etsō lejhʉ̄. Á anuúnē á légɛ, mɛ́ gɔ epú mpfɛ́t etsō tsem. Táʼ, á ka pɔ̄ŋ ŋ́gɛ, ŋiŋ a epfɛ́t etsō lejhʉ̄ tsīi, é gɔ eghʉ̄ʉ, taʼ méŋ mɔ́ á whʉ á ntē mefa á.

Lomɛŋ 15:1

Pek pīi pek teteē ánɛ lefɛ̄ nnɛ̄t ŋgyá á mbū Yɛɛ́so, pek pɔŋteé á lepʉ̄ʼte epuɔ pīi, pɔ́ é si ŋkáa ánɛ lefɛ̄ nnɛ̄t, ŋ́gē eghʉ épúp, pek é le ghʉ̄ ajū mīi, á pɔŋ áa wék ɛ́.

1 Kɔlɛŋte 10:25

Ajūɔ tsem zīi, mɛ́ swiŋɛ á esaá, o gɔ ezó ḿpfɛ́t, té zóko nzɛ́ttɛ kɛ o pfɛ́tɛ, mbɔ o ó ghʉ á mbɔŋɔ́ kɛ tepɔŋ lɛ́, ńdɔk nták ntē wú.

1 Kɔlɛŋte 8:9

Pɛ kɔŋɔ, pɛ epfɛ́t ecū mīi, pɛ é kɔŋ. Táʼ, pɛ eké mbá. Pɛ ghʉʉ̄ épúp páʼā, ŋ́gɔ́ yīi ewiɛ́ legɔ̄, a gɔ eghʉ̄ʉ, epuɔ pīi, pɔ́ zɛɛ́t te tete ánɛ mɛnzhɛ Ndém, é fa nzhɛ.

1 Kɔlɛŋte 9:22

Meŋ gʉɔ̄ tɛ ŋkó á nnɔ epuɔ pīi, pɔ́ zɛɛ́t te tete ánɛ mɛnzhɛ Ndém, ńcʉ́ʼɛ nnáŋa áa páʼ pɔ́p lā, ńdɔkɔ efāʼa ŋ́gɛ, pɔ́ efɛ́ nnɛ̄t ŋgyá á mbū Atsyapuɔ Yɛɛ́so. Meŋ mbúu ŋgʉɔ tɛ ŋkó akɔ̄ ajʉʼ lɛ́, ńcʉ́ʼɛ nnáŋa áa páʼ, epuɔ ajʉʼ mɛ́t é si nnáŋa épúp, ńdɔkɔ efāʼa á lelɔk meshhʉ̄ metsem, ŋ́ghʉ̄ tɛ, kɛ emɔ̄ʼ epuɔ é gɔ etó éwú, éfɛ́ nnɛ̄t ŋgyá á mbū Atsyapuɔ Yɛɛ́so, Ndém á ghʉ pɔ́ tswɛ́t lɛ́ɛ.

Galat 2:12

Anu mɛ́t á gɔ́ lɛ̄ɛ, epuɔ pīi Jáak a le tó á wɔ́p, é le gē eshʉʼe, Piɛ pɔ́ a epuɔ pīi é té epuɔ Yúda á é nɔŋ mbútɛ mpfɛ́tɛ azō. Epuɔ mɛ́t é shʉʼ tɛ ŋkó éwú, á fak nnɛ̄t, a te zéŋ ŋkɔ̄ŋ á wɔ́p a pɔ́p á lepūte mpfɛ́t azō ɔ́, ḿbɔ́k epuɔ Yúda mɛ́t á lezhɛ̄.

1 Timotɛ 4:4

Ajūɔ tsem zīi Ndém a le ghʉ̄ʉ̄, á puú ŋgɔ́ áa mbɔŋ. Amɔ̄ʼ ajū mīi mɛ́ gɔ ewáʼ, á té éwú ú. Á si ŋké nzɛ́ttɛ ŋ́gɛ, mɛ́ esyákne á Ndém ánɛ ajū mīi, a á yá á mbū pímpɛ.

Tíit 1:15

Ajūɔ tsem á mbɔŋ, á mbū epuɔ pīi pɔ́ wɛɛ̄ ntē mbɔŋ, á mvhɔ Ndém. Ḿbiŋ ŋgɔ́ á mbū epuɔ pīi, epe é lē mpféŋ á wɔ́p, épuɔ pīi pɔ́ lʉʉ̄ʼ á wɔ́p á lefɛ̄ nnɛ̄t ŋgyá á mbū Yɛɛ́so, mbɔ ajūɔ mbɔŋ, á té mbū pɔ́p ɔ́, á cʉ́ʼɛ épúp, mbɔ akwaŋte zɔ́p á efʉʼ metsem, ńtshí áa leghʉ anu tepɔŋ, leghi tsɔ́p é zéŋ ntshí áa leghʉ anu tepɔŋ.

Eble 13:9

Ndɛ́ʼ pɛ ecʉ́ʼ mɛ́ lɔk á ntií ntiī menu eswhī mīi, mɛ́ zíʼnɛ á wɛ́ ánɛ Ndém, ŋ́ghʉ̄, pɛ efāa nzhɛ. Mɛ́ é si nzíʼnɛ á wɛ́ ŋ́gɛ, etsō lejhʉ̄ é gɔ eghʉ̄ʉ, ŋiŋ á tete ánɛ mɛnzhɛ Ndém. Epuɔ pīi pɔ́ kuʼteé anu jʉɔ mɛ́t, pɔ́ la amɔ̄ʼ apɛ éwú jhʉ́ ɛ́. Ndém a lɔɔ̄k apɔŋɔ́ ntē te ndhʉ zí tɛ́ ŋghʉ̄, ŋiŋ á tete ánɛ mɛnzhɛ yi.

Eble 9:10

Á lɛ páʼā, ŋ́gɔ́ áa anu ajūɔ lejhʉ̄, mbɔɔ meluʼ, ŋ́gɔ́ anu ánɛ ntií ntiī lesok epe. Ŋ́gɔ́ á mɛt yīi, epuɔ menɔŋ mé le kuʼtéē, á piŋ ŋgɔ́ yīi, pɔ́ lɛ ezáʼe, ánɛ afʉʼ zīi, Ndém a á kúmne ntií lelɔk ŋgūʼte á yí.