Lomɛŋ 14:19 - Eka Eswhī

¹⁹ Púp, ḿpɛ efāʼ á ajū mīi á gɔ eghʉ̄ʉ, ḿpɛ enáŋ mé apwɛne, ńtswíte á yímpɛ á letswaŋ mbū, ńdɔ̄k á yímpɛ á lefɛ̄ nnɛ̄t ŋgʉɔ mé mvhɔ.

Lomɛŋ 14:19 Iomraidhean Croise

Matío 5:9

Eshhʉ̄ mbɔŋ a á ŋiŋ yīi, a á si mbhīɛ apwɛne, Ndém a a shʉʼ etɔ́ŋ á yí lɛ méŋ yí.

Málkúsi 9:50

Ŋgwāŋ é si ŋgɔ́ ajūɔ mbɔŋ. Táʼ, é piŋɛ te zéŋ ndē ɛ́, mɛ́ lɔk akɔ̄ ŋghʉ̄, tɛ é zéŋ ndē é? Pɛ egɔ́ wɔ ŋgwāŋ á lɔ́ŋ, púp, ŋ́gwɛ̄ apwɛne á tsetsɛlɛ pɛ. »

Lomɛŋ 12:18

Awíɛ a eghʉ̄ tɛ ŋgɔ́ yīi, á mii mé yí, pɔ́ a epuɔ metsem é náŋ mé apwɛne, páʼ eshhʉ̄ é tó épúp.

Lomɛŋ 15:2

Awɔ́ ŋiŋ nnɔ yímpɛ lɛ́, a pɔŋteé á leghʉ ajū mīi á pɔŋ emɔ̄ʼ epuɔ, ájū mīi á mbɔŋ á mbū pɔ́p, étswíte á wɔ́p á lelɔk lefɛ̄ nnɛ̄t wɔp, ŋgʉ̄ɔ mé mvhɔ.

1 Kɔlɛŋte 10:23

Emɔ̄ʼ epuɔ á nnɔ pɛ, é leé ŋ́gɛ: «Mɛ́ gɔ eghʉ̄ʉ páʼ mɛ́ kɔŋ. » Pɛ eké njúʼ, ajūɔ tsem zīi pɔ́ ghʉɛ, á gɔ́ le wɔ́p tswíte. Á anuúnē «Mɛ́ gɔ eghʉ̄ʉ páʼ mɛ́ kɔŋ. » Táʼ, ajūɔ tsem zīi mɛ́ ghʉɛ, á gɔ le tswíte á lefɛ̄ nnɛ̄t ŋgyá á mbū Ndém ɛ́.

1 Kɔlɛŋte 10:33

Pɛ eghʉ̄ páʼ meŋ lā, meŋ kaāk ete á légɛ, ajūɔ tsem zīi meŋ ghʉɛ, a etswíte epuɔ metsem. Meŋ te lɛ ŋghʉ̄ áa ajū mīi, á tswíte á gá meŋɛmeŋ ɛ́. Meŋ ghʉʉ̄ azi, á tswíte á atʉtʉ epuɔ, ńzhɛ́ páʼ Ndém a a ghʉ pɔ́ etswɛ́t.

1 Kɔlɛŋte 14:26

Epɔ̄ memía, anu zīi meŋ a ge emakne, élé mé pɛ, a ajʉɔ páʼa. Pɛ cúʼtɛ nnɔ̄ŋ ŋgɔ̄ á eswíŋte Ndém, ŋ́gɔ́ éyi, ŋiŋ a gɔ ezɔ̄ɔp ntshi, á zɔp. Ŋ́gɔ́ éyi, ŋiŋ a gɔ eshúŋne, ńdɔk nték epuɔ, á shúŋne. Ŋ́gɔ́ éyi ŋiŋ a tswi ŋke yīi, é fhɔ́ɔ á mbū Ndém, á tswi. Ŋ́gɔ éyi ŋiŋ a gɔ elé anu mé alāʼ zīi, a laá nzíʼne ɛ́, ŋgaŋ á lé. Ŋ́gɔ́ éyi ŋiŋ a gɔ ekɛ́ʼte alāʼ mɛ́t eshúŋ epuɔ, ŋgaŋ á kɛ́ʼte eshúŋ. Ajūɔ tsem a eké ŋgɔ́ áa lelɔk ntswíte á leghʉ, alúŋ epuɔ Yɛɛ́so, á tswiʼne efɛ́ nnɛ̄t, ńdɔk ŋgʉ̄ɔ mé mvhɔ.

1 Kɔlɛŋte 14:3

Ŋiŋ yīi a piŋɛ ntswīi ŋke yīi, é fhɔ́ɔ á mbū Ndém, a tswii á mbū epuɔ menɔŋ. Ńtswīi ndɔkɔ ntswítɛ á wɔ́p á lefɛ̄ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ. Ńtswīi ndɔkɔ ŋgyáa á wɔ́p ŋgate. Ńtswīi ndɔkɔ ŋ́gɛ, pɔ́ etswiʼne ŋkāk ete.

1 Kɔlɛŋte 14:4

Ŋiŋ yīi a gē eshúŋne elāʼ, mbɔ a laá nzíʼnɛ ɛ́, a á páʼa, yí méŋwɛ̄t á lɔkɔ ntswhíɛ, ánɛ lefɛ̄ nnɛ̄t. Ŋiŋ yīi a piŋɛ ntswīi ŋke yīi, é fhɔ́ɔ á mbū Ndém, á nɔŋ ŋghʉ̄ɛ, alúŋ epuɔ Yɛɛ́so á tswhíɛ.

1 Kɔlɛŋte 14:5

Meŋ á si ntsáa ŋ́gɛ, pɛ metsem e eshúŋne elāʼ tsīi, pɛ la zíʼnɛ ɛ́. Ŋ́ké nnɔŋ ntswhīɛ ŋkɔ̄ŋɔ ŋ́gɛ, pɛ egɔ́ epuɔ pīi, pɔ́ tswii ŋke yīi, é fhɔ́ɔ á mbū Ndém. Ŋiŋ yīi a tswii ŋke yīi, é fhɔ́ɔ á mbū Ndém, a á mvhɔ, ánɛ ŋiŋ yīi, a shúŋnɛ elāʼ, mbɔ a laá nzíʼnɛ ɛ́. Ńdaʼ éyi á gɔ́ éyi, a a zéŋ ekɛ́ʼte éshúŋ epuɔ Yɛɛ́so anu zīi, a lʉ́ɛ́, tɛ́ pɔ́ elɔk ntswhí ánɛ lefɛ̄ nnɛ̄t.

1 Kɔlɛŋte 7:15

Ŋiŋ yīi a te ŋiŋ Yɛɛ́so ó, a nɔŋ ŋkɔ̄ŋɔ á yí á lefakne pɔ́ ŋiŋ yīi, a á ŋiŋ Yɛɛ́so, á lɛ efāk nnɛ̄t. Á pikɛ tɛ ŋgɔ́ épúp, mbɔ é té lepé á mbū ŋiŋ mbaŋa kɛ́ menzwí yīi, a á ŋiŋ Yɛɛ́so lā, á lenāŋ pɔ́ ŋiŋ yīi, a á gʉɔ lā á, melaʼ mīi, Ndém a lɛɛ́ ndɔkɔ á wɛ́ ŋghʉ̄ɛ epuɔ pí, ŋ́gɛ pɛ enáŋ mé apwɛne.

1 Kɔlɛŋte 8:1

Ŋ́gɔ́ ánɛ mbap zīi, mɛ́ é lɔk ŋgwáʼ njʉʼ á mbū ajūɔ tsem zīi, mɛ́ lɔkɔ ŋghʉ̄ɛ á Ndém, mbɔ pɛ é si ndʉ́ɛ́ ŋ́gɛ, ḿpɛ metsem é zhɛɛ́ azō éwú. Ńdʉ́ɛ́, á zéŋ ŋgɔ́ épúp. Táʼ, azō mɛ́t zīi, ḿpɛ é si nzhɛ́ɛ lā, á si ŋghʉ̄ɛ, ḿpɛ cʉ́ʼɛ ŋŋīa ŋia. Ajū mīi, á ké gɔ á tswíte á yímpɛ á legʉɔ mé mvhɔ, á si ŋgɔ́ á lewɛ ŋkɔŋne, á tsetsɛlɛ pímpɛ.

2 Kɔlɛŋte 12:19

Tɛ efhó tɛ afʉʼ, pɛ nɔ̄ɔŋ ŋkwāŋa ŋ́gɛ, pek é si ndhʉ̄ɛ athū zék á mvhɔ pɛ lɛ́? Ŋgáŋ, pek zapaá ánɛ Klísto, ńtshí á mvhɔ Ndém tɛ́ eshúŋnɛ. Ŋ́ghʉ̄ɛ épúp me epɔ̄ memía, ńdɔkɔ efāʼa á légɛ, pɛ efɛ́ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ.

2 Kɔlɛŋte 13:11

Tsetsɔŋɔ, epɔ̄ memía, meŋ a ge elaʼne á wɛ́, elé gɛ, pɛ enáŋ mé lekāk. Pɛ ekāk ete, ńtswiʼne ntswhí ánɛ mɛnzhɛ Ndém. Pɛ etɔ́te mennɛ̄t mɛ́, ńzeŋne zeŋné. Pɛ ewɛ̄ á taʼ nchu á nnɔ pɛ. Pɛ enáŋ mé apwɛne. Púp, Ndém, á ŋwɛ́t ŋkɔŋne, ŋ́gɔ́ á ŋwɛ́t apwɛne, a egɔ́ mé pɛ.

Efɛze 4:12

A le ghʉ̄ épúp, ńdɔkɔ efāʼa ŋ́gɛ, epuɔ Ndém, e ekūʼ á wɔ́p á leghʉ afaʼ, á lelɔk ŋghʉ̄, mbe nnɛ̄t Klísto, álúŋ epuɔ pí, á tswhí ŋgʉ̄ɔ mé mvhɔ.

Efɛze 4:29

Ndɛ́ʼ anu tepɔŋ á tó á nchu pɛ, azi ŋgɔ́ éyi ashuŋne a tó á nchu pɛ, á gɔ́ azi mbɔŋ, pɛ eshúŋ ndɔ̄k ḿbʉ́ʼte epʉ́ʼte, ńdɔk ntswíte epuɔ pīi, pɔ́ é si njúʼɔ á wɛ́ á leshūŋne.

1 Timotɛ 1:4

Lé á mbū pɔ́p ŋ́gɛ, pɔ́ etshī menu ŋgiŋte yiŋté, ánɛ páʼ ndhu te mi wɔ maŋgānjʉʼ pɔ́p, é ziīŋ épúp nnéŋ. Pɔ́ ghʉʉ̄ épúp páʼā, á néŋ áa aŋak á tsetsɛlɛ pɔ́p, ńtɔ́k á letswi á wɔ́p ajū mīi, Ndém a á si ŋkɔ̄ŋɔ. Leghʉ ajū mīi Ndém a á si ŋkɔ̄ŋɔ, á piŋ efhó áa ánɛ lefɛ̄ nnɛ̄t ŋgyá mé yí.

2 Timotɛ 2:22

Kʉ menu tepɔŋ mīi epɔ̄ ŋgwɛso, é khʉneé á leghʉ. Gɔ́ efʉʼ metsem, efāʼ á wú á legɔ̄ á ŋiŋ ndeŋ ndeŋ, á mvhɔ Ndém, éfɛ́ nnɛ̄t ŋgyá á mbū Yɛɛ́so, ŋ́gwɛ̄ ŋkɔŋne, ńnáŋ mé apwɛne, pɛ a epuɔ pīi, pɔ́ swiŋteé á Atsyapuɔ Ndém mé taʼ ntē.

Eble 12:14

Pɛ enáŋ mé apwɛne, á tsetsɛlɛ epuɔ metsem. Ńnáŋ efʉʼ metsem, ńdɛ̄tne áa ánɛ Atsyapuɔ Ndém, melaʼ mīi, ŋiŋ a gɔ te lɛ̄tne ánɛ Ndém ɛ́, mbɔ a te e láʼ ejʉ́ɔ á yí í.

1 Piɛ 3:11

Á pɔŋ ŋ́gɛ ŋgaŋ a elʉɔ́ʼte anu tepɔŋ, ńcʉ́ʼɛ ŋghʉ̄ɛ áa menu mbɔŋ. Ńnáŋ efʉʼ metsem, ŋ́gwɛ̄ apwɛne á nnɔ epuɔ, ŋ́kāk ete, ŋ́gwɛ ndɔ̄k ŋgʉ̄ɔ mé mvhɔ,