Lomɛŋ 14:18 - Eka Eswhī

¹⁸ Ŋiŋ a ge eghʉ afaʼ Klísto, ŋ́gwɛ̄ ntií atswhī jʉɔ mɛ́t, mbɔ á pɔŋ á Ndém, epuɔ menɔŋ e ekɔ̄ŋte á yí.

Lomɛŋ 14:18 Iomraidhean Croise

Málkúsi 13:34

Anu aleʼé mɛ́t, á swhií anu ŋiŋ yīi, a á si ŋgʉ̄ɔ mé leziŋ. Ŋ́gē etó á mba, ńtsékne megaŋ afaʼ éwú, ŋ́gyá azi afaʼ awíɛ awíɛ, ńdé á mbū mbio‑mba ŋ́gɛ, ndɛ́ʼ á cʉ́ʼ ndí.

Jáaŋ 12:26

Ŋiŋ a nɔŋ ŋkɔ̄ŋɔ á yí á legɔ̄ ŋgaŋ afaʼ ga, á tsé á nzem meŋ. Ajʉʼ zīi meŋ á éwú la, á shʉʼ nzéŋ ŋ́gɔ́ azí éwú. Ŋiŋ a nɔŋ ŋghʉ̄ɛ afaʼ zá, mbɔ Mɔʼɔ́ ga a a shʉʼ ekɔŋte á yí.

Mefaʼ Meziŋ-ntō 10:35

Ŋiŋ a nɔŋɔ ŋgūʼtɛ á Ndém, ŋ́gɔ́ á ŋiŋ ndeŋ ndeŋ, mbɔ Ndém a á véŋ á yí véŋ. Tɛ a zi mbú ntó ánɛ aziɛ́ alāʼ lɛ́.

Lomɛŋ 12:11

Pɛ elɔ̄k á taʼ ntē, ńdɔ̄k akhʉne tɛ́ ŋghʉ̄ afaʼ á mbū Atsyapuɔ, ndɛ́ʼ pɛ egɔ́ melɔ́ŋ.

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 16:18

Ntií epuɔ jʉɔ mɛ́t, é páʼā, pɔ́ té ŋghʉ̄ɛ afaʼ á mbū Klísto Atsyapuɔ yímpɛ ɛ́, pɔ́ lɔkɔ áa levem tsɔ́p nzīŋɛ. Pɔ́ lɔɔ̄k meleté eshuŋne, pɔ́ meshuŋne á lelɔk ndʉ̄te epuɔ, ḿbɔ̄pte wɔ véŋ véŋ.

Lomɛŋ 6:22

Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

1 Kɔlɛŋte 7:22

Ndɛ́ʼ o zóko nzāpa nnɛ̄t ju melaʼ mīi, ŋiŋ yīi a á ŋgɔ́ á apuʼ, tɛ Atsyapuɔ Ndém á lɔk á yí ŋghʉ̄ á ŋiŋ yi, ŋgaŋ a te zɛ́t á apuʼ ɔ́, melaʼ mīi Atsyapuɔ Yɛɛ́so Klísto a á záʼ ŋkhʉ á ntɔ̄ŋ yí. Ndeŋ ndeŋ épúp, ŋiŋ yīi a á ŋgɔ́ á ŋga athū yí, Ndém á piŋ ndɔ̄k á yí ŋghʉ̄ á ŋiŋ yi, ŋgaŋ a cʉʉ́ʼ ŋkwa Klísto.

2 Kɔlɛŋte 4:2

Pek le pú ndʉ̄ʼ ajūɔ tsem zīi, mɛ́ kɔ́ŋne kɔŋné tɛ́ ŋghʉ̄, ńdʉ̄ʼ ajūɔ tsem zīi, á gɔ enéŋ esē á athū pek. Pek te si mbɔ̄ptɛ epuɔ ɔ́. Pek te si ŋkúmnɛ anu zīi, ashuŋne Ndém á si ndʉ́ɛ́. A cʉ́ʼɛ épúp, mbɔ pek é si ŋghʉ̄ɛ mɛ́ zhɛ́ɛ anuúnē ndeŋ ndeŋ, ńdɔkɔ efāʼa á leghʉ, epuɔ menɔŋ metsem, é zhɛ́ á légɛ, pek é si ŋgɔ́ epuɔ ndeŋ ndeŋ, á mvhɔ Ndém.

2 Kɔlɛŋte 5:11

Pek é si nzhɛ́ɛ anu zīi, lewuʼte Atsyapuɔ, á páʼā ndɔkɔ ndʉ́ɛ́, ńnɔŋ efāʼa á leghʉ, tɛ epuɔ menɔŋ é véŋ azɔ́p. Ndém a zhɛɛ́ á wék tɛ ntsékne. Meŋ á kwaŋ ŋ́gɛ, pɛ méŋwɛ̄t é zhɛɛ́ á gá azá tɛ ntsékne, á ntē pɛ.

2 Kɔlɛŋte 5:9

Ḿpɛ é si ŋké ntsáa áa leghʉ ajū mīi, a pɔŋ á yí, tɛ a láʼa ŋgɔ́ éyi, ḿpɛ e fhó ánɛ mbe jʉɔ etó, kɛ ḿpɛ ezɛ́t enáŋ éwú lɛ́,

2 Kɔlɛŋte 6:4

A cʉ́ʼɛ épúp, mbɔ pek méŋwɛ̄t é si ntswīi á légɛ, pek é si ŋgɔ́ megaŋ afaʼ Ndém, ánɛ ajūɔ tsem zīi, pek ghʉɛ. Ńdɔ̄k á wék á lekak ete, á afʉʼ zīi, pek é ntē ŋgʉɔ̄ʼ, á afʉʼ zīi, mɛ́ é si ndʉɔ́ʼɔ á wék, mbɔɔ afʉʼ zīi, pek é ntē atapne, tɛ́ ntswī.

2 Kɔlɛŋte 8:21

Pek é si efāʼa a leghʉ ajū mīi, á mbɔŋ á mbū Atsyapuɔ. Á le gɔ́ mbɔŋ á mbū Atsyapuɔ ndaʼ á, ńzéŋ ŋgɔ́ mbɔŋ á mbū epuɔ menɔŋ.

Fílíip 4:18

Meŋ á chʉ́ nnɛ̄t mvéŋ ŋ́gɛ, meŋ ke jʉ́ɔ ajūɔ tsem zīi, pɛ ke tó á mbū meŋ. Á ke pú nzá, ńtɔ́k azi á ŋgɔ́ á mbū meŋ ŋkíŋɛ. Tsetsɔŋɔ, páʼ Epaflodit a ke lɔ̄k etsō tɛ nzá eshʉʼ ŋgyá mé meŋ lā, amɔ̄ʼ azō á té zɛ́t á mbū meŋ ŋkíŋɛ ɛ́. Etsō mɛ́t é si ŋgɔ́ páʼ epɔʼ yīi, é lemteē azík mbɔŋ, épɔʼ yīi, mɛ́ é yá á mbū Ndém, tɛ á véŋ, é nɔŋ mbɔ̄ŋɔ á yí lā.

Fílíip 4:8

Meŋ a ge emakne me epɔ̄ memía, élé mé pɛ gɛ, pɛ etshí á akwaŋte zɛ́ ánɛ ajūɔ tsem zīi, azwíŋ á éwú, ńdɔkɔ ndʉ́ɛ́ ajū mīi, á anuúnē, áju mīi á ndeŋ ndeŋ, áju mīi á te alɔ́ʼ, áju mīi á gɔ epɔ̄ɔŋ epuɔ, áju mīi mɛ́ gɔ ekɔ̄ŋte, áju mīi mɛ́ gɔ ewūʼte, áju mīi á yaá mekuʼ.

Kɔlɔs 3:24

Ńnɔŋ nzhɛ́ɛ á légɛ, Atsyapuɔ a a láʼ eyá ntaŋá yīi, a le laʼnē á mbū pɛ. Kwaʼ Mɔʼɔ́ wɛ a gɔ́ áa Klísto, pɛ pīiŋ nnɔ̄ŋ ŋghʉ̄ɛ afaʼ zí.

1 Timotɛ 2:3

Mɛ́ swíŋtɛ á Ndém ánɛ ejʉɔ ntií mɛ́t, á gɔ́ mbɔŋ, ŋ́gɔ́ ajū mīi Ndém yímpɛ, Ŋghʉɛ‑mɛ́‑tswɛ́t, a á si ŋkɔ̄ŋɔ.

1 Timotɛ 5:4

Taʼ mpfók menzwí a piŋɛ ŋgwɛ̄ ewɔŋkhʉ̄, ká ewɔŋkhʉ̄ ewɔŋkhʉ̄, mbɔ pɔ́ mé pɔɔ́ŋ á lezi mvhɔ, ńzíʼne á lenāŋ á ŋgyā pɔ́p, páʼ Ndém a á si ŋkɔ̄ŋɔ. Ńtúŋne memɔʼɔ́ pɔ́p ká memɔʼɔ́ mɔʼɔ́ pɔ́p, ńdeŋ ndeŋ páʼ memɔʼɔ́ pɔ́p, é le tuŋné á wɔ́p azɔ́p épúp. Á páʼa ŋgɔ́ á ajū mīi, á pɔɔ̄ŋ á Ndém.

1 Piɛ 2:12

Pɛ ewɛ̄ á atswhī mbɔŋ á tsetsɛlɛ wɔ te zhɛ́‑kwaʼ Ndém, tɛ ŋgɔ́ yīi, pɔ́ zi ncɔ̄p á wɛ́ ŋ́gɛ, pɛ é ghʉ anu tepɔŋ, pɔ́ fhó ánɛ mefaʼ mbɔŋ mɛ́, ŋ́gūʼte á Ndém, á aleʼé zīi Ndém a shʉʼɛ, á nzáʼ ntsaŋ.

1 Piɛ 2:20

O faa anu, tɛ mɛ́ nɔ̄ŋ ŋgɔ̄ á ntswá wu, o nɔ̄ŋ ŋkwɛ́tɛ ntē, mbɔ o o jhʉ́ á apɛ akɔ̄? Mɛ́ piŋɛ ŋgē etswá á wú, á gɔ́ éyi, o ó ŋghʉ̄ anu mbɔŋ, o pīŋ nnɔ̄ŋ ŋkwɛ́tɛ ntē, mbɔ á páʼā, o lɔkɔ ŋghʉ̄ɛ á mbɔŋɔ́ á mvhɔ Ndém.

1 Piɛ 2:5

Pɛ azɛ́, pɛ ecʉ́ʼ páʼ metɔ́ nte lā. Ńcʉ́ʼ, Ndém a elɔ̄k á wɛ́ ŋkwɛ́t ŋgyā zi. Ŋgyā mɛ́t, Azwakne Ndém mé naáŋ éwú. Pɛ egɔ́ á ŋgyā mɛ́t, ŋ́gɔ́ nnɔ wɔ nɔŋ‑epɔʼ Ndém, Azwakne Ndém a etshóne á wɛ́, pɛ eyá etsō epɔʼ á mbū Ndém, étsō epɔʼ tsīi e pɔŋ á Ndém, a etswí melaʼ Yɛɛ́so Klísto.

1 Piɛ 3:16

Ŋ́ké ncʉ́ʼ mé leshūŋ, ńdɔ̄k áa nda nda pɔ́ mekuʼ. Á mbɔŋ ŋ́gɛ, akwaŋte zɛ́ a enɔ̄ŋ le ŋŋāka á wɛ́ ɛ́, tɛ́ a etsīa épúp, esē e ekú epuɔ pīi, pɔ́ sɛ́ʼɛ á wɛ́. Épuɔ pīi pɔ́ shúŋnɛ té pɔŋ ánɛ pɛ, melaʼ mīi, pɛ é si nzīŋɛ ánɛ mɛnzhɛ Klísto, á mɛnzhɛ mbɔŋ.