Lomɛŋ 14:17 - Eka Eswhī

¹⁷ melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 14:17 Iomraidhean Croise

Matío 3:2

«Pɛ egɔ̄ nnɛ̄t zɛ, ŋgwáʼ atswhī tepɔŋ zɛ́, melaʼ mīi afʉʼ zīi, Ndém a gɔ á esáʼ lefɔ tsí, á tshóne tɛ mbáte. »

Matío 6:33

Pɛ ezī mvhɔ, ńnéŋ ntē wɛ́ ánɛ Lefɔ Ndém, ŋ́ghʉ̄ ajū mīi Ndém a á si ŋkɔ̄ŋɔ ŋ́gɛ mɛ́ eghʉ̄, a epiŋ nnáŋa ŋgyáa ecʉɔ etsō mɛ́t ntsem, á mbū pɛ.

Lúkási 14:15

Yɛɛ́so á lé épúp, mmɔʼ ŋiŋ á nnɔ epuɔ pīi, pɔ́ a pɔ́p é nɔŋ mpfɛ́tɛ etsō, á lé ŋ́gɛ: «Eshhʉ̄ mbɔŋ a á ŋiŋ yīi, a a shʉʼ ejhʉ́ lekāk tsīi, Ndém á yáa á ntē ŋgɔŋ eswhī. »

Jáaŋ 16:33

Meŋ á pú eshúŋ á wɛ́ emuɔ menu mɛ́t, ńdɔkɔ ŋ́gɛ, páʼ pɛ lɛtneē ánɛ meŋ lā, apwɛne a egɔ́ mé pɛ. Pɛ é ntē ŋgɔŋ ega páʼa, ŋ́gɔ́ áa ntē atapne. Táʼ, pɛ eké ŋkāk ete, meŋ ndē ndáʼ nte ńtsyā anu tepɔŋ, á ŋgɔŋ ega. »

Jáaŋ 3:3

Yɛɛ́so á pwɛt á mbū yí ŋ́gɛ: «Kwaʼ anuúnē anuúnē, meŋ shúŋɔ á wú ŋ́gɛ, mɛ́ gɔ te zhí á ŋiŋ leswhī leswhī ɛ́, mbɔ a gɔ le kó á ntē Lefɔ Ndém ɛ́. »

Jáaŋ 3:5

Yɛɛ́so á pwɛt á mbū yí ŋ́gɛ: «Kwaʼ anuúnē anuúnē, meŋ shúŋɔ á wú ŋ́gɛ, ŋiŋ a gɔ le kó á ntē Lefɔ Ndém, té gɔ́ yīi, mɛ́ é zhí á yí mé ntshi pɔ́ Azwakne Ndém ɛ́.

Mefaʼ Meziŋ-ntō 13:52

Ŋ́gɔ́ mé epuɔ Yɛɛ́so á tésɔŋ Aŋtiɔsh ega mɛ́t, Azwakne Ndém á zɛ́t nnáŋ á ntē pɔ́p tɛ ndó, pɔ́ piŋ nnɔ̄ŋ nnáŋa mé lekāk.

Mefaʼ Meziŋ-ntō 9:31

Emuɔ menu mɛ́t é tɔ́k páʼā, melúŋ epuɔ Yɛɛ́so mīi é Yudéa, mbɔɔ á Ŋgaliléa, pɔ́ Samalía, é nɔŋ nnáŋa mé apwɛne. Ńnɔŋ ntɔ́tɛ mennɛ̄t mɔ́p, ńjúʼɔ nchu Atsyapuɔ. Azwakne Ndém á nɔŋ ntswítɛ á wɔ́p á lezā ŋgʉ̄ɔ mé mvhɔ.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 8:6

Ŋiŋ a ziīŋ páʼ, mbe nnɛ̄t zi mé si ntshónɛ á yí ŋ́gɛ, a ezīŋ épúp páʼā, ńdɔkɔ nzīŋɛ ánɛ mɛnzhɛ lewhʉ̄. Ŋiŋ á piŋ nzīŋ páʼ Azwakne Ndém mé si nzɛ́ttɛ épúp páʼā, ńdɔkɔ nzīŋɛ ánɛ mɛnzhɛ yīi, Ndém a a ghʉ, a egɔ́ éwú, ŋ́gwɛ̄ apwɛne.

1 Kɔlɛŋte 1:30

Yí Ndém mé le tswāŋ á wɛ́ a Yɛɛ́so Klísto. Ŋ́ghʉ̄ɛ épúp páʼā, ŋ́gɛ Yɛɛ́so Klísto a egɔ́ á mbū pímpɛ, ŋ́gɔ́ á ŋiŋ yīi a zíʼnɛ azhɛ̄‑anu zīi, á fhɔ́ɔ á mbū yí Ndém. Á zeéŋ ŋgɔ́ melaʼ Yɛɛ́so mɛ́t, tɛ́ ḿpɛ é epuɔ ndeŋ ndeŋ á mvhɔ Ndém. Mbɔ Yɛɛ́so a le cūʼ á yímpɛ, ánɛ mefa, ḿpɛ é tswhi ŋgɔ́ epuɔ Ndém.

1 Kɔlɛŋte 4:20

Mɛ́ gē ezhɛ́ á légɛ, Ndém a á lɔk á ŋiŋ ŋghʉ̄ á ŋiŋ lefɔ yi, éfhó ánɛ leghʉ ŋgaŋ, éyi a tswii mete Ndém, mɛ́ té fhó ánɛ ashuŋne ŋgaŋ á.

1 Kɔlɛŋte 6:9

Pɛ te si nzhɛ́ɛ á légɛ, wɔ ghʉ‑anu tepɔŋ, é té láʼ ewɛ azɔ́p ajʉʼ á ntē Lefɔ Ndém ɛ́ lɛ̄? Ndɛ́ʼ azō á kʉɛ leghi tsɛ́. Megaŋ agā, mbɔɔ epuɔ pīi, pɔ́ wuʼtɛ mesī, mbɔɔ wɔ wɛ‑mɛgap, mbɔɔ mbaŋa zīi, é véŋɛ ŋ́gɛ, mɛ́ elɔ̄k á wɔ́p ŋghʉ̄ wɔnzwí, mbɔɔ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ,

1 Kɔlɛŋte 8:8

Ḿpɛ é si nzhɛ́ɛ á légɛ, etsō lejhʉ̄ mé gɔ le ghʉ̄, ḿpɛ tshóte nnɛ̄t mé lezēŋ Ndém ɛ́. Ḿpɛ pfɛ́tɛ, mbɔ amɔ̄ʼ azō á té tswiʼne ánɛ pímpɛ ɛ́. Ŋ́gɔ́ te pfɛ́t, mbɔ ḿpɛ ka amɔ̄ʼ azō, ánɛ lenāŋ yímpɛ pí í.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Fílíip 2:1

Páʼ legɔ̄ yīi, Klísto mé si ntsāŋa á wɛ́, a á si ŋghʉ̄ɛ pɛ etētɛ lā. Páʼ ŋkɔŋne zīi a wɛɛ̄ ánɛ pɛ, e é si nnɔŋ ŋghʉ̄ɛ, pɛ ekāka ete lā. Páʼ pɛ kuʼteé Azwakne Ndém tɛ́ ndɔk nnáŋ lā. Páʼ pɛ wɛɛ̄ apɔŋɔ́ ntē pɔ́ atsāmezeŋɛ á tsetsɛlɛ pɛ lā.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Fílíip 4:4

Páʼ pɛ lɛtneē ánɛ Atsyapuɔ lā, pɛ enáŋ efʉʼ tsem mé lekāk. Meŋ zéŋɛ ndʉ́ɛ́ mé pɛ, pɛ enáŋ mé lekāk.

Fílíip 4:7

Pɛ ghʉɛ épúp, Ndém á yá á wɛ́ apwɛne zīi, á puú efáŋ ńtɔ́k ajū mīi, leghi ŋiŋ ntsem, é gɔ ekwāŋte. Apwɛne mɛ́t, a epú ŋkápte á wɛ́, ńtɔ́te leghi tsɛ́, melaʼ mīi pɛ lɛtneē ánɛ Yɛɛ́so Klísto.

Kɔlɔs 1:11

Pek é si eswíŋtɛ á yí ŋ́gɛ, a elɛ ndɔ̄k á mía mía mete mí, ŋ́ghʉ̄ pɛ etēte ánɛ meshhʉ̄ ntsem, tɛ́ ndɔk ŋkūʼ á wɛ́ á lekwɛ̄t ntē, ŋ́kāk ete ánɛ ajūɔ tsem. Pɛ elɔ̄k lekāk,

1 Tesalonik 1:6

Ŋ́ké ŋgɔ́ mé pɛ, mbɔ pɛ le zīŋ ánɛ mekhu mék, mbɔɔ ánɛ emi Atsyapuɔ. Pɛ le tswí ŋke mbɔŋ, mɛ́ gene á wɛ́ melaʼ ewiɛ́. Táʼ, Azwakne Ndém, á tswíte á wɛ́ á lelɔk lekāk ŋkúʼte.

1 Tesalonik 2:12

Pek kɛ te néŋ té semte á wɛ ɛ́. Pek te néŋ te yá á wɛ́ ŋgate ɛ́. Ńchʉ́ nnɛ̄t nték á wɛ́, ŋ́gɛ pɛ ezīŋ ánɛ mɛnzhɛ yīi, Ndém a á si ŋkɔ̄ŋɔ. Yí mé si ntɔ́ŋɔ á wɛ́ ŋ́gɛ, pɛ eshʉ̄ʼ ŋkó á ntē Lefɔ yí, mbɔɔ á ntē lewūʼ tsí.

Eble 13:9

Ndɛ́ʼ pɛ ecʉ́ʼ mɛ́ lɔk á ntií ntiī menu eswhī mīi, mɛ́ zíʼnɛ á wɛ́ ánɛ Ndém, ŋ́ghʉ̄, pɛ efāa nzhɛ. Mɛ́ é si nzíʼnɛ á wɛ́ ŋ́gɛ, etsō lejhʉ̄ é gɔ eghʉ̄ʉ, ŋiŋ á tete ánɛ mɛnzhɛ Ndém. Epuɔ pīi pɔ́ kuʼteé anu jʉɔ mɛ́t, pɔ́ la amɔ̄ʼ apɛ éwú jhʉ́ ɛ́. Ndém a lɔɔ̄k apɔŋɔ́ ntē te ndhʉ zí tɛ́ ŋghʉ̄, ŋiŋ á tete ánɛ mɛnzhɛ yi.

1 Piɛ 1:8

Á yí yīi, pɛ é si ŋkɔ̄ŋɔ á yí, té zi ŋgɔ́ aleʼé ntshí lezēk ánɛ yí. Á yí yīi, pɛ fɛɛ́ nnɛ̄t ŋgyá á mbū yí, tɛ nzī nzɛ́t áa té jʉ́ɔ á yí. Melaʼ épúp tɛ́, pɛ é ntē lekāk té ndhʉ, ŋ́kák tɛ ŋgɔ́ yīi, mɛ́ gɔ le zhɛ́ páʼ, mɛ́ gɔ eshúŋ épúp ɔ́.

2 Piɛ 1:1

Meŋ Simɔŋ Piɛ, ŋ́gɔ́ á ŋgaŋ afaʼ Yɛɛ́so Klísto, ńzéŋ ŋgɔ́ á nziŋ‑ntō yi, mé tíi akɛtte jʉɔ páʼa. Ńtíi á mbū epuɔ pīi, é lē efɛ́ nnɛ̄t ŋgyá á mbū Yɛɛ́so, páʼ pek lā. Lefɛ̄ nnɛ̄t ŋgyá mé Yɛɛ́so, á azō ntē nzwiŋ tɛʼ, á mbū pɛ, mbɔɔ á mbū pek. Yɛɛ́so Klísto mé le ghʉ̄ épúp ánɛ pímpɛ, melaʼ mīi, a lɔɔ̄k á ndeŋ ndeŋ, tɛ́ ŋghʉ̄ azō ánɛ awíɛ awíɛ. A á Ndém yímpɛ, ńzéŋ ŋgɔ́ á Ŋghʉɛ‑mɛ́‑tswɛ́t.