Lomɛŋ 14:13 - Eka Eswhī

¹³ Púp, ndɛ́ʼ ḿpɛ ezéŋ nthúne melɔ́ʼ, tɛ mbā á ŋiŋ. Pɛ enéŋ á ntē pɛ, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ wɛ á kwate, ká ŋgwhʉ̄ á ntē mefa á.

Lomɛŋ 14:13 Iomraidhean Croise

Matío 16:23

Yɛɛ́so á pekne nnɛ̄t, ńdé mé Piɛ ŋ́gɛ: «Sɛ́ta, fhó á nzem meŋ ŋgʉ̄ɔ. O ó si mvɛ́nɛ á gá á leghʉ ajū mīi, Ndém a á si ŋkɔ̄ŋɔ. Akwaŋte jú á té si ŋgɔ́ akwaŋte Ndém ɛ́, á si ŋgɔ́ áa azi epuɔ menɔŋ. »

Matío 18:7

Meshhʉ̄ tepɔŋ é si ŋgɔ́ epuɔ pīi, pɔ́ é esī atsetsáʼ ŋ́ghʉ̄ɛ, epuɔ tɛ nzáne é faa nzhɛ. Ajū mīi á gɔ eghʉ̄ʉ, ŋiŋ á fa nzhɛ, á gɔ́ le púŋ. Táʼ, ndɔ e é athū ŋiŋ yīi, a á tshóne á ŋiŋ, ńnéŋ á ntē mefa.

Matío 7:1

Yɛɛ́so á zéŋ ndé ŋ́gɛ: «Ndɛ́ʼ ŋiŋ á thú alɔ́ʼ ŋiŋ tɛ mbā á yí, tɛ́ Ndém a eláʼ le azí thú,

Lúkási 12:57

«Pɛ te kūʼ á wɛ́ á lezhɛ̄ ndeŋ ndeŋ anu yīi, ŋiŋ a pɔŋteé á leghʉ ɛ́ lɛ̄?

Lúkási 17:2

A ghʉɛ épúp, tɛ mbɔɔ á mbū taʼ, á nnɔ ewɔŋkhʉ̄ puɔ, mbɔŋ á gɔ́ mbū yí, á mɛ́ legaŋ á mía mía tɔ́ á ntɔ̄ŋ yí, ḿmāʼ á yí á ntē mía ntshi, ńtɔ́k á letshi á yí néŋ, á kʉɛ ndɔ á mbū Ndém.

Lomɛŋ 11:9

Efɔ Ndavít a le lé azí ŋ́gɛ: «Ŋ́gɛ lekāk tsīi pɔ́ jhʉ́ɛ, e egɔ́ á mbū pɔ́p, ŋ́gɔ́ páʼ letā, ŋ́gɔ́ páʼ lekhʉ tsīi, pɔ́ e shʉʼ ewhʉte éwú, Ndém a etswá á wɔ́p ŋgʉɔ athʉ́ lepé lā.

Lomɛŋ 14:10

Ḿbiŋ ŋgɔ́ mé wu, mbɔ melaʼ akɔ̄, o piŋɛ nthúɔ alɔ́ʼ méŋ mɔ́ wu, tɛ mbāa á yí í? Ŋ́gɔ́ mé wu, mbɔ melaʼ akɔ̄, o piŋɛ ŋŋyāŋnɛ á méŋ mɔ́ wu ú? Á páʼā, ḿpɛ metsem e eláʼ ntshí á mvhɔ Ndém, a ezáʼ ntsaŋ awíɛ awíɛ.

Lomɛŋ 14:3

Ŋiŋ yīi a pfɛɛ́t etsō tsem, a te pɔŋté á leŋyaŋne á ŋiŋ yīi, a gɛ te mpfɛ́tɛ mbap á ā. Ŋiŋ yīi, a piīŋ te mbap pfɛ́t, a te pɔŋté á lethū alɔ́ʼ ŋiŋ yīi a pfɛɛ́t etsō tsem, tɛ mbā á yí í, melaʼ mīi Ndém á veéŋ á ŋgaŋ azí.

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 16:17

Epɔ̄ memía, meŋ á si ntswɛ̄tɛ á wɛ́ ŋ́gɛ, pɛ epá megaŋ aŋwaŋ, pɔ́ gɔ elɔ̄ɔk á lelʉɔ̄ʼ anu zīi, mɛ́ le ziʼné á wɛ́, ŋ́ghʉ̄ tɛ pɛ efāa nzhɛ. Pɛ ekʉ̄ á wɔ́p.

1 Kɔlɛŋte 10:32

Pɛ enáŋ ánɛ ntií zīi, lenāŋ wɛ a gɔ le ghʉ̄, ŋiŋ á fa nzhɛ ɛ́. Tɛ a láʼa legɔ̄ á ŋiŋ Yúda, tɛ a láʼa legɔ̄ á ŋiŋ yīi a te ŋiŋ Yúda á, tɛ a láʼa legɔ̄ emɔ̄ʼ epuɔ Ndém.

1 Kɔlɛŋte 11:13

Pɛ méŋwɛ̄t e enáʼ ŋkwaŋte njúʼ. Tɛ á péʼe, ŋ́gɔ́ mbɔŋ ŋ́gɛ, menzwí a eshʉʼ ntshí á mvhɔ epuɔ, éswíŋte á Ndém, té athū zí ŋgɔ́ ŋkwɛ́t kwɛ́t e?

2 Kɔlɛŋte 5:14

Ŋkɔŋ te ndhʉ zīi, Klísto a wɛɛ̄ ánɛ pek, mé tshoneé á wék á leghʉ ajūɔ tsem, melaʼ mīi pek é si ncuŋtɛ nzhɛ́ɛ á légɛ, yí ndaʼ mé le kwhʉ́ á athū epuɔ metsem. Epuɔ metsem é tsia épúp, ŋ́kwhʉ́ ánɛ mefa mɔ́p.

2 Kɔlɛŋte 6:3

Pek te si ŋkɔ̄ŋɔ á leghʉ tsɔ azō, tɛ ŋgɔ́ yīi, á gɔ etshóne á ŋiŋ, ńnéŋ á ntē mefa á, ńdɔkɔ efāʼa ŋ́gɛ, ndɛ́ʼ ŋiŋ, á jʉ́ɔ ajū mīi, a gɔ elɔ̄ɔk nthú alɔ́ʼ, ánɛ afaʼ zék.

Fílíip 1:10

A egɔ́ épúp, pɛ elɔk ŋkūʼ á lesāŋ tɛ ŋkāŋ nzhɛ mbɔŋ, ŋ́kúʼte. Ńdɔk ndáʼ mbú ŋ́gɔ́ té alɔ́ʼ, épuɔ pīi Yɛɛ́so Klísto, a te e láʼ enɔŋ elaʼa á wɔ́p, á aleʼé zīi, a piŋɛ nzem ɛ́.

1 Timotɛ 5:14

Púp tɛ́, meŋ á lé ŋ́gɛ, mepfók wɔnzwí pīi, pɔ́ zɛɛ́t ewɔŋkhʉ̄, pɔ́ ezéŋ ndá ŋgyā, ńzhíte ewɔŋkhʉ̄, ńtúŋne ŋgyā zɔp. Pɔ́ le yá eshhʉ̄ á mbū megaŋ mbo, á lesɛ̄ʼ á yímpɛ ɛ́.

Jáak 2:4

Mbɔ pɛ ghʉɛ épúp páʼā, ńdɔkɔ te ŋgɔ́ɔ megaŋ atɛʼte á nnɔ pɛ ɛ́ lɛ̄? Á té páʼā mbɔ pɛ é lɔk akwaŋte tepɔŋ, ńcʉ̄te á ŋiŋ ɛ́ lɛ̄?

Jáak 4:11

Epɔ̄ memía, ndɛ́ʼ pɛ esɛ́ʼne mennɛ̄t mɛ́. Ŋiŋ a sɛɛ́ʼ mmɔʼ páʼā, ká á lezāʼ ntsaŋ mmɔʼ páʼā, ńdɔkɔ esɛ́ʼɛ lepé, ńdɔkɔ nthúɔ́ alɔ́ʼ lepé Ndém. Ŋiŋ a piŋɛ nthú alɔ́ʼ lepé, mbɔ a á páʼā, ńdɔkɔ ncʉ́ʼɛ páʼ ŋiŋ yīi, a le néŋ lepé, ŋ́ké te á nneŋ‑lepé mɛ́t ɛ́.

1 Jáaŋ 2:10

Ŋiŋ a nɔŋ ŋkɔ̄ŋɔ á méŋ mɔ́ yi, mbɔ ŋgaŋ a á si ndɔ̄kɔ ŋkaʼ tɛ́ nzīŋɛ. Púp, ŋ́gɔ́ yīi, amɔ̄ʼ azō á gɔ le ghʉ̄ tɛ á fa nzhɛ ɛ́. »

Menjʉɔ te lí 2:14

Táʼ, o wɛɛ̄ á taʼ alɔ́ʼ yīi, meŋ gɔ á eshúŋ wu: emɔ̄ʼ epuɔ é nnɔ pɛ, ŋ́kúʼte anu zīi, Balam a zíʼnɛ epuɔ. Balam wuɔ mɛ́t, a le ték á efɔ Balak ŋ́gɛ, a etáte epuɔ Islaɛl, ńdɔkɔ efāʼa ŋ́gɛ, pɔ́ epfɛ́t mbap zīi, mɛ́ é lɔk ntsɔ́ʼ afɛʼ á mbū mesī, ńzéŋɛ ndɔkɔ efāʼa ŋ́gɛ, pɔ́ eghʉ̄ á agā.