Lomɛŋ 14:10 - Eka Eswhī

¹⁰ Ḿbiŋ ŋgɔ́ mé wu, mbɔ melaʼ akɔ̄, o piŋɛ nthúɔ alɔ́ʼ méŋ mɔ́ wu, tɛ mbāa á yí í? Ŋ́gɔ́ mé wu, mbɔ melaʼ akɔ̄, o piŋɛ ŋŋyāŋnɛ á méŋ mɔ́ wu ú? Á páʼā, ḿpɛ metsem e eláʼ ntshí á mvhɔ Ndém, a ezáʼ ntsaŋ awíɛ awíɛ.

Lomɛŋ 14:10 Iomraidhean Croise

Matío 7:1

Yɛɛ́so á zéŋ ndé ŋ́gɛ: «Ndɛ́ʼ ŋiŋ á thú alɔ́ʼ ŋiŋ tɛ mbā á yí, tɛ́ Ndém a eláʼ le azí thú,

Lúkási 18:9

Yɛɛ́so á náŋ tɛ mbɛ́te ashuŋne lepúʼ jʉɔ á mbū epuɔ pīi, pɔ́ é si ŋkwāŋa ŋ́gɛ, pɔ́ é epuɔ membɔŋ, ḿbiŋɛ ŋŋyāŋnɛ epi emɔ̄ʼ ŋ́gɛ, epuɔ tepɔŋ.

Lúkási 23:11

Elōde pɔ́ wɔ maʼ ncu pí, é piŋ nzī á lezɔte á Yɛɛ́so, ŋ́ŋɛ̄ne á yí, ḿbɛ́ nzhó lefɔ mmāʼ ánɛ yí, ńtó ŋ́gɛ, mɛ́ ezéŋ ndɔ̄k á yí ŋgʉɔ ŋgyá á mbū Pilat.

Jáaŋ 5:22

Mɔʼɔ́ ga a te ntsaŋ ŋiŋ záʼ, a lē ŋgyá mete ntsem á lelɔk nzáʼ ntsaŋ á mbū meŋ Méŋ yi.

Mefaʼ Meziŋ-ntō 10:42

Yɛɛ́so a le tswī me pek ŋ́gɛ, pek mé pɔŋteé á letswi á mbū alāʼ ŋ́gɛ, yí tɛ́ Ndém a le chʉ́ʉ̄, ńdɔk ŋghʉ̄ á ŋiŋ yīi, a záʼa ntsaŋ zɔp a epuɔ mete mbɔɔ ezɔp a mepfhō.

Mefaʼ Meziŋ-ntō 17:31

A le néŋ á taʼ aleʼé yīi, a pɔŋteé á lelɔk nzáʼ ntsaŋ zɔp a epuɔ menɔŋ ndeŋ ndeŋ, a le tsɔ́ʼ á ŋiŋ yīi, a a shʉʼ ezáʼ ntsaŋ mɛ́t. Ŋ́ghʉ̄, ŋgaŋ á zím ánɛ lewhʉ̄, ńdɔkɔ eshúŋɔ epuɔ metsem ŋ́gɛ, nzaʼ‑ntsaŋ mɛ́t a a wɔ̄. »

Mefaʼ Meziŋ-ntō 4:11

Yí mé si ŋgɔ́ á ŋiŋ yīi, mɛ́ le tí ánɛ yí á ntē aŋwaʼne Ndém ŋ́gɛ: “Tɔ́ yīi, pɛ mepɔɔ‑ŋgyā, é ke kʉŋtē ŋgwáʼ, ewiɛ́ mé le shʉ̄ʼ ncʉ́ʼ á tɔ́ lezhō ŋgyā.”

Lomɛŋ 2:16

Á páʼa, ŋ́gɔ́ ajū mīi, a láʼ etɔ́ke, á aleʼé zīi Ndém a zápa ánɛ Yɛɛ́so Klísto, ŋ́ŋāka epuɔ menɔŋ, ánɛ menu mīi, pɔ́ lʉɔ ánɛ lenāŋ tsɔ́p. Á lɔk ŋgɔ́ páʼ ŋke mbɔŋ yīi, meŋ tswii, é si ndʉ́ɛ́ épúp.

1 Kɔlɛŋte 4:5

Ńdɔkɔ ŋ́gɛ, ndɛ́ʼ pɛ efāaʼ á lezhɛ̄, kɛ ŋiŋ a á ghʉ á mbɔŋɔ́ kɛ ŋgáŋ lɛ́ ɛ. Pɛ ezwíʼte, afʉʼ a eláʼ ŋkūʼ. Pɛ ezwíʼte tɛ Atsyapuɔ a eláʼ mbīŋ nzem. Á láʼ aleʼé mɛ́t, a ekɛ̄ʼɛ á akʉ̄ɛ akʉ̄ɛ zīi, á tsetsɔŋɔ ŋgɔ́ ndʉɔne lʉɔne á ntē amɔ nzém. Ajū mīi epuɔ é lʉɔ̄ á ntē pɔ́p, a epú nzéŋ ŋ́ghʉ̄, mɛ́ ezhɛ́. Púp, Ndém a efhó ánɛ afaʼ awíɛ awíɛ, tɛ́ ŋgūʼte á yí.

2 Kɔlɛŋte 5:10

melaʼ mīi, ḿpɛ metsem, e láʼ etshí á mvhɔ Klísto, a ezáʼ ntsaŋ zímpɛ. Éfhó ánɛ mefaʼ mīi, awíɛ awíɛ a le zɛ́t á esī atsetsáʼ ega, ŋ́ghʉ̄ɛ, kɛ emi mbɔŋ lɛ̄ɛ, kɛ emi tepɔŋ lɛ̄ɛ, ńzápa azí anu á alá apū yí.