Lomɛŋ 14:1 - Eka Eswhī

¹ Pɛ etswí á ŋiŋ yīi a á si mbwɛ́tɛ á ánɛ lefɛ̄ nnɛ̄t ŋgyá á mbū Klísto, ńnéŋ á nnɔ pɛ. Ndɛ́ʼ pɛ a pɔ́p é ŋak ánɛ ezi ntií lekwaŋte anu.

Lomɛŋ 14:1 Iomraidhean Croise

Matío 12:20

A te ndáʼa mbwɔ́ʼɔ akekaʼa zīi, á nzi nté njhʉ̄ nnɔŋ ntéŋnɛ ɛ́. A te mbíkɛ mmók ánɛ láam yīi, a á si nnɔŋ ŋgʉ̄ɔ mé mbí í. A shʉʼ eghʉ épúp, tɛ́ lɔk eghʉ, ajū mīi meŋ á si ŋkɔ̄ŋɔ, a etshí mvhɔ.

Matío 14:31

Yɛɛ́so á lɛ ŋgē ena apū elɔk ekwáp á yí, ńnɔŋ ndʉ́ɛ́ á mbū yí ŋ́gɛ: «Ewu lefɛ̄ nnɛ̄t ŋgyá mé meŋ, a te kʉɔ́k e. Melaʼ akɔ̄ o ó miʼte ē?»

Matío 18:10

«Pɛ epá á wɛ́ á lewāk tsɔ taʼ méŋ agáʼ mɔ́ á nnɔ ewɔŋkhʉ̄ puɔ. Meŋ shúŋɔ á wɛ́ ŋ́gɛ, mecɔʼ Ndém pīi é túŋnɛ á wɔ́p, é tshiteé á lezēŋ Mɔʼɔ́ ga á athʉ́ lephū, efʉʼ metsem. [

Málkúsi 7:19

Azi á fhoó á nzem apɛ́ lā, á té á ntē ŋiŋ kó, á koó áa levem ŋiŋ, ŋ́ghʉ ntɔ́k ŋ́gwhʉ̄ á akwɛt. Yɛɛ́so á lɛɛ́ ndʉ́ɛ́ épúp, ńdɔkɔ ŋ́gɛ, etsō lejhʉ̄ ntsem é páʼā, amɔ̄ʼ alɔ́ʼ á pú te éwú ú. »

Lúkási 17:2

A ghʉɛ épúp, tɛ mbɔɔ á mbū taʼ, á nnɔ ewɔŋkhʉ̄ puɔ, mbɔŋ á gɔ́ mbū yí, á mɛ́ legaŋ á mía mía tɔ́ á ntɔ̄ŋ yí, ḿmāʼ á yí á ntē mía ntshi, ńtɔ́k á letshi á yí néŋ, á kʉɛ ndɔ á mbū Ndém.

Jáaŋ 13:20

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a kóknɛ á ŋiŋ yīi, meŋ mé tó á yí, mbɔ ŋgaŋ a kóknɛ áa gá méŋwɛ̄t. Ŋiŋ a piŋɛ ŋkókne á gá, mbɔ a lɔkɔ ŋkóknɛ á ŋiŋ yīi, a le tó á gá. »

Mefaʼ Meziŋ-ntō 28:2

Epuɔ alāʼ mɛ́t é pú ŋkókne á wék á mbɔŋɔ́. Ńtswákne á mía mmók, pek eshʉ̄ʉʼ nzók, melaʼ mīi mbeŋ e le nɔ̄ŋ ndúu, efwɔ̄k é piŋ mbú nnɔŋ ŋkúu.

Lomɛŋ 11:15

Ndém a le náʼ mbaʼne á wɔ́p mé á nzem, ŋghʉ̄ ŋgɔŋ epuɔ metsem, é piŋ nzem á mbū yí. A láʼ aleʼé zīi, Ndém a ghʉɛ, pɔ́ zéŋɛ mbīŋɛ nzem á nnɔ, a lɛ ŋgɔ́ lɛ akɔ̄? A láʼ egɔ́ anu mbɔŋ tɛʼ, égɔ́ páʼ, ŋiŋ a kwhʉ́ɛ, ńzéŋɛ nzímɛ ánɛ lewhʉ̄ lā.

Lomɛŋ 14:2

Lefɛ̄ nnɛ̄t mmɔʼ ŋiŋ ŋgyá á mbū Klísto, a shuúŋ á yí á légɛ, á gɔ epú mpfɛ́t etsō tsem. Lefɛ̄ nnɛ̄t mmɔʼ ŋiŋ á ká, tɛ eshúŋ á yí ŋ́gɛ, a gɔ le mbap pfɛ́t.

Lomɛŋ 14:21

Ajū mīi á mbɔŋ, á si ŋgɔ́ á legɔ̄ le mbap pfɛ́t, á legɔ̄ le meluʼ nú, á legɔ̄ le ghʉ̄ ajū mīi, á gɔ eghʉ̄ʉ, méŋ mɔ́ á kwate ŋgwhʉ̄ á esī í.

Lomɛŋ 14:3

Ŋiŋ yīi a pfɛɛ́t etsō tsem, a te pɔŋté á leŋyaŋne á ŋiŋ yīi, a gɛ te mpfɛ́tɛ mbap á ā. Ŋiŋ yīi, a piīŋ te mbap pfɛ́t, a te pɔŋté á lethū alɔ́ʼ ŋiŋ yīi a pfɛɛ́t etsō tsem, tɛ mbā á yí í, melaʼ mīi Ndém á veéŋ á ŋgaŋ azí.

Lomɛŋ 15:1

Pek pīi pek teteē ánɛ lefɛ̄ nnɛ̄t ŋgyá á mbū Yɛɛ́so, pek pɔŋteé á lepʉ̄ʼte epuɔ pīi, pɔ́ é si ŋkáa ánɛ lefɛ̄ nnɛ̄t, ŋ́gē eghʉ épúp, pek é le ghʉ̄ ajū mīi, á pɔŋ áa wék ɛ́.

Lomɛŋ 15:7

A épúp tɛ́, pɛ ekókne mennɛ̄t mɛ́ nzeŋne zeŋné, ńdeŋ ndeŋ páʼ, Klísto á le kokné á wɛ́ épúp, ŋ́ghʉ̄ épúp, ńdɔk ŋgūʼte á Ndém.

Lomɛŋ 4:19

Ndém a le gē elé anu jʉɔ mɛ́t, Ablaham á wɛ ajūɔ ŋguʼ ŋkhʉ, ńjʉ́ɔ mbɔ, nnɛ̄t zi e é pú ncúte tɛʼ, lefɛ̄ nnɛ̄t yi ŋgyá á mbū Ndém, á ké nzɛ́t ntēte tete. Á zéŋ ŋgē egɔ́, Saála nzwí yi, á gɔ́ á ŋkíŋ.

1 Kɔlɛŋte 9:22

Meŋ gʉɔ̄ tɛ ŋkó á nnɔ epuɔ pīi, pɔ́ zɛɛ́t te tete ánɛ mɛnzhɛ Ndém, ńcʉ́ʼɛ nnáŋa áa páʼ pɔ́p lā, ńdɔkɔ efāʼa ŋ́gɛ, pɔ́ efɛ́ nnɛ̄t ŋgyá á mbū Atsyapuɔ Yɛɛ́so. Meŋ mbúu ŋgʉɔ tɛ ŋkó akɔ̄ ajʉʼ lɛ́, ńcʉ́ʼɛ nnáŋa áa páʼ, epuɔ ajʉʼ mɛ́t é si nnáŋa épúp, ńdɔkɔ efāʼa á lelɔk meshhʉ̄ metsem, ŋ́ghʉ̄ tɛ, kɛ emɔ̄ʼ epuɔ é gɔ etó éwú, éfɛ́ nnɛ̄t ŋgyá á mbū Atsyapuɔ Yɛɛ́so, Ndém á ghʉ pɔ́ tswɛ́t lɛ́ɛ.

Fílíip 2:29

Púp, a a shʉʼ eshʉʼe, pɛ elɔ̄k á kwaʼ mía lekāk tɛ́ ntswí á yí, melaʼ mīi a á méŋ mɔ́ wɛ á nzem Atsyapuɔ. Pɛ eghʉ̄ mekuʼ ntií epuɔ pīi, pɔ́ é páʼ yí lā.

1 Tesalonik 5:14

Pek é si ntswiʼnɛ esēmtɛ á wɛ́ me epɔ̄ memíá, ŋ́gɛ pɛ etswɛ̄te epuɔ pīi, lenāŋ tsɔ́p é té pɔŋ, ŋ́gyá ŋgate á mbū epuɔ pīi, afhʉte zɔ́p á si nzīŋɛ, ńtɔ́te epuɔ pīi, pɔ́ é si mbwɛ́tɛ ánɛ meshhʉ̄ ntsem. Pɛ ewɛ̄ asekɛ́‑ntē ánɛ epuɔ metsem.

Eble 5:14

Melʉɛ é pfɛɛ́t etsō lejhʉ̄ tsīi, é si ntētɛ. Pɔ́ fhoó ánɛ menu mīi, pɔ́ lé jʉ́ɔ, ŋ́kūʼ á lesāŋ tɛ nzhɛ́ ajū mīi á mbɔŋ, ńzhɛ́ azi á té pɔŋ.

2 Jáaŋ 1:10

Ŋiŋ a ge eshʉʼe á mba pɛ, ŋ́gɔ́ éyi, a te ndɔ̄kɔ áa anu zīi Yɛɛ́so a le léē, éshʉ̄ʼɛ, ndɛ́ʼ pɛ ekókne á yí, ndɛ́ʼ pɛ zi mbú ndé á mbū yí ŋ́gɛ, zhɛ́ á leshʉʼ.