Lomɛŋ 13:7 - Eka Eswhī

⁷ Pɛ eyá á mbū awíɛ awíɛ, á ajū mīi mɛ́ pɔŋteé á leyā á mbū yí. Ńdɔkɔ ŋ́gɛ, pɛ eyá á ntií ntiī ncup, á mbū epuɔ pīi, mɛ́ pɔŋteé á leyā á mbū pɔ́p. Ńtsɔ́ʼ á acɔʼ á mvhɔ ŋiŋ yīi, mɛ́ pɔŋteé á letsɔ̄ʼ á mvhɔ yí. Ŋ́ghʉ̄ mekuʼ ŋiŋ yīi, mɛ́ pɔŋteé á leghʉ mekuʼ mí.

Lomɛŋ 13:7 Iomraidhean Croise

Matío 17:25

Á pwɛt ŋ́gɛ: «A a maʼe. » Piɛ á gʉɔ tɛ ŋkó á mba, Yɛɛ́so mé gɔ́ mvhɔ á lelē mé yí ŋ́gɛ: «O ó kwaŋ ajú ŋ́gɛ akɔ̄ Simɔŋ? Wɔ awɔ́ é pɔŋteé á lemaʼ ncup alāʼ, mbɔɔ emɔ̄ʼ mencup, á mbū mefɔ esī atsetsáʼ puɔ ɔ̄? Epuɔ alāʼ pí kɛɛ mege pīi, é naŋteé á alāʼ é?»

Matío 22:21

Pɔ́ pwɛt ŋ́gɛ: «É etsi ŋwɛ́t ŋgɔŋ Lóma, athū á zéŋ ŋgɔ́ azí. » Á lé mé pɔ́p ŋ́gɛ: «Á gɔ́ épúp, ajū mīi á azi ŋwɛ́t ŋgɔŋ Lóma, pɛ eyá á mbū yí. A zīi á azi Ndém, pɛ eyá á mbū Ndém. »

Málkúsi 12:17

Yɛɛ́so á lɛ ndé á mbū pɔ́p ŋ́gɛ: «Á gɔ́ épúp, ajū mīi á azi ŋwɛ́t ŋgɔŋ Lóma, pɛ eyá á mbū yí, a zīi á azi Ndém, pɛ eyá á mbū Ndém. » Pɔ́ júʼ épúp, á pú ntsyā á wɔ́p tɛʼ.

Lúkási 20:22

Lɛ eshúŋ á wék, lepé tsímpɛ é veéŋ ŋ́gɛ, ḿpɛ emāʼ ncup á mbū ŋwɛ́t ŋgɔŋ Lóma, kɛ ŋgáŋ ŋ́?»

Lúkási 20:25

Yɛɛ́so á lɛ ndé ŋ́gɛ: «Á gɔ́ épúp, ajū mīi á azi ŋwɛ́t ŋgɔŋ Lóma, pɛ eyá á mbū yí. A zīi á azi Ndém, pɛ eyá á mbū Ndém. »

Lúkási 23:2

Ńzī á lecɔp á yí ŋ́gɛ: «Pek é jʉ́ɔ tɛ ndé ŋ́gɛ, ŋiŋ wuɔ, a á si mmāʼa atāk á alāʼ, ńtɔ̄ʼɔ ŋ́gɛ, ndɛ́ʼ mɛ́ zéŋ mmāʼ ncup á mbū ŋwɛ́t ŋgɔŋ Lóma, ńzéŋ nnɔŋ ndʉ́ɛ́ ŋ́gɛ, yí mé efɔ, á Nzaʼ‑Ŋkhʉ yīi, Ndém a le laʼnē á mbū pek. »

Lomɛŋ 12:10

Pɛ ekɔ̄ŋne mennɛ̄t mɛ́ nzeŋne zeŋné, mé taʼ ntē, páʼ epɔ̄ memía é pɔŋteé á lekɔŋne mennɛ̄t mɔ́p épúp. Pɛ ekhʉ́ne á wɛ́ á leghʉ mekuʼ á nnɔ pɛ, ńzeŋne zeŋné.

Lomɛŋ 13:6

Á melaʼ épúp tɛ́, pɛ pɔŋteé á lemaʼ ncup alāʼ. Wɔ tswí‑ncup é páʼā, mbɔ Ndém mé le zapá á wɔ́p, ŋ́gɛ pɔ́ ecuŋte ŋghʉ̄ afaʼ mɛ́t, páʼ lepé é si nzɛ́ttɛ.

Efɛze 5:33

Á zeéŋ ncʉ̄te á wɛ́ azɛ́: awɔ́ ŋiŋ nnɔ wɛ lɛ́, a pɔŋteé á lekɔŋ á nzwí yi, páʼ athū nnɛ̄t zí lā, ewiɛ́ menzwí lɛ́, á pɔ́ŋte á lejūʼ nchu ndō yi.

Efɛze 6:5

Ŋ́gɔ́ me pɛ meŋkwa, pɛ ejúʼ nchu epuɔ pīi, pɔ́ pɔɔ́ŋ á wɛ́, ŋ́ghʉ̄ mekuʼ mɔ́p, ésóʼne nnɛ̄t mé esī á mvhɔ pɔ́p, ŋ́gwɛ̄ ntē mbɔŋ á mbū pɔ́p. Pɛ epú ŋghʉ̄ épúp, ndeŋ ndeŋ páʼ pɛ ghʉʉ̄ á mbū Klísto épúp.

1 Timotɛ 5:13

Mɛ́ wíʼe ntí nzēŋ mɔ́p, mbɔ pɔ́ e cʉ́ʼɛ elɔ́ŋne lɔŋné, élɛ ezi á letɔ̄kte á memba memba. Pɔ́ le lɛ ndɔ́ŋne lɔŋné ndaʼ á, ézéŋ enɔŋ esɛ́ʼɛ epuɔ, ŋ́gɔ́ wɔ sia‑nchu. Éshúŋ menu mīi, é té á wɔ́p cʉte.

1 Timotɛ 5:17

Éshʉ̄ʼ ánɛ epɔ̄ melʉɛ pīi, pɔ́ tshií á athū mvhɔ ánɛ meŋgyā alúŋ epuɔ Yɛɛ́so, á nɔŋ nzɛ́ttɛ ŋ́gɛ, mɛ́ etúŋne á wɔ́p á mbɔŋɔ́. Ńtswhi ntúŋne epuɔ pīi pɔ́ neéŋ ntē wɔ́p, á leshūŋ anu Ndém, á lezīʼne epuɔ á mɛnzhɛ Ndém.

1 Timotɛ 6:1

Epuɔ metsem pīi pɔ́ é epuʼ, pɔ́ pɔŋteé á leghʉ mekuʼ tɛ ntsékne, á mbū epuɔ pīi é le zó á wɔ́p, tɛ́ ŋiŋ a á le shúŋne tépɔŋ, ánɛ Ndém ɛ́, ńzéŋ le anu zīi ḿpɛ zíʼnɛ waák.

1 Piɛ 3:7

Ŋgɔ́ á mbū pɛ mbaŋa, awíɛ awíɛ pɔ́ nzwí yi e enáŋ á mbɔŋɔ́. Ńnɔŋ nzhɛ́ɛ á légɛ, wɔnzwí é si ŋgɔ́ ajūɔ ndʉne lʉné. Pɛ ewūʼte á wɔ́p, melaʼ mīi lenāŋ leswhī tsīi, Ndém a á si ŋgyáa á mbū pɛ ndémndēm, a á si mbúu ŋgyáa á mbū pɛ a pɔ́p. Pɛ ghʉɛ épúp, mbɔ amɔ̄ʼ azō á gɔ le pú ntɛ́nne aswiŋte zɛ́, á mvhɔ Ndém ɛ́.