Lomɛŋ 13:2 - Eka Eswhī

² Púp, ŋiŋ yīi a á te nchu wɔ sáʼ‑alāʼ júʼ, a á páʼā ndɔkɔ te nzīŋɛ ánɛ mɛnzhɛ yīi, Ndém a le kīā ā. Wɔ tʉɛ‑athū á mbū wɔ sáʼ‑alāʼ, é páʼā ndɔkɔ mbíɛ́ á kwáŋ atʉɛ́, ńnéŋɛ á ntɔ̄ŋ pɔ́p méŋwɛ̄t.

Lomɛŋ 13:2 Iomraidhean Croise

Matío 23:13

Yɛɛ́so á zéŋ ndé ŋ́gɛ: «Pɛ wɔ kɛ́ʼte‑mbé Ndém, mbɔɔ epuɔ Falísia, ŋ́gɔ́ megaŋ ŋkɔŋ menēk, pɛ é wɔ eshhʉ̄ mbekɛ́. Pɛ é si ntsɛ́tɛ nzhɛ, á lelɔk ŋkó á ntē Lefɔ Ndém, á mbū epuɔ, pɛ méŋwɛ̄t é piŋɛ te ŋkúɔ́ éwú, ḿbiŋɛ te ncʉ́ʼɛ epuɔ pīi, pɔ́ é si ŋkɔ̄ŋɔ, é kúɔ́ éwú ú. [

Málkúsi 12:40

Pɔ́p mé zéŋ nnɔ̄ŋ ŋkʉ́ʼnɛ mbɔ̄pɔ mepfók wɔnzwí, ŋ́kúu etsō tsɔ́p, ḿbiŋɛ ŋghʉ̄ɛ mesisia meswiŋte, ńdɔkɔ mbɔ̄pɔ menēk epuɔ. Ndém a a ké eláʼ etswá á wɔ́p á mía ŋgʉɔ athʉ́ lepé.

Lúkási 20:47

Pɔ́p puɔ mé si nzéŋɛ ŋkʉ́ʼnɛ mbɔ̄pɔ mepfók wɔnzwí, ŋ́kúu etsō tsɔ́p, ḿbiŋɛ ŋghʉ̄ɛ mesisia meswiŋte, ńdɔkɔ mbɔ̄pɔ menēk epuɔ. Ndém a a ké eláʼ etswá á wɔ́p á mía ŋgʉɔ athʉ́ lepé.

Lomɛŋ 13:1

Awɔ́ ŋiŋ lɛ́, a pɔŋteé á lejūʼ nchu epuɔ pīi é sáʼa alāʼ. Ŋiŋ a gē esáʼ á alāʼ páʼā, á fhó áa mbū Ndém, epuɔ pīi é piŋɛ esáʼa, mbɔ Ndém mé nchʉ́ á wɔ́p.

Lomɛŋ 13:3

Ŋiŋ a nɔɔ̄ŋ nziŋɛ ndeŋ ndeŋ páʼā, a te wɔ sáʼ‑alāʼ pɔ́k. Epuɔ pīi meziŋɛ́ mɔ́p é té pɔŋ, mé pɔɔ́k á wɔ́p. O nɔŋ te ŋkɔ̄ŋɔ á wú á lepɔ̄k wɔ sáʼ‑alāʼ á, o ezīiŋ ndeŋ ndeŋ. O ghʉɛ épúp, mbɔ pɔ́ e kɔŋte á wú.

Lomɛŋ 13:5

Melaʼ épúp tɛ́ á mbɔŋ, á lejūʼ nchu wɔ sáʼ‑alāʼ. O ó le njúʼɔ épúp páʼā, ńdiɛ ndɔ̄kɔ mbɔ́kɔ áa azāŋalɔ́ŋ Ndém ɛ́, o ejúʼu épúp melaʼ mīi, ntē wú é si nzi mvéŋɛ ŋ́gɛ, o eghʉ̄ épúp.

Lomɛŋ 9:19

Ŋiŋ a gɔ epīŋ nzɛ́tte á gá ŋ́gɛ: «Á gɔ́ épúp, mbɔ melaʼ akɔ̄ Ndém a gɔ ezéŋ ndāʼ á ŋiŋ ŋ́? Awɔ́ a gɔ elʉ̄ʼ ajū mīi, Ndém mé kɔŋ ŋ̄?»

Tíit 3:1

Kímte á mbū epuɔ Yɛɛ́so metsem ŋ́gɛ, pɔ́ pɔŋteé á lejūʼ nchu wɔ sáʼ‑alāʼ, ńchu wɔ tɛ́ne‑alāʼ, ŋ́ghʉ̄ ajū mīi pɔ́ é si nzɛ́ttɛ. Ŋ́gɔ́ efʉʼ metsem, ntshí á leghʉ mefaʼ membɔŋ.

Jáak 3:1

Epɔ̄ memía pá á nzem Klísto, ndɛ́ʼ epuɔ tɛ nzá, é gɔ́ wɔ zíʼne‑anu Ndém á mbū epuɔ. Pɛ é si nzhɛ́ɛ á légɛ, Ndém a a láʼ elɔk azāŋalɔ́ŋ, tɛ́ záʼ ntsaŋ zek, mégaŋ aziʼne.

1 Piɛ 2:13

Páʼ pɛ é si nzīŋɛ ánɛ mekhu Atsyapuɔ lā, pɛ ejúʼ nchu epuɔ metsem pīi, pɔ́ sáʼa alāʼ, ńjúʼ nchu efɔ, á esaʼa‑alāʼ, ŋ́gɔ́ á ŋwɛ́t.