Lomɛŋ 13:13 - Eka Eswhī

¹³ Ḿpɛ elɔ̄k á ndeŋ ndeŋ nnáŋ, páʼ wɔ ziŋ‑azokó é naáŋ épúp. Ḿpɛ epá agege ánɛ ajūɔ tsem. Ndɛ́ʼ ḿpɛ ezá agege ánɛ etsō lejhʉ̄, ndɛ́ʼ ḿpɛ egɔ́ wɔ núnú‑meluʼ, ndɛ́ʼ ḿpɛ egɔ́ megaŋ agā, ndɛ́ʼ ŋiŋ á wɛ á mɛgap. Ndɛ́ʼ ḿpɛ ewɛ̄ɛ á tákátáká, ndɛ́ʼ ḿpɛ egɔ́ megaŋ sɛ́h ntē.

Lomɛŋ 13:13 Iomraidhean Croise

Lúkási 1:6

Pɔ́ ndō yi metsem, é nɔŋ njúʼɔ nchu Ndém, ŋ́kúʼtɛ lepé tsí, ńzéŋ ŋgɔ́ té alɔ́ʼ á mvhɔ yí.

Lúkási 16:19

Yɛɛ́so á zéŋ mbɛ́te ashuŋne lepúʼ jʉɔ, ńdé ŋ́gɛ: «Mmɔʼ ŋgaŋ lewūʼ a lɛ éwú, ŋ́gɔ́ eleʼé etsem ncūŋte nnɛ̄t zi, ḿmāʼ menzhó mīi é teē nzwiŋ, ńnáŋ efʉʼ metsem, ŋ́ghʉ̄ lekāk, ḿpfɛ́t etsō mbɔŋ.

Lúkási 21:34

Yɛɛ́so á zéŋ ndé ŋ́gɛ: «Pɛ epá athū zɛ́, ḿbɔ́k á wɛ́ á lekʉ̄ʼne mpfɛ́t etsō, ḿbía meluʼ, ńnéŋ ntē wɛ́ ánɛ etsō esī atsetsáʼ, ntē wɛ́ é shʉʼ nté á nzɛttɛ̄, aleʼé alāʼ mɛ́t á tɔ́kne á wɛ́, ŋ́kyɛ́t á wɛ́.

Mefaʼ Meziŋ-ntō 2:15

Tsetsɔŋɔ, a zɛɛ́t áa menu levuʼɔ́ nzemɛ́nzēm, epuɔ puɔ é ka nú meluʼ tɛ mbía páʼ pɛ kwaŋa lā á.

1 Kɔlɛŋte 3:3

melaʼ mīi, pɛ zɛɛ́t nziŋɛ, áa páʼ lenāŋ wɛ a zɛɛ́t páʼ, eyi epuɔ ŋgɔŋ puɔ lā. Sɛ́h ntē pɔ́ mentsaŋ, é zɛɛ́t á tsetsɛlɛ pɛ páʼā, pɛ elɔ̄kɔ te ntswīi á légɛ, pɛ zɛɛ́t nziŋɛ áa páʼ, mbe nnɛ̄t zɛ e é si ntshónɛ á wɛ́ ɛ́ lɛ̄? Pɛ elɔ̄kɔ te ntswīi á légɛ, pɛ zɛɛ́t áa epuɔ ŋgɔŋ puɔ ɔ́ lɛ̄?

Galat 5:19

Mɛ́ é si ncuŋtɛ nzhɛ́ɛ menu mīi, mbe nnɛ̄t e tshoneé á ŋiŋ á leghʉ: é si ŋgɔ́ á lefaʼ mbaŋa ká wɔnzwí. Ŋ́gɔ́ á leghʉ menu mīi, o o kʉɛ epe éwú. Ŋ́gɔ́ á leghʉ agā.

Galat 5:21

Ŋ́gɔ́ á lewɛ á kegʉɔʼ. Ŋ́gɔ́ á lenū meluʼ tɛ mbía. Ŋ́gɔ́ á lewɛ agege. Ŋ́gɔ́ á lepū nzéŋ ŋ́ghʉ̄ emɔ̄ʼ menu, páʼ emi meŋ á zi nté lā. Meŋ ke zī eshúŋ á wɛ́, meŋ zéŋɛ ntswɛ̄tɛ á wɛ́ ŋ́gɛ, epuɔ pīi, pɔ́ fʉʼteē ejʉɔ ntií menu, pɔ́ té láʼ éwɛ lepɔŋ tsīi é ntē Lefɔ Ndém ɛ́.

Efɛze 4:1

Meŋ yīi meŋ á ŋgyā atʉɛ́, melaʼ mīi meŋ á ŋgaŋ afaʼ Atsyapuɔ, meŋ a fhó ánɛ menu mīi, meŋ á shúŋ á wɛ́, étswɛte á wɛ́. Ŋ́gɛ pɛ ezīŋ ánɛ mekhu anu zīi, Ndém a le tɔ́ŋ á wɛ́ ŋ́gɛ, pɛ ezīŋ éwú ndeŋ ndeŋ.

Efɛze 4:17

Anu zīi meŋ gɔ á eshúŋɔ la, meŋ ndɔkɔ lezēŋ Atsyapuɔ tɛ́ eshúŋɔ, á gɔ́ ajʉʼ éwú ŋgɔ́ épúp: ndɛ́ʼ pɛ ezéŋ nnáŋ páʼ, wɔ te zhɛ́‑kwaʼ Ndém. Akwaŋte zɔ́p, á té gʉɔ tɛ ntsóʼne ánɛ amɔ̄ʼ azō ɔ́.

Efɛze 5:15

Púp, pɛ elāk athū zɛ́ ánɛ ntií atswhī zīi, pɛ lɔɔ̄k nnáŋ. Ndɛ́ʼ pɛ enáŋ páʼ metsetseŋ lā, pɛ enáŋ áa páʼ megaŋ azhɛ̄‑anu lā.

Efɛze 5:18

Ndɛ́ʼ pɛ ecʉ́ʼ meluʼ é jhʉ́ á wɛ́, melaʼ mīi meluʼ é tshóne á ŋiŋ, á fate menu. Pɛ ecʉ́ʼ, Azwakne Ndém a epú njhʉ́ á wɛ́.

Efɛze 5:8

Á lɛ amɔ̄ʼ afʉʼ, pɛ náŋ áa ntē nzém, á ké mbiŋ ŋgɔ́ tsetsɔŋɔ, mbɔ pɛ kʉʉ̄ŋ ncʉ́ʼ ŋkaʼ, éfhó ánɛ páʼ pɛ lɛtneē ánɛ Atsyapuɔ. Púp, pɛ enáŋ páʼ epuɔ pīi, pɔ́ naáŋ á ntē ŋkaʼ lā.

Fílíip 1:27

Mía azō á gɔ áa lɛ, pɛ ezīŋ ánɛ mɛnzhɛ yīi, ŋke mbɔŋ ánɛ Klísto é si nzɛ́ttɛ, tɛ ŋgɔ́ yīi, azi ŋgɔ́ éyi, meŋ a shʉʼ ejʉ́ɔ á wɛ́, kɛɛ meŋ te shʉʼ eshʉʼ ɛ́ lɛ́ɛ, meŋ etshí njúʼ páʼ pɛ kwɛɛ́t, ńchʉ́ nnɛ̄t ŋgɔ́ á taʼ nchu, éfók mbʉʼ metsem mé taʼ ntē, ŋ́ghʉ̄, lefɛ̄ nnɛ̄t ŋgyá mé Klísto, á gɔ́ páʼ ŋke mbɔŋ é si nzíʼnɛ épúp.

Fílíip 2:3

Ndɛ́ʼ pɛ gē eghʉ azō, ńdɔkɔ efāʼa anu ánɛ ŋiŋ, kɛɛ́ ndɔkɔ ntswīi nnɛ̄t lɛ́. A cʉ́ʼɛ épúp, pɛ enɔ̄ɔŋ nnɛ̄t á esī á tsetsɛlɛ pɛ, awíɛ awíɛ á piŋ njʉ́ɔ mmɔʼ ŋiŋ áa páʼ, ŋgaŋ mé tsyaā á yí lā.

Kɔlɔs 1:10

Púp, ńdɔk nnáŋ páʼ Atsyapuɔ a á si nzɛ́ttɛ. Ŋ́gɔ́ efʉʼ metsem, ŋ́ghʉ̄ ajū mīi, á pɔŋ á yí, e elɔk ŋgɔ́ ntá mbɔŋ zīi, pɛ zémɛ. Ńtswiʼne nzhɛ́ á Ndém, ńdɔk ŋgʉ̄ɔ mé mvhɔ.

Kɔlɔs 3:5

Pɛ eké mbú ḿbík ajū mīi, á zɛɛ́t ndɛt á wɛ́ á esī atsetsáʼ. Mɛ́ lʉ́ɛ́ agā, ńdʉ́ɛ́ á wɛ́ lewɛ á mɛgap, ńdʉ́ɛ́ á leshʉɔ wɔnzwí, ńdʉ́ɛ́ á lewɛ akwaŋte, á leghʉ anu tepɔŋ. Ndɛ́ʼ pɛ egɔ́ megaŋ atsɔʼɔ́‑ntɔ̄ŋ, melaʼ mīi, ŋiŋ a á ŋgaŋ atsɔʼɔ́ ntɔ̄ŋ páʼā, ńdáʼ ŋgē ezoko, ŋ́gūʼte ajū mīi a tshií ntē yí éwú, ńdɔk ŋghʉ̄ á Ndém.

1 Tesalonik 2:12

Pek kɛ te néŋ té semte á wɛ ɛ́. Pek te néŋ te yá á wɛ́ ŋgate ɛ́. Ńchʉ́ nnɛ̄t nték á wɛ́, ŋ́gɛ pɛ ezīŋ ánɛ mɛnzhɛ yīi, Ndém a á si ŋkɔ̄ŋɔ. Yí mé si ntɔ́ŋɔ á wɛ́ ŋ́gɛ, pɛ eshʉ̄ʼ ŋkó á ntē Lefɔ yí, mbɔɔ á ntē lewūʼ tsí.

1 Tesalonik 4:12

Púp, epuɔ pīi e té epuɔ Yɛɛ́so ó, e ejʉ́ɔ á wɛ́ á lenāŋ, ŋ́gūʼte á wɛ́, pɛ epīŋ le gɔ́ apiʼ, á mbū ŋiŋ ɛ́.

1 Tesalonik 5:17

Pɛ egɔ́ efʉʼ metsem, éswíŋte á Ndém.

Jáak 4:5

Pɛ é kwaŋ ŋ́gɛ, anu zīi aŋwaʼne Ndém á leé lā, á lɛɛ̄ ŋgɔ́ áa ndémndēm lɛ́? Á leé ŋ́gɛ: «Ndém a te pú ŋkɔ̄ŋ ŋ́gɛ, pɔ́ ŋiŋ e etɔ̄ʼne Azwakne zí zīi, a le néŋ á ntē pímpɛ ɛ́. »

1 Jáaŋ 2:6

Ŋiŋ a nɔŋ ndʉ́ɛ́ ŋ́gɛ, yí lɛtneē ánɛ Ndém, ŋgaŋ á ziŋ azí ánɛ mɛnzhɛ yīi, Yɛɛ́so a le zīŋ azí éwú.

2 Jáaŋ 1:4

Ŋgɔŋ ke pɔ̄ŋ á gá tɛʼ, á lejʉ̄ɔ emɔ̄ʼ ewɔŋkhʉ̄ pú, á leziŋ ánɛ mekhu Ndém, ńdeŋ ndeŋ páʼ, a le tswī á mbū pímpɛ épúp.

Zwide 1:23

ŋ́ghʉ̄ pɔ́ etswɛ́t mmók yīi, pɔ́ nnɔŋ ŋgʉ̄ɔ mé éwú. Ŋ́gɔ́ mé emɔ̄ʼ epuɔ, mbɔ pɛ etsá á wɔ́p, efāʼ eshhʉ̄, tɛ pɔ́ evéŋ anu zɛ́. Pɛ eké ŋgē eghʉ épúp, ńnɔŋ mbɔ́kɔ ezɔp ntií. Ḿbá tɛ mbɔɔ menzhó mɔ́p, páʼ epe é lē mbū ŋkó éwú, éfhɔ́ɔ ánɛ menu tepɔŋ lā.