Lomɛŋ 13:12 - Eka Eswhī

¹² Etsōʼ a á zii ntɔ́k, njhʉ̄ é si ŋgɔ̄ á ndáa. Púp, ḿpɛ ewáʼ menu nzém, ḿbɛ́ á tsitsi ncu yīi mɛ́ lɔkɔ ndʉɔ́ʼɔ, afʉʼ zīi ejʉʼ é si efóko.

Lomɛŋ 13:12 Iomraidhean Croise

Lomɛŋ 13:14

Á gɔ́ áa lɛ, pɛ elɔ̄k á leghʉ páʼ Atsyapuɔ Yɛɛ́so Klísto, a á si ŋkɔ̄ŋɔ épúp, ŋ́kwɛ́t etsɛ́ lenāŋ, pɛ é le néŋ athū zɛ́ ánɛ ecū mīi, mbe nnɛ̄t zɛ é si ntshónɛ á wɛ́, ŋ́gɛ pɛ ghʉɛ, á pɔŋ á wɛ́ ɛ́.

1 Kɔlɛŋte 10:11

Menu muɔ mɛ́t é le ghʉ̄ wɔ maŋgānjʉʼ pímpɛ páʼā, Ndém á lɔkɔ ntswɛ̄tɛ epuɔ. Mɛ́ le pīŋ ntí á ntē aŋwaʼne Ndém páʼā, ńdɔkɔ nzéŋɛ ntswɛ̄tɛ á yímpɛ, á yímpɛ pīi, ḿpɛ naáŋ ánɛ afʉʼ zīi, ŋgɔŋ e cʉ́ʼɛ ŋgʉɔ áa mé mmiī.

1 Kɔlɛŋte 7:29

Epɔ̄ memía, anu zīi meŋ ndɔkɔ ndʉ́ɛ́ a ajʉɔ páʼa. Njhʉ̄ e te zɛ́t nzá á. Púp, tɛ efhó tsetseŋɔ, ŋiŋ yīi a lé lá ŋgyā, a enáŋ páʼ a zi la ŋgyā lá á lā.

2 Kɔlɛŋte 10:4

Tsitsi ncu yīi pek lɔkɔ ndʉɔ́ʼɔ, a te fhɔ́ɔ á mbū ŋiŋnɔŋ ɔ́, á fhɔ́ɔ áa mbū Ndém. Mete é gɔ́ éwú á lelɔk mbík megaŋ mbo Ndém. Pek tsɛɛ́t nchu epuɔ pīi, pɔ́ é si eshúŋɔ epoó‑enu.

2 Kɔlɛŋte 6:7

Ńdɔ̄k anu zīi, pek shúŋɔ á gɔ́ anuúnē, ńdɔ̄k mete Ndém, tɛ́ ntswī. Ńdɔ̄k ewek tsitsi ncu, á lelɔk nták, mbɔɔ á lelɔk ndhʉ̄ athū zék ánɛ mɛnzhɛ ndeŋ ndeŋ, tɛ́ ntswī.

Efɛze 4:22

pɛ pɔŋteé á lepū ŋgwáʼ á nzwiŋ atswhī yīi, pɛ lɛɛ́ ŋgwiɛ, éfhó ánɛ nzwiŋ lenāŋ ntó. Ecū mīi pɛ seé ánɛ nzwiŋ lenāŋ wuɔ mɛ́t, é pɔpte á wɛ́ pɔpte, ŋ́gɔ̄ eghʉ, pɛ eláʼ ndákne.

Efɛze 5:11

Ndɛ́ʼ pɛ a epuɔ pīi, é naáŋ á ntē nzém, é púte azō ŋghʉ̄. A cʉ́ʼɛ épúp, pɛ esīate wɔ́p. Pɔ́ gɔ le ghʉ̄ azō, tɛ methū é tó ɔ́.

Efɛze 5:8

Á lɛ amɔ̄ʼ afʉʼ, pɛ náŋ áa ntē nzém, á ké mbiŋ ŋgɔ́ tsetsɔŋɔ, mbɔ pɛ kʉʉ̄ŋ ncʉ́ʼ ŋkaʼ, éfhó ánɛ páʼ pɛ lɛtneē ánɛ Atsyapuɔ. Púp, pɛ enáŋ páʼ epuɔ pīi, pɔ́ naáŋ á ntē ŋkaʼ lā.

Eble 10:25

Ndɛ́ʼ ḿpɛ ezéŋ ŋgwáʼ alúŋ epuɔ Yɛɛ́so zímpɛ, páʼ emɔ̄ʼ epuɔ é cʉʼɛ́ ŋghʉ̄ɛ épúp. A cʉ́ʼɛ épúp, ḿpɛ esēmte mennɛ̄t mímpɛ, ńzeŋne zeŋné, melaʼ mīi, pɛ é si nzhɛ́ɛ á légɛ, aleʼé zīi Atsyapuɔ a gʉɔ mé eshʉʼɛ, á tshóne tɛ mbáte.

Eble 12:1

Ŋ́gɔ́ mé pímpɛ, mbɔ ḿpɛ é si nzhɛ́ɛ atʉtʉ epuɔ jʉɔ mɛ́t zīi, á le fɛ́ nnɛ̄t ŋgyá á mbū Ndém. Púp, ḿpɛ epú ŋgwáʼ ajūɔ tsem zīi, á gɔ evɛ́ne á yímpɛ, á leziŋ ánɛ mɛnzhɛ lefɛ̄ nnɛ̄t ŋgyá á mbū Ndém, ńdʉɔ́ʼte mefa páʼ, é efʉʼ metsem, ŋ́kɔ̄ŋ á lejhʉ̄ á yímpɛ lā. Ŋ́kāk ete, ńdɔ̄k á lekʉte yīi, Ndém a le tsekné á mbū pímpɛ, ŋ́gʉɔ tɛ nzōko.

Jáak 1:21

Melaʼ épúp tɛ́, pɛ epú ŋgwáʼ á ntií ntiī nchʉ́, ŋ́gwáʼ á ntií ntiī esɔ̄, ḿbiŋ nnɔ̄ŋ nnɛ̄t á esī njúʼ ashuŋne zīi, Ndém a le phī á ntē pɛ. Ashuŋne mɛ́t mé kuūʼ á leghʉ pɛ etswɛ́t, ńdáʼ ŋgɔ́ éwú.

Jáak 5:8

Pɛ azɛ́, ndɛ́ʼ pɛ ezéŋ ŋgákne. Pɛ ekwɛ́t ntē wɛ́, ńzhɛ́ á légɛ Atsyapuɔ, a cʉ́ʼɛ eshʉʼ shʉʼe.

1 Piɛ 2:1

Melaʼ épúp tɛ́, pɛ etó ánɛ ntií ntiī esɔ̄, ńdʉ̄ʼ á legɔ̄ megaŋ mekɛ̄t. Ńdʉ̄ʼ á legɔ̄ megaŋ ŋkɔŋ menēk, ńdʉ̄ʼ á letshī ntē ánɛ ajūɔ ŋiŋ, ńdʉ̄ʼ á lesɛ̄ʼ epuɔ.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

2 Piɛ 3:11

Páʼ ajʉɔ tsem a láʼ epú emi ánɛ ejʉɔ ntií lā, á lɔkɔ eshúŋɔ á wɛ́ ntií lenāŋ zīi, pɛ pɔŋteé á lewɛ. Á si nzɛ́ttɛ ŋ́gɛ, pɛ enáŋ páʼ Ndém a á si ŋkɔ̄ŋɔ, ńjúʼ nchu yí té tswhi afʉʼ.

2 Piɛ 3:9

Atsyapuɔ a gɛ te nnáŋa á leghʉ, ajū mīi a le laʼnēē, á po ɔ́. Emɔ̄ʼ epuɔ é piŋ ŋkwāŋ ŋ́gɛ, a naáŋ á leghʉ. A gē eziŋ ménda páʼā, é gɔ́ áa melaʼ mɛ́, melaʼ mīi a te kɔ̄ŋ ŋ́gɛ, tsɔ taʼ ŋiŋ a efā nzhɛ ɛ́. A cʉ́ʼɛ épúp mbɔ, a kɔɔ̄ŋ ŋ́gɛ, ŋiŋ ntsem a ewɛ̄ njhʉ̄, á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí.

1 Jáaŋ 2:18

Ewɔŋkhʉ̄ pá, njhʉ̄ zīi ŋgɔŋ e gɔ̄ á mmiī, e é tshóte tɛ mbáte. Pɛ́ lé júʼ á légɛ, ŋgaŋ mbo Klísto a á si eshʉ̄ʼɛ. Á tsetsɔŋɔ, mbɔ megaŋ mbo Klísto é kʉʉ̄ŋ ŋké eshʉʼ nzáne, ńdɔkɔ eshúŋɔ á yímpɛ ŋ́gɛ, ŋgɔŋ e é si ŋgɔ́ á mmiī.

Menjʉɔ te lí 1:3

Eshhʉ̄ mbɔŋ a á si ŋgɔ́ á ŋiŋ yīi, a á tɔ́ŋ aŋwaʼne jʉɔ. Meshhʉ̄ mbɔŋ é si ŋgɔ́ epuɔ pīi, pɔ́ juúʼ anu zīi, á tó á nchu Ndém, ḿbiŋ nzīŋ páʼ á si ndʉ́ɛ́, melaʼ mīi afʉʼ zīi, menu mɛ́t é gʉɔ mé ntɔ́kɔ, á tshóne tɛ mbáte.

Menjʉɔ te lí 22:10

Cɔʼ Ndém, á zéŋ ndé á mbū meŋ ŋ́gɛ: «Ndɛ́ʼ o eféŋ ŋke yīi, Ndém a á tswi á ntē aŋwaʼne jʉɔ, á ntsem, melaʼ mīi njhʉ̄ zīi, menu mɛ́t é gʉɔ mé mbūɔ̄, e é páte.