Lomɛŋ 13:11 - Eka Eswhī

¹¹ Páʼ pɛ é si ncuŋtɛ nzhɛ́ɛ afʉʼ alāʼ zīi, ḿpɛ é éwú lā, tsetsɔŋɔ á si ŋgɔ́ á afʉʼ zīi, ŋiŋ a te pɔŋté á lezēŋ ndí í. Afʉʼ zīi Ndém a gɔ eghʉ ḿpɛ etswɛ́t, á tshóte mbáte, tɛ ntɔ́k afʉʼ zīi, ḿpɛ le zɛ́t nzii á lefɛ̄ nnɛ̄t ŋgyá á mbū Yɛɛ́so.

Lomɛŋ 13:11 Iomraidhean Croise

Matío 16:3

Ŋ́gɔ́ nzemɛ́nzēm, lephū é sɛt nnɛ̄t eséŋ, pɛ lé ŋ́gɛ, ejʉʼ e pék á ayáʼa tɛʼ. Púp, pɛ elɔkɔ ndɛ̄ɛ ncʉ̄ʉ lephū, nzhɛ́ɛ ajū mīi á gɔ á ŋghʉɛ́. Meyiŋne anu mīi, Ndém a á si ntswīi á wɛ́ ánɛ leleŋ njhʉ̄ cʉɔ, pɛ te pīŋ ŋkūʼ á wɛ́ á lezhɛ̄ lɛ̄?

Lúkási 21:28

Afʉʼ zīi, ecʉɔ etsō mɛ́t é zi á leshʉʼ, pɛ ŋímne nnáŋ, ḿbʉ́ʼɛ menēk mɛ́, ńdɔk ncʉ̄ mvhɔ, ńzhɛ́ á légɛ, afʉʼ zīi Ndém a gɔ eshʉʼ éfók á wɛ́ á ntē ŋgʉɔ̄ʼ, á páte. »

1 Kɔlɛŋte 10:11

Menu muɔ mɛ́t é le ghʉ̄ wɔ maŋgānjʉʼ pímpɛ páʼā, Ndém á lɔkɔ ntswɛ̄tɛ epuɔ. Mɛ́ le pīŋ ntí á ntē aŋwaʼne Ndém páʼā, ńdɔkɔ nzéŋɛ ntswɛ̄tɛ á yímpɛ, á yímpɛ pīi, ḿpɛ naáŋ ánɛ afʉʼ zīi, ŋgɔŋ e cʉ́ʼɛ ŋgʉɔ áa mé mmiī.

1 Kɔlɛŋte 15:34

Pɛ echʉ́ nnɛ̄t tɛ́ ŋgɔ̄ nnɛ̄t zɛ, ndɛ́ʼ pɛ ezéŋ ŋgwhʉ̄ ánɛ mefa. Emɔ̄ʼ epuɔ á nnɔ pɛ, é té á Ndém á mbɔŋɔ́ zhɛ́, á gɔ́ á anu esē tɛ́ʼ á mbū pɛ.

Efɛze 5:14

Ajūɔ tsem zīi, mɛ́ piŋ esīa, ŋkaʼ é ghʉʉ̄, mɛ́ pú njʉ́ɔ. Á épúp tɛ́, mɛ́ zɔɔ̄p ŋ́gɛ: «Wu yīi o ó si ndíi, ziɛ̄, fhó á nnɔ mepfhō, ḿbʉ́ʼɛ nnɛ̄t, Klísto a elɔ̄k ŋkaʼ yí, ŋ́kɛ̄ʼɛ á wú. »

Jáak 5:8

Pɛ azɛ́, ndɛ́ʼ pɛ ezéŋ ŋgákne. Pɛ ekwɛ́t ntē wɛ́, ńzhɛ́ á légɛ Atsyapuɔ, a cʉ́ʼɛ eshʉʼ shʉʼe.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

2 Piɛ 3:11

Páʼ ajʉɔ tsem a láʼ epú emi ánɛ ejʉɔ ntií lā, á lɔkɔ eshúŋɔ á wɛ́ ntií lenāŋ zīi, pɛ pɔŋteé á lewɛ. Á si nzɛ́ttɛ ŋ́gɛ, pɛ enáŋ páʼ Ndém a á si ŋkɔ̄ŋɔ, ńjúʼ nchu yí té tswhi afʉʼ.

2 Piɛ 3:9

Atsyapuɔ a gɛ te nnáŋa á leghʉ, ajū mīi a le laʼnēē, á po ɔ́. Emɔ̄ʼ epuɔ é piŋ ŋkwāŋ ŋ́gɛ, a naáŋ á leghʉ. A gē eziŋ ménda páʼā, é gɔ́ áa melaʼ mɛ́, melaʼ mīi a te kɔ̄ŋ ŋ́gɛ, tsɔ taʼ ŋiŋ a efā nzhɛ ɛ́. A cʉ́ʼɛ épúp mbɔ, a kɔɔ̄ŋ ŋ́gɛ, ŋiŋ ntsem a ewɛ̄ njhʉ̄, á lelɔk ŋgɔ̄ nnɛ̄t zi, ŋ́gwáʼ atswhī tepɔŋ zí.

1 Jáaŋ 2:18

Ewɔŋkhʉ̄ pá, njhʉ̄ zīi ŋgɔŋ e gɔ̄ á mmiī, e é tshóte tɛ mbáte. Pɛ́ lé júʼ á légɛ, ŋgaŋ mbo Klísto a á si eshʉ̄ʼɛ. Á tsetsɔŋɔ, mbɔ megaŋ mbo Klísto é kʉʉ̄ŋ ŋké eshʉʼ nzáne, ńdɔkɔ eshúŋɔ á yímpɛ ŋ́gɛ, ŋgɔŋ e é si ŋgɔ́ á mmiī.

Menjʉɔ te lí 1:3

Eshhʉ̄ mbɔŋ a á si ŋgɔ́ á ŋiŋ yīi, a á tɔ́ŋ aŋwaʼne jʉɔ. Meshhʉ̄ mbɔŋ é si ŋgɔ́ epuɔ pīi, pɔ́ juúʼ anu zīi, á tó á nchu Ndém, ḿbiŋ nzīŋ páʼ á si ndʉ́ɛ́, melaʼ mīi afʉʼ zīi, menu mɛ́t é gʉɔ mé ntɔ́kɔ, á tshóne tɛ mbáte.

Menjʉɔ te lí 22:10

Cɔʼ Ndém, á zéŋ ndé á mbū meŋ ŋ́gɛ: «Ndɛ́ʼ o eféŋ ŋke yīi, Ndém a á tswi á ntē aŋwaʼne jʉɔ, á ntsem, melaʼ mīi njhʉ̄ zīi, menu mɛ́t é gʉɔ mé mbūɔ̄, e é páte.

Menjʉɔ te lí 22:12

Yɛɛ́so, a á si ŋké ndʉ́ɛ́ ŋ́gɛ: «Awuɔ yīi meŋ cʉʼɛ́ eshʉʼ shʉʼe lāa. Ége eshʉʼ épúp, éwɛ ntaŋá, éfhó ánɛ afaʼ awiɛ́ awiɛ́, tɛ́ e yá eyí.

Menjʉɔ te lí 22:20

Ŋiŋ yīi a á si ntswīi ŋ́gɛ, menu mɛ́t é anuúnē, a á si ndʉ́ɛ́ ŋ́gɛ: «Kwaʼ anuúnē, meŋ cʉʼɛ́ eshʉʼ shʉʼe. » Á épúp, shʉʼɛ̄ mé Atsyapuɔ Yɛɛ́so.