Lomɛŋ 13:1 - Eka Eswhī

¹ Awɔ́ ŋiŋ lɛ́, a pɔŋteé á lejūʼ nchu epuɔ pīi é sáʼa alāʼ. Ŋiŋ a gē esáʼ á alāʼ páʼā, á fhó áa mbū Ndém, epuɔ pīi é piŋɛ esáʼa, mbɔ Ndém mé nchʉ́ á wɔ́p.

Lomɛŋ 13:1 Iomraidhean Croise

Matío 6:13

Te cʉ́ʼ, pek gwhʉ̄ʉ ánɛ táté, paʼne á wék paʼne, ánɛ mɛnzhɛ Sɛ́ta. [A egɔ́ épúp melaʼ mīi, wu mé efɔ, mete ntsem é gɔ́ á mbū wu. Mɛ́ zéŋ nnɔ̄ŋ ŋgūʼtɛ áa ndaʼ wu, á meŋguʼ meŋguʼ. Á épúp.]”

Jáaŋ 19:11

Yɛɛ́so á tsɔ́ʼ á mbū yí ŋ́gɛ: «Ndém a zɛ́tɛ té yá mete á mbū wu, mbɔ amɔ̄ʼ ajū mīi, o gɔ eghʉ̄ʉ ánɛ meŋ, á té éwú ú. É melaʼ épúp tɛ́ ŋiŋ yīi, a ke swīŋ á gá á mbū wu, a á ŋgaŋ mefa ntɔ́k á wú. »

Mefaʼ Meziŋ-ntō 2:41

Epuɔ tɛ nzáne é le júʼ anu Piɛ. Epuɔ pīi pɔ́ é véŋ, mɛ́ noʼ á wɔ́p á ntshi. Aleʼé mɛ́t, ŋiŋnɔŋ ajūɔ ntsāʼ tɛ́t, á shʉʼ ŋkó ánɛ nnɔ epuɔ Yɛɛ́so.

Lomɛŋ 12:21

Ndɛ́ʼ ŋiŋ á cʉ́ʼ, anu tepɔŋ á jhʉ́ á yí. A cʉ́ʼɛ épúp, o elɔ̄k á leghʉ anu mbɔŋ, ḿbāʼne azi tepɔŋ ŋgyá á nzem.

Lomɛŋ 13:2

Púp, ŋiŋ yīi a á te nchu wɔ sáʼ‑alāʼ júʼ, a á páʼā ndɔkɔ te nzīŋɛ ánɛ mɛnzhɛ yīi, Ndém a le kīā ā. Wɔ tʉɛ‑athū á mbū wɔ sáʼ‑alāʼ, é páʼā ndɔkɔ mbíɛ́ á kwáŋ atʉɛ́, ńnéŋɛ á ntɔ̄ŋ pɔ́p méŋwɛ̄t.

Efɛze 5:21

Páʼ pɛ́ é si njúʼɔ nchu Klísto lā, pɛ esóʼne nnɛ̄t ŋgyá á esī, á nnɔ pɛ nzeŋne zeŋné.

1 Timotɛ 2:2

Éswíŋte ánɛ athū mefɔ, mbɔɔ ánɛ athū epuɔ pīi, pɔ́ wɛɛ̄ mete á lelɔk esáʼ alāʼ. Tɛ́ ḿpɛ elɔk nnáŋ mé apwɛne, té tákátáká, ńnáŋ páʼ Ndém a á si ŋkɔ̄ŋɔ, ńnɔŋ ŋgūʼtɛ mennɛ̄t mímpɛ.

Tíit 3:1

Kímte á mbū epuɔ Yɛɛ́so metsem ŋ́gɛ, pɔ́ pɔŋteé á lejūʼ nchu wɔ sáʼ‑alāʼ, ńchu wɔ tɛ́ne‑alāʼ, ŋ́ghʉ̄ ajū mīi pɔ́ é si nzɛ́ttɛ. Ŋ́gɔ́ efʉʼ metsem, ntshí á leghʉ mefaʼ membɔŋ.

Zwide 1:8

Epuɔ mɛ́t pīi pɔ́ ke ŋɛté ŋkó á tsetsɛlɛ pɛ, pɔ́ é si nnɔŋ ŋghʉ̄ɛ páʼ epuɔ metésɔŋ puɔ mɛ́t lā, ńdɔ̄k á wɔ́p á leŋia, ńnéŋɛ epe ánɛ mbe nnɛ̄t zɔp, ŋ́gwáka mete Klísto, ńzɔ̄tɛ megaŋ shʉ́shɔ́k.

Menjʉɔ te lí 1:5

Yɛɛ́so Klísto a á si ŋgɔ́ á ŋiŋ yīi, a tswiī á légɛ anu Ndém á anuúne. Ŋ́gɛ a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. A á si ŋgɔ́ mvhɔ ŋiŋ yīi, Ndém a le ghʉ̄ á zím ánɛ lewhʉ̄. Ŋ́gɔ́ á efɔ mefɔ á esī atsetsáʼ. Á kɔɔ̄ŋ á yímpɛ, a le lɔ̄k metshi mí, ésōk mefa mímpɛ.

Menjʉɔ te lí 17:14

Pɔ́ e shʉʼ elʉɔ́ʼ á Mɔ́ Njʉnjhʉ, a eké njhʉ́ á wɔ́p, melaʼ mīi, a á Atsyantsɔp, ŋ́gɔ́ á Efɔ mefɔ. Pɔ́ a epuɔ pīi, a le tɔ́ŋ á wɔ́p, ŋ́kāŋ á wɔ́p, épuɔ pīi pɔ́ juúʼ nchu yí té sɛt, mé epú njhʉ́ɛ á wɔ́p épúp. »

Menjʉɔ te lí 19:16

Mmɔʼ lezēŋ é tíne ánɛ nzhó efwɔ̄k zi, mbɔɔ ánɛ ntā yí, ŋ́gɔ́ lɛ: «Efɔ mefɔ, mbɔɔ lɛ Atsyantsɔp. »