Lomɛŋ 12:9 - Eka Eswhī

⁹ Á pɔŋ ŋ́gɛ, ŋkɔŋne zīi ŋiŋ a wɛɛ̄ á mbū epuɔ, e egɔ́ ŋkɔŋne mé taʼ ntē. Awíɛ a echʉ́ nnɛ̄t ŋkʉ̄ anu tepɔŋ, ŋ́kúʼte á yí á leghʉ anu mbɔŋ.

Lomɛŋ 12:9 Iomraidhean Croise

Matío 26:49

Pɔ́ shʉʼ tɛ ndɛ̄ ŋgē ekó éwú, Yúdas á tshóte nnɛ̄t mé lezēŋ Yɛɛ́so, ńdé ŋ́gɛ: «Ńziʼnɛ, meŋ á tsaʼte á wú. » Ńnɔŋ esēŋtɛ á yí.

Jáaŋ 12:6

Yúdas a lɛɛ́ te ndʉ́ɛ́ páʼā, ńdɔkɔ ntsáa wɔ te kuʼ ánɛ azō ɔ́. A lɛ́ ndʉ́ɛ́ páʼā, melaʼ mīi a lɛ á ntsɔ́ŋ. Yí mé le nɔ̄ŋ eféŋɛ ŋkāp nnɔ, mɛ́ piŋɛ ŋgyáa ŋkāp á mbū yí, a kúɔ́ ŋgɛ́ttɛ mmɔʼ.

Mefaʼ Meziŋ-ntō 11:23

Á gʉɔ tɛ ŋkó éwú, ńjʉ́ɔ páʼ Ndém a ke tswī apɔŋɔ́ ntē te ndhʉ ánɛ epuɔ mɛ́t, ŋgɔŋ é pɔŋ á yí, á semte á wɔ́p ŋ́gɛ, pɔ́ etswiʼne ndɔ̄k á taʼ ntē, ńdɛ̄tne ánɛ Atsyapuɔ Yɛɛ́so.

2 Kɔlɛŋte 6:6

Ńdɔ̄k á wék á lelʉɔ̄ʼte ajū mīi, á gɔ etsēŋte á wék, ńdɔ̄k á lezhɛ̄ azō, ńdɔ̄k á lekwɛ̄t ntē, ńdɔ̄k ntē mbɔŋ, tɛ́ ntswī. Ńdɔ̄k á Azwakne Ndém páʼ á ntē pek lā, ńdɔk á wék á lekɔŋ epuɔ té sɛt nzem, tɛ́ ntswī.

2 Kɔlɛŋte 8:8

Meŋ te ndʉ́ɛ́ páʼa, ńdɔkɔ nnéŋɛ mmɔʼ lepé á mbū pɛ ɛ́. Meŋ shúŋɔ á wɛ́ páʼ, emɔ̄ʼ epuɔ Yɛɛ́so é si ŋkhʉ́nɛ á leyā azō á mbū emɔ̄ʼ epuɔ páʼā, ńdɔkɔ efāʼa ŋ́ghʉ̄ áa lɛ, pɛ etswī á kwaʼ ŋkɔŋne zīi, pɛ wɛɛ̄ á mbū emɔ̄ʼ epuɔ.

1 Tesalonik 2:3

Anu zīi pek lɔkɔ esēmtɛ epuɔ, á lekūʼte ŋke mbɔŋ, á té si ŋgɔ́ epoó‑anu ú, á té si ŋgɔ́ anu, pek lɔ̄kɔ efāʼa anu ndɛʼɛ ɛ́, á té si ŋgɔ́ anu, pek lɔ̄kɔ efāʼa á lepɔp á ŋiŋ ɛ́.

1 Tesalonik 5:15

Pɛ epá, ndɛ́ʼ ŋiŋ á tsetsɛlɛ pɛ, á lɔk anu tepɔŋ, ḿbʉ̄ʼ á anu tepɔŋ. Pɛ egɔ́ efʉʼ metsem, éfāʼ áa leghʉ anu mbɔŋ á tsetsɛlɛ pɛ, mbɔɔ á mbū epuɔ metsem.

1 Tesalonik 5:21

Pɛ echʉ́ nnɛ̄t ntsāʼ akʉ̄ɛ akʉ̄ɛ, ńjʉ́ɔ á azi mbɔŋ, ŋ́kúʼte.

1 Timotɛ 1:5

O etswī épúp, ńdɔkɔ efāʼa ŋ́gɛ, pɔ́ ekɔ̄ŋ epuɔ menɔŋ. Á si nzɛ́ttɛ ŋ́gɛ, ntē ŋiŋ e enɔŋ ndánɛ, akwaŋte zí a enɔ̄ŋ le ŋāka á yí í, ŋgaŋ a epiŋ nnɔ̄ŋ efíɛ́ nnɛ̄t ŋgyáa á mbū Ndém á anuúnē, tɛ́ ŋkɔ̄ŋ emɔ̄ʼ epuɔ.

Eble 1:9

O kɔɔ̄ŋ ajū mīi, á ndeŋ ndeŋ, ḿbiŋ mbā azi á té ndeŋ ndeŋ ɛ́. Melaʼ épúp tɛ́, wu Ndém, Mɔʼɔ́ wu Ndém a le kāŋ á wú, á nnɔ megaŋ akhu pú, ńchʉ́ á wú. Ŋ́gē echʉ́ á wú, ńdɔ̄k mevɛ̄t nzɔ́ʼ á wú, ŋ́gɛ o enáŋ mé lekāk.

Eble 12:14

Pɛ enáŋ mé apwɛne, á tsetsɛlɛ epuɔ metsem. Ńnáŋ efʉʼ metsem, ńdɛ̄tne áa ánɛ Atsyapuɔ Ndém, melaʼ mīi, ŋiŋ a gɔ te lɛ̄tne ánɛ Ndém ɛ́, mbɔ a te e láʼ ejʉ́ɔ á yí í.

Jáak 3:17

Táʼ, ŋiŋ yīi a wɛɛ̄ azhɛ̄‑anu zīi, á fhɔ́ɔ á mbū Ndém, ntē ŋgaŋ é laneé, á wɛ apwɛne, ésóʼne nnɛ̄t mé esī, ŋ́gɔ́ á nziŋ‑ekém, ŋ́gwɛ̄ atsāmezeŋɛ té ndhʉ, ŋ́ghʉ̄ anu mbɔŋ efʉʼ metsem, té tɛʼte á ŋiŋ, ŋ́gɔ́ te afho nzem epīa á.

1 Piɛ 1:22

Pɛ ke lɔ̄k á leziŋ páʼ ashuŋne Ndém á si ndʉ́ɛ́ épúp, ésōk ntē wɛ́, ńdɔkɔ efāʼa á lewɛ kwaʼ ŋkɔŋne á tsetsɛlɛ epɔ̄ memía, ŋ́kɔŋne te sɛt. Púp, pɛ elɔ̄k á taʼ ntē, ńchʉ́ nnɛ̄t ŋkɔ̄ŋne mennɛ̄t mɛ́, éfʉʼ metsem.

1 Piɛ 4:8

Mía ajū mīi á éwú, á gɔ́ áa lɛ, pɛ etswiʼne ekɔ̄ŋne mennɛ̄t mɛ́ efʉʼ metsem, melaʼ mīi, o wɛɛ̄ ŋkɔŋne á mbū ŋiŋ páʼā, ŋ́gákne ndēkne á atʉtʉ mefa mí.