Lomɛŋ 12:8 - Eka Eswhī

⁸ Ŋ́gɔ́ éyi, eyi mmɔʼ ŋiŋ é si ŋgɔ́ á lesemte epuɔ, á semte. Ŋiŋ a gɔ́ éyi, a a yá á ŋiŋ azō, á yá té sáŋ. Ŋiŋ a gɔ́ɔ á ntshi‑mvhɔ á nnɔ epuɔ, á ghʉ afaʼ zí, tɛ nzhɛ́ɛ ajū mīi a ghʉɛ. Ŋiŋ a gɔ́ɔ á tsá‑melaʼ, á lɔk lekāk tɛ́ ntsá.

Lomɛŋ 12:8 Iomraidhean Croise

Matío 25:40

Efɔ a etsɔ́ʼ á mbū pɔ́p ŋ́gɛ: “Meŋ a shúŋ á wɛ́ á kwaʼ anuúnē. Efʉʼ metsem yīi, pɛ le ghʉ̄ épúp tɛ mbɔɔ á mbū méŋ agáʼ mɔ́ á nnɔ epuɔ pá, pɛ lɛ páʼā, ńdɔkɔ ŋghʉ̄ɛ áa mbū meŋ.”

Mefaʼ Meziŋ-ntō 11:23

Á gʉɔ tɛ ŋkó éwú, ńjʉ́ɔ páʼ Ndém a ke tswī apɔŋɔ́ ntē te ndhʉ ánɛ epuɔ mɛ́t, ŋgɔŋ é pɔŋ á yí, á semte á wɔ́p ŋ́gɛ, pɔ́ etswiʼne ndɔ̄k á taʼ ntē, ńdɛ̄tne ánɛ Atsyapuɔ Yɛɛ́so.

Mefaʼ Meziŋ-ntō 13:12

Ŋgɔpna á jʉ́ɔ ajū mīi á tɔ́k, éfɛ́ nnɛ̄t zi ŋgyá á mbū Yɛɛ́so. Menu mīi a á zhɛ́ ánɛ Yɛɛ́so, é pú ŋgɔ́ si ntsyāa á yí tɛʼ.

Mefaʼ Meziŋ-ntō 13:15

Mɛ́ tɔ́ŋ amɔ̄ʼ ajʉʼ á ntē aŋwaʼne Mɔɔ́sɛ mbɔɔ azi metswi‑ŋke Ndém tɛ á mi, wɔ tshí‑mvhɔ ánɛ ŋgyā aswiŋte é tó á ŋiŋ, á gʉɔ ndé á mbū pɔ́p ŋ́gɛ: «Epɔ̄ memía, pɛ wiɛ anu zīi pɛ gɔ elɔ̄ɔk nték epuɔ, pɛ eshúŋ. »

Mefaʼ Meziŋ-ntō 15:32

Páʼ Zwíde pɔ́ Silas é azɔ́p metswi‑ŋke Ndém lā, pɔ́ shúŋ á wɔ́p menu tɛ záne, ńdɔk nték á wɔ́p, ńzéŋ ndɔk ntswíʼte á wɔ́p.

Mefaʼ Meziŋ-ntō 20:2

Ŋ́gē etɔ́k ánɛ apak ŋgɔŋ jʉɔ mɛ́t, ńziŋɛ eshúŋɔ menu tɛ nzáne, ńdɔkɔ ntswíʼtɛ epuɔ Yɛɛ́so, ḿbiŋ ŋgʉ̄ɔ mé Glɛs.

Mefaʼ Meziŋ-ntō 20:28

Pɛ ecʉ́ʼ nchʉ́ nnɛ̄t ncʉ̄te athū nnɛ̄t zɛ́, ńzéŋ ńcʉ̄te memvhō Ndém mīi, Azwakne zí á ke tsekné ŋ́gɛ, pɛ epíp, álúŋ epuɔ Yɛɛ́so zīi, Ndém a le lɔ̄k á kwaʼ metshi mí ncūʼ.

Mefaʼ Meziŋ-ntō 4:36

Mmɔʼ ŋiŋ a lɛ azí éwú, ŋ́gɔ́ lɛ Yosɛ́p, ŋ́gɔ́ ndhu Levi, ŋ́gɔ́ ŋiŋ ŋgɔŋ Shʉple. Meziŋ‑ntō Yɛɛ́so, é lɛɛ́ ntɔ́ŋɔ á yí lɛ, Baanabas, ńdɔkɔ ŋ́gɛ, Ŋgyaa‑Ŋgate.

Lomɛŋ 12:13

Pɛ etswíte epuɔ Ndém pīi, azō á mbū pɔ́p ŋkíŋɛ. Ŋ́kókne mege á ŋgyā pɛ efʉʼ metsem.

Lomɛŋ 13:6

Á melaʼ épúp tɛ́, pɛ pɔŋteé á lemaʼ ncup alāʼ. Wɔ tswí‑ncup é páʼā, mbɔ Ndém mé le zapá á wɔ́p, ŋ́gɛ pɔ́ ecuŋte ŋghʉ̄ afaʼ mɛ́t, páʼ lepé é si nzɛ́ttɛ.

1 Kɔlɛŋte 12:28

Ndém a le tshí awíɛ awíɛ ánɛ alúŋ epuɔ Yɛɛ́so lɛ́, ánɛ etsí letshiɛ́. A le gē ezi, ńtshí meziŋ‑ntō ánɛ etsɔ́p letshiɛ́. Ḿbáte, ńtshí metswi‑ŋke Yɛɛ́so ánɛ etsɔ́p letshiɛ́. Ḿbáte, ńtshí epuɔ pīi azɔ́p afaʼ á lezīʼne epuɔ anu zí Ndém, ánɛ etsɔ́p letshiɛ́. Ŋ́gɔ́ á mbū emɔ̄ʼ epuɔ, ŋ́gyá ewɔ́p nthū, é gɔ́ á leghʉ meŋkʉʼne menu. Eyi emɔ̄ʼ epuɔ, é gɔ́ á letɛ megɔ. Eyi emɔ̄ʼ epuɔ é gɔ́ á letswīte emɔ̄ʼ. Eyi emɔ̄ʼ epuɔ, é gɔ́ á letsaŋ emɔ̄ʼ. Eyi emɔ̄ʼ epuɔ, é gɔ́ á leshūŋne elāʼ tsīi, pɔ́ la zíʼnɛ ɛ́.

1 Kɔlɛŋte 14:3

Ŋiŋ yīi a piŋɛ ntswīi ŋke yīi, é fhɔ́ɔ á mbū Ndém, a tswii á mbū epuɔ menɔŋ. Ńtswīi ndɔkɔ ntswítɛ á wɔ́p á lefɛ̄ nnɛ̄t ŋgyá á mbū Ndém, ńdɔk ŋgʉ̄ɔ mé mvhɔ. Ńtswīi ndɔkɔ ŋgyáa á wɔ́p ŋgate. Ńtswīi ndɔkɔ ŋ́gɛ, pɔ́ etswiʼne ŋkāk ete.

2 Kɔlɛŋte 1:12

Ajū mīi ḿpek lɔkɔ ŋkāʼtɛ, á si ŋgɔ́ páʼ akwaŋte zék á té si ŋŋāka á wék ɛ́. Pek lɔɔ̄k á ndeŋ ndeŋ pɔ́ anuúnē zīi, á fhɔ́ɔ á mbū Ndém, tɛ́ nnáŋ á ŋgɔŋ ega. Ńtswhi ŋgwɛ̄ á ndeŋ ndeŋ pɔ́ anuúnē mɛ́t, ánɛ pɛ. Ŋ́gē ewɛ épúp, á té fhɔ́ɔ ánɛ azhɛ̄‑anu ŋiŋnɔŋ ɔ́, á fhɔ́ɔ áa ánɛ apɔŋɔ́ ntē te ndhʉ zīi, Ndém a wɛɛ̄ ánɛ pek.

2 Kɔlɛŋte 11:3

Meŋ á si mbiŋɛ mbɔ́kɔ ŋ́gɛ, ndɛ́ʼ ŋiŋ á kʉlɛ leghi tsɛ́, pɛ fhó ánɛ mbɔŋ mɛnzhɛ Klísto ntó, ńdeŋ ndeŋ páʼ Éva a le cʉ́ʼ, nnū é pɔpte á yí, á fa nzhɛ.

2 Kɔlɛŋte 8:12

Ŋiŋ a ge eyá azō á mbū Ndém, ńdɔ̄k á taʼ ntē, mbɔ Ndém a a fhó ánɛ ajū mīi, ŋgaŋ a wɛ̄ɛ, évéŋ azō mɛ́t. A á le fhó ánɛ ajū mīi ŋgaŋ a te wɛ ɛ́.

2 Kɔlɛŋte 9:11

A a shʉʼ eyá á wɛ́ ajūɔ tsem, pɛ ecʉ́ʼ megaŋ lewūʼ, ńdɔ̄k apɔŋɔ́ ntē, ŋ́gāp ajū mīi pɛ wɛ̄ɛ. Epuɔ pīi pek gapa ecū mīi, pɛ é yá á mbū pɔ́p, e esyákne á Ndém melaʼ etsō mɛ́t.

2 Kɔlɛŋte 9:13

Púp, pɔ́ ewūʼ nzwiŋ afaʼ jʉɔ mɛ́t zīi pɛ ghʉɛ, ŋ́gūʼte á Ndém ánɛ páʼ, pɛ kuʼteé ŋke mbɔŋ Klísto. Ńzéŋ ŋgūʼte á yí melaʼ mīi pɛ wɛɛ̄ azō, ŋ́gap ŋgyá azɔ́p, mbɔɔ azi emɔ̄ʼ epuɔ metsem.

2 Kɔlɛŋte 9:7

Púp, awíɛ awíɛ a eyá páʼ, ntē yí é si ndʉ́ɛ́ épúp, té zwɛ́tte, té mɛ́ ŋkōne á yí, melaʼ mīi Ndém a kɔɔ̄ŋ á ŋiŋ yīi, a á ge eyá, ntē yí é nɔŋ ŋgáŋtɛ.

Efɛze 6:5

Ŋ́gɔ́ me pɛ meŋkwa, pɛ ejúʼ nchu epuɔ pīi, pɔ́ pɔɔ́ŋ á wɛ́, ŋ́ghʉ̄ mekuʼ mɔ́p, ésóʼne nnɛ̄t mé esī á mvhɔ pɔ́p, ŋ́gwɛ̄ ntē mbɔŋ á mbū pɔ́p. Pɛ epú ŋghʉ̄ épúp, ndeŋ ndeŋ páʼ pɛ ghʉʉ̄ á mbū Klísto épúp.

Kɔlɔs 3:22

Ŋ́gɔ́ mé epuʼ, mbɔ pɛ ejúʼ nchu memɔʼɔ́ pɛ́ ánɛ ajūɔ tsem, á esī atsetsáʼ ega. Pɛ é le lɛ̄ njúʼ nchu wɔ́p áa afʉʼ zīi, pɔ́ é si mbípnɛ á wɛ́, tɛ á lɛ ŋgɔ́ áa páʼ, pɛ faʼa ŋ́gɛ, ŋgɔŋ e epɔ̄ŋ á wɔ́p ɔ́. Pɛ efhó ánɛ páʼ pɛ wuʼteē á Atsyapuɔ, ńjúʼ nchu wɔ́p mé taʼ ntē.

1 Tesalonik 2:3

Anu zīi pek lɔkɔ esēmtɛ epuɔ, á lekūʼte ŋke mbɔŋ, á té si ŋgɔ́ epoó‑anu ú, á té si ŋgɔ́ anu, pek lɔ̄kɔ efāʼa anu ndɛʼɛ ɛ́, á té si ŋgɔ́ anu, pek lɔ̄kɔ efāʼa á lepɔp á ŋiŋ ɛ́.

1 Tesalonik 2:8

Ntē wék é le pú ntshí ánɛ pɛ tshíi, tɛ ŋgɔ́ yīi pek le gɔ́, pek é le lɛ̄ ntswī áa ŋke mbɔŋ Ndém, á mbū pɛ ndaʼ á. Pek le tshí á lezēŋ ŋgyá athū nnɛ̄t zék, melaʼ mɛ́, éfhó ánɛ páʼ, ŋkɔŋne zīi pek le wɛ̄ ánɛ pɛ, e le gɔ́ mbɔ e é fáŋ épúp.

1 Timotɛ 4:13

Ge ezwíʼte á gá á leshʉʼ, ńnɔŋ ntɔ́ŋɔ aŋwaʼne Ndém á mbū epuɔ té ká. Ńnɔŋ nzíʼnɛ á wɔ́p, ńnɔŋ esēmtɛ á wɔ́p á lekūʼte anu Ndém.

1 Timotɛ 5:17

Éshʉ̄ʼ ánɛ epɔ̄ melʉɛ pīi, pɔ́ tshií á athū mvhɔ ánɛ meŋgyā alúŋ epuɔ Yɛɛ́so, á nɔŋ nzɛ́ttɛ ŋ́gɛ, mɛ́ etúŋne á wɔ́p á mbɔŋɔ́. Ńtswhi ntúŋne epuɔ pīi pɔ́ neéŋ ntē wɔ́p, á leshūŋ anu Ndém, á lezīʼne epuɔ á mɛnzhɛ Ndém.

1 Timotɛ 6:18

Ŋ́gɛ pɔ́ eghʉ̄ anu mbɔŋ, ŋ́ghʉ̄ mefaʼ membɔŋ tɛ e ezáne. Apū zɔ́p a ezāŋne á leyā epuɔ azō. Ŋ́gɛ pɔ́ egāp azō, ŋ́gyá azi emɔ̄ʼ epuɔ.

Eble 10:25

Ndɛ́ʼ ḿpɛ ezéŋ ŋgwáʼ alúŋ epuɔ Yɛɛ́so zímpɛ, páʼ emɔ̄ʼ epuɔ é cʉʼɛ́ ŋghʉ̄ɛ épúp. A cʉ́ʼɛ épúp, ḿpɛ esēmte mennɛ̄t mímpɛ, ńzeŋne zeŋné, melaʼ mīi, pɛ é si nzhɛ́ɛ á légɛ, aleʼé zīi Atsyapuɔ a gʉɔ mé eshʉʼɛ, á tshóne tɛ mbáte.

Eble 13:17

Pɛ ejúʼ nchu wɔ tshí‑mvhɔ á nnɔ pɛ, ńjúʼ anu zīi pɔ́ shúŋɔ á wɛ́, melaʼ mīi pɔ́ é efʉʼ metsem, ńcʉ̄te á wɛ́ té ká. Á gɔ́ páʼ, pɔ́ e láʼ etshí á mvhɔ Ndém, épɛ́te páʼ, pɔ́ le cʉtē á wɛ́ épúp. Pɛ eghʉ̄ tɛ pɔ́ gē eghʉ afaʼ zɔ́p, ntē wɔ́p e enɔŋ ŋgáŋtɛ, pɔ́ le nɔ̄ŋ nzwɛ́ttɛ ɛ́. Pɔ́ ge eghʉ afaʼ zɔ́p, ńnɔŋ nzwɛ́ttɛ, mbɔ á té ŋgɔ̄ á ntswíte pɛ, ánɛ amɔ̄ʼ azō ɔ́.

Eble 13:22

Epɔ̄ memía, meŋ á si ndʉ́ɛ́ ŋ́gɛ, pɛ ekúʼte anu jʉɔ zīi, meŋ á shúŋ, ńdɔk ŋgyá á wɛ́ ŋgate lāa, té záŋte nnɛ̄t. Akɛtte zīi meŋ á tí á mbū pɛ, á zi ka tswhī esāk á.

Eble 13:24

Pɛ etsāʼte wɔ tshí‑mvhɔ metsem á nnɔ pɛ, ńtsāʼte epuɔ Ndém metsem. Epi pɔ́ é Itália ega, é tsaʼte á wɛ́.

Eble 13:7

Pɛ ekímte wɔ tshí‑mvhɔ pīi, pɔ́ le zī mvhɔ, ńzíʼne á wɛ́ anu Ndém. Pɛ ejʉ́ɔ ntií zīi, pɔ́ le lɔ̄k nnáŋ, ńzéŋ njʉ́ɔ ezi pɔ́ le lɔ̄k ŋkhwʉ́te, éfʉ̄ʼne ezɔp ntií lefɛ̄ nnɛ̄t ŋgyá á mbū Ndém.