Lomɛŋ 12:6 - Eka Eswhī

⁶ Ndém a le zapá ánɛ apɔŋɔ́ ntē te ndhʉ zí, ŋ́gyá eyi nthū awiɛ́ á lelɔk ŋghʉ̄ mefaʼ mí, é tswhi. A gɔ́ éyi, eyi nthū ŋiŋ, é si ŋgɔ́ á letswi ŋke Ndém, á fhó ánɛ páʼ lefɛ̄ nnɛ̄t yímpɛ, a á si nzɛ́ttɛ ŋ́gɛ mɛ́ ezīŋ épúp, tɛ́ ntswī.

Lomɛŋ 12:6 Iomraidhean Croise

Matío 23:34

Melaʼ épúp, pɛ eké njúʼ, meŋ a shʉʼ etó metswi‑ŋke á mbū pɛ, étó megaŋ azhɛ̄‑anu á mbū pɛ, mbɔɔ kwaʼ wɔ kɛ́ʼte‑mbé Ndém. Pɛ ezwhíte emɔ̄ʼ, ŋ́kwɛ̄te emɔ̄ʼ ánɛ mbaŋne paŋné, ńdɔ̄k ntɛ̄ ntswá emɔ̄ʼ á meŋgyā aswiŋte pɛ, ḿmāʼ ŋgʉɔ̄ʼ á athū emɔ̄ʼ, á ntē metésɔŋ.

Matío 25:22

Ŋiŋ yīi mɛ́ le yá ŋkhʉ pīa á mbū yí lā, á tshóte azí nnɛ̄t, ńdé ŋ́gɛ: “Ŋkɔbé, o le yá ŋkāp á mbū meŋ ŋkhʉ pīa, mmɔʼ e zeéŋ ŋgɔ́ ejʉɔ ŋkhʉ pīa, ézi meŋ ke cʉ́ʼ njhʉ́ éwú.”

Lúkási 11:49

Anu jʉɔ mɛ́t mé le ghʉ̄ tɛ́, Ndém yīi a zhɛɛ́ etsō tsem, á lé ŋ́gɛ: “Meŋ a shʉʼ etó metswi‑ŋke pá, mbɔɔ meziŋ‑ntō pá á mbū pɔ́p, pɔ́ ekó ŋgēne emɔ̄ʼ, ńzwhíte emɔ̄ʼ.”

Mefaʼ Meziŋ-ntō 13:1

Emɔ̄ʼ epuɔ é lɛ ánɛ alúŋ epuɔ Yɛɛ́so zīi á Aŋtiɔsh, ŋ́gɔ́ metswi‑ŋke Ndém, emɔ̄ʼ é gɔ́ wɔ zíʼne epuɔ azō. Epuɔ puɔ mɛ́t, é lɛ wɔ Baanabas, ŋ́ghʉ̄ á Simeɔŋ yīi, mɛ́ lɛɛ́ nzéŋɛ ntɔ́ŋɔ á yí lɛ Sɛ́h‑Ŋiŋ, mbɔɔ Lusius ŋiŋ Silɛ̄ne, mbɔɔ Manaɛŋ yīi, pɔ́ Efɔ Elōde é le lū á esī, ŋ́ghʉ̄ á Sɔ́ɔl.

Mefaʼ Meziŋ-ntō 15:32

Páʼ Zwíde pɔ́ Silas é azɔ́p metswi‑ŋke Ndém lā, pɔ́ shúŋ á wɔ́p menu tɛ záne, ńdɔk nték á wɔ́p, ńzéŋ ndɔk ntswíʼte á wɔ́p.

Mefaʼ Meziŋ-ntō 2:17

Ndém á si ndʉ́ɛ́ ŋ́gɛ: A láʼ ekuʼe ánɛ mezoknzem eleʼé alāʼ, meŋ enéŋ Azwakne zá té ndhʉ, ánɛ epuɔ metsem. Epɔ̄ pɛ́, epi mbaŋa pɔ́ a epi wɔnzwí, e ecʉ́ʼ metswi‑ŋke pá. Epɔ̄ ŋgwɛso pɛ́, e ejʉ́ɔ njʉɔ te lí. Mezwiŋ epuɔ, e ejʉ́ɔ njʉ́ɔ lelɔ̄k.

Mefaʼ Meziŋ-ntō 21:9

A le wɛ̄ epɔ̄ nzwí lekua, mbɔ pɔ́ la á ŋiŋ mbaŋa zhɛ́ ɛ́, mbɔ pɔ́ gɛ ntswīi ŋke Ndém.

Lomɛŋ 1:11

Ńdɔ́ɔ épúp melaʼ mīi, ntē gá si ŋkhʉ́nɛ á lejʉ̄ɔ á wɛ́, ŋ́ghʉ̄, Azwakne Ndém á yá á wɛ́ ndémndēm, ajū mīi á ghʉ pɛ etēte ánɛ lefɛ̄ nnɛ̄t.

Lomɛŋ 12:3

Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

1 Kɔlɛŋte 12:18

Ndém a le ké ndɛt aziɛ́ ajʉʼ nnɛ̄t, ánɛ mbe nnɛ̄t lɛ́, ánɛ páʼ a á kɔŋ.

1 Kɔlɛŋte 13:2

Meŋ zi nnɔ̄ŋ ntswīi ŋke yīi, Ndém mé tswi, ńnɔŋ nzhɛ́ɛ á gá á leghʉ ajūɔ tsem, ńnɔŋ nzhɛ́ɛ ajūɔ tsem zīi, Ndém a le lʉ̄ɔ̄, ńzī efɛ́ nnɛ̄t ŋgyá á mbū Ndém tɛ ntsékne, tɛ ŋgɔ́ yīi meŋ gɔ elé á mbū lekwɛ̄t ŋ́gɛ, e efhó ega ntsɔ́ʼɔ. Meŋ gɔ́ épúp, ḿbīŋ te ŋkɔŋne á ntē meŋ wɛɛ̄, mbɔ meŋ mbuú te azō ɔ́.

1 Kɔlɛŋte 14:1

Pɛ ekāk ete, lekɔŋ á ŋiŋ ntsem á egɔ́ á mía azō á mbū pɛ. Pɛ esé á wɛ́ á lewɛ mete mīi, Azwakne Ndém á yáa á mbū epuɔ, á lelɔk ŋghʉ̄ azō. Ńtswhi esé mete á lelɔk ntswī ŋke yīi, é fhɔ́ɔ á mbū Ndém, á mbū epuɔ.

1 Kɔlɛŋte 14:24

A piŋɛ ŋgɔ́ éyi, epuɔ metsem é si ntswīi ŋke yīi, é fhɔ́ɔ á mbū Ndém, mbɔ te zhɛ́‑Yɛɛ́so, ká ŋiŋ yīi a á kó á ŋgyā, ńdɛ nnɔŋ ńjúʼ júʼe, pɔ́ e júʼ páʼ ashuŋne ntsem zīi, pɔ́ júʼu, á si ntswīi á wɔ́p mefa mɔ́p. Mbɔ pɔ́ e júʼ páʼ á si ŋŋāka á wɔ́p.

1 Kɔlɛŋte 14:29

Ŋ́gɔ́ mé letswi ŋke yīi, é fhɔ́ɔ á mbū Ndém, mbɔ á mbɔŋ ŋ́gɛ, epuɔ mémpīa ká epuɔ métɛ́t, e etswí á shuŋne ndɔ̄k ntswī. Emɔ̄ʼ epuɔ Yɛɛ́so, e esáŋ anu mɛ́t, ńjʉ́ɔ kɛ á ajʉʼ éwú, ŋ́gɔ́ épúp lɛ́ɛ.

1 Kɔlɛŋte 3:5

Apolos a á awɔ́, tɛ́ meŋ Pɔ́ɔl meŋ gɔ́ á awɔ́? Pek yí é gɔ́ áa megaŋ afaʼ pīi, Ndém a le tóō, ŋ́gɛ pek eshʉʼ ntswī ŋke mbɔŋ á mbū pɛ, tɛ́ pɛ ezápa ánɛ ŋke mɛ́t, éfɛ́ nnɛ̄t ŋgyá á mbū Klísto. Awɔ́ ŋiŋ wek lɛ́, a le ké ŋgē eghʉ azí afaʼ mɛ́t, éfhó áa ánɛ meshhʉ̄ mīi, Atsyapuɔ a á yá á yí.

1 Kɔlɛŋte 7:7

Á ké mmī mé meŋ, mbɔ meŋ á si ntsáa ŋ́gɛ, epuɔ metsem e enáŋ té menzwí, páʼ meŋ lā. Á piŋɛ ŋgɔ́ le épúp gɔ́, melaʼ mīi, Ndém a le yá ezi ntií lenāŋ awíɛ awíɛ, é tswhi. A á mbū emɔ̄ʼ epuɔ, ŋ́gyá á wɔ́p á lelā ŋgyā, ŋ́gɔ́ á mbū emɔ̄ʼ, ŋ́gyá á wɔ́p á lenāŋ pɔ́plépɔ̄p.

2 Kɔlɛŋte 8:12

Ŋiŋ a ge eyá azō á mbū Ndém, ńdɔ̄k á taʼ ntē, mbɔ Ndém a a fhó ánɛ ajū mīi, ŋgaŋ a wɛ̄ɛ, évéŋ azō mɛ́t. A á le fhó ánɛ ajū mīi ŋgaŋ a te wɛ ɛ́.

Efɛze 3:5

Ntsem mɛ́t, Ndém a lɛɛ́ te ŋghʉ̄ɛ ŋ́gɛ, epuɔ efʉʼ mvhɔ, e ezhɛ́ ɛ́. Táʼ, á piīŋ ŋgɔ́ tsetsɔŋɔ, mbɔ a á zápa ánɛ Azwakne zí, ŋ́ghʉ̄, meziŋ‑ntō mbɔɔ metswi‑ŋke pīi, a le tsɔ́ʼ á wɔ́p, ńtsékne á afaʼ á mbū pɔ́p, é zhɛ́.

Efɛze 4:11

Ajū mīi a le yá á mbū epuɔ menɔŋ, á si ŋgɔ́ páʼ, a le lɔ̄k emɔ̄ʼ, ŋ́ghʉ̄ meziŋ‑ntō, ńdɔ̄k emɔ̄ʼ, ŋ́ghʉ̄ metswi‑ŋke, ńdɔ̄k emɔ̄ʼ, ŋ́ghʉ̄ metswi‑ŋke mbɔŋ ánɛ Yɛɛ́so, ńdɔ̄k emɔ̄ʼ, ŋ́ghʉ̄ mepfɛnne‑memvhō Ndém, pɔ́ zeéŋ ŋgɔ́ wɔ zíʼne‑epuɔ anu Ndém.

Fílíip 3:15

Ḿpɛ metsem pīi, ḿpɛ é tswhí ánɛ mɛnzhɛ Yɛɛ́so, ḿpɛ epú ŋgwɛ̄ ejʉɔ ntií akwaŋte mɛ́t. A piŋɛ ŋgɔ́ éyi, pɛ wɛɛ̄ amɔ̄ʼ akwaŋte ndɛʼɛ, Ndém á tsɔ́ʼ leghi tsɛ́.

1 Tesalonik 5:20

Ndɛ́ʼ pɛ ewák ashuŋne metswi‑ŋke Ndém.

2 Piɛ 1:20

Ajū mīi pɛ pɔŋteé á wɛ́ á letē njhʉ̄ nzhɛ́, á si ŋgɔ́ á légɛ: «Ŋiŋ a gɔ le lɔ̄k leghi tsí méŋwɛ̄t, ŋ́kɛ́ʼte anu zīi metswi‑ŋke Ndém é le lé á ntē aŋwaʼne Ndém ɛ́. »