Lomɛŋ 12:5 - Eka Eswhī

⁵ Ndeŋ ndeŋ épúp, páʼ ḿpɛ lɛtneē ánɛ Klísto lā, á páʼa ḿpɛ elɔ̄ɔk mbú ŋgɔ̄ áa taʼ mbe nnɛ̄t, tɛ mbɔɔ páʼ ḿpɛ é tɛ nzáne lā. Ḿpɛ kʉʉ̄ŋ mbú ntemte ńcʉ́ʼ á taʼ, ńdɛ̄tne mennɛ̄t mímpɛ, páʼ aziɛ́ akim mbe nnɛ̄t lɛ́, á lɛtneē ánɛ amɔ̄ʼ lā.

Lomɛŋ 12:5 Iomraidhean Croise

Jáaŋ 17:11

Te efhó tsetsɔŋɔ, meŋ cʉʉ́ʼ á ŋgɔŋ ega enáŋ á. Pɔ́ e cʉ́ʼ ezɛ́t á ŋgɔŋ ega. Ŋ́gɔ́ mé meŋ, mbɔ meŋ shʉʼɛ mé ntswɛ́tte wu. Mɔ́ʼɔ, ndaʼ Ndém, lɛ ndɔ̄k mete mú ŋkápte á wɔ́p. Méte mīi o ke yá me meŋ. Tɛ́ pɔ́ enáŋ efʉʼ metsem, ŋ́gɔ́ á taʼ, ńdeŋ ndeŋ páʼ pɔkɔ é taʼ lā.

Lomɛŋ 12:4

Ḿpɛ é páʼā, ŋ́gwɛ̄ áa taʼ mbe nnɛ̄t, mbe nnɛ̄t mɛ́t é wɛ mekim tɛ záne, aziɛ́ akim lɛ́, á piŋ mbɔ́ŋ azí afaʼ ntswhī.

1 Kɔlɛŋte 10:17

Mblɛ e gɔ́ áa taʼ, ḿpɛ metsem é piŋ mbúte ḿpfɛ́t ndaʼ mblɛ mɛ́t. Púp, á lɔkɔ ntswīi á légɛ, ḿpɛ é pú mbúte ŋ́gɔ́ á taʼ.

1 Kɔlɛŋte 10:33

Pɛ eghʉ̄ páʼ meŋ lā, meŋ kaāk ete á légɛ, ajūɔ tsem zīi meŋ ghʉɛ, a etswíte epuɔ metsem. Meŋ te lɛ ŋghʉ̄ áa ajū mīi, á tswíte á gá meŋɛmeŋ ɛ́. Meŋ ghʉʉ̄ azi, á tswíte á atʉtʉ epuɔ, ńzhɛ́ páʼ Ndém a a ghʉ pɔ́ etswɛ́t.

1 Kɔlɛŋte 12:20

Mejʉʼ nnɛ̄t é tɛ nzá páʼā, ŋ́ké ŋgɔ́ áa taʼ mbe nnɛ̄t.

1 Kɔlɛŋte 6:15

Pɛ te si nzhɛ́ɛ á légɛ, mbe nnɛ̄t zɛ é si ŋgɔ́ mejʉʼ nnɛ̄t Klísto lɛ́? Ndɛ́ʼ ŋiŋ á piŋ mbúte á ajʉʼ nnɛ̄t Klísto, ánɛ azi ŋgaŋ agā. Ŋgáŋ, ndɛ́ʼ ŋiŋ á gɔ́ aleʼé, ŋ́ghʉ̄ ntií anu épúp.

Efɛze 1:23

Alúŋ epuɔ Yɛɛ́so á páʼā, ŋ́gɔ́ mbe nnɛ̄t Klísto. Klísto á gɔ́ mé alúŋ mɛ́t efʉʼ metsem, Ndém á gɔ́ mé yí.

Efɛze 4:12

A le ghʉ̄ épúp, ńdɔkɔ efāʼa ŋ́gɛ, epuɔ Ndém, e ekūʼ á wɔ́p á leghʉ afaʼ, á lelɔk ŋghʉ̄, mbe nnɛ̄t Klísto, álúŋ epuɔ pí, á tswhí ŋgʉ̄ɔ mé mvhɔ.

Efɛze 4:25

Páʼ pɛ wɛɛ̄ lenāŋ leswhī lā, pɛ efhó ánɛ mela ntó, awíɛ awíɛ a eshúŋ anuúnē á mbū méŋ mɔ́ yi, melaʼ mīi, ḿpɛ metsem é si mbú ŋgɔ́ ekim taʼ mbe nnɛ̄t.

Efɛze 5:23

melaʼ mīi, á mbū menzwí páʼā, ndō yi mé gɔ́ eyi efɔ, ńdeŋ ndeŋ páʼ, ánɛ alúŋ epuɔ Klísto páʼā, Klísto mé gɔ́ á efɔ. Yí yīi a le ghʉ̄ʉ̄, alúŋ mɛ́t, páʼ á si ŋgɔ́ mbe nnɛ̄t zi lā, á tswɛ́t.

Efɛze 5:30

ŋ́ghʉ̄ɛ épúp, melaʼ mīi, ḿpɛ é si ŋgɔ́ mekim mbe nnɛ̄t zi.

Kɔlɔs 1:24

Tsetsɔŋɔ, ŋgɔŋ é si mbɔ̄ŋɔ á gá ánɛ ŋgʉɔ̄ʼ zīi, meŋ jʉ́ɔ, ánɛ athū zɛ́. Meŋ ndɔkɔ mbe nnɛ̄t za méŋwɛ̄t, ńjʉ́ɔ ŋgʉɔ̄ʼ mɛ́t épúp, ánɛ lezēŋ Klísto, melaʼ mbe nnɛ̄t zi zīi, e é si ŋgɔ́ alúŋ epuɔ Yɛɛ́so.

Kɔlɔs 2:19

Pɔ́ té lɛtnē ánɛ Klísto ó, tɛ́ yí mé gɔ́ athū, epuɔ Yɛɛ́so é gɔ́ mbe nnɛ̄t. Yí mé nɔŋ ŋghʉ̄ɛ, mbe nnɛ̄t mɛ́t, é wiɛ ajū mīi, á mbū yí ŋkíŋɛ. Yí mé gɔ́ páʼ lejuŋɔ́ tsīi, é ghʉɛ, ajʉʼ nnɛ̄t á tsóʼnɛ ánɛ amɔ̄ʼ lā, ŋ́gɔ́ páʼ meŋgaŋ mīi é lɛɛ̄t ajʉʼ nnɛ̄t ánɛ amɔ̄ʼ lā. Ndém mé ké nnɔ̄ŋ ŋghʉ̄ɛ, mbe nnɛ̄t mɛ́t é tswhíɛ.