Lomɛŋ 12:3 - Eka Eswhī

³ Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

Lomɛŋ 12:3 Iomraidhean Croise

Lúkási 18:11

Ŋiŋ Falísia wɔ̄, á lɛ ŋgē ekó á ŋgyā mɛ́t, ŋ́gʉɔ ntshí á mvhɔ, ńzī á leswīŋte Ndém ŋ́gɛ: “Ndém, meŋ á syákne á wú páʼ meŋ te páʼ emɔ̄ʼ epuɔ lā á, páʼ meŋ te páʼ ntswi‑ncup yi lē é. Meŋ gɛ te nzáa ŋgɛ́tté ɛ́, meŋ te nzáa mekɛ̄t ɛ́, ḿbiŋɛ te ŋghʉ̄ɛ agā á.

Jáaŋ 3:34

Ŋiŋ yīi, Ndém a le tó á yí, a á si eshúŋɔ áa menu mīi, é fhɔ́ɔ á mbū Ndém. Ndém mɛ́t mé si ŋgyáa á yí Azwakne zí té ndhʉ.

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 11:20

Á épúp á anuúnē. Mɛ́ lɛɛ́ nzáʼa á wɔ́p, melaʼ mīi pɔ́ le sɛ̄t nzem Ndém. O ké mbiŋ ŋgɔ́ á ajʉʼ ega mɛ́t páʼā, á gɔ́ melaʼ mīi, o lē efɛ́ nnɛ̄t ŋgyá á mbū Yɛɛ́so. Ndɛ́ʼ o ké ndɔ̄k épúp, ŋ́ŋīa. Lak athū jú.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 12:16

Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

1 Kɔlɛŋte 15:10

Táʼ, Ndém a le ké nzápa ánɛ apɔŋɔ́ ntē te ndhʉ zí, tɛ́ ŋghʉ̄ meŋ ecʉ́ʼ ajū mīi, meŋ á ayáʼa ŋgɔ́ aziɛ́ la. Apɔŋɔ́ ntē te ndhʉ mɛ́t zīi, a le wɛ̄ ánɛ meŋ, á lɛ te ndémndēm azō ɔ́. A cʉ́ʼɛ épúp mbɔ, meŋ nde ghʉ̄ afaʼ ntɔ́k meziŋ‑ntō metsem. Meŋ te ndʉ́ɛ́, ńdɔ̄k mete má tɛ́ ŋghʉ̄ afaʼ á, mete Ndém mé le tswité á gá á leghʉ.

1 Kɔlɛŋte 3:10

Ndém a le yá á gá meshhʉ̄, tɛ́ meŋ ndɔ̄ɔk ŋkūʼ á gá á lenɔŋ atseŋ ŋgyā mɛ́t, á tsetsɛlɛ pɛ, páʼ mbɔŋ mbɔɔ‑ŋgyā lā. Mmɔʼ ŋiŋ á shʉʼ ŋkɔ́ʼne mbe. Táʼ, awíɛ a eké ndāk athū zí, ánɛ ntií zīi, a lɔkɔ ŋkɔ́ʼnɛ mbe ŋgyā mɛ́t.

1 Kɔlɛŋte 7:17

Amɔ̄ʼ anu zīi, meŋ a zéŋ etswiʼne, a a jʉɔ páʼa. Awíɛ awíɛ a enáŋ eyi lenāŋ, páʼ Atsyapuɔ Ndém a le kīa ŋ́gɛ, a enáŋ épúp, mbɔ a gɛ nzī nnáŋa épúp, tɛ efhó páʼ Ndém, a le lɔ̄k á yí ŋghʉ̄ á ŋiŋ yi. Lepé cʉɔ mɛ́t tsīi, meŋ ŋgyáa á mbū pɛ lāa, á si ŋgɔ́ ajū mīi, meŋ á si nzíʼnɛ ánɛ meŋgyā melúŋ epuɔ Yɛɛ́so ntsem.

2 Kɔlɛŋte 10:13

Ŋ́ké ŋgɔ́ mé pek, mbɔ pek lɔɔ̄k áa afaʼ zīi, Ndém a le tsekné á mbū pek, tɛ́ ŋkāʼte, é ké le zíʼ ndhʉ ɛ́. Pek pɛɛ́ efʉʼ áa ánɛ ndhʉ ŋkāʼ afaʼ yīi, Ndém a le tsekné á mbū pek, páʼ a le ghʉ̄ʉ̄, pek egʉɔ tɛ ŋkó mbɔɔ á alāʼ pɛ.

2 Kɔlɛŋte 12:13

Amɔ̄ʼ anu mbɔŋ zīi, meŋ nde ghʉ̄ ánɛ melúŋ epuɔ Yɛɛ́so, té ghʉ ánɛ pɛ azɛ́, á té éwú ú. Ńdaʼ ŋ́gɛ, á gɔ́ mé meŋ, mbɔ meŋ ndɛ te apiʼ á mbū pɛ ɛ́. Pɛ elɛ ndēkne ŋgyá á mbū meŋ, melaʼ épúp lɔ.

2 Kɔlɛŋte 12:7

Páʼ menu mīi Atsyapuɔ a le ghʉ̄ meŋ jʉ́ɔ, é lɛ mɛgém anu lā, a lɛ te kɔ̄ŋ ŋ́gɛ meŋ ndɔk ŋŋīa á. Melaʼ épúp tɛ́, a le véŋ ŋ́gɛ, ŋgʉɔ̄ʼ e eshʉ̄ʼ ánɛ meŋ, páʼ nzɔ̄ŋ e epwɔ́ʼɔ ánɛ ŋiŋ, ŋ́gyáa á yí ŋgʉɔ̄ʼ épúp, ŋ́gɔ́ á cɔʼ Sɛ́ta yīi, a a náŋ ezapa á gá efʉʼ metsem, ḿbɔ́k á gá á leŋia.

Galat 6:3

Ŋiŋ a gɔ́ɔ te azō ɔ́, ḿbīŋ nɔŋ ŋkwāŋa ŋ́gɛ, yí kūʼe, mbɔ ŋgaŋ a á páʼā, ńdɔkɔ mbɔ̄ptɛ áa athū nnɛ̄t zí.

Efɛze 3:2

Pɛ le júʼ páʼ, Ndém a le lɔ̄k apɔŋɔ́ ntē te ndhʉ zí, ńtsékne á gá á leghʉ afaʼ, á athū pɛ.

Efɛze 3:4

Pɛ e kó á ntɔ́ŋɔ akɛtte zá jʉɔ, ékuʼ á lejʉ̄ɔ páʼ, meŋ zhɛɛ́ ntsem zīi, e cʉteē á Klísto.

Efɛze 4:16

Yí mé ghʉʉ̄, mbe zi, épuɔ Klísto metsem, é gɔ́ á taʼ nchu, awíɛ á náŋ á lenaŋá yí, ńtsóʼne ánɛ méŋ mɔ́ yi, páʼ mejuŋɔ́ nnɛ̄t é ghʉʉ̄, ajʉʼ nnɛ̄t á tsóʼne ánɛ amɔ̄ʼ. Aziɛ́ ajʉʼ nnɛ̄t lɛ́, á ghʉʉ̄ azí afaʼ á mbɔŋɔ́ páʼā, tɛ́ ndɔk ŋghʉ̄, mbe nnɛ̄t é tswhí. Ndeŋ ndeŋ épúp, epuɔ Yɛɛ́so é lɔɔ̄k ŋkɔŋne nnáŋ páʼā, nnɔ wɔ́p é tswhí.

Fílíip 2:13

melaʼ mīi, Ndém mé si ntshónɛ á wɛ́, pɛ tsáa, ḿbiŋɛ ŋkūʼɔ á leghʉ ajū mīi, a kɔɔ̄ŋ ŋ́gɛ mɛ́ eghʉ̄.

Kɔlɔs 1:29

Á épúp tɛ́, meŋ á si ŋkāka ete, ńnɔŋ mbɛ́ttɛ ŋkwɛ, mé mete mīi, é fhɔ́ɔ á mbū Klísto. Emiɛ́ mé si ntshónɛ á gá, á leghʉ mefaʼ muɔ mɛ́t.

Kɔlɔs 2:13

Á lɛ amɔ̄ʼ afʉʼ, pɛ gɔ́ páʼ mepfhō lā, melaʼ mefa mɛ́, mbɔɔ melaʼ páʼ, mɛ́ lɛ te á wɛ́ tém. Á piīŋ ŋgɔ́ tsetsɔŋɔ, mbɔ Ndém a ke ghʉ̄ʉ̄, pɛ a Yɛɛ́so é zím ánɛ lewhʉ̄, á lɔkɔ ndēknɛ mefa mímpɛ.

1 Timotɛ 1:14

Apɔŋɔ́ ntē te ndhʉ zīi, Atsyapuɔ yímpɛ a wɛɛ̄ ánɛ meŋ, á zá ntsia. A le ghʉ̄ʉ̄, meŋ efɛ́ nnɛ̄t ŋgyá mé yí, ŋ́ghʉ̄ meŋ ewɛ ŋkɔŋne zīi, epuɔ pīi é lɛtneē ánɛ yí mé wɛ̄ɛ.

1 Timotɛ 2:15

Táʼ, Ndém a a ké eláʼ efhó ánɛ páʼ, a zhií, éghʉ a etswɛ́t. Ńdaʼ ŋ́gɛ, a ekúʼte á yí á lefɛ̄ nnɛ̄t ŋgyá á mbū Yɛɛ́so, ŋ́gwɛ̄ ŋkɔŋne, ńnáŋ páʼ á pɔŋ á Ndém, ŋ́gwɛ̄ nnɛ̄t zi mé mekuʼ.

1 Timotɛ 2:9

Ŋ́gɔ́ mé wɔnzwí, meŋ enɔ̄ɔŋ ŋkɔ̄ŋɔ ŋ́gɛ, pɔ́ emāʼ menzhó mīi, é ghʉ pɔ́ evhóne. Ménzhó mīi, é gɔne ánɛ pɔ́p. Pɔ́ emāʼ menzhó mīi é mbɔŋ ánɛ pɔ́p. Ŋ́gē etswiŋ nnɛ̄t zɔp, pɔ́ le kwɛ́tte mmɔʼ ntií athū zīi, pɔ́ lɔkɔ efāʼa ŋ́gɛ mɛ́ ejʉ́ɔ á wɔ́p ɔ́. Pɔ́ le zwík etsō metuúŋ tsīi, mɛ́ le lɔk á gɔ́ɔl ká mbē, tɛ́ ncūŋte ɛ́. Ndɛ́ʼ pɔ́ emaʼ menzhó tɛ ndɔ̄kɔ ntswīi áa légɛ, pɔ́ é megaŋ azō.

Tíit 2:12

Ńtswī á yímpɛ épúp páʼā, ńdɔkɔ eshúŋɔ á yímpɛ ŋ́gɛ, ḿpɛ pɔŋteé á lewāʼ atʉɛ́‑athū zímpɛ, ńzéŋ ŋgwáʼ akwaŋte zīi, á ghʉɛ, ḿpɛ tshíɛ ntē yímpɛ ánɛ tsitsi ŋgɔŋ wuɔ. Ŋ́gwáʼ épúp, ńcʉ́ʼɛ ndɔ̄kɔ áa azhɛ̄‑anu, mbɔɔ ndeŋ ndeŋ, mbɔɔ leziŋ páʼ Ndém a á si ŋkɔ̄ŋɔ, tɛ́ nnáŋa á ŋgɔŋ ega ayáʼa.

Tíit 2:2

Zíʼne á mbū mezwiŋ epuɔ ŋ́gɛ, pɔ́ pɔŋteé á leghʉ akɔ̄ lɛ́, ŋ́kuʼne kuʼne. Ŋ́gɛ pɔ́ pɔŋteé á leghʉ, tɛ mɛ́ wuʼte á wɔ́p efʉʼ metsem. Ŋ́gɔ́ epuɔ pīi pɔ́ saáŋ anu, tɛ́ ŋghʉ̄. Ŋ́gɔ́ epuɔ pīi pɔ́ kwaāʼ efɛ́ nnɛ̄t zɔp ŋgyá á mbū Yɛɛ́so. Ŋ́gɔ́ epuɔ pīi pɔ́ kɔɔ̄ŋ epuɔ tɛ ntsékne. Ŋ́gɔ́ efʉʼ metsem, ŋ́kāk ete á leziŋ á nzem Ndém.

Tíit 2:4

Pɔ́ ezíʼne wɔnzwí pīi pɔ́ zɛɛ́t ndāa ŋgyā á lekɔŋ melō pɔ́p, mbɔɔ ewɔŋkhʉ̄ pɔ́p.

Tíit 2:6

Zéŋɛ nzíʼne epɔ̄ ŋgwɛso azɔ́p, á lesāŋ anu tɛ́ ŋghʉ̄.

Jáak 4:6

Táʼ, Ndém a á si ŋké ŋghʉ̄ɛ á mbɔŋɔ́, apɔŋɔ́ ntē te ndhʉ zīi, a wɛɛ̄ ánɛ pímpɛ, á faáŋ ntsyā ajūɔ tsem. É melaʼ épúp tɛ́, aŋwaʼne Ndém á leé ŋ́gɛ: «Ndém a teém nzem wɔ ŋáʼte‑nnɛ̄t. Ḿbiŋ ntswī apɔŋɔ́ ntē zí, á mbū wɔ nɔŋ‑nnɛ̄t á esī. »

1 Piɛ 1:13

Melaʼ menu mɛ́t ntsem tɛ́, ndɛ́ʼ leghi tsɛ́ é kʉ, athū zɛ́ a etshí áa leghʉ afaʼ Ndém. Pɛ enéŋ ntē wɛ́, ńzwíʼte anu mbɔŋ té ndhʉ zīi, Ndém a a shʉʼ eghʉ ánɛ pɛ. A egɔ́ á leghʉ pɛ etswɛ́t, á afʉʼ zīi Yɛɛ́so Klísto a ghʉɛ mɛ́ zhɛ́ɛ á yí.

1 Piɛ 4:11

A gɔ́ éyi Ndém a le yá eyi nthū ŋiŋ, é gɔ́ á yí á lezhɛ̄ á leshūŋne, ŋgaŋ á shúŋne ndɔ̄k ńtswī ŋke Ndém. Ŋ́gɔ́ éyi, eyi nthū mmɔʼ ŋiŋ é á letswīte emɔ̄ʼ epuɔ, á lɔk áa mete mīi, Ndém a le yá á yí, tɛ́ ntswíte. Pɛ eghʉ̄ épúp, tɛ́ epuɔ metsem e ezápa ánɛ Yɛɛ́so Klísto, ŋ́gūʼte á Ndém ánɛ ajūɔ tsem. Yɛɛ́so wuɔ mɛ́t mé saáʼ ajūɔ tsem. Awuʼte a egɔ́ á mbū yí, á meŋguʼ meŋguʼ. Á páʼa.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

1 Piɛ 5:5

Ŋ́gɔ́ á mbū pɛ ŋkaŋa ŋkhʉ̄, pɛ ezīŋ páʼ epɔ̄ melʉɛ é si nzɛ́ttɛ épúp. Pɛ esóʼne nnɛ̄t zɛ ŋgyá á esī á nnɔ pɛ, ánɛ akʉ̄ɛ akʉ̄ɛ zīi, pɛ ghʉɛ. Pɛ ekímte páʼ mɛ́ le tí á ntē aŋwaʼne Ndém ŋ́gɛ: «Ndém a paā epuɔ pīi, pɔ́ kɔʼneé nnɛ̄t zɔp mé athʉ́, ḿbiŋ ŋghʉ̄ á anu mbɔŋ té ndhʉ, á mbū epuɔ pīi, pɔ́ soʼneé nnɛ̄t zɔp mé esī. »

1 Piɛ 5:8

Ndɛ́ʼ pɛ ecʉ́ʼ, azō á kʉɛtɛ leghi tsɛ́. Ndɛ́ʼ pɛ elí. Sɛ́ta, á ŋgaŋ mbo wɛ, a á lezēŋ pɛ efʉʼ metsem, ŋ́kɛ́nnɛ efāʼa á ŋiŋ yīi, a a sɛt á yí. A á si ŋkɛ́nnɛ páʼ na nzwi yīi, a gaʼtɛ ŋkɛ́nnɛ efāʼa ajū mīi, a gʉɔ mé mpfɛ́tɛ lā.

3 Jáaŋ 1:9

Meŋ ke tí amɔ̄ʼ atsém akɛtte, á mbū alúŋ epuɔ Yɛɛ́so zɛ́. Diotlɛf, páʼ a kɔɔ̄ŋ ŋ́gɛ mɛ́ ejʉ́ɔ áa yí, ánɛ menu ntsem lā, á lʉʼ á levēŋ anu zīi, meŋ á lé á ntē éwú.