Lomɛŋ 12:2 - Eka Eswhī

² Ndɛ́ʼ pɛ epɛ́ efʉʼ ánɛ epuɔ ŋguʼ puɔ. Pɛ ekúmne ntií lelɔk nnáŋ, ńcʉ́ʼ, Ndém a eyá á wɛ́ ntií á lelɔk ŋkwāŋ á anu leswhī leswhī, ńdɔk nzhɛ́ á leghʉ ajū mīi, a á si ŋkɔ̄ŋɔ ŋ́gɛ mɛ́ eghʉ̄. Pɛ ghʉɛ épúp, á gɔ́ mbɔŋ, á páʼa ŋgɔ́ á ajū mīi, á gɔ epɔ̄ŋ á Ndém, ŋ́gɔ́ á ajū mīi á mbɔŋ á mbū Ndém tɛ ntsékne.

Lomɛŋ 12:2 Iomraidhean Croise

Matío 13:22

Tepɔŋ mvēŋ yīi, mesa etsō é le whʉtē éwú lā, a á si ŋgɔ́ á ŋiŋ yīi, a juúʼ ashuŋne Ndém, ńdɛ ŋgē etém nzem, menu ŋgɔŋ muɔ, é jhʉ́ ntē yí. Á zi á letshī ntē yí ánɛ lewūʼ esī atsetsáʼ tsīi, é gɔ́ áa mepɔp. Ecʉɔ etsō mɛ́t, é pú ŋkwɛ́t anu Ndém á ntē yí, tɛ á pí, té zém ntá.

Málkúsi 4:19

ḿbiŋ nté á ndaá nnɛ̄t ánɛ etsō ndo esī atsetsáʼ, ńté á ntshí ntē ánɛ lewūʼ esī atsetsáʼ tsīi, é gɔ́ áa mepɔp, ńzéŋ nté á ntshí ntē wɔ́p ánɛ emɔ̄ʼ etsō ndɛʼɛ, ecū muɔ mɛ́t é pú ŋkwɛ́t anu Ndém á ntē pɔ́p, tɛ á pí, té zém ntá.

Jáaŋ 14:30

Te efhó tsetsɔŋɔ, ḿpɛ te e zéŋ etswhi eshúŋnɛ ɛ́, melaʼ mīi, efɔ ŋkaŋ‑ŋgɔŋ, a á shʉʼ, táʼ, a ké ŋgɔ́ a á le ánɛ meŋ kūuʼ.

Jáaŋ 15:19

Pɛ é ŋgwíʼe ŋgɔ́ epuɔ ŋgɔŋ puɔ, mbɔ pɔ́ kɔŋ á wɛ́ tɛʼ, melaʼ mīi, pɛ a pɔ́p mé nnɔ. Pɛ piīŋ te epuɔ ŋgɔŋ puɔ ɔ́. Meŋ nde tswhī ŋkaŋ á wɛ́, éfhó á nnɔ epuɔ ŋgɔŋ puɔ efók á wɛ́, é melaʼ épúp, tɛ́ pɔ́ paā á wɛ́.

Jáaŋ 17:14

Meŋ ke ziʼné á wɔ́p ashuŋne jú, epuɔ ŋgɔŋ puɔ é piŋ mbā á wɔ́p, melaʼ mīi pɔ́ té si ŋghʉ̄ɛ páʼ, epuɔ ŋgɔŋ puɔ é si ŋghʉ̄ɛ épúp ɔ́, ńdeŋ ndeŋ páʼ, meŋ te si ŋghʉ̄ɛ páʼ epuɔ ŋgɔŋ puɔ, é si ŋghʉ̄ɛ épúp ɔ́.

Jáaŋ 7:7

Epuɔ ŋgɔŋ puɔ é gɔ le jʉ́ɔ ajū mīi, pɔ́ lɔk epa á wɛ́ ɛ́. Té ŋké ŋgɔ́ mé meŋ, mbɔ pɔ́ é si mbāa á gá, melaʼ mīi, meŋ á si eshúŋɔ á wɔ́p á légɛ, ŋghʉʉ́‑anu tsɔ́p é té pɔŋ.

Lomɛŋ 12:1

Epɔ̄ memía pá, meŋ á si eswíŋtɛ á wɛ́ ŋ́gɛ, páʼ Ndém a wɛɛ̄ atsāmezeŋɛ á mbū pímpɛ lā, pɛ epú mmāʼ ŋgua zɛ ŋgyá á mbū yí, ńdɔ̄k ewɛ legɔ̄ ntsem, ńnɔ̄ŋ epɔʼ á mbū yí. Ntií epɔʼ jʉɔ mɛ́t mé gɔ epɔ̄ŋ á yí. Pɛ ghʉɛ épúp, á gɔ́ á lewuʼte á Ndém tɛ ntsékne.

Lomɛŋ 13:14

Á gɔ́ áa lɛ, pɛ elɔ̄k á leghʉ páʼ Atsyapuɔ Yɛɛ́so Klísto, a á si ŋkɔ̄ŋɔ épúp, ŋ́kwɛ́t etsɛ́ lenāŋ, pɛ é le néŋ athū zɛ́ ánɛ ecū mīi, mbe nnɛ̄t zɛ é si ntshónɛ á wɛ́, ŋ́gɛ pɛ ghʉɛ, á pɔŋ á wɛ́ ɛ́.

Lomɛŋ 7:12

Púp, lepé é fhó á mbū Ndém, ajū mīi é lʉ́ɛ́, á gɔ́ té alɔ́ʼ, ŋ́gɔ́ ndeŋ ndeŋ, ŋ́gɔ́ mbɔŋ.

Lomɛŋ 7:14

Ḿpɛ é si ncuŋtɛ nzhɛ́ɛ á légɛ, lepé é fhoó á mbū Ndém. Ḿbiŋ ŋgɔ́ mé meŋ, mbɔ meŋ gɔ́ áa ŋiŋnɔŋ, ŋ́gɔ́ á apuʼ mefa.

Lomɛŋ 7:22

Meŋ á páʼā ndɔkɔ ŋ́gɛ, lepé tsīi, é fhɔ́ɔ á mbū Ndém, é tɛ á ntē meŋ, ḿbɔ̄ŋ á gá tɛʼ.

1 Kɔlɛŋte 3:19

Melaʼ mīi, ajū mīi epuɔ ŋgɔŋ puɔ é kwaāŋ ŋ́gɛ, á si ŋgɔ́ azhɛ̄‑anu, á mvhɔ Ndém, ŋ́gɔ́ áa apiá‑anu. Meŋ ndʉ́ɛ́ páʼa, éfhɔ́ɔ ánɛ páʼ, Ndém a le lé á ntē aŋwaʼne yí ŋ́gɛ, yí lɔɔ̄k ŋgɛ́tté megaŋ azhɛ̄‑anu, tɛ́ ndɔk ŋgɔ̄ á wɔ́p.

2 Kɔlɛŋte 4:4

Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.

2 Kɔlɛŋte 5:17

Ŋiŋ a lɛtneē ánɛ Klísto páʼā, ńcʉ́ʼ á ŋiŋ eswhī, mbɔ nzwiŋ atswhī ŋgaŋ, a á mi. Á cʉ́ʼɛ ŋgwɛ̄ áa atswhī eswhī.

Galat 1:4

Klísto mɛ́t, a le yá athū nnɛ̄t zí, ńdɔk ŋghʉ̄ ḿpɛ etswɛ́t ánɛ mefa mímpɛ. Éfhó á mbū tepɔŋ mete ŋgɔŋ muɔ, ŋ́kú á yímpɛ. Á gɔ́ afaʼ zīi Mɔʼɔ́ yímpɛ Ndém, a le nɔ̄ŋ ŋkɔŋɔ ŋ́gɛ a eghʉ̄.

Efɛze 1:18

Ŋ́gɛ a elɛ ndɔ̄k ŋkaʼ yí ŋkɛ̄ʼɛ ntē wɛ́, pɛ ecuŋte nzhɛ́ ajū mīi, a lɛɛ́ ntɔ́ŋɔ á wɛ́ páʼā, ŋ́gɔ̄ eyá mé pɛ, ńcuŋte nzhɛ́ páʼ, mía mía lewūʼ yīi, a yáa á mbū epuɔ pīi é lɛtneē ánɛ yí, a á épúp.

Efɛze 2:2

Pɛ lɛ afʉʼ mɛ́t, ŋ́kúʼte menu tepɔŋ pɔ́ mefa mɛ́t tɛ é te, ńnɔŋ nzīŋɛ páʼ mete ŋgɔŋ muɔ é tshoneé á ŋiŋ, á ziŋ épúp, ńnɔŋ njúʼɔ nchu efɔ metsō tepɔŋ, páʼ a á si nnéŋɛ mbo á tsetsɛlɛ Ndém á athʉ́ lephū, pɔ́ a epuɔ menɔŋ á ndo esī atsetsáʼ. Yí mé tsetsɔŋɔ, ńtshónɛ wɔ tʉɛ‑athū á mbū Ndém, á leghʉ mefa.

Efɛze 5:17

Ndɛ́ʼ pɛ enáŋ páʼ metsetseŋ lā, pɛ egɔ́ efʉʼ metsem, éfāʼ á lezhɛ̄ ajū mīi, Atsyapuɔ a á si ŋkɔ̄ŋɔ ŋ́gɛ pɛ eghʉ̄.

Kɔlɔs 1:9

É melaʼ épúp tɛ́, tɛ efhó páʼ pek le júʼ épúp, pek é ánɛ ewék eshhʉ̄, éswíŋtɛ á Ndém á athū pɛ té ká. Éswíŋtɛ á yí ŋ́gɛ, a elɛ ŋgyá á wɛ́ azhɛ̄‑anu zīi, á fhɔ́ɔ á mbū Azwakne zí, pɛ elɔk ncūŋte njúʼ azō mɛ́t zīi, pɛ ghʉɛ. Ńzéŋ ndɔk ńzhɛ́ á ajū mīi, a á si ŋkɔ̄ŋɔ.

Kɔlɔs 3:10

Pɛ kʉʉ̄ŋ ncʉ́ʼ epuɔ meswhī, épuɔ meswhī pīi, Ndém, á Mbɔ yímpɛ, a á efʉʼ metsem, ŋ́ghʉ̄ pɔ́ swhí á yí, éfāʼa ŋ́gɛ, pɛ etswiʼne nzhɛ́ á yí.

Kɔlɔs 4:12

Epaflas, ńzéŋ ŋgɔ́ azí á ŋiŋ alāʼ wɛ, a á si ntsāʼtɛ á wɛ́. A zeéŋ ŋgɔ́ á ŋgaŋ afaʼ Yɛɛ́so Klísto. A neéŋ athū zí tɛʼ, á leswīŋte á Ndém á athū pɛ ŋ́gɛ, Ndém a elɛ ŋghʉ̄, pɛ etswiʼne ntēte ánɛ lefɛ̄ nnɛ̄t, ŋ́gyá á mbū Yɛɛ́so. Ńtswiʼne ntswhí, ánɛ anu Ndém. Ńnéŋ á ntē pɛ, á legɔ̄ efʉʼ metsem, ŋ́ghʉ̄ ajūɔ ntsem zīi, Ndém mé si ŋkɔ̄ŋɔ.

1 Tesalonik 4:3

Ajū mīi Ndém a á si ŋkɔ̄ŋɔ, á si ŋgɔ́ á légɛ, pɛ epú ŋgɔ́ efʉʼ metsem, ńtsēŋne ánɛ yí, ḿbiŋ mbá á agā.

Tíit 3:5

ŋ́ghʉ̄ ḿpɛ etswɛ́t. A te gē eghʉ épúp, éfhó ánɛ mefaʼ membɔŋ mīi, ḿpɛ méŋwɛ̄t é lɔkɔ á ndeŋ ndeŋ ŋghʉ̄ɛ ɛ́. A le gē eghʉ épúp, éfhó ánɛ atsāmezeŋɛ zí zīi, a wɛɛ̄ ánɛ pímpɛ. A le fhó ánɛ páʼ a le sōk mefa mímpɛ, ńzápa ánɛ Azwakne Ndém, ŋ́ghʉ̄ ḿpɛ cʉ́ʼ epuɔ meswhī.

Jáak 1:27

Legɔ̄ á kwaʼ ŋiŋ Ndém ndeŋ ndeŋ, páʼ Mɔʼɔ́ yímpɛ Ndém, a á si ŋkɔ̄ŋɔ, á si ŋgɔ́ á letūŋne epɔ̄ metsɛɛ́h pɔ́ mepfók á ntē ŋgʉɔ̄ʼ zɔp. Ḿbiŋ ntshí á akhu ŋgīŋne, ḿbɔ́k menu ŋgɔŋ á leghʉ, o efā nzhɛ.

Jáak 4:4

Pɛ é páʼ megaŋ agā wɔnzwí lā, pɛ te si nzhɛ́ɛ á légɛ, ŋiŋ a neéŋ ntē yí áa ánɛ tsitsi ŋgɔŋ wuɔ páʼā, ńdɔkɔ ŋgɔ́ á ŋgaŋ mbo Ndém ɛ́ lɛ̄? Ŋiŋ a nɔŋ ŋkɔ̄ŋɔ á yí á lelɔk tsitsi ŋgɔŋ wuɔ, ŋ́kwɛ́t ntwɛt yí, á zhɛ́ á légɛ, yí é ŋgaŋ mbo Ndém.

1 Piɛ 1:14

Pɛ ejúʼ nchu Ndém, páʼ ewɔŋkhʉ̄ pīi, é júʼɔ nchu memɔʼɔ́ pɔ́p lā. Pɛ etó ánɛ ecū mīi, pɛ ke zɛ́t te zhɛ́ á Klísto, ntē wɛ́ é nɔŋ ntshónɛ á wɛ́, pɛ ghʉ̄ɛ.

1 Piɛ 1:18

Pɛ é si nzhɛ́ɛ nzwiŋ yīi, Ndém a le lɔ̄k ncuʼ á wɛ́, ŋ́ghʉ̄ pɛ fhó á ntē mɛt tepɔŋ yīi, wɔ maŋgānjʉʼ pɛ́ é le ziʼné á wɛ́, ńtó. A lɛ te lɔ̄k ajū mīi á gɔ epék, ázō páʼ gɔ́ɔl, páʼ ŋkāp lā, tɛ́ ncūʼ á wɛ́ ɛ́.

1 Piɛ 2:3

Aŋwaʼne Ndém á leé ŋ́gɛ: «Pɛ kʉʉ̄ŋ nzwíʼ tɛ nzhɛ́ páʼ Atsyapuɔ a pɔɔ̄ŋ épúp. »

1 Piɛ 4:2

Púp, pɛ ezī tsetsɔŋɔ, ánɛ eleʼé tsīi pɛ zɛɛ́t ŋgɔ̄ elɔk enáŋ á esī atsetsáʼ ega, ńnáŋ páʼ Ndém a á si ŋkɔ̄ŋɔ ŋ́gɛ, pɛ enáŋ épúp. Pɛ é le zéŋ nnáŋ páʼ mbe nnɛ̄t zɛ, e é si ntshónɛ á wɛ́ ŋ́gɛ, pɛ enáŋ épúp ɔ́.

2 Piɛ 1:4

Á le tsīa épúp, tɛ́ Ndém á pú ŋgyá á yímpɛ etsō tee nzwiŋ tsīi, a le phʉ́ á yímpɛ, ŋ́gɛ e etswíte á yímpɛ. Ŋgyáa épúp ŋ́gɛ, pɛ ezápa ánɛ etsō mɛ́t, ŋ́kūʼ á lefōk nnɛ̄t zɛ, ánɛ ntií ntiī menu mīi, mbe nnɛ̄t zɛ́t e tshónɛ á wɛ́, pɛ ghʉ̄ɛ á ntē ŋgɔŋ ega. Éfók épúp, ńcʉ́ʼɛ ŋgwīɛ̄ áa ntē Ndém, tɛ́ ndɔkɔ nnáŋa.

2 Piɛ 2:20

A gɔ́ éyi, ŋiŋ a lē efɛ́ nnɛ̄t ŋgyá á mbū Atsyapuɔ Yɛɛ́so Klísto, Ŋghʉɛ‑mɛ́‑tswɛ́t yímpɛ, ńtó ánɛ ecū mīi, é gɔ eghʉ̄ʉ, ŋiŋ á kʉɛ epe á ŋgɔŋ ega, ḿbīŋ nnáŋ tɛ ncʉ́ʼ, etsō mɛ́t é zéŋ ŋkó á ntē yí, ḿbú njhʉ́ á yí, mbɔ azi anu ŋgaŋ, á a láʼ egē emakne, épú epék etɔ́k páʼ, á le zī ŋgē ezi, ŋ́gɔ́ épúp.

1 Jáaŋ 3:13

Epuɔ ŋgɔŋ puɔ é nɔŋ mbāa á wɛ́, ndɛ́ʼ á kʉʼne á wɛ́ me epɔ̄ memía.

1 Jáaŋ 5:19

Ḿpɛ é si nzhɛ́ɛ á légɛ, ḿpɛ é si ŋgɔ́ epuɔ Ndém. Epuɔ ŋgɔŋ puɔ metsem, é gɔ́ á alá apū Efɔ menu tepɔŋ.

Menjʉɔ te lí 12:9

Mishʉɛ pɔ́ a mecɔʼ pí é tshóne á na ntap ntap mɛ́t, ḿmāʼ á esī atsetsáʼ. Na ntap ntap mɛ́t mé si ŋgɔ́ nnū zīi, e le fhó tɛ efʉʼ mvhɔ, mɛ́ tɔ́ŋ á yí lɛ Sɛ́ta, mbɔɔ lɛ Ŋgaŋ Mbo. Yí mé pɔpteē epuɔ metsem á ndo esī atsetsáʼ. Mɛ́ le tshoné á wɔ́p a mecɔʼ pí mbwɛ̄t á esī atsetsáʼ.

Menjʉɔ te lí 13:8

Epuɔ metsem pīi, pɔ́ é ndo esī atsetsáʼ, pɔ́ tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á yí, épuɔ metsem pīi Mɔ́ Njhʉnjhʉ, páʼ mɛ́ le zwhí lā, a lɛ te tí nzēŋ mɔ́p tɛ efhó anɔŋɔ́‑ŋgɔŋ, á ntē aŋwaʼne nzēŋ epuɔ pīi, é wɛɛ̄ lenāŋ leswhī ɛ́.