Lomɛŋ 12:19 - Eka Eswhī

¹⁹ Mepɔŋ mesoó pá, ndɛ́ʼ ŋiŋ yí méŋwɛ̄t á pʉʼ anu zīi, ŋiŋ a á ghʉ á mbū yí. Pɛ ecʉ́ʼ Ndém mé epʉ̄ʼ, melaʼ mīi Atsyapuɔ Ndém a leé á ntē aŋwaʼne yí ŋ́gɛ: «Meŋ mé pɔɔ́ŋ á lepʉʼ anu, meŋ mé pɔ́ŋ á lezāpa azi awɔ́ ŋiŋ lɛ́, á alá apū yí. »

Lomɛŋ 12:19 Iomraidhean Croise

Matío 5:39

Meŋ á ké mbiŋ ndé á mbū pɛ ŋ́gɛ: ndɛ́ʼ ŋiŋ á pʉʼ anu á mbū ŋiŋ yīi, a á ghʉ anu tepɔŋ ánɛ yí. A cʉ́ʼɛ épúp, mbɔ ŋiŋ a témɛ apū á letuúŋ wu, á ŋkɔʼɔ́ apū ete, o ezéŋ mbēkne mmɔʼ ŋkɔʼɔ́, ŋ́gyá ŋ́gɛ, a epú emakne ntém.

Lomɛŋ 12:14

Pɛ elɔ́ ŋ́gɛ, Ndém a elɛ ŋghʉ̄ anu mbɔŋ, á mbū epuɔ pīi, é lʉɔ́ʼɔ á wɛ́. Pɛ elɔ́ ŋ́gɛ, a eghʉ̄ anu mbɔŋ á mbū pɔ́p, ndɛ́ʼ á néŋ ndɔ á athū pɔ́p.

Lomɛŋ 12:17

Ndɛ́ʼ ŋiŋ á lɔk anu tepɔŋ, ḿbʉ̄ʼ á anu tepɔŋ. Pɛ ekāk ete, á leghʉ anu mbɔŋ á mbū epuɔ metsem.

Lomɛŋ 13:4

Pɔ́ é páʼā, ńnɔŋ ŋghʉ̄ɛ áa afaʼ Ndém, ńdɔkɔ ntshónɛ á wú á leziŋ ndeŋ ndeŋ. Meziŋɛ́ mú é piŋɛ ŋgɔ́ té pɔŋ, o epɔ́k á wɔ́p. Á té ndémndēm tɛ́, pɔ́ wɛɛ̄ ŋgʉɔ athʉ́ lepé ɛ́. Pɔ́ gē etswá á ŋiŋ ŋgʉɔ athʉ́ lepé páʼā, ńdɔkɔ ŋghʉ̄ɛ áa afaʼ Ndém, ńdɔkɔ ntswīi azāŋalɔ́ŋ Ndém, ánɛ ŋiŋ yīi, meziŋɛ́ mí é té pɔŋ.

Efɛze 4:27

Ndɛ́ʼ pɛ eyá eshhʉ̄ á mbū Sɛ́ta, á lejhʉ̄ á wɛ́.

1 Tesalonik 4:6

Ndɛ́ʼ ŋiŋ á ghʉ ajū mīi, á té pɔŋ á méŋ mɔ́ yi í, ánɛ anu jʉɔ mɛ́t. Ndɛ́ʼ ŋiŋ á neŋte mekhu méŋ mɔ́ yi. Atsyapuɔ a pʉʉ̄ʼ ntií anu jʉɔ mɛ́t. Pek lē ndáʼ eshúŋ á wɛ́, ńzéŋ ntswɛ̄te.

2 Timotɛ 4:14

Alɛkzaŋdle, á tɛ‑ala, a ke zá esɔ̄ ánɛ meŋ tɛʼ. Atsyapuɔ mé e láʼ etsɔ́ʼ afaʼ zīi, a ke ghʉ̄ʉ̄.

Eble 10:30

Ḿpɛ é si ncuŋtɛ nzhɛ́ɛ páʼ, Atsyapuɔ Ndém a le lé ŋ́gɛ: «Meŋ mé pɔɔ́ŋ á lepʉʼ anu, meŋ mé pɔɔ́ŋ á lezāpa azi awɔ́ ŋiŋ lɛ́, á alá apū yí. » A le zéŋ ndé ŋ́gɛ: «Meŋ mé pɔɔ́ŋ á lezāʼ ntsaŋ epuɔ alāʼ pá. »