Lomɛŋ 12:18 - Eka Eswhī

¹⁸ Awíɛ a eghʉ̄ tɛ ŋgɔ́ yīi, á mii mé yí, pɔ́ a epuɔ metsem é náŋ mé apwɛne, páʼ eshhʉ̄ é tó épúp.

Lomɛŋ 12:18 Iomraidhean Croise

Matío 5:24

á lɛ ntshī etsō epɔʼ á ajʉʼ nnɔɔ́ŋ‑epɔʼ mɛ́t néŋ, éswáŋ nnɛ̄t ŋgʉɔ njʉ́ɔ á ŋgaŋ, pɔ́ yí cuŋte aziɛ́ anu, tɛ́ á shʉʼ ŋgyá etsō epɔʼ tsí á mbū Ndém.

Matío 5:5

Eshhʉ̄ mbɔŋ a á ŋiŋ yīi, a á tsetsɔŋɔ ndāa, Ndém a a shʉʼ eláŋte á yí.

Matío 5:9

Eshhʉ̄ mbɔŋ a á ŋiŋ yīi, a á si mbhīɛ apwɛne, Ndém a a shʉʼ etɔ́ŋ á yí lɛ méŋ yí.

Málkúsi 9:50

Ŋgwāŋ é si ŋgɔ́ ajūɔ mbɔŋ. Táʼ, é piŋɛ te zéŋ ndē ɛ́, mɛ́ lɔk akɔ̄ ŋghʉ̄, tɛ é zéŋ ndē é? Pɛ egɔ́ wɔ ŋgwāŋ á lɔ́ŋ, púp, ŋ́gwɛ̄ apwɛne á tsetsɛlɛ pɛ. »

Lomɛŋ 1:15

Melaʼ épúp tɛ́, meŋ tsáa á gá á leshʉʼ ntswī ŋke mbɔŋ, á mbū pɛ azɛ́ pīi, pɛ naáŋ á Lóma.

Lomɛŋ 14:17

melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 14:19

Púp, ḿpɛ efāʼ á ajū mīi á gɔ eghʉ̄ʉ, ḿpɛ enáŋ mé apwɛne, ńtswíte á yímpɛ á letswaŋ mbū, ńdɔ̄k á yímpɛ á lefɛ̄ nnɛ̄t ŋgʉɔ mé mvhɔ.

1 Kɔlɛŋte 7:15

Ŋiŋ yīi a te ŋiŋ Yɛɛ́so ó, a nɔŋ ŋkɔ̄ŋɔ á yí á lefakne pɔ́ ŋiŋ yīi, a á ŋiŋ Yɛɛ́so, á lɛ efāk nnɛ̄t. Á pikɛ tɛ ŋgɔ́ épúp, mbɔ é té lepé á mbū ŋiŋ mbaŋa kɛ́ menzwí yīi, a á ŋiŋ Yɛɛ́so lā, á lenāŋ pɔ́ ŋiŋ yīi, a á gʉɔ lā á, melaʼ mīi, Ndém a lɛɛ́ ndɔkɔ á wɛ́ ŋghʉ̄ɛ epuɔ pí, ŋ́gɛ pɛ enáŋ mé apwɛne.

2 Kɔlɛŋte 13:11

Tsetsɔŋɔ, epɔ̄ memía, meŋ a ge elaʼne á wɛ́, elé gɛ, pɛ enáŋ mé lekāk. Pɛ ekāk ete, ńtswiʼne ntswhí ánɛ mɛnzhɛ Ndém. Pɛ etɔ́te mennɛ̄t mɛ́, ńzeŋne zeŋné. Pɛ ewɛ̄ á taʼ nchu á nnɔ pɛ. Pɛ enáŋ mé apwɛne. Púp, Ndém, á ŋwɛ́t ŋkɔŋne, ŋ́gɔ́ á ŋwɛ́t apwɛne, a egɔ́ mé pɛ.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 4:3

Pɛ efhó ánɛ apwɛne zīi, pɛ lɔɔ̄k nnáŋ, ŋ́kāk ete, ńdɔ̄k Azwakne Ndém, ńtswiʼne nnáŋ mé taʼ nchu, á nnɔ pɛ.

1 Tesalonik 5:13

Pɛ echʉ́ nnɛ̄t nzhɛ́ nzwiŋ wɔ́p, ŋ́kɔ̄ŋ á wɔ́p, melaʼ afaʼ Ndém zīi pɔ́ ghʉɛ. Pɛ enáŋ á tsetsɛlɛ pɛ mé apwɛne.

2 Timotɛ 2:22

Kʉ menu tepɔŋ mīi epɔ̄ ŋgwɛso, é khʉneé á leghʉ. Gɔ́ efʉʼ metsem, efāʼ á wú á legɔ̄ á ŋiŋ ndeŋ ndeŋ, á mvhɔ Ndém, éfɛ́ nnɛ̄t ŋgyá á mbū Yɛɛ́so, ŋ́gwɛ̄ ŋkɔŋne, ńnáŋ mé apwɛne, pɛ a epuɔ pīi, pɔ́ swiŋteé á Atsyapuɔ Ndém mé taʼ ntē.

Eble 12:14

Pɛ enáŋ mé apwɛne, á tsetsɛlɛ epuɔ metsem. Ńnáŋ efʉʼ metsem, ńdɛ̄tne áa ánɛ Atsyapuɔ Ndém, melaʼ mīi, ŋiŋ a gɔ te lɛ̄tne ánɛ Ndém ɛ́, mbɔ a te e láʼ ejʉ́ɔ á yí í.

1 Piɛ 3:11

Á pɔŋ ŋ́gɛ ŋgaŋ a elʉɔ́ʼte anu tepɔŋ, ńcʉ́ʼɛ ŋghʉ̄ɛ áa menu mbɔŋ. Ńnáŋ efʉʼ metsem, ŋ́gwɛ̄ apwɛne á nnɔ epuɔ, ŋ́kāk ete, ŋ́gwɛ ndɔ̄k ŋgʉ̄ɔ mé mvhɔ,