Lomɛŋ 12:16 - Eka Eswhī

¹⁶ Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

Lomɛŋ 12:16 Iomraidhean Croise

Matío 11:5

Wɔ efʉʉ́‑menēk é si njʉ́ɔ ejʉʼ. Meŋkeluʼ é nɔŋ ndūu á esī nzīŋɛ. Megaŋ kaʼpáp é nɔŋ ntʉ̄ɛ̄, ḿbīŋɛ á nnɔ. Wɔ etsɛɛ́t‑metuúŋ é nɔŋ njúʼɔ ejʉʼ. Mepfhō epuɔ é nɔŋ nzímɛ. Mɛ́ nɔŋ ntswīi ŋke mbɔŋ, á mbū wɔ te kuʼ ánɛ azō.

Matío 26:11

Pɛ a mepūŋ mé á esī efʉʼ metsem, ḿbiŋ ŋgɔ́ mé meŋ, mbɔ ḿpɛ mé té shʉʼ egɔ́ á esī efʉʼ metsem ɛ́.

Lúkási 14:13

O shʉʼɛ nnɔ̄ŋ ŋghʉ̄ɛ lekāk, o etɔ́ŋ áa wɔ te kuʼ ánɛ azō, ńtɔ́ŋ megaŋ alɔʼ, ńtɔ́ŋ wɔ kékʉɔ́ʼ‑akhu, ńtɔ́ŋ wɔ efʉʉ́‑menēk.

Lúkási 6:20

Yɛɛ́so á náŋ tɛ mbʉ́ʼɛ menēk mí, ńtshí ánɛ nnɔ yí, ńdé á mbū pɔ́p ŋ́gɛ: «Eshhʉ̄ mbɔŋ a á wɛ́ wɔ te kuʼ ánɛ azō, melaʼ mīi, pɛ é ndáʼ nzī á lejūʼ á mbɔŋɔ́ á ntē Lefɔ Ndém.

Mefaʼ Meziŋ-ntō 4:32

Nnɔ epuɔ Yɛɛ́so é le nɔ̄ŋ nnáŋa, ŋ́gɔ́ɔ á taʼ nchu, ńzéŋɛ ŋgɔ́ɔ á taʼ ntē. Á tsia épúp, ŋiŋ a te tswhī ŋgwɛ̄ amɔ̄ʼ azō, tɛ ndé ŋ́gɛ, á gɔ́ azí yíléyī í. Ajūɔ awiɛ́, á lɛ azi epuɔ metsem.

Lomɛŋ 11:20

Á épúp á anuúnē. Mɛ́ lɛɛ́ nzáʼa á wɔ́p, melaʼ mīi pɔ́ le sɛ̄t nzem Ndém. O ké mbiŋ ŋgɔ́ á ajʉʼ ega mɛ́t páʼā, á gɔ́ melaʼ mīi, o lē efɛ́ nnɛ̄t ŋgyá á mbū Yɛɛ́so. Ndɛ́ʼ o ké ndɔ̄k épúp, ŋ́ŋīa. Lak athū jú.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 12:3

Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

Lomɛŋ 15:5

Ŋ́gɛ Ndém yīi, a yaá á lekak ete, ŋ́gyá á lekwɛ̄t ntē, a elɛ ŋghʉ̄, pɛ enáŋ, ŋ́gɔ́ á taʼ nchu á nnɔ pɛ, páʼ Yɛɛ́so Klísto a kɔɔ̄ŋ épúp.

Lomɛŋ 6:2

Ŋgáŋ, á té épúp ɔ́. Páʼ ḿpɛ lē ŋkwhʉ́te ánɛ mefa lā, ḿpɛ gɔ́ eghʉ̄ʉ páʼ lā, ńzéŋ nnáŋ á ntē mefa ā?

1 Kɔlɛŋte 1:10

Epɔ̄ memía, meŋ á si ŋké mbiŋɛ esēmtɛ á wɛ́, ánɛ lezēŋ Atsyapuɔ yímpɛ Yɛɛ́so Klísto. Ŋ́gɛ pɛ egɔ́ á taʼ nchu. Ŋ́gɛ ndɛ́ʼ tákátáká, á gɔ́ á tsetsɛlɛ pɛ. Pɛ epú ncʉ́ʼ á taʼ ŋiŋ, ŋ́gɔ́ á taʼ ntē, ŋ́gwɛ̄ á taʼ akwaŋte.

1 Kɔlɛŋte 3:18

Ndɛ́ʼ ŋiŋ méŋwɛ̄t, á pɔpte mbe nnɛ̄t zi. Ŋiŋ a gɔ́ɔ á tsetsɛlɛ pɛ, ńnɔŋ ŋ́gɛ yí é ŋgaŋ azhɛ̄‑anu, ánɛ ezi ntií epuɔ ŋgɔŋ puɔ, ŋgaŋ á lɛ ncʉ́ʼ áa páʼ apia lā, tɛ́ ndɔk ŋgwɛ̄ á kwaʼ azhɛ̄‑anu.

1 Kɔlɛŋte 4:10

Epuɔ ŋgɔŋ puɔ é si njʉ́ɔ á wék páʼ epia lā, melaʼ mīi pek é si ntswīi ŋke mbɔŋ Klísto. Ŋ́ké ŋgɔ́ mé pɛ, pɛ enɔ̄ɔŋ ŋkwāŋa ŋ́gɛ, pɛ é megaŋ azhɛ̄‑anu, melaʼ mīi pɛ a Klísto é nnɔ ká? Epuɔ é kwaāŋ ŋ́gɛ, pek é si ŋgɔ́ epuɔ mbwɛ́t pwɛté. Pɛ piŋ ŋkwāŋ ŋ́gɛ, pɛ é si ŋgɔ́ epuɔ ntē tɛʼ ká? Epuɔ menɔŋ é si nzwīi á wék, ḿbiŋ nnɔ̄ŋ ŋgūʼtɛ á wɛ́ ká?

1 Kɔlɛŋte 6:5

Meŋ ndʉ́ɛ́ páʼa, ńdɔkɔ emāʼa esē á athū pɛ. Á páʼā, nziŋ‑ekém á lɔkɔ te ŋgɔ́ɔ á nnɔ pɛ, éyi a gɔ ecūŋte ntsaŋ, á tsetsɛlɛ ŋiŋ Yɛɛ́so pɔ́ mmɔʼ ɔ́ lɛ̄?

1 Kɔlɛŋte 8:2

Ŋiŋ a nɔŋ ŋkwāŋa ŋ́gɛ yí zhɛɛ́ azō, mbɔ ŋgaŋ a zɛɛ́t áa te zhɛ́ azō páʼ Ndém a á si ŋkɔ̄ŋɔ ŋ́gɛ, mɛ́ ezhɛ́ azō épúp.

2 Kɔlɛŋte 13:11

Tsetsɔŋɔ, epɔ̄ memía, meŋ a ge elaʼne á wɛ́, elé gɛ, pɛ enáŋ mé lekāk. Pɛ ekāk ete, ńtswiʼne ntswhí ánɛ mɛnzhɛ Ndém. Pɛ etɔ́te mennɛ̄t mɛ́, ńzeŋne zeŋné. Pɛ ewɛ̄ á taʼ nchu á nnɔ pɛ. Pɛ enáŋ mé apwɛne. Púp, Ndém, á ŋwɛ́t ŋkɔŋne, ŋ́gɔ́ á ŋwɛ́t apwɛne, a egɔ́ mé pɛ.

Fílíip 1:27

Mía azō á gɔ áa lɛ, pɛ ezīŋ ánɛ mɛnzhɛ yīi, ŋke mbɔŋ ánɛ Klísto é si nzɛ́ttɛ, tɛ ŋgɔ́ yīi, azi ŋgɔ́ éyi, meŋ a shʉʼ ejʉ́ɔ á wɛ́, kɛɛ meŋ te shʉʼ eshʉʼ ɛ́ lɛ́ɛ, meŋ etshí njúʼ páʼ pɛ kwɛɛ́t, ńchʉ́ nnɛ̄t ŋgɔ́ á taʼ nchu, éfók mbʉʼ metsem mé taʼ ntē, ŋ́ghʉ̄, lefɛ̄ nnɛ̄t ŋgyá mé Klísto, á gɔ́ páʼ ŋke mbɔŋ é si nzíʼnɛ épúp.

Fílíip 3:16

Mía anu a gɔ́ áa lɛ, ḿpɛ metsem e eké nzɛ́t nzīŋɛ ánɛ mɛnzhɛ yīi, ḿpɛ ke zī nnɔŋ nzīŋɛ éwú, tɛ ŋkó tsetsɔŋɔ.

Fílíip 4:2

Meŋ á si ntékɛ á Evodi pɔ́ Sɛŋtish, éswíŋtɛ á wɔ́p ŋ́gɛ, páʼ pɔ́ lɛtneē ánɛ Atsyapuɔ lā, pɔ́ ewáʼ mbo zīi é tsɛtsɛlɛ pɔ́p, ŋ́gɔ́ á taʼ nchu.

Eble 13:5

Ndɛ́ʼ pɛ enéŋ ntē wɛ́ ánɛ ŋkāp, tɛ́ ndɔk nnáŋ. Ajū mīi pɛ wɛɛ̄, a ekūʼ á mbū pɛ. Ndém méŋwɛ̄t a leé ŋ́gɛ: «Meŋ te e láʼ etshi á wú néŋ ɛ́, meŋ te e láʼ ewáʼ á wú ú. »

1 Piɛ 3:8

Meŋ a ge emakne, élé gɛ, pɛ metsem e epú nnáŋ ŋ́gɔ́ á taʼ nchu. Awíɛ a ejʉ́ɔ anu ŋiŋ páʼ azí, ŋ́kɔ̄ŋne mennɛ̄t mɛ́ páʼ epɔ̄ taʼ ŋiŋ lā. Ŋ́gwɛ̄ atsāmezeŋɛ á nnɔ pɛ, ńnɔ̄ŋ nnɛ̄t á esī á nnɔ pɛ.

1 Piɛ 5:3

Ndɛ́ʼ pɛ ge esáʼ epuɔ pīi, Ndém a le tsekné á mbū pɛ, ńnɔŋ eswɛ́tɛ á wɔ́p. A cʉ́ʼɛ épúp, meziŋɛ́ mɛ́ e gɔ́ emi, pɔ́ é gɔ efʉ̄ʼne.

3 Jáaŋ 1:9

Meŋ ke tí amɔ̄ʼ atsém akɛtte, á mbū alúŋ epuɔ Yɛɛ́so zɛ́. Diotlɛf, páʼ a kɔɔ̄ŋ ŋ́gɛ mɛ́ ejʉ́ɔ áa yí, ánɛ menu ntsem lā, á lʉʼ á levēŋ anu zīi, meŋ á lé á ntē éwú.