Lomɛŋ 12:14 - Eka Eswhī

¹⁴ Pɛ elɔ́ ŋ́gɛ, Ndém a elɛ ŋghʉ̄ anu mbɔŋ, á mbū epuɔ pīi, é lʉɔ́ʼɔ á wɛ́. Pɛ elɔ́ ŋ́gɛ, a eghʉ̄ anu mbɔŋ á mbū pɔ́p, ndɛ́ʼ á néŋ ndɔ á athū pɔ́p.

Lomɛŋ 12:14 Iomraidhean Croise

Matío 5:44

Meŋ á ké mbiŋ ndé á mbū pɛ ŋ́gɛ: pɛ ekɔ̄ŋ megaŋ mbo pɛ́, éswíŋte á Ndém á athū epuɔ pīi, é lʉɔ́ʼɔ á wɛ́.

Lúkási 23:34

[Yɛɛ́so á lɛ nnáŋ tɛ ndé ŋ́gɛ: «Mɔ́ʼɔ, lekne mefa mɔ́p melaʼ mīi, pɔ́ ka zhɛ́ ajū mīi, pɔ́ ghʉɛ ɛ́. »] Epuɔ mɛ́t é ge egapte menzhó Yɛɛ́so, ńdɔ̄k nzikɛ́.

Lúkási 6:28

Pɛ elɔ́ ŋ́gɛ, Ndém a enéŋ mbwɛ́né á athū epuɔ pīi, pɔ́ é si nnéŋɛ ndɔ á athū pɛ. Ḿbiŋ eswíŋte ŋ́gɛ, Ndém a etsá mezeŋɛ epuɔ pīi, pɔ́ yáa á wɛ́ ŋgʉɔ̄ʼ.

Mefaʼ Meziŋ-ntō 7:60

Ḿbiŋ ntswíʼte á esī, ŋ́gāʼte mé ŋghi teté ŋ́gɛ: «Atsyapuɔ, lɛ́ʼ o lɛ ncʉ̄te ajū mīi, epuɔ puɔ é ghʉɛ lāa. » Ŋ́gāʼte épúp, ńdɛ ŋkwhʉ́.

Lomɛŋ 12:21

Ndɛ́ʼ ŋiŋ á cʉ́ʼ, anu tepɔŋ á jhʉ́ á yí. A cʉ́ʼɛ épúp, o elɔ̄k á leghʉ anu mbɔŋ, ḿbāʼne azi tepɔŋ ŋgyá á nzem.

1 Tesalonik 5:15

Pɛ epá, ndɛ́ʼ ŋiŋ á tsetsɛlɛ pɛ, á lɔk anu tepɔŋ, ḿbʉ̄ʼ á anu tepɔŋ. Pɛ egɔ́ efʉʼ metsem, éfāʼ áa leghʉ anu mbɔŋ á tsetsɛlɛ pɛ, mbɔɔ á mbū epuɔ metsem.

Jáak 3:10

Meshuŋne mbwɛ́né pɔ́ meshuŋne ndɔ, é toó ánɛ taʼ nchu. Epɔ̄ memía pá, á té pɔŋté á legɔ̄ épúp ɔ́.

1 Piɛ 3:9

Ŋiŋ a ghʉɛ á wɛ́ anu tepɔŋ, ndɛ́ʼ pɛ elɔ̄ɔk anu tepɔŋ mbʉ̄ʼ. Ŋiŋ a zɔtɛ á wɛ́, ndɛ́ʼ pɛ elɔ̄ɔk nzɔ mbʉ̄ʼ. A cʉ́ʼɛ épúp, o elɔ́ ŋ́gɛ Ndém a enéŋ mbwɛ́né, ánɛ ŋgaŋ. Ndém a lɛɛ́ ntɔ́ŋɔ á wɛ́ ŋ́gɛ pɛ eghʉ̄ épúp páʼa, éfāʼa á lenēŋ mbwɛ́né zīi, a le laʼnē ánɛ pɛ.