Lomɛŋ 12:13 - Eka Eswhī

¹³ Pɛ etswíte epuɔ Ndém pīi, azō á mbū pɔ́p ŋkíŋɛ. Ŋ́kókne mege á ŋgyā pɛ efʉʼ metsem.

Lomɛŋ 12:13 Iomraidhean Croise

Matío 25:35

Pɛ eshʉʼ ŋkó éwú melaʼ mīi, nzi e le nɔ̄ŋ nzáŋa á gá, pɛ eyá á gá azō meŋ mpfɛ́t. Agāk zá á nɔŋ eshhʉ́ɛ, pɛ eyá á gá ntshi meŋ nnú. Meŋ ndɛ á mbū pɛ, ŋ́gɔ́ á ŋiŋ ndɛʼɛ, pɛ ekókne á gá.

Mefaʼ Meziŋ-ntō 10:4

Á tshí menēk ánɛ yí, ḿbɔ́k, ńzɛ́tte á yí ŋ́gɛ: «Anu akɔ̄ Ndi?» Cɔʼ Ndém á pwɛt ŋ́gɛ: «Ndém a á júʼ meswiŋte mú, ńzéŋ njʉ́ɔ menu mbɔŋ mīi, o gɛ ŋghʉ̄ɛ, ŋ́kímte á wú.

Mefaʼ Meziŋ-ntō 4:35

ḿbúu ndɔ̄kɔ ŋkāp eshʉʼɛ nnɔ̄ŋɔ á mvhɔ meziŋ‑ntō Yɛɛ́so. Pɔ́ egāptɛ á mbū awíɛ awíɛ, ánɛ páʼ azí anu, á si nnɔŋ nzáŋa á yí épúp.

Lomɛŋ 12:8

Ŋ́gɔ́ éyi, eyi mmɔʼ ŋiŋ é si ŋgɔ́ á lesemte epuɔ, á semte. Ŋiŋ a gɔ́ éyi, a a yá á ŋiŋ azō, á yá té sáŋ. Ŋiŋ a gɔ́ɔ á ntshi‑mvhɔ á nnɔ epuɔ, á ghʉ afaʼ zí, tɛ nzhɛ́ɛ ajū mīi a ghʉɛ. Ŋiŋ a gɔ́ɔ á tsá‑melaʼ, á lɔk lekāk tɛ́ ntsá.

1 Kɔlɛŋte 16:15

Epɔ̄ memía, amɔ̄ʼ ajū mīi, meŋ a zéŋ elɔk esemte á wɛ́, a a jʉɔ. Pɛ é si nzhɛ́ɛ páʼ Stefanas pɔ́ atseŋ ŋgyā zí, é si ŋgɔ́ mvhɔ epuɔ pīi, é le fɛ́ nnɛ̄t ŋgyá á mbū Yɛɛ́so, á apak ŋgɔŋ Akayi. Pɔ́ neéŋ athū á leghʉ afaʼ zīi, á tswíte epuɔ Yɛɛ́so.

2 Kɔlɛŋte 9:1

Éshʉ̄ʼ ánɛ leyā azō ndɔk ntswíte epuɔ Ndém, mbɔ meŋ tíi á mbū pɛ, ńdɔ̄k eshúŋ á wɛ́ anu éwú, á le á wɛ́ tswíte,

2 Kɔlɛŋte 9:12

Pɛ ezhɛ́ á légɛ, ncup zīi pɛ maʼa, e te lɛ ŋgɔ́ áa lelɔk ntswíte epuɔ Ndém ndaʼ á, é si nzéŋ ŋgɔ́ á lelɔk ŋghʉ̄, epuɔ tɛ nzáne é syákne á Ndém.

Galat 6:10

Ńdɔkɔ ŋ́gɛ, efʉʼ metsem yīi esa e é tsɔ́ʼɔ, ḿpɛ elɔ̄ɔk ŋghʉ̄ afaʼ zīi, a etswíte epuɔ metsem, áfaʼ zīi a tswhi etswíte epuɔ pímpɛ pīi, pɔ́ lé fɛ́ nnɛ̄t ŋgyá á mbū Klísto.

1 Timotɛ 3:2

Melaʼ épúp tɛ́, á si nzɛ́ttɛ ŋ́gɛ, ntshi‑mvhɔ ánɛ ŋgyā alúŋ epuɔ Yɛɛ́so, a egɔ́ á ŋiŋ yīi, mɛ́ té si ndāʼa á yí í. Á ŋiŋ yīi, a wɛɛ̄ á taʼ menzwí ndaʼ. Á ŋiŋ yīi, a ghʉʉ̄ azi akɔ̄ lɛ́, ŋ́kuʼne kuʼne. Á ŋiŋ yīi, a zhɛɛ́ á yí á lekwaŋte anu tɛ́ ŋghʉ̄. Á ŋiŋ yīi, a wɛɛ̄ atswhī mbɔŋ. Á ŋiŋ yīi, a zhɛɛ́ á lekōkne epuɔ. Á ŋiŋ yīi, a zhɛɛ́ á yí á lezīʼne emɔ̄ʼ epuɔ.

1 Timotɛ 5:10

Á mbɔŋ ŋ́gɛ a egɔ́ á menzwí yīi, mɛ́ zhɛɛ́ á yí melaʼ mefaʼ membɔŋ mí. Á menzwí yīi, a le zhɛ́ á lekɔ̄ʼte ewɔŋkhʉ̄ pí, ńzhɛ́ á lekōkne á ŋge. Á menzwí yīi, a soʼneé nnɛ̄t, ésōk mekhu epuɔ Yɛɛ́so, ńtswíte megaŋ ŋgʉɔ̄ʼ. Á menzwí yīi, a á efʉʼ metsem, ŋ́ghʉ̄ mefaʼ membɔŋ.

Tíit 1:8

Á mbɔŋ ŋ́gɛ a egɔ́ á ŋiŋ yīi, a zhɛɛ́ á lekōkne epuɔ. Ŋ́gɔ́ á ŋiŋ yīi a kɔɔ̄ŋ á leghʉ ajū mīi, á mbɔŋ. Ŋ́gɔ́ á ŋiŋ yīi, a saáŋ anu tɛ ŋghʉ̄. Ŋ́gɔ́ á ŋiŋ ndeŋ ndeŋ, á ŋiŋ yīi a á ŋiŋ Ndém. Ŋ́gɔ́ á ŋiŋ yīi, a zhɛɛ́ á lekūʼte mbe nnɛ̄t zi.

Tíit 3:14

Zíʼne epuɔ pímpɛ á nzem Yɛɛ́so, á lenēŋ athū ŋghʉ̄ mefaʼ membɔŋ, ńdɔk ntswíte epuɔ pīi, anu á tshí ánɛ pɔ́p. Púp, ńdɔk ŋgɔ́ á athʉ́ zīi á zeém ntá.

Filemɔŋ 1:7

Méŋ mɔ́ ga, ŋkɔŋne zīi o wɛɛ̄ ánɛ epuɔ, e ke ghʉ̄ʉ̄, meŋ ewɛ á mía mía lekāk, ńzéŋ ŋghʉ̄, meŋ kāak ete melaʼ mīi, o ke swíte ntē epuɔ Ndém.

Eble 13:16

Ndɛ́ʼ pɛ elēkne á leghʉ anu mbɔŋ, á letswīte mennɛ̄t mɛ́ á nnɔ pɛ, ntií epɔʼ jʉɔ mɛ́t mé pɔɔ̄ŋ á Ndém.

Eble 13:2

Ndɛ́ʼ pɛ elēkne á lekōkne ŋiŋ ntsem. Emɔ̄ʼ epuɔ é le té á ŋghʉʉ̄ épúp, ŋ́kókne mecɔʼ Ndém té zhɛ́.

Eble 6:10

Ndém a á páʼā, ḿbú ŋgɔ́ áa ŋiŋ ndeŋ ndeŋ. A gɔ le lēkne afaʼ mbɔŋ zɛ́ ɛ́. Pɛ le gē etswi á légɛ, pɛ kɔɔ̄ŋ á yí, ŋ́ghʉ̄ afaʼ, ńdɔ̄k ntswíte epuɔ pí. Pɛ é tsetsɔŋɔ, ńzéŋ nzɛ́t ŋ́ghʉ̄ ghʉ.

1 Piɛ 4:9

Pɛ ekókne menɛ̄t mɛ́ nzeŋne zeŋné, té zwɛ́tte.

1 Jáaŋ 3:17

Ŋiŋ a pú ŋgwɛ̄ lewūʼ ŋgɔŋ ntsem, ńjʉ́ɔ méŋ mɔ́ yi á nɔ̄ŋ mbúŋɔ azō, á pīŋ te á yí tswíte, mbɔ a gɔ eghʉ̄ʉ páʼ lā, ńdé ŋ́gɛ, ŋkɔŋne zīi Ndém a á si ŋkɔ̄ŋɔ ŋ́gɛ mɛ́ ewɛ̄, e é ntē yí í?

3 Jáaŋ 1:5

Mbɔŋ esoó ga, o wɛɛ̄ ntē mbɔŋ ánɛ eju ntií á lelɔk ntswíte epɔ̄ memía, mbɔɔ pīi pɔ́ é mege.