Lomɛŋ 12:12 - Eka Eswhī

¹² Ajū mīi pɛ é si ntsáa, ńnɔŋ nzhɛ́ á légɛ Ndém a a láʼ eyá, pɛ egē ezwíʼte, ŋ́gɔ́ á ntē lekāk. Ŋ́kwɛ́t ntē, ánɛ afʉʼ ŋgʉɔ̄ʼ. Éswíŋte á Ndém té ká.

Lomɛŋ 12:12 Iomraidhean Croise

Matío 5:12

Á shʉʼɛ ŋgɔ́ épúp, pɛ enáŋ mé lekāk, ŋ́gáŋte, melaʼ mīi, Ndém a lē eféŋ á mía mía ntaŋá á mbū pɛ, á athʉ́ lephū. Á épúp páʼā, ŋ́gɔ́ páʼ mɛ́ le lʉɔ́ʼ metswi‑ŋke Ndém pīi, é le té njhʉ̄ ntɔ́k, á mvhɔ pɛ épúp.

Lúkási 10:20

Táʼ, ndɛ́ʼ pɛ ekák áa páʼ mesī é júʼ nchu wɛ́. Pɛ nɔŋ ŋkáka, pɛ ekák áa páʼ, Ndém a á tí lezēŋ tsɛ́ á ntē aŋwaʼne yí, á athʉ́ lephū. »

Lúkási 21:19

Pɛ ekāk ete, tɛ́ ndáʼ ŋgɔ́ éwú. »

Lúkási 8:15

Emɔ̄ʼ epuɔ é piŋ ŋkó ŋ́gɔ́ páʼ ajʉʼ atsáʼ mbɔŋ zīi, ashuŋne mɛ́t á whʉ éwú lā, pɔ́ juúʼ ashuŋne Ndém, ńdɔ̄k ntē mbɔŋ ntswí, ŋ́kúʼte á mbɔŋɔ́, ŋ́gɔ́ ndeŋ ndeŋ, éfhó ánɛ lekak ete, ánɛ mɛnzhɛ Ndém, ńzém ntá. »

Mefaʼ Meziŋ-ntō 1:14

Pɔ́ lɛɛ́ mbú ncúʼtɛ ŋgɔ́ɔ á taʼ nchu, éswíŋtɛ á Ndém efʉʼ metsem, pɔ́ a Malía mía Yɛɛ́so, mbɔɔ emɔ̄ʼ wɔnzwí, ŋ́ghʉ̄ epɔ̄ memía Yɛɛ́so.

Mefaʼ Meziŋ-ntō 12:5

Piɛ á gɔ́ á ŋgyā atʉɛ́ épúp, megaŋ alúŋ epuɔ Yɛɛ́so, é ké ŋgɔ́ si eswíŋtɛ á Ndém té ká té ká, ánɛ athū zí.

Mefaʼ Meziŋ-ntō 2:42

Pɔ́ lɛ si nnɔŋ nnéŋɛ ntē wɔ́p njúʼɔ anu zīi, meziŋ‑ntō Yɛɛ́so é zíʼnɛ á wɔ́p. Ḿbútɛ ŋgɔ́ɔ á taʼ nchu, ḿbwɔ́ʼtɛ mblɛ, ŋ́gaptɛ mpfɛ́tɛ. Ḿbiŋɛ ncúʼtɛ, éswíŋtɛ á Ndém, tɛ ŋiŋ a te ntshó ɔ́.

Mefaʼ Meziŋ-ntō 6:4

Ḿbiŋ ŋgɔ́ mé pek, azék afaʼ a egɔ́ á leswīŋte Ndém efʉʼ metsem, éshúŋ anu Ndém, ńdɔk ŋgʉ̄ɔ mé mvhɔ. »

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:4

Ajūɔ tsem zīi mɛ́ le tí á ntē aŋwaʼne Ndém, tɛ efhó tɛ efʉʼ, mɛ́ le tíī, ńdɔkɔ ntékɛ á yímpɛ, tɛ́ ḿpɛ ezápa ánɛ menu mīi mɛ́ le tí á ntē aŋwaʼne mɛ́t, ŋ́kāk ete, ŋ́kwɛ́t ntē ndɔk nzwíʼte ajū mīi, ḿpɛ é si ntsáa, ńnɔŋ nzhɛ́ɛ á légɛ, ḿpɛ e láʼ ewɛ.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 8:25

Ḿpɛ veéŋ ŋ́gɛ, ḿpɛ é wɛ ajū mīi, ḿpɛ zɛɛ́t te jʉ́ɔ páʼā, ńdɔkɔ nzwíʼtɛ azō mɛ́t té ká.

1 Kɔlɛŋte 13:13

Á shʉʉ̄ʼ ánɛ ajūɔ tsem, etsō tsɛ́tɛ́t é gɔ́ éwú tsīi, é gɔ le láʼ mmī í: ŋ́gɔ́ ŋiŋ á lefɛ̄ nnɛ̄t ŋgyá á mbū Ndém. Ŋ́gɔ́ á lenēŋ ntē nzwíʼte ajū mīi, Ndém a le laʼnēē. Ŋ́gɔ́ á lekɔŋ epuɔ. Azi á ké mbiŋ mbú éfáŋ, á gɔ́ áa lekɔŋ epuɔ.

2 Kɔlɛŋte 12:8

Meŋ ndé eswíŋte á Ndém ŋgʉɔ ntɛ́t, ŋ́gɛ a lɛ efók ŋgʉɔ̄ʼ mɛ́t ánɛ meŋ.

Fílíip 3:1

Epɔ̄ memía pá, meŋ a ge ezoko ajʉɔ anu mɛ́t, élé á mbū pɛ gɛ: pɛ egáŋte, melaʼ mīi pɛ lɛtneē ánɛ Atsyapuɔ. Á té si nzɛ́tɛ á gá, á lezēŋ ntí á mbū pɛ, ńdɔk mbīŋ ánɛ menu mīi, meŋ ndé zi eshúŋ á wɛ́ ɛ́. Meŋ eghʉ̄ɛ épúp, ńdɔkɔ ŋ́gɛ, ndɛ́ʼ amɔ̄ʼ anu tepɔŋ á ghʉ á wɛ́.

Fílíip 4:4

Páʼ pɛ lɛtneē ánɛ Atsyapuɔ lā, pɛ enáŋ efʉʼ tsem mé lekāk. Meŋ zéŋɛ ndʉ́ɛ́ mé pɛ, pɛ enáŋ mé lekāk.

Kɔlɔs 1:11

Pek é si eswíŋtɛ á yí ŋ́gɛ, a elɛ ndɔ̄k á mía mía mete mí, ŋ́ghʉ̄ pɛ etēte ánɛ meshhʉ̄ ntsem, tɛ́ ndɔk ŋkūʼ á wɛ́ á lekwɛ̄t ntē, ŋ́kāk ete ánɛ ajūɔ tsem. Pɛ elɔ̄k lekāk,

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

Kɔlɔs 4:12

Epaflas, ńzéŋ ŋgɔ́ azí á ŋiŋ alāʼ wɛ, a á si ntsāʼtɛ á wɛ́. A zeéŋ ŋgɔ́ á ŋgaŋ afaʼ Yɛɛ́so Klísto. A neéŋ athū zí tɛʼ, á leswīŋte á Ndém á athū pɛ ŋ́gɛ, Ndém a elɛ ŋghʉ̄, pɛ etswiʼne ntēte ánɛ lefɛ̄ nnɛ̄t, ŋ́gyá á mbū Yɛɛ́so. Ńtswiʼne ntswhí, ánɛ anu Ndém. Ńnéŋ á ntē pɛ, á legɔ̄ efʉʼ metsem, ŋ́ghʉ̄ ajūɔ ntsem zīi, Ndém mé si ŋkɔ̄ŋɔ.

Kɔlɔs 4:2

Pɛ etswiʼne eswíŋte á Ndém, ńdɔk ŋgʉ̄ɔ mé mvhɔ. Ŋ́gē eswíŋte á yí, ńnɔŋ mbúʼu mbū, ésyákne á yí.

1 Tesalonik 1:3

Pek tshií á mvhɔ Mɔʼɔ́ yímpɛ Ndém tɛ́ eswíŋtɛ épúp, ńnɔŋ ŋkímtɛ ajū mīi, lefɛ̄ nnɛ̄t wɛ ŋgyá á mbū yí, a le tshoné á wɛ́, pɛ ghʉ̄ʉ. Ńzéŋ nnɔŋ ŋkímtɛ páʼ, ŋkɔŋne zīi pɛ wɛ̄ɛ, e le tshoné á wɛ́, pɛ ghʉ̄ʉ afaʼ, ńdɔk ntswíte emɔ̄ʼ epuɔ. Ńnɔŋ ŋkímtɛ páʼ, pɛ é si nnéŋɛ ntē té ká, ńzwíʼtɛ ajū mīi, Ndém a le laʼnēē. Á gɔ́ lɛ: Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

1 Tesalonik 5:8

Ḿpɛ pīi, ḿpɛ ghʉʉ̄ menu áa afʉʼ zīi, ejʉʼ é si efóko, ḿpɛ eghʉ̄ azímpɛ akɔ̄ lɛ́, áa ŋkuʼne kuʼne. Ńdɔ̄k á lefɛ̄ nnɛ̄t pɔ́ ŋkɔŋne, ŋ́ghʉ̄ ezímpɛ nzhó ncu zīi, mɛ́ lɔɔ̄k atʉɛ́ ncūŋte. Ńdɔ̄k á lezwīʼte ajū mīi, Ndém a le laʼnē á leyā mé pímpɛ, á gɔ́ á lefū ŋghʉ̄ ḿpɛ tswɛ́t, ŋ́ghʉ̄ ezímpɛ nta ncu zīi, mɛ́ lɔɔ̄k atʉɛ́ ncūŋte.

2 Tesalonik 1:4

tɛ pek nɔŋ ndɔ̄kɔ á wɛ́ ŋkāʼtɛ, á tsetsɛlɛ elúŋ epuɔ Ndém. Éfhó ánɛ wɛ́ á lekak ete, ńdɔk ŋgʉ̄ɔ mé mvhɔ, ńzéŋ efhó ánɛ ntií zīi, pɛ fɛɛ́ nnɛ̄t épúp, á afʉʼ zīi mɛ́ é si ndʉɔ́ʼɔ á wɛ́, mbɔɔ afʉʼ zīi, mɛ́ é si ndɔ̄kɔ á ntií ntiī ŋgʉɔ̄ʼ, éswɛ́tɛ á wɛ́.

2 Tesalonik 3:5

Ŋ́gɛ Atsyapuɔ, a elɛ ntsāŋ á wɛ́, á letswiʼne ŋkɔ̄ŋ á Ndém. Ńtswíte á wɛ́ á lekwɛ̄t ntē ánɛ ŋgʉɔ̄ʼ, páʼ Klísto lā.

1 Timotɛ 6:11

Ŋ́ké ŋgɔ́ mé wu, wu ŋiŋ Ndém, mbɔ o pɔŋteé á wú á lekʉ ecʉɔ etsō mɛ́t. Ŋ́gɔ́ efʉʼ metsem, éfāʼ á wú á legɔ̄ ndeŋ ndeŋ á mvhɔ Ndém. Ńnáŋ páʼ Ndém a á si ŋkɔ̄ŋɔ, éfɛ́ nnɛ̄t ŋgyá á mbū Yɛɛ́so, ŋ́kɔ̄ŋ epuɔ menɔŋ. Ŋ́kāk ete á nzem Ndém, ńdɔ̄k apwɛne tɛ́ ŋghʉ̄ emú menu ntsem.

2 Timotɛ 3:10

Ŋ́ké ŋgɔ́ mé wu, mbɔ o ke zīŋ ánɛ mekhu má, ánɛ ajū mīi meŋ á si nzíʼnɛ epuɔ. Ńjʉ́ɔ páʼ meziŋɛ́ má é kɛ épúp, ńzhɛ́ ajū mīi, meŋ ke gē eghʉ afaʼ, ńnɔŋ ntsáa. Ńjʉ́ɔ páʼ meŋ ke fɛ́ nnɛ̄t épúp, ŋ́gyá á mbū Yɛɛ́so. Ńjʉ́ɔ páʼ meŋ ke kwɛ́t ntē épúp, ánɛ menu. Ńjʉ́ɔ páʼ meŋ ke kɔ̄ŋ epuɔ menɔŋ épúp. Ńjʉ́ɔ páʼ meŋ kɛ efʉʼ metsem, ńnɔŋ ŋkāka ete té ká.

Tíit 2:13

Pɛ enáŋ épúp, ńdɔk nzwíʼte á mbɔŋ ajū mīi, ḿpɛ é si nzhɛ́ɛ á légɛ ḿpɛ e láʼ ewɛ. Ńdɔk nzwíʼte aleʼé zīi, Yɛɛ́so Klísto kwaʼ Ndém yímpɛ, ŋ́gɔ́ á Ŋghʉɛ‑mɛ́‑tswɛ́t, a a ghʉ, ḿpɛ e etshí lezēk ánɛ shʉ́shɔ́k yi.

Tíit 3:7

Ndém a lɛ́ ŋghʉ̄ɛ épúp páʼā, ŋ́gɛ ḿpɛ efhó ánɛ apɔŋɔ́ ntē te ndhʉ zí, ńcʉ́ʼ epuɔ ndeŋ ndeŋ, éfú ntā á lezēŋ yí, páʼ ḿpɛ gɛ nzwíʼtɛ épúp.

Eble 10:32

Pɛ ekímte menu mīi, é le ghʉ̄ á wɛ́, efʉʼ mvhɔ. Ŋkaʼ Ndém é le lɛ̄ ŋgē ekɛʼɛ ánɛ pɛ, pɛ pú njʉ́ɔ á ntenté ŋgʉɔ̄ʼ, á ntē ncu yīi, pɛ le nɔ̄ŋ mmaʼa, ŋ́ké esēk seke.

Eble 10:36

Á si nzɛ́ttɛ á wɛ́ á lekak ete, tɛ́ ndɔk ŋghʉ̄ ajū mīi, Ndém a á si ŋkɔ̄ŋɔ, a etsīa épúp, pɛ ewɛ̄ ajū mīi, Ndém a le laʼnē á mbū pɛ.

Eble 12:1

Ŋ́gɔ́ mé pímpɛ, mbɔ ḿpɛ é si nzhɛ́ɛ atʉtʉ epuɔ jʉɔ mɛ́t zīi, á le fɛ́ nnɛ̄t ŋgyá á mbū Ndém. Púp, ḿpɛ epú ŋgwáʼ ajūɔ tsem zīi, á gɔ evɛ́ne á yímpɛ, á leziŋ ánɛ mɛnzhɛ lefɛ̄ nnɛ̄t ŋgyá á mbū Ndém, ńdʉɔ́ʼte mefa páʼ, é efʉʼ metsem, ŋ́kɔ̄ŋ á lejhʉ̄ á yímpɛ lā. Ŋ́kāk ete, ńdɔ̄k á lekʉte yīi, Ndém a le tsekné á mbū pímpɛ, ŋ́gʉɔ tɛ nzōko.

Eble 3:6

Klísto, páʼ a á si ŋgɔ́ á Méŋ Ndém lā, a juúʼ nchu Ndém, mbɔ Ndém a le tsekné alāʼ zí á mbū yí. Ḿpɛ gɔ́ ŋké ŋkúʼte menu muɔ mɛ́t á ntē pímpɛ, ńnɔ̄ŋ ncuŋtɛ nzwíʼtɛ mé lekāk, mbɔ ḿpɛ mé si ŋgɔ́ alāʼ zí mɛ́t.

Eble 5:7

Klísto a lɛ á esī atsetsáʼ, ńdɔ̄k ŋghi teté pɔ́ ntshi nnēk, ńdā á mbū Ndém. Éswíŋte á Ndém, á ŋiŋ yīi a le kūʼ á lefhō á mbū lewhʉ̄, ŋ́kú á yí. Á ké ŋgɔ́ páʼ, a le pú mvéŋ ajūɔ tsem lā, Ndém á júʼ aswiŋte zí.

Eble 6:12

Púp, ndɛ́ʼ pɛ eká, á cʉ́ʼɛ épúp, pɛ efʉ̄ʼne epuɔ pīi, pɔ́ le fɛ́ nnɛ̄t ŋgyá á mbū Ndém, ŋ́kāk ete, Ndém á yá á wɔ́p ajū mīi, a le laʼnē á mbū pɔ́p.

Eble 6:15

Ablaham á júʼ épúp, ŋ́kwɛ́t ntē nnáŋ. Ndém á láʼ ŋgyá ajū mīi, a le laʼnēē, á mbū yí.

Jáak 5:7

Epɔ̄ memía, ndɛ́ʼ pɛ ezéŋ ŋgákne, tɛ Atsyapuɔ a eláʼ eshʉ̄ʼ. Pɛ ejʉ́ɔ á njʉʼ‑ŋgɔ̄ŋ. A zwiʼteé té gákne ŋ́gɛ, ecū mīi a ke jʉ́ʼē, e etswhí. A zwiʼteé tɛ e láʼ efaʼ mvhɔ etsō mbɔŋ, ézéŋ efaʼ nzem.

1 Piɛ 4:13

Á cʉ́ʼɛ épúp, ntē wɛ́ é gáŋte, páʼ pɛ é si njʉ́ɔ ŋgʉɔ̄ʼ, páʼ Klísto a le jʉ́ɔ azí épúp. Tɛ́ a eláʼ aleʼé zīi, Klísto a ghʉɛ mɛ́ jʉ́ɔ á shʉ́shɔ́k yi, ntē wɛ́ e echʉ́ nnɛ̄t ŋgáŋte ŋkák.

1 Piɛ 4:7

A lɛɛ̄ nzɛ́t áa méŋ agáʼ afʉʼ lɛ, akʉ̄ɛ akʉ̄ɛ zīi á ŋgɔŋ ega lɛ́, a epú mmī. Melaʼ épúp tɛ́, ndɛ́ʼ leghi tsɛ́ é kʉ, pɛ ekúʼte nnɛ̄t zɛ, ńdɔk mbɔ́k azō á levɛ̄ne á wɛ́ á leswīŋte Ndém.

2 Piɛ 1:6

Éshʉ̄ʼ ánɛ lezhɛ̄ ajū mīi Ndém a á si ŋkɔ̄ŋɔ, ńtswīʼne á lekūʼte mbe nnɛ̄t zɛ. Eshʉ̄ʼ ánɛ lekūʼte mbe nnɛ̄t, ńtswīʼne á lesek ntē. Éshʉ̄ʼ ánɛ lesek ntē, ńtswīʼne á lenāŋ páʼ Ndém a á si ŋkɔ̄ŋɔ.

Menjʉɔ te lí 13:10

A gɔ́ éyi, Ndém a le lé ŋ́gɛ, ŋiŋ a eláʼ ŋgɔ́ á apuʼ ncu, mbɔ ŋgaŋ a a láʼ egɔ́ áa aziɛ́. Ŋ́gɔ́ éyi Ndém a le lé ŋ́gɛ, mɛ́ e láʼ ezwhí á ŋiŋ mé ŋŋí ncu, mbɔ ŋgaŋ a a láʼ ekwhʉ́ áa eziɛ́. Melaʼ épúp tɛ́, epuɔ Ndém e ekāk ete, éfɛ́ nnɛ̄t ŋgyá á mbū Ndém.