Lomɛŋ 12:11 - Eka Eswhī

¹¹ Pɛ elɔ̄k á taʼ ntē, ńdɔ̄k akhʉne tɛ́ ŋghʉ̄ afaʼ á mbū Atsyapuɔ, ndɛ́ʼ pɛ egɔ́ melɔ́ŋ.

Lomɛŋ 12:11 Iomraidhean Croise

Matío 24:12

Anu tepɔŋ a shʉʼ epú ezá záa, tɛ lelʉɛ epuɔ é le zéŋ ŋgwɛ̄ ŋkɔŋne á mbū emɔ̄ʼ epuɔ ɔ́.

Matío 25:26

Mɔʼɔ́ yi á pwɛt á mbū yí ŋ́gɛ: “O ó tepɔŋ ŋgaŋ afaʼ, ŋ́gɔ́ á ndɔ́ŋ. O ke nɔ̄ŋ nzhɛ́ɛ á légɛ, meŋ te gē efaʼ etsō á ajʉʼ, mbɔ meŋ nde jʉ́ʼ ɛ̄, meŋ te gē ekáp azō á ŋkāʼ, mbɔ meŋ nde phī ɛ̄.

Mefaʼ Meziŋ-ntō 18:25

A lɛ ŋiŋ, mbɔ mɛ́ le kɛʼté eshúŋ á yí páʼ mɛnzhɛ Atsyapuɔ Yɛɛ́so a á épúp. Á kúʼte mé taʼ ntē, ńnɔŋ mbɛ́tɛ eshúŋɔ ndeŋ ndeŋ anu Yɛɛ́so, ŋ́ké nnɔŋ nzhɛ́ɛ áa ndaʼ anu zīi, Jáaŋ á le nziʼné ánɛ lenoʼ epuɔ á ntshi.

Mefaʼ Meziŋ-ntō 20:19

Meŋ ke lɔ̄k á lesōʼne nnɛ̄t za ŋgyá á esī, pɔ́ ntshi nnēk, ńdɔ̄k efāʼ á mbū Atsyapuɔ Yɛɛ́so. Epuɔ Yúda é zéŋɛ nnɔ̄ŋɔ ntáŋa menāŋ efʉʼ metsem ánɛ meŋ, ńnɔŋ nnéŋɛ ŋgeŋge á athū meŋ.

1 Kɔlɛŋte 7:22

Ndɛ́ʼ o zóko nzāpa nnɛ̄t ju melaʼ mīi, ŋiŋ yīi a á ŋgɔ́ á apuʼ, tɛ Atsyapuɔ Ndém á lɔk á yí ŋghʉ̄ á ŋiŋ yi, ŋgaŋ a te zɛ́t á apuʼ ɔ́, melaʼ mīi Atsyapuɔ Yɛɛ́so Klísto a á záʼ ŋkhʉ á ntɔ̄ŋ yí. Ndeŋ ndeŋ épúp, ŋiŋ yīi a á ŋgɔ́ á ŋga athū yí, Ndém á piŋ ndɔ̄k á yí ŋghʉ̄ á ŋiŋ yi, ŋgaŋ a cʉʉ́ʼ ŋkwa Klísto.

Efɛze 4:28

Ŋiŋ yīi a ke nɔ̄ŋ njʉʉ, ndɛ́ʼ á zéŋ njʉ̄. A evéŋ á lejʉ̄ɔ ŋgʉɔ̄ʼ, ńdɔ̄k mbū mí ŋghʉ̄ afaʼ té mekɛ̄t, tɛ́ ndɔk ŋkūʼ á lewɛ ajū mīi, a gɔ egāp ŋ́gyá azi ŋiŋ yīi, azō á si ŋkíŋɛ á mbū yí.

Kɔlɔs 4:1

Ŋ́gɔ́ á mbū pɛ memɔʼɔ́ apuʼ, mbɔ pɛ elɔ̄k á ndeŋ ndeŋ pɔ́ anuúnē tɛ́ ndɔk ŋgwɛ̄ epuʼ tsɛ́, ńnɔ̄ŋ nzhɛ́ɛ á légɛ, pɛ wɛɛ̄ azɛ́ á taʼ Mɔʼɔ́ á athʉ́ lephū.

1 Timotɛ 5:13

Mɛ́ wíʼe ntí nzēŋ mɔ́p, mbɔ pɔ́ e cʉ́ʼɛ elɔ́ŋne lɔŋné, élɛ ezi á letɔ̄kte á memba memba. Pɔ́ le lɛ ndɔ́ŋne lɔŋné ndaʼ á, ézéŋ enɔŋ esɛ́ʼɛ epuɔ, ŋ́gɔ́ wɔ sia‑nchu. Éshúŋ menu mīi, é té á wɔ́p cʉte.

Eble 12:28

Púp, ḿpɛ esyákne á Ndém páʼ a á si ŋghʉ̄ɛ, ḿpɛ kúɔ́ ánɛ alāʼ zīi, á gɔ le kēmɛ. Ḿpɛ egē esyákne á yí, ńnɔ̄ŋ nnɛ̄t á esī, ŋ́ghʉ̄ ajū mīi, á pɔŋ á yí, ńnɔŋ njúʼɔ nchu yí.

Jáak 5:16

Púp, pɛ evéŋ mefa mɛ́ á tsetsɛlɛ pɛ, ńzeŋne zeŋné, éswíŋte á Ndém á tsetsɛlɛ pɛ, ńzeŋne zeŋné, Ndém a eghʉ̄, pɛ etē. Aswiŋte ŋiŋ yīi, a á ndeŋ ndeŋ á mvhɔ Ndém, á gɛ esáa á tɔ́.

1 Piɛ 1:22

Pɛ ke lɔ̄k á leziŋ páʼ ashuŋne Ndém á si ndʉ́ɛ́ épúp, ésōk ntē wɛ́, ńdɔkɔ efāʼa á lewɛ kwaʼ ŋkɔŋne á tsetsɛlɛ epɔ̄ memía, ŋ́kɔŋne te sɛt. Púp, pɛ elɔ̄k á taʼ ntē, ńchʉ́ nnɛ̄t ŋkɔ̄ŋne mennɛ̄t mɛ́, éfʉʼ metsem.

1 Piɛ 4:8

Mía ajū mīi á éwú, á gɔ́ áa lɛ, pɛ etswiʼne ekɔ̄ŋne mennɛ̄t mɛ́ efʉʼ metsem, melaʼ mīi, o wɛɛ̄ ŋkɔŋne á mbū ŋiŋ páʼā, ŋ́gákne ndēkne á atʉtʉ mefa mí.

Menjʉɔ te lí 2:4

Táʼ, o wɛɛ̄ á taʼ alɔ́ʼ yīi, meŋ gɔ á eshúŋ wu, á gɔ́ á légɛ, o te zɛ́ ŋkɔ̄ŋɔ á gá páʼ, o lɛɛ́ ŋkɔŋɔ á gá épúp ɔ́.