Lomɛŋ 12:10 - Eka Eswhī

¹⁰ Pɛ ekɔ̄ŋne mennɛ̄t mɛ́ nzeŋne zeŋné, mé taʼ ntē, páʼ epɔ̄ memía é pɔŋteé á lekɔŋne mennɛ̄t mɔ́p épúp. Pɛ ekhʉ́ne á wɛ́ á leghʉ mekuʼ á nnɔ pɛ, ńzeŋne zeŋné.

Lomɛŋ 12:10 Iomraidhean Croise

Matío 20:26

Á té pɔŋté á légɛ, a egɔ́ épúp á tsetsɛlɛ pɛ ɛ́. Á gɔ́ áa lɛ, ŋiŋ a nɔŋ ŋkɔ̄ŋɔ á yí á legɔ̄ á mía ŋiŋ, á nnɔ pɛ, á cʉ́ʼ ŋgaŋ afaʼ wɛ.

Lúkási 14:10

Á gɔ́ áa lɛ, mɛ́ láʼa ntɔ́ŋ á wú ánɛ lekāk, o egʉɔ ŋkó éwú, ńnáŋ á tɛ nzem, ńzhɛ́ á légɛ, ŋiŋ yīi a á ntɔ́ŋ á wú, a ge eshʉʼe, ńjʉ́ɔ o náŋ éwú, mbɔ a a lé á mbū wu égɛ: “Íyʉ, shʉʼɛ nnáŋ ega páʼa, ájʉʼ mbɔŋ.” A eghʉ̄ épúp, ńdɔkɔ ŋgyáa mekuʼ mú á mvhɔ epuɔ.

Jáaŋ 15:17

Ajū mīi meŋ á si nzɛ́ttɛ á wɛ́, á si ŋgɔ́ á légɛ, pɛ ekɔ̄ŋne mennɛ̄t mɛ́ nzeŋne zeŋné.

Jáaŋ 17:21

Meŋ swíŋtɛ á wú ŋ́gɛ, o elɛ̄ ŋghʉ̄, pɔ́ metsem e egɔ́ á taʼ, ńdeŋ ndeŋ páʼ wu Mɔʼɔ́ ga, o ó ntē nnɛ̄t meŋ, meŋ gɔ́ á ntē nnɛ̄t wu lā. Ŋ́gɛ pɔ́p azɔ́p, e egɔ́ á ntē nnɛ̄t pɔkɔ, tɛ́ epuɔ menɔŋ e ejʉ́ɔ épúp, ńzhɛ́ á légɛ, wu mé le tó á gá á ŋgɔŋ ega.

Mefaʼ Meziŋ-ntō 4:32

Nnɔ epuɔ Yɛɛ́so é le nɔ̄ŋ nnáŋa, ŋ́gɔ́ɔ á taʼ nchu, ńzéŋɛ ŋgɔ́ɔ á taʼ ntē. Á tsia épúp, ŋiŋ a te tswhī ŋgwɛ̄ amɔ̄ʼ azō, tɛ ndé ŋ́gɛ, á gɔ́ azí yíléyī í. Ajūɔ awiɛ́, á lɛ azi epuɔ metsem.

Lomɛŋ 13:7

Pɛ eyá á mbū awíɛ awíɛ, á ajū mīi mɛ́ pɔŋteé á leyā á mbū yí. Ńdɔkɔ ŋ́gɛ, pɛ eyá á ntií ntiī ncup, á mbū epuɔ pīi, mɛ́ pɔŋteé á leyā á mbū pɔ́p. Ńtsɔ́ʼ á acɔʼ á mvhɔ ŋiŋ yīi, mɛ́ pɔŋteé á letsɔ̄ʼ á mvhɔ yí. Ŋ́ghʉ̄ mekuʼ ŋiŋ yīi, mɛ́ pɔŋteé á leghʉ mekuʼ mí.

Galat 5:13

Ŋ́ké ŋgɔ́ mé pɛ me epɔ̄ memía, mbɔ Ndém a lɛɛ́ ntɔ́ŋɔ á wɛ́ páʼā, ŋ́gɛ pɛ enáŋ á ŋga athū pɛ. Ńdaʼ ŋ́gɛ, ndɛ́ʼ pɛ elɔ̄ɔk á légɛ, pɛ naáŋ á ŋga athū pɛ, ńcʉ́ʼɛ ŋghʉ̄ɛ ajū mīi, mbe nnɛ̄t zɛ é si ntshónɛ á wɛ́ ŋ́gɛ pɛ eghʉ̄. Tɛ ncʉ́ʼ épúp, pɛ elɔ̄ɔk páʼ ŋkɔŋne e é tsetsɛlɛ pɛ lā, ńtswíte mennɛ̄t mɛ́,

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Galat 5:6

Ńdɔkɔ ŋ́gɛ, ŋiŋ a lɛtnɛ ánɛ Yɛɛ́so Klísto, mbɔ letēm á ŋiŋ pɔ́ legɔ̄ le á yí tém, é pú ŋgɔ́ le á yí tswíte. Mía anu a gɔ́ áa á yí á lefɛ̄ nnɛ̄t ŋgyá á mbū Klísto, lefɛ̄ nnɛ̄t mɛ́t á tshóne á yí á lekɔŋ epuɔ menɔŋ.

Fílíip 2:3

Ndɛ́ʼ pɛ gē eghʉ azō, ńdɔkɔ efāʼa anu ánɛ ŋiŋ, kɛɛ́ ndɔkɔ ntswīi nnɛ̄t lɛ́. A cʉ́ʼɛ épúp, pɛ enɔ̄ɔŋ nnɛ̄t á esī á tsetsɛlɛ pɛ, awíɛ awíɛ á piŋ njʉ́ɔ mmɔʼ ŋiŋ áa páʼ, ŋgaŋ mé tsyaā á yí lā.

Kɔlɔs 1:4

Éfhɔ́ɔ ánɛ páʼ, pek ke júʼ mɛ́ nɔŋ ŋghítɛ páʼ, pɛ fɛɛ́ nnɛ̄t épúp ŋgyá á mbū Yɛɛ́so Klísto, mbɔɔ páʼ, pɛ kɔɔ̄ŋ epuɔ Ndém metsem épúp,

1 Tesalonik 4:9

Éshʉ̄ʼ ánɛ ŋkɔŋne á tsetsɛlɛ epɔ̄ memía, mbɔ á té si nzɛ́ttɛ ŋ́gɛ, mɛ́ ezóko nzéŋɛ ntíi, ńdɔkɔ eshúŋɔ á wɛ́ anu éwú ú, melaʼ mīi pɛ le ziʼné á mbū Ndém, á lekɔŋne mennɛ̄t mɛ́ nzeŋne zeŋné.

2 Tesalonik 1:3

Epɔ̄ memía, pek pɔɔ́ŋ á lesyākne á Ndém té ká, ánɛ athū zɛ́. Á zi ŋgɔ́ ndeŋ ndeŋ ŋ́gɛ, pek eghʉ̄ épúp, melaʼ mīi pɛ é si ntswhíɛ tɛʼ, ánɛ lefɛ̄ nnɛ̄t. Ŋkɔŋne zīi pɛ wɛɛ̄ á tsetsɛlɛ pɛ, é nɔŋ ntswhíɛ á ntē awɔ́ ŋiŋ wɛ lɛ́, ŋgʉ̄ɔ mé mvhɔ,

Eble 13:1

Pɛ enáŋ efʉʼ metsem, ŋ́kɔ̄ŋne mennɛ̄t mɛ́, páʼ epɔ̄ memía lā.

1 Piɛ 1:22

Pɛ ke lɔ̄k á leziŋ páʼ ashuŋne Ndém á si ndʉ́ɛ́ épúp, ésōk ntē wɛ́, ńdɔkɔ efāʼa á lewɛ kwaʼ ŋkɔŋne á tsetsɛlɛ epɔ̄ memía, ŋ́kɔŋne te sɛt. Púp, pɛ elɔ̄k á taʼ ntē, ńchʉ́ nnɛ̄t ŋkɔ̄ŋne mennɛ̄t mɛ́, éfʉʼ metsem.

1 Piɛ 2:17

Pɛ eghʉ̄ mekuʼ epuɔ metsem, ŋ́kɔ̄ŋ epɔ̄ memía pɛ́, épuɔ Yɛɛ́so. Ŋ́gē enáŋ, ńnɔŋ ŋgūʼtɛ á Ndém, ńjúʼ nchu efɔ.

1 Piɛ 5:5

Ŋ́gɔ́ á mbū pɛ ŋkaŋa ŋkhʉ̄, pɛ ezīŋ páʼ epɔ̄ melʉɛ é si nzɛ́ttɛ épúp. Pɛ esóʼne nnɛ̄t zɛ ŋgyá á esī á nnɔ pɛ, ánɛ akʉ̄ɛ akʉ̄ɛ zīi, pɛ ghʉɛ. Pɛ ekímte páʼ mɛ́ le tí á ntē aŋwaʼne Ndém ŋ́gɛ: «Ndém a paā epuɔ pīi, pɔ́ kɔʼneé nnɛ̄t zɔp mé athʉ́, ḿbiŋ ŋghʉ̄ á anu mbɔŋ té ndhʉ, á mbū epuɔ pīi, pɔ́ soʼneé nnɛ̄t zɔp mé esī. »

2 Piɛ 1:7

Éshʉ̄ʼ ánɛ lenāŋ páʼ Ndém a á si ŋkɔ̄ŋɔ, ńtswīʼne á lejʉ̄ɔ á ŋiŋ ntsem páʼ méŋ mɔ́ wu lā. Ŋgē ejʉ́ɔ á ŋiŋ ntsem páʼ méŋ mɔ́ wu, ŋ́gwɛ̄ ŋkɔŋne.

1 Jáaŋ 4:11

Mepɔŋ mesoó pá, páʼ Ndém a le kɔ̄ŋ á yímpɛ ejʉɔ ntií lā, ḿpɛ pɔŋteé azímpɛ, á lezēŋ ŋkɔ̄ŋne mennɛ̄t mímpɛ nzeŋne zeŋné.

1 Jáaŋ 4:20

Ŋiŋ a nɔŋ ndʉ́ɛ́ ŋ́gɛ, yí kɔɔ̄ŋ á Ndém, ḿbīŋ nnɔ̄ŋ mbāa á méŋ mɔ́ yi, mbɔ ŋgaŋ a gɔ́ áa ŋgaŋ mela. Ŋiŋ a nɔŋ te ŋkɔ̄ŋɔ á méŋ mɔ́ yi yīi, a á si njʉ́ɔ á yí mé menēk ɛ́, mbɔ a gɔ le kɔ̄ŋ á Ndém yīi, a te si njʉ́ɔ á yí ī.