Lomɛŋ 12:1 - Eka Eswhī

¹ Epɔ̄ memía pá, meŋ á si eswíŋtɛ á wɛ́ ŋ́gɛ, páʼ Ndém a wɛɛ̄ atsāmezeŋɛ á mbū pímpɛ lā, pɛ epú mmāʼ ŋgua zɛ ŋgyá á mbū yí, ńdɔ̄k ewɛ legɔ̄ ntsem, ńnɔ̄ŋ epɔʼ á mbū yí. Ntií epɔʼ jʉɔ mɛ́t mé gɔ epɔ̄ŋ á yí. Pɛ ghʉɛ épúp, á gɔ́ á lewuʼte á Ndém tɛ ntsékne.

Lomɛŋ 12:1 Iomraidhean Croise

Lúkási 7:47

Melaʼ épúp tɛ́, meŋ ndʉ́ɛ́ á mbū wu ŋ́gɛ: mía mía ŋkɔŋ yīi, a á tswi ánɛ meŋ lāa, á si nnɔŋɔ ntswīi á légɛ, Ndém a á lekne tɛ nzá mefa mí. Táʼ, ŋiŋ a kwaŋa ŋ́gɛ, mefa mí mīi, Ndém a gɔ elēkne, é méŋ agáʼ, á zéŋ ŋkɔ̄ŋ á Ndém á méŋ agáʼ. »

Lomɛŋ 12:2

Ndɛ́ʼ pɛ epɛ́ efʉʼ ánɛ epuɔ ŋguʼ puɔ. Pɛ ekúmne ntií lelɔk nnáŋ, ńcʉ́ʼ, Ndém a eyá á wɛ́ ntií á lelɔk ŋkwāŋ á anu leswhī leswhī, ńdɔk nzhɛ́ á leghʉ ajū mīi, a á si ŋkɔ̄ŋɔ ŋ́gɛ mɛ́ eghʉ̄. Pɛ ghʉɛ épúp, á gɔ́ mbɔŋ, á páʼa ŋgɔ́ á ajū mīi, á gɔ epɔ̄ŋ á Ndém, ŋ́gɔ́ á ajū mīi á mbɔŋ á mbū Ndém tɛ ntsékne.

Lomɛŋ 15:16

Á gɔ́ páʼ, a le lɔ̄k á gá ŋghʉ̄ á ŋgaŋ afaʼ Yɛɛ́so Klísto, á mbū epuɔ pīi é té epuɔ Yúda á. Ńchʉ́ á gá ŋ́gɛ, meŋ etswī ŋke mbɔŋ Ndém, tɛ́ Azwakne Ndém a eghʉ̄, epuɔ pīi é té epuɔ Yúda á, e ecʉ́ʼ páʼ epɔʼ yīi, mɛ́ é yá á mbū Ndém, tɛ é pɔŋ á yí lā.

Lomɛŋ 15:30

Meŋ á si ŋké ntsīa ánɛ Atsyapuɔ yímpɛ Yɛɛ́so Klísto, mbɔɔ ánɛ ŋkɔŋne zīi é fhɔ́ɔ á mbū Azwakne Ndém, ńzɛ́tɛ á wɛ́ me epɔ̄ memía, ŋ́gɛ: pɛ eswíŋte á Ndém á athū meŋ, ḿpɛ elɔ̄k épúp, ḿbúte ndʉɔ́ʼ.

Lomɛŋ 2:4

O ghʉɛ épúp, á gɔ́ yīi, o lɔkɔ ŋgwáka á Ndém, tɛ́ á ké ŋgɔ́ á kwaʼ ŋiŋ mbɔŋ, ŋ́gɔ́ á ŋiŋ yīi a kwɛɛ́t ntē, a te gákne ntswá á ŋiŋ ŋgʉɔ athʉ́ lepé ɛ́. O ka zhɛ́ á légɛ, Ndém a á épúp páʼā, ńdɔkɔ ŋgyáa á wú meshhʉ̄ á legɔ nnɛ̄t ju, ŋ́gwáʼ á atswhī tepɔŋ jú lɛ̄?

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:19

Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

1 Kɔlɛŋte 1:10

Epɔ̄ memía, meŋ á si ŋké mbiŋɛ esēmtɛ á wɛ́, ánɛ lezēŋ Atsyapuɔ yímpɛ Yɛɛ́so Klísto. Ŋ́gɛ pɛ egɔ́ á taʼ nchu. Ŋ́gɛ ndɛ́ʼ tákátáká, á gɔ́ á tsetsɛlɛ pɛ. Pɛ epú ncʉ́ʼ á taʼ ŋiŋ, ŋ́gɔ́ á taʼ ntē, ŋ́gwɛ̄ á taʼ akwaŋte.

2 Kɔlɛŋte 10:1

Meŋ Pɔ́ɔl méŋwɛ̄t, á gá yīi emɔ̄ʼ epuɔ é si ndʉ́ɛ́ ŋ́gɛ, meŋ shʉʉ̄ʼ tɛ ŋkó á tsetsɛlɛ pɛ, ḿbwɛ́ne, ḿbiŋ efhó á tsetsɛlɛ pɛ ŋgʉ̄ɔ, ńcʉ́ʼɛ eshúŋnɛ á mbū pɛ, áa ncɔk cɔké, meŋ á si ndɔ̄kɔ apwɛne mbɔɔ apɔŋɔ́ ntē zīi, Yɛɛ́so a le wɛ̄ɛ, ḿmāʼa ŋghi á mbū pɛ.

2 Kɔlɛŋte 4:1

Púp, páʼ Ndém a le lɔ̄k atsāmezeŋɛ zí, ńtsékne ajʉɔ afaʼ á mbū pek lā, pek te pɔŋté á lezāŋte nnɛ̄t ɛ́.

2 Kɔlɛŋte 4:16

Melaʼ épúp tɛ́, pek é efʉʼ metsem, ŋ́kāk ete. Azi ŋgɔ́ éyi, mbe nnɛ̄t jʉɔ e é si ncútɛ, éláʼ ekwhʉ́, mbɔ pek ké ŋgɔ́ á ntē pek, ńzhɛ́ á légɛ, pek te e fú ekwhʉ́ ɛ́. Ndém a á eleʼé tsem, ŋ́gyá á wék mete, á lelɔk ŋkúʼte épúp.

2 Kɔlɛŋte 5:20

Pek é páʼā ndɔk ŋgɔ́ wɔ mɛmekém Klísto, púp, Ndém méŋwɛ̄t mé nɔŋ nzápa ánɛ pek, ńtɔ́ŋɔ á wɛ́. Pek é swíŋte á wɛ́ ánɛ lezēŋ Klísto, pɛ elɛ ncʉ́ʼ, pɛ a Ndém e ecʉ́ʼ á taʼ nchu.

2 Kɔlɛŋte 6:1

Páʼ pek a Ndém mé si mbútɛ ŋghʉɛ afaʼ lā, pek é si swíŋtɛ á wɛ́ ŋ́gɛ, ndɛ́ʼ pɛ elɔ̄ɔk apɔŋɔ́ ntē te ndhʉ zīi, Ndém a le néŋ á ntē pɛ, ŋ́ghʉ̄ mega.

Efɛze 4:1

Meŋ yīi meŋ á ŋgyā atʉɛ́, melaʼ mīi meŋ á ŋgaŋ afaʼ Atsyapuɔ, meŋ a fhó ánɛ menu mīi, meŋ á shúŋ á wɛ́, étswɛte á wɛ́. Ŋ́gɛ pɛ ezīŋ ánɛ mekhu anu zīi, Ndém a le tɔ́ŋ á wɛ́ ŋ́gɛ, pɛ ezīŋ éwú ndeŋ ndeŋ.

Efɛze 5:10

Pɛ etsāʼ á ntē pɛ, tɛ nzhɛ́ ajū mīi, á pɔɔ̄ŋ á Atsyapuɔ Yɛɛ́so.

Fílíip 1:20

Á páʼa ŋgɔ́ ajū mīi, meŋ á si nzwíʼtɛ ŋkone kone. Amɔ̄ʼ ajū mīi á gɔ eghʉ̄ʉ, esē é kú á gá, á té éwú ú. A cʉ́ʼɛ épúp, mbɔ tɛ efhó tsetsɔŋɔ, mbɔɔ páʼ, á gɛ nzī ŋgɔ́ɔ, meŋ chʉʉ́ nnɛ̄t ŋkúʼte á ntē meŋ á lelɔk ega legɔ̄, ŋ́ghʉ̄, epuɔ menɔŋ é wuʼte á Klísto, tɛ meŋ ndáʼa ŋkwhʉ́ kwhʉ̄ʉ, kɛ gá á lezɛ̄t nte lɛ̄ɛ.

Fílíip 2:17

Wɛ́ á lefɛ̄ nnɛ̄t ŋgyá á mbū Ndém, a á si ŋgɔ́ páʼ, epɔʼ yīi, pɛ nɔŋɔ á mbū yí lā. Mɛ́ zi eshʉ̄ʼ nzwhí á gá zwhíi, mbɔ metshi má e gɔ́ páʼ meluʼ mīi, meŋ tswiʼnɛ ánɛ epɔʼ mɛ́t lā. A shʉʼɛ ŋgɔ́ épúp, mbɔ ŋgɔŋ e pɔŋ á gá, ḿpɛ epúte ŋkák.

Fílíip 4:18

Meŋ á chʉ́ nnɛ̄t mvéŋ ŋ́gɛ, meŋ ke jʉ́ɔ ajūɔ tsem zīi, pɛ ke tó á mbū meŋ. Á ke pú nzá, ńtɔ́k azi á ŋgɔ́ á mbū meŋ ŋkíŋɛ. Tsetsɔŋɔ, páʼ Epaflodit a ke lɔ̄k etsō tɛ nzá eshʉʼ ŋgyá mé meŋ lā, amɔ̄ʼ azō á té zɛ́t á mbū meŋ ŋkíŋɛ ɛ́. Etsō mɛ́t é si ŋgɔ́ páʼ epɔʼ yīi, é lemteē azík mbɔŋ, épɔʼ yīi, mɛ́ é yá á mbū Ndém, tɛ á véŋ, é nɔŋ mbɔ̄ŋɔ á yí lā.

1 Tesalonik 4:1

Epɔ̄ memía, pek é ge emakne, élé mé pɛ gɛ: pek ke ziʼné á wɛ́ páʼ, pɛ gɔ enáŋ épúp tɛ́ á pɔŋ á Ndém. Á anuúnē á légɛ, pɛ é si nzi nnáŋa épúp. Táʼ, tsetsɔŋɔ, pek é si esēmtɛ á wɛ́, ńnɔŋ eswíŋtɛ á wɛ́, ánɛ lezēŋ Atsyapuɔ Yɛɛ́so, ŋ́gɛ pɛ ezéŋ ntswiʼne ŋghʉ̄ a etɔ́k épúp.

1 Tesalonik 4:10

Pɛ ké nzi ŋgɔ́ si ŋgwīɛ̄ ŋkɔŋne mɛ́t, ánɛ epɔ̄ memía ntsem, á ntē apak ŋgɔŋ Maseduan. Pek ké ŋgɔ́ si esēmtɛ á wɛ́ me epɔ̄ memía, ŋ́gɛ pɛ ezéŋ ntwiʼne ŋ́ghʉ̄ épúp, ńdɔ̄k ŋgʉ̄ɔ mé mvhɔ.

1 Tesalonik 5:12

Epɔ̄ memía, pek é si eswíŋtɛ á wɛ́ ŋ́gɛ, pɛ ewūʼte epuɔ pīi, pɔ́ é tsetsɛlɛ pɛ, ńnɔ̄ŋ njʉ́ɔ ŋgʉɔ̄ʼ ŋghʉ̄ɛ afaʼ á mbū pɛ, épuɔ pīi pɔ́ é si ntsāŋa á wɛ́ ánɛ lezēŋ Atsyapuɔ, ńzéŋ nnɔŋ ntswɛ̄tɛ á wɛ́.

1 Timotɛ 2:3

Mɛ́ swíŋtɛ á Ndém ánɛ ejʉɔ ntií mɛ́t, á gɔ́ mbɔŋ, ŋ́gɔ́ ajū mīi Ndém yímpɛ, Ŋghʉɛ‑mɛ́‑tswɛ́t, a á si ŋkɔ̄ŋɔ.

1 Timotɛ 5:4

Taʼ mpfók menzwí a piŋɛ ŋgwɛ̄ ewɔŋkhʉ̄, ká ewɔŋkhʉ̄ ewɔŋkhʉ̄, mbɔ pɔ́ mé pɔɔ́ŋ á lezi mvhɔ, ńzíʼne á lenāŋ á ŋgyā pɔ́p, páʼ Ndém a á si ŋkɔ̄ŋɔ. Ńtúŋne memɔʼɔ́ pɔ́p ká memɔʼɔ́ mɔʼɔ́ pɔ́p, ńdeŋ ndeŋ páʼ memɔʼɔ́ pɔ́p, é le tuŋné á wɔ́p azɔ́p épúp. Á páʼa ŋgɔ́ á ajū mīi, á pɔɔ̄ŋ á Ndém.

Filemɔŋ 1:10

meŋ á swíŋte á wú ŋ́gɛ, o elɛ ŋghʉ̄ azō á mbū méŋ ga Onezim. A le kó á ŋgyā atʉɛ́, ńzápa ánɛ Klísto, tɛ́ ncʉ́ʼ á méŋ ga.

Filemɔŋ 1:9

meŋ á ké mbiŋ njʉ́ɔ ŋ́gɛ, meŋ a fhó áa ánɛ ŋkɔŋne mɛ́t, élɔ́ á wú á taʼ azō. Púp tɛ́ meŋ Pɔ́ɔl, ŋ́gɔ́ á nzwiŋ ŋiŋ, ńzéŋ ŋgɔ́ tsetsɔŋɔ, ŋ́gɔ́ á ŋgyā atʉɛ́ melaʼ mīi meŋ á ŋgaŋ afaʼ Yɛɛ́so Klísto,

Eble 13:22

Epɔ̄ memía, meŋ á si ndʉ́ɛ́ ŋ́gɛ, pɛ ekúʼte anu jʉɔ zīi, meŋ á shúŋ, ńdɔk ŋgyá á wɛ́ ŋgate lāa, té záŋte nnɛ̄t. Akɛtte zīi meŋ á tí á mbū pɛ, á zi ka tswhī esāk á.

1 Piɛ 2:20

O faa anu, tɛ mɛ́ nɔ̄ŋ ŋgɔ̄ á ntswá wu, o nɔ̄ŋ ŋkwɛ́tɛ ntē, mbɔ o o jhʉ́ á apɛ akɔ̄? Mɛ́ piŋɛ ŋgē etswá á wú, á gɔ́ éyi, o ó ŋghʉ̄ anu mbɔŋ, o pīŋ nnɔ̄ŋ ŋkwɛ́tɛ ntē, mbɔ á páʼā, o lɔkɔ ŋghʉ̄ɛ á mbɔŋɔ́ á mvhɔ Ndém.

1 Piɛ 2:5

Pɛ azɛ́, pɛ ecʉ́ʼ páʼ metɔ́ nte lā. Ńcʉ́ʼ, Ndém a elɔ̄k á wɛ́ ŋkwɛ́t ŋgyā zi. Ŋgyā mɛ́t, Azwakne Ndém mé naáŋ éwú. Pɛ egɔ́ á ŋgyā mɛ́t, ŋ́gɔ́ nnɔ wɔ nɔŋ‑epɔʼ Ndém, Azwakne Ndém a etshóne á wɛ́, pɛ eyá etsō epɔʼ á mbū Ndém, étsō epɔʼ tsīi e pɔŋ á Ndém, a etswí melaʼ Yɛɛ́so Klísto.