Lomɛŋ 11:7 - Eka Eswhī

⁷ Á páʼa ndɔkɔ ndʉ́ɛ́ ŋ́gɛ akɔ̄? Ńdɔkɔ ŋ́gɛ, ajū mīi epuɔ Islaɛl é le nɔ̄ŋ efaʼa, pɔ́ lɛ te wɛ̄ɛ. Epuɔ pīi Ndém a le tsɔ́ʼē, é piŋ ŋgwɛ̄. Ŋ́gɔ́ mé emɔ̄ʼ epuɔ, mbɔ Ndém a le ghʉ̄ʉ̄, pɔ́ cʉ́ʼ wɔ athū te júʼ,

Lomɛŋ 11:7 Iomraidhean Croise

Málkúsi 6:52

Ŋ́kʉ̄ʼnɛ á wɔ́p melaʼ mīi, leghi tsɔ́p é le zɛɛ́t ntsɛ́tte tsɛtté. Pɔ́ lɛ te júʼ ŋke yīi, Yɛɛ́so a le lɔ̄k mblɛ, ńtswī á mbū pɔ́p ɔ́.

Lúkási 13:24

«Pɛ ekāk ete, á letɔ̄k ánɛ nchu ajʉʼ yīi é swɛ́nne swɛnné tɛ́ ntswɛ́t. Pɛ ezhɛ́ á légɛ, epuɔ tɛ nzáne e shʉʼ enɔŋ efaʼa á letɔ̄k éwú, tɛ́ pɔ́ le mɛnzhɛ jʉ́ɔ.

Jáaŋ 12:40

«Ndém a le kapté menēk mɔ́p, ńtsɛ́t leghi tsɔ́p, ŋ́gɛ ndɛ́ʼ pɔ́ lɔk menēk mɔ́p njʉ́ɔ ejʉʼ, ŋ́gɛ ndɛ́ʼ pɔ́ lɔk leghi tsɔ́p nzhɛ́ azō, ḿbɔ́k á wɔ́p á lepiŋ nzem á mbū yí, á ghʉ pɔ́ te. »

Lomɛŋ 10:3

Pɔ́ té si nzhɛ́ɛ páʼ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp ɔ́. Pɔ́ méŋwɛ̄t mé si efāʼa ewɔp mɛnzhɛ, á lelɔk ŋgɔ́ epuɔ ndeŋ ndeŋ, á mvhɔ Ndém. Pɔ́ é si ŋghʉ̄ɛ épúp, ńdɔkɔ ndʉ̄ʼɛ á mɛnzhɛ yīi, Ndém a tsiā éwú, tɛ́ ntɔ́ŋ á ŋiŋ lɛ, ŋiŋ ndeŋ ndeŋ.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 11:5

Ndeŋ ndeŋ épúp, ánɛ tsetsɔŋɔ, avuʼ epuɔ zīi, Ndém a ke fhó ánɛ apɔŋɔ́ ntē te ndhʉ zí, ńtsɔ́ʼ á wɔ́p, á gɔ́ á esī.

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

Lomɛŋ 9:18

Púp, Ndém a tsaá mezeŋɛ ŋiŋ yīi a á kɔŋ, ŋghʉ̄, ŋiŋ yīi a á kɔŋ, á te athū.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

1 Kɔlɛŋte 10:19

Meŋ á páʼā, ńdɔkɔ ndʉ́ɛ́ ŋ́gɛ akɔ̄? Mesī pɔ́ mbap zīi, mɛ́ lɔk ŋgwáʼ njʉʼ á mbū pɔ́p é azō lɛ́?

2 Kɔlɛŋte 3:14

Mɔɔ́sɛ a le ghʉ̄ épúp, táʼ, leghi tsɔ́p é ké ntsɛ́te tsɛ́te. Tɛ ntshí ayáʼa, mɛ́ nɔɔ̄ŋ ntɔ́ŋɔ meŋwaʼne á ntē nzwiŋ eka, leghi tsɔ́p é zɛ́t tsɛ́te tsɛ́te. Azō nzhó á gɔ́ nzɛ́t ŋkáptɛ leghi tsɔ́p kápte. Lefɛ̄ nnɛ̄t ŋgyá mé Klísto mé ghʉʉ̄, leghi ŋiŋ é tsɔ́ʼɔ.

2 Kɔlɛŋte 4:4

Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.

Efɛze 1:4

A le zapá ánɛ yí, ŋ́kāŋ á yímpɛ, tɛ nzī nzɛ́t áa té nɔŋ ŋgɔŋ, ŋ́gɛ ḿpɛ egɔ́ epuɔ pí, ŋ́gɔ́ á menēk yí, ŋ́gɔ́ epuɔ pīi, mɛ́ té si ndāʼa á wɔ́p ɔ́, ŋ́ghʉ̄ɛ épúp, ńdɔkɔ ŋkɔ̄ŋɔ á yímpɛ.

Efɛze 4:18

Nzém e lē mbú njhʉ́ leghi tsɔ́p. Pɔ́ é ánɛ lenāŋ leswhī tsīi, Ndém a yáa, ŋgɔ́ áa mege, melaʼ mīi, pɔ́ teē athū á mbū yí, tɛ mbú te zhɛ́ á ŋiŋ yīi, a á ewiɛ́ ɛ́.

Fílíip 1:18

Mɛ́ nɔŋ eshúŋɔ anu Klísto mé taʼ ntē, kɛɛ́ eshúŋɔ ndɔkɔ efāʼa azō ánɛ meŋ lɛ́, mbɔ á té si eshúŋɔ á gá á azō ɔ́. Mía anu á gɔ́ áa lɛ, mɛ́ eshúŋ anu Klísto. Ntē gá é si ŋgáŋtɛ melaʼ épúp, éshʉʼ ezéŋ etswiʼne egáŋte.

Eble 12:17

A le pīŋ eshʉʼ tɛ nnɔ̄ŋ ŋkɔ̄ŋɔ ŋ́gɛ, mɔʼɔ́ yi a enéŋ mbwɛ́né ánɛ yí, mɔʼɔ́ yi á piŋ te véŋ, á swíŋte á mɔʼɔ́ yi, ńdā lɛ akɔ̄ lɛ́, á té azō kúmne.

1 Piɛ 1:2

Ndém Mɔʼɔ́ a le té njhʉ̄ ŋkāŋ á wɛ́, páʼ a le zapá épúp. Azwakne zí á ghʉ, pɛ tswhi ncʉ́ʼ epuɔ pí. Ŋ́kāŋ á wɛ́ épúp, ŋ́gɛ pɛ ezīŋ ánɛ mekhu Yɛɛ́so Klísto, a elɔ̄k metshi mí esōk á wɛ́. Ŋ́gɛ Ndém a elɛ ŋghʉ̄ anu mbɔŋ té ndhʉ ánɛ pɛ. Ŋ́ghʉ̄ pɛ enáŋ á ntē apwɛne tɛ ntsékne.