Lomɛŋ 11:6 - Eka Eswhī

⁶ Ndém a le fhó ánɛ apɔŋɔ́ ntē te ndhʉ zí, tɛ́ ntsɔ́ʼ á wɔ́p, a lɛ te fhó ánɛ mefaʼ mɔ́p ɔ́. A le wíʼe, éfhó ánɛ mefaʼ mɔ́p, mbɔ apɔŋɔ́ ntē te ndhʉ zí, á té zɛ́t á apɔŋɔ́ ntē ɛ́.

Lomɛŋ 11:6 Iomraidhean Croise

Lúkási 6:13

Njhʉ̄ é lá, á pú ncúʼte epuɔ pīi, é le nɔ̄ŋ nzhɛnɛ á yí á lezēŋ yí, ńtsɔ́ʼ emɔ̄ʼ éwú ntsɔp pīa mé legēm, ńtɔ́ŋ á wɔ́p lɛ, meziŋ‑ntō pí.

1 Kɔlɛŋte 15:10

Táʼ, Ndém a le ké nzápa ánɛ apɔŋɔ́ ntē te ndhʉ zí, tɛ́ ŋghʉ̄ meŋ ecʉ́ʼ ajū mīi, meŋ á ayáʼa ŋgɔ́ aziɛ́ la. Apɔŋɔ́ ntē te ndhʉ mɛ́t zīi, a le wɛ̄ ánɛ meŋ, á lɛ te ndémndēm azō ɔ́. A cʉ́ʼɛ épúp mbɔ, meŋ nde ghʉ̄ afaʼ ntɔ́k meziŋ‑ntō metsem. Meŋ te ndʉ́ɛ́, ńdɔ̄k mete má tɛ́ ŋghʉ̄ afaʼ á, mete Ndém mé le tswité á gá á leghʉ.

Galat 2:21

Meŋ te si ŋkɔ̄ŋɔ á gá á lewāʼ apɔŋɔ́ ntē te ndhʉ zīi Ndém a wɛɛ̄ ánɛ meŋ ɛ́, melaʼ mīi, á ŋgwíʼe ŋgɔ́ éyi Ndém a gē etɔ́ŋ á ŋiŋ lɛ, ŋiŋ ndeŋ ndeŋ, éfhó ánɛ yí á lekūʼte lepé, mbɔ á lɔkɔ ndʉ́ɛ́ ŋ́gɛ, Klísto a le kwhʉ́ páʼā, á gɔ́ áa anu te athū.

Galat 5:4

Pɛ pīi, pɛ é si ŋkwāŋa ŋ́gɛ, pɛ é epuɔ ndeŋ ndeŋ á mvhɔ Ndém, melaʼ mīi pɛ é kuʼteé mbé Mɔɔ́sɛ, pɛ ezhɛ́ á légɛ, pɛ lē efak nnɛ̄t ánɛ Klísto. Púp pɛ lɔ̄kɔ ntémɛ nzem, ŋ́gɛ ndɛ́ʼ Ndém á ghʉ anu mbɔŋ té ndhʉ ánɛ pɛ.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

Tíit 3:5

ŋ́ghʉ̄ ḿpɛ etswɛ́t. A te gē eghʉ épúp, éfhó ánɛ mefaʼ membɔŋ mīi, ḿpɛ méŋwɛ̄t é lɔkɔ á ndeŋ ndeŋ ŋghʉ̄ɛ ɛ́. A le gē eghʉ épúp, éfhó ánɛ atsāmezeŋɛ zí zīi, a wɛɛ̄ ánɛ pímpɛ. A le fhó ánɛ páʼ a le sōk mefa mímpɛ, ńzápa ánɛ Azwakne Ndém, ŋ́ghʉ̄ ḿpɛ cʉ́ʼ epuɔ meswhī.