Lomɛŋ 11:36 - Eka Eswhī

³⁶ Ajūɔ tsem á puú ŋgɔ́ áa azí, mbɔ yí mé le ghʉ̄ ajūɔ tsem, ajūɔ tsem á piŋ mbɔ́ŋte áa lezēŋ mbīŋ nzem á mbū yí. Awuʼte a egɔ́ á mbū yí, á meŋguʼ meŋguʼ. Á épúp.

Lomɛŋ 11:36 Iomraidhean Croise

Matío 6:13

Te cʉ́ʼ, pek gwhʉ̄ʉ ánɛ táté, paʼne á wék paʼne, ánɛ mɛnzhɛ Sɛ́ta. [A egɔ́ épúp melaʼ mīi, wu mé efɔ, mete ntsem é gɔ́ á mbū wu. Mɛ́ zéŋ nnɔ̄ŋ ŋgūʼtɛ áa ndaʼ wu, á meŋguʼ meŋguʼ. Á épúp.]”

Lúkási 19:38

Ŋ́gyá á lepɛ ŋ́gɛ: «Mbwɛ́né e egɔ́ á mbū efɔ yīi, a shʉʼɛ, mbɔ Ndém mé chʉ́ á yí, ńtó á mbū pek la. Á Ndém yīi a á lephū, ŋ́gɔ́ á ŋgaŋ mbwɛ́né, alāʼ a epú ŋgūʼte á yí. »

Lúkási 2:14

«Awuʼte á mbū Ndém tɛ‑athʉ́‑lephū. Apwɛne zí á gɔ́ á ndo esī atsetsáʼ, á mbū epuɔ pīi, a kɔɔ̄ŋ á wɔ́p. »

Mefaʼ Meziŋ-ntō 17:28

Yí mé si ŋghʉ̄ɛ, ḿpɛ é gɔ́ɔ éwú, ńnɔŋ ŋŋɛ̄nɛ, ŋ́gɔ́ɔ nte. Á zéŋ ŋgɔ́ ajū mīi, emɔ̄ʼ wɔ zɔp azō á nnɔ pɛ, é le léē. Pɔ́ le lé ŋ́gɛ: “Pek é páʼa, ŋ́gɔ́ nzwɛt Ndém.”

Lomɛŋ 16:27

Ḿpɛ etsīa á nzem Yɛɛ́so Klísto, ŋ́gyá á awuʼte á mbū Ndém, á kwaʼ ŋgaŋ azhɛ̄‑anu, ŋ́ghʉ̄ épúp á meŋguʼ meŋguʼ. Á páʼa.

1 Kɔlɛŋte 11:12

Á épúp melaʼ mīi, Ndém a le lɔ̄k ajʉʼ nnɛ̄t ŋiŋ mbaŋa tɛ́ mbɔ́ á menzwí. Menzwí mé piīŋ nzhí á ŋiŋ mbaŋa, ntsem ntsem azō, é ké mbú efhó áa mbū Ndém.

1 Kɔlɛŋte 8:6

Táʼ, ŋ́ké ŋgɔ́ mé pímpɛ, mbɔ Ndém a gɔ́ áa taʼ ndaʼ. A á Mɔʼɔ́ yímpɛ. Yí mé le pú ŋghʉ̄ ajūɔ tsem, ńzéŋ mbɔ́ á yímpɛ ŋ́gɛ, ḿpɛ e egɔ́ epuɔ pí. Atsyapuɔ yímpɛ a zeéŋ ŋgɔ́ áa taʼ ndaʼ, ŋ́gɔ́ á Yɛɛ́so Klísto. Ndém a le zapá ánɛ yí, tɛ́ ŋghʉ̄ etsō tsem, yí mé si ŋghʉ̄ɛ, ḿpɛ é gɔ́ɔ éwú.

Galat 1:5

Epuɔ metsem e epú ŋgūʼte á Ndém á meŋguʼ meŋguʼ. Á épúp.

Efɛze 3:21

Ŋ́gɛ epuɔ Yɛɛ́so metsem, e ezápa ánɛ Yɛɛ́so Klísto, ŋ́gūʼte á Ndém mɛ́t, efʉʼ metsem, á meŋguʼ meŋguʼ. Á épúp.

Fílíip 4:20

Awuʼte a egɔ́ á mbū Ndém, á Mɔʼɔ́ yímpɛ, á meŋguʼ meŋguʼ. Á páʼa.

1 Timotɛ 1:17

Awuʼte pɔ́ mekuʼ, e egɔ́ á mbū Ndém yīi, a á eséŋɛ lɛ́, ŋ́gɔ́ áa efɔ, á mbū Ndém te kwhʉ́, á te jʉ́ɔ‑eshhʉ̄ yí, á Ndém yīi a á yíléyī. A egɔ́ épúp á meŋguʼ meŋguʼ. Á páʼa.

1 Timotɛ 6:16

Ŋ́gɔ́ ndaʼ ŋiŋ yīi, a á te kwhʉ́. A á ndaʼ ŋiŋ yīi, a naáŋ ánɛ ajʉʼ efók foké, tɛ ŋgɔ́ yīi, ŋiŋ a gɔ le tshóte nnɛ̄t mbátɛ ɛ́. Á ŋiŋ yīi, ŋiŋnɔŋ a laá njʉ́ɔ á yí í, ḿbiŋ ŋgɔ́ yīi, a zi ŋgɔ́ a á le á yí jʉ́ɔ. Awuʼte pɔ́ mete ntsem e egɔ́ á mbū yí, á lemiʼɛ. Á épúp.

2 Timotɛ 4:18

Atsyapuɔ a shʉʼ ezéŋ éfhó á mbū menu tepɔŋ ntií ntiī, ésaʼ á gá, éghʉ meŋ etswɛ́t, ŋ́kó á ntē lefɔ tsí, á athʉ́ lephū. Awuʼte á egɔ́ á mbū yí, á meŋguʼ meŋguʼ. Á épúp.

Eble 13:21

Ŋ́gɛ Ndém mɛ́t, a elɛ ŋghʉ̄, pɛ ekūʼ á wɛ́ á leghʉ ajūɔ tsem zīi, á mbɔŋ, tɛ́ ndɔk nzīŋ páʼ, a á si ŋkɔ̄ŋɔ. Ŋ́gɛ a elɛ nzápa ánɛ Yɛɛ́so Klísto, ŋ́ghʉ̄ ánɛ pímpɛ, páʼ a á jʉ́ɔ ŋ́gɛ, yí ghʉɛ épúp, á pɔŋ. Awuʼte á egɔ́ á mbū Yɛɛ́so mɛ́t, á meŋguʼ meŋguʼ. Á páʼa.

Eble 2:10

Ndém méŋwɛ̄t mé le ghʉ̄ etsō tsem, yí mé si ŋgɔ́ á ŋwɛ́t etsō mɛ́t. Púp, á lɛ mbɔŋ ŋ́gɛ, a eghʉ̄, Yɛɛ́so a ejʉ́ɔ ŋgʉɔ̄ʼ, tɛ́ nnáŋ ánɛ mía ajʉʼ, ŋ́ghʉ̄, atʉtʉ epuɔ á ecʉ́ʼ epɔ̄ Ndém, ŋ́kó á ntē shʉ́shɔ́k yí. Yɛɛ́so mé si ŋgɔ́ á ŋiŋ yīi, a tswii nzhɛ zīi, ḿpɛ e zápa éwú, Ndém a eghʉ̄ ḿpɛ etswɛ́t.

1 Piɛ 4:11

A gɔ́ éyi Ndém a le yá eyi nthū ŋiŋ, é gɔ́ á yí á lezhɛ̄ á leshūŋne, ŋgaŋ á shúŋne ndɔ̄k ńtswī ŋke Ndém. Ŋ́gɔ́ éyi, eyi nthū mmɔʼ ŋiŋ é á letswīte emɔ̄ʼ epuɔ, á lɔk áa mete mīi, Ndém a le yá á yí, tɛ́ ntswíte. Pɛ eghʉ̄ épúp, tɛ́ epuɔ metsem e ezápa ánɛ Yɛɛ́so Klísto, ŋ́gūʼte á Ndém ánɛ ajūɔ tsem. Yɛɛ́so wuɔ mɛ́t mé saáʼ ajūɔ tsem. Awuʼte a egɔ́ á mbū yí, á meŋguʼ meŋguʼ. Á páʼa.

1 Piɛ 5:11

Yí mé puú esáʼ ŋgɔŋ ntsem á meŋguʼ meŋguʼ. Á épúp.

2 Piɛ 3:18

A cʉ́ʼɛ épúp, pɛ etswīʼne ndɛ̄tne ánɛ Atsyapuɔ yímpɛ Yɛɛ́so Klísto, á náŋa ŋghʉ̄ɛ menu mbɔŋ té ndhʉ ánɛ pɛ, yí mé Ŋghʉɛ‑mɛ́‑tswɛ́t. Awuʼte a egɔ́ á mbū yí, tɛ efhó tsetsɔŋɔ, ŋ́gʉɔ ŋkó ánɛ meŋguʼ meŋguʼ. Á páʼa.

Zwide 1:25

Á mbū ndaʼ Ndém yímpɛ, páʼ a le lɔ̄k á Yɛɛ́so Klísto Atsyapuɔ yímpɛ, ŋ́ghʉ̄, ḿpɛ tswɛ́t. Awuʼte a egɔ́ á mbū yí. Yí mé efɔ yímpɛ, mete e egɔ́ á mbū yí, yí mé pɔɔ́ŋ á lesāʼ á yímpɛ, tɛ efhó tɛ afʉʼ, mbɔɔ tsetsɔŋɔ, ŋgʉɔ ŋkó á meŋguʼ meŋguʼ. Á páʼa.

Menjʉɔ te lí 19:1

Á tɔ́k épúp, meŋ zéŋ njúʼ mmɔʼ mía ŋghi, páʼ ŋghi atʉtʉ epuɔ lā, é gɔ́ á lephū ndʉ́ɛ́ ŋ́gɛ: «Alelúya, Ndém mé ghʉʉ̄, ŋiŋ á tswɛ́t. Awuʼte pɔ́ mete ntsem, e epú ŋgɔ́ á mbū Ndém yímpɛ.

Menjʉɔ te lí 21:6

Ńzéŋ ndé mé meŋ ŋ́gɛ: «Á pú nzōko. Meŋ á si ŋgɔ́ á Alfa, ŋ́gɔ́ á Omega, ńdɔkɔ ndʉ́ɛ́ nzií, ńzéŋ ŋgɔ́ nzokó. Ŋiŋ yīi, nzi ntshi é si nzáŋa á yí, meŋ a yá á yí ntshi ndémndēm yīi, é fhɔ́ɔ ánɛ lesaʼá‑ntshi ntúɔ́, ŋ́ghʉ̄ɛ mɛ́ taa á lezēŋ Ndém, a enú.

Menjʉɔ te lí 7:10

Ńnɔŋ esáʼa mé ŋghi teté ŋ́gɛ: «Ndém yímpɛ, ńnáŋ ánɛ akɔʼ lefɔ, mbɔɔ Mɔ́ Njʉnjhʉ, mé ghʉʉ̄ mɛ́ tswɛ́t. »

Menjʉɔ te lí 7:12

Ńnɔŋ ndʉ́ɛ́ ŋ́gɛ: «Á épúp, Ndém yímpɛ a á si ŋgɔ́ á ŋiŋ yīi, mɛ́ pɔŋteé á leyā lepɛ̄ á mbū yí, ŋ́gyá awuʼte á mbū yí. Ḿvéŋ á légɛ a á ŋgaŋ azhɛ̄‑anu, ésyákne á yí, ŋ́gyá mekuʼ mí. Ḿvéŋ ŋ́gɛ a á si ŋgɔ́ á ŋgaŋ mete, ŋ́gɔ́ á ŋgaŋ mbʉʼ. Ŋ́ghʉ̄ épúp, á meŋguʼ meŋguʼ. Á épúp. »