Lomɛŋ 11:33 - Eka Eswhī

³³ Jʉ́ɔ páʼ apɔŋɔ́ ntē zīi, Ndém a wɛɛ̄ ánɛ epuɔ, á faáŋ épúp. Jʉ́ɔ páʼ azhɛ̄‑anu zí á faáŋ tɛʼ, a puú nzhɛ́ páʼ, ajūɔ tsem á ziīŋ épúp. Ŋiŋ a gɔ le zhɛ́ páʼ Ndém a zapaá menu épúp ɔ́. Ŋiŋ á le zhɛ́ páʼ memɛnzhɛ pí, é épúp ɔ́.

Lomɛŋ 11:33 Iomraidhean Croise

Lomɛŋ 2:4

O ghʉɛ épúp, á gɔ́ yīi, o lɔkɔ ŋgwáka á Ndém, tɛ́ á ké ŋgɔ́ á kwaʼ ŋiŋ mbɔŋ, ŋ́gɔ́ á ŋiŋ yīi a kwɛɛ́t ntē, a te gákne ntswá á ŋiŋ ŋgʉɔ athʉ́ lepé ɛ́. O ka zhɛ́ á légɛ, Ndém a á épúp páʼā, ńdɔkɔ ŋgyáa á wú meshhʉ̄ á legɔ nnɛ̄t ju, ŋ́gwáʼ á atswhī tepɔŋ jú lɛ̄?

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

1 Kɔlɛŋte 2:10

Ndém a le lɔ̄k Azwakne zí, tɛ́ ntswī etsō mɛ́t áa mbū pek, melaʼ mīi Azwakne mɛ́t, á zhɛɛ́ akʉ̄ɛ akʉ̄ɛ tɛ ntsékne, tɛ mbɔɔ ajū mīi, Ndém a á ntē yí ŋkwāŋtɛ.

Efɛze 1:7

Méŋ yi mɛ́t a le lɔ̄k metshi mí, ńzó athū zímpɛ, ŋ́ghʉ̄, Ndém á fhó ánɛ mía apɔŋɔ́ ntē te ndhʉ zí, ńdēkne mefa mímpɛ.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Efɛze 3:10

A le ghʉ̄ʉ̄, epuɔ é zhɛ́ épúp, tɛ á tsetsɔŋɔ, ajūɔ tsem zīi, á sáʼa lefɔ mbɔɔ mete á methʉ́, a ezápa ánɛ alúŋ epuɔ Yɛɛ́so, ńjʉ́ɔ azhɛ̄‑anu Ndém. Ndém a tswiī azhɛ̄‑anu mɛ́t, ánɛ mentií tɛ nzáne.

Efɛze 3:16

Ŋ́gɛ a elɛ efhó ánɛ te ndhʉ lewūʼ tsí, ńzápa ánɛ Azwakne zí, ŋ́gyá á wɛ́ mete, tɛ́ agega zɛ́ a elɔk nnáŋ efʉʼ metsem, ńtēte.

Efɛze 3:18

A egɔ́ épúp, pɛ a epuɔ Ndém metsem, e elɔk ŋkūʼ á wɛ́ á lezhɛ̄ páʼ, ŋkɔŋ zīi Klísto a wɛɛ̄ ánɛ epuɔ menɔŋ, e faáŋ épúp, ésāk épúp, ésɛ̄h épúp, ŋ́kɔ́ʼ mé athʉ́ épúp.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.