Lomɛŋ 11:32 - Eka Eswhī

³² Ndém a le tsɔ́ʼ nzhɛ á légɛ, epuɔ menɔŋ metsem é epú ntē á athū á mbū yí, tɛ́ a etsīa épúp, a ewɛ̄ á atsāmezeŋɛ á mbū epuɔ menɔŋ metsem.

Lomɛŋ 11:32 Iomraidhean Croise

Jáaŋ 1:7

A le shʉʼē, ŋ́gɔ́ á njhʉɛ‑njʉ́ɔ, ŋ́gɔ̄ á eshúŋ ajū mīi, a á si nzhɛ́ɛ ánɛ ŋkaʼ mɛ́t, tɛ́ epuɔ metsem e ezápa ánɛ ashuŋne zí, éfɛ́ nnɛ̄t ŋgyá á mbū ŋkaʼ mɛ́t.

Jáaŋ 12:32

Ŋ́gɔ́ mé meŋ, mbɔ mɛ́ shʉʼ efhó á esī atsetsáʼ, ékɔ́ʼne á gá, afʉʼ mɛ́t, meŋ eghʉ̄ epuɔ menɔŋ metsem e eshʉ̄ʼ mé lezēŋ tsá. »

Lomɛŋ 11:31

Ndeŋ ndeŋ épúp, pɔ́ lɛɛ́ ntʉɛ athū, melaʼ atsāmezeŋɛ zīi, Ndém a le wɛ̄ ánɛ pɛ, tɛ́ a etsīa épúp, Ndém a etsá mezeŋɛ mɔ́p azɔ́p.

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 5:19

Taʼ ŋiŋ a lɛ te nchu Ndém júʼ, á tsia épúp, Ndém á pú ntɔ́ŋ epuɔ menɔŋ metsem lɛ, megaŋ mefa. Ndeŋ ndeŋ épúp, taʼ ŋiŋ a le júʼ nchu Ndém, á tsia épúp, Ndém á tɔ́ŋ atʉtʉ epuɔ lɛ, epuɔ ndeŋ ndeŋ.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Galat 3:23

Á lɛ afʉʼ mvhɔ, mɛnzhɛ á lelɔk efɛ́ nnɛ̄t ŋgyá me Klísto, á zɛ́t te gɔ́ éwú á mbū pímpɛ, ḿpɛ é gɔ́ ŋkwa lepé, tɛ ndáʼ ntshí ánɛ afʉʼ zīi, Ndém a le tó á Yɛɛ́so Klísto, ŋ́gɛ mɛ́ efɛ́ nnɛ̄t ŋgyá á mbū yí.