Lomɛŋ 11:30 - Eka Eswhī

³⁰ Á lɛ efʉʼ mvhɔ, pɛ etēe athū á mbū Ndém, tsetsɔŋɔ, Ndém a lē mbiŋ ntsá mezeŋɛ mɛ́, éfhó ánɛ páʼ epuɔ Islaɛl é le tē athū á mbū yí.

Lomɛŋ 11:30 Iomraidhean Croise

Lomɛŋ 11:29

Ndém a gɔ le yá á afuʼ á mbū ŋiŋ, éshʉʼ nzéŋ ńtswí í. A á le tsɔ́ʼ á ŋiŋ, éshʉʼ nzéŋ ŋ́kúmne anu zí í.

Lomɛŋ 11:31

Ndeŋ ndeŋ épúp, pɔ́ lɛɛ́ ntʉɛ athū, melaʼ atsāmezeŋɛ zīi, Ndém a le wɛ̄ ánɛ pɛ, tɛ́ a etsīa épúp, Ndém a etsá mezeŋɛ mɔ́p azɔ́p.

Lomɛŋ 15:9

A lɛɛ́ eshʉʼɛ á ŋgɔŋ páʼā, ńzéŋɛ ndɔkɔ efāʼa ŋ́gɛ, epuɔ pīi é té epuɔ Yúda á, e ewūʼte á Ndém, melaʼ atsāmezeŋɛ zīi, Ndém a wɛɛ̄ ánɛ epuɔ. Á lɔk ŋgɔ́ páʼ, mɛ́ le tí á ntē aŋwaʼne Ndém ŋ́gɛ: «É melaʼ épúp tɛ́, meŋ a shʉʼɛ ewuʼtɛ á wú, á tsetsɛlɛ epuɔ pīi é té epuɔ Yúda á, meŋ a shʉʼɛ ezɔpɔ, élɔkɔ ewuʼtɛ á wú. »

1 Kɔlɛŋte 7:25

Éshʉ̄ʼ ánɛ epuɔ pīi, pɔ́ zɛɛ́t te lá ŋgyā, mbɔ meŋ te wɛ̄ emɔ̄ʼ ntekné zīi, e fhɔ́ɔ á mbū Atsyapuɔ Yɛɛ́so ó. Anu zīi meŋ gɔ á eshúŋɔ, á gɔ́ áa akwaŋte zá, pɛ pīŋ mbɔ́ŋte á lekūʼte anu mɛ́t, melaʼ mīi meŋ á si ŋgɔ́ á ŋiŋ, mbɔ Atsyapuɔ a le lɔ̄k apɔŋɔ́ ntē zí, ŋ́ghʉ̄ meŋ egɔ́ á ŋiŋ yīi, mɛ́ gɔ etém nzem ŋgyá mé yí.

2 Kɔlɛŋte 4:1

Púp, páʼ Ndém a le lɔ̄k atsāmezeŋɛ zí, ńtsékne ajʉɔ afaʼ á mbū pek lā, pek te pɔŋté á lezāŋte nnɛ̄t ɛ́.

Kɔlɔs 3:7

Á lɛ amɔ̄ʼ afʉʼ, pɛ nɔ̄ɔŋ nzīŋɛ á ntē mefa muɔ mɛ́t. Á lɛ amɔ̄ʼ afʉʼ, lenāŋ wɛ á gɔ́ épúp.

1 Timotɛ 1:18

Timotɛ, wu méŋ ga, meŋ á tsékne ajʉɔ afaʼ á mbū wu, ńdeŋ ndeŋ páʼ metswi‑ŋke Ndém, é le té njhʉ̄, ŋ́kím lezēŋ cú. Kímte meshuŋne mɛ́t, e eyá á wú ŋgate, o elɔk ndʉɔ́ʼ á mbɔŋ ncu.

Eble 3:18

Ndém a lɛ́ ndʉ́ɛ́ á mbū wɔ awɔ́, tɛ ŋkāa ŋ́gɛ, pɔ́ té ndáʼa ŋkúɔ́ á ajʉʼ zīi, yí é éwú tɛ nzwītɛ ɛ̄? A lɛɛ́ ndʉ́ɛ́ á mbū wɔ te‑athū á mbū yí.

1 Piɛ 2:10

Á lɛ amɔ̄ʼ afʉʼ, pɛ zɛ́t té gɔ́ epuɔ Ndém. Á piīŋ ŋgɔ́ tsetsɔŋɔ, pɛ gɔ́ epuɔ Ndém. Á lɛ amɔ̄ʼ afʉʼ, Ndém á nɔŋ te ntsáa mezeŋɛ mɛ́ ɛ́. A piīŋ ŋgɔ́ tsetsɔŋɔ, ńnɔŋ ntsáa mezeŋɛ mɛ́.