Lomɛŋ 11:29 - Eka Eswhī

²⁹ Ndém a gɔ le yá á afuʼ á mbū ŋiŋ, éshʉʼ nzéŋ ńtswí í. A á le tsɔ́ʼ á ŋiŋ, éshʉʼ nzéŋ ŋ́kúmne anu zí í.

Lomɛŋ 11:29 Iomraidhean Croise

Lomɛŋ 11:30

Á lɛ efʉʼ mvhɔ, pɛ etēe athū á mbū Ndém, tsetsɔŋɔ, Ndém a lē mbiŋ ntsá mezeŋɛ mɛ́, éfhó ánɛ páʼ epuɔ Islaɛl é le tē athū á mbū yí.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

Lomɛŋ 8:30

Epuɔ pīi a le zapá ŋ́gɛ, pɔ́ e láʼ eswhí á Méŋ yi, a le zéŋ ntɔ́ŋ á wɔ́p ndɔk ŋghʉ̄ epuɔ pí. Epuɔ mɛ́t pīi a le tɔ́ŋ á wɔ́p, a le zéŋ ntɔ́ŋ á wɔ́p lɛ epuɔ ndeŋ ndeŋ. Epuɔ pīi a le tɔ́ŋ á wɔ́p lɛ epuɔ ndeŋ ndeŋ lā, a le zéŋ ŋgyá á wɔ́p lewūʼ tsí.

1 Kɔlɛŋte 1:26

Epɔ̄ memía, pɛ enáʼ ncʉte ńjʉ́ɔ, á wɛ́ pīi Ndém a le tɔ́ŋ á wɛ́. Epuɔ tɛ nzá é tsetsɛlɛ pɛ, pɔ́ té wɛ̄ á azhɛ̄‑anu, ánɛ eyi lejʉ̄ɔ epuɔ menɔŋ ɔ́. Epuɔ tɛ nzá, é té gɔ́ mete epuɔ ɔ́. Epuɔ tɛ nzá, é té ntúɔ́ ánɛ etseŋ ŋgyā memía epuɔ ɔ́.

Efɛze 1:18

Ŋ́gɛ a elɛ ndɔ̄k ŋkaʼ yí ŋkɛ̄ʼɛ ntē wɛ́, pɛ ecuŋte nzhɛ́ ajū mīi, a lɛɛ́ ntɔ́ŋɔ á wɛ́ páʼā, ŋ́gɔ̄ eyá mé pɛ, ńcuŋte nzhɛ́ páʼ, mía mía lewūʼ yīi, a yáa á mbū epuɔ pīi é lɛtneē ánɛ yí, a á épúp.

Efɛze 4:1

Meŋ yīi meŋ á ŋgyā atʉɛ́, melaʼ mīi meŋ á ŋgaŋ afaʼ Atsyapuɔ, meŋ a fhó ánɛ menu mīi, meŋ á shúŋ á wɛ́, étswɛte á wɛ́. Ŋ́gɛ pɛ ezīŋ ánɛ mekhu anu zīi, Ndém a le tɔ́ŋ á wɛ́ ŋ́gɛ, pɛ ezīŋ éwú ndeŋ ndeŋ.

Efɛze 4:4

Alúŋ epuɔ Yɛɛ́so á gɔ́ áa taʼ, Azwakne Ndém á zéŋ ŋgɔ́ áa taʼ. Ndeŋ ndeŋ épúp, ajū mīi Ndém a lɛɛ́ ntɔ́ŋɔ á wɛ́, ŋ́gɔ̄ eyá mé pɛ, á gɔ́ áa taʼ.

Fílíip 3:14

Á páʼa tɛ́ meŋ á si ŋkāka ete, éfāʼa á gá á leshʉʼ ŋgwɛ̄ ntaŋá yīi, Ndém a a shʉʼ elɔk etáŋ epuɔ pīi, a á zápa ánɛ Yɛɛ́so Klísto, ńtɔ́ŋ á wɔ́p, ŋ́gɛ pɔ́ eshʉʼ nnáŋ á lezēŋ yí, á lephū.

2 Tesalonik 1:11

É melaʼ páʼa mɛ́t, tɛ́ pek swiŋteé á Ndém á athū pɛ, té ká. Éswíŋtɛ ŋ́gɛ, Ndém yímpɛ a elɛ ŋghʉ̄, pɛ ekūʼ á lenāŋ páʼ, a lɛɛ́ ntɔ́ŋɔ á wɛ́ ndɔkɔ ŋghʉ̄ɛ epuɔ pí páʼā, ŋ́gɛ pɛ enáŋ épúp. Ŋ́gɛ a elɛ ndɔ̄k mete mí, ŋ́gyá á wɛ́ á leghʉ menu mbɔŋ mīi, pɛ é kwaŋte. Ŋ́gɛ a elɛ ŋghʉ̄, pɛ etswiʼne ŋghʉ̄ ajū mīi, lefɛ̄ nnɛ̄t wɛ a á si ntshónɛ á wɛ́, pɛ ghʉ̄ɛ.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

Eble 3:1

Páʼ á ké mbiŋ ŋgɔ́ páʼa lā, epɔ̄ memía, pɛ́ é si ŋgɔ́ epuɔ Ndém, mbɔ Ndém a le tɔ́ŋ á yímpɛ ŋ́gɛ, ḿpɛ eghʉ̄ afaʼ zí. Púp, pɛ etshí menēk ánɛ Yɛɛ́so. Yí mé si ŋgɔ́ á nziŋ‑ntō Ndém, ŋ́gɔ́ á nnɔŋ‑epɔʼ eyi ndʉɛ, á ŋiŋ yīi ḿpɛ fɛɛ́ nnɛ̄t ŋgyá á mbū yí.

Eble 7:21

A le ké ŋgē echʉ́ á yí, élɔk eghʉ á nnɔŋ‑epɔʼ, ŋ́ka ndé á mbū yí ŋ́gɛ: «Meŋ Atsyapuɔ, meŋ á lé tɛ ŋkā. Meŋ mbiŋɛ ŋgɔ́ le kúmne anu zīi, meŋ á lé ɛ́: “O ó si ŋgɔ́ á nnɔŋ‑epɔʼ á lemiʼɛ.”»

2 Piɛ 1:10

Melaʼ épúp, meŋ shúŋɔ á wɛ́ me epɔ̄ memía, páʼ Ndém a le kāŋ á wɛ́, ńtɔ́ŋ á wɛ́ ánɛ mefaʼ mí lā, pɛ ekāk ete ánɛ mɛnzhɛ mɛ́t. Pɛ ghʉɛ épúp, mbɔ pɛ gɔ le láʼ efhó ánɛ mɛnzhɛ Ndém ntó ɔ́.