Lomɛŋ 11:25 - Eka Eswhī

²⁵ Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 11:25 Iomraidhean Croise

Matío 13:11

Á pwɛt á mbū pɔ́p ŋ́gɛ: «Mélaʼ mīi, Ndém a ke ghʉ̄ʉ, pɛ pwɔ̄, é zhɛɛ́ ajū mīi, á lʉɔneē ánɛ lefɔ tsí, ḿbiŋ te ghʉ̄ épúp, á mbū pɔ́p ɔ́.

Lúkási 21:24

Mɛ́ e shʉʼ elɔk meŋŋí ncu, éwɛt á wɔ́p, égɔte emɔ̄ʼ elɔk eghʉ epuʼ, egapte á wɔ́p, éyá ánɛ melāʼ ntsem. Elāʼ tsīi é té á Ndém zhɛ́, e eshʉ́ʼne á Yelósalɛm, ńzīŋte ánɛ yí, tɛ azɔ́p afʉʼ a eláʼ ŋkūʼ. »

Jáaŋ 10:16

Meŋ zɛɛ́t ŋgwɛ emɔ̄ʼ memvhō mīi, pɔ́ té á ŋgē ega á. Á si nzɛ́ttɛ ŋ́gɛ, meŋ egʉɔ efāʼ emiɛ́ mɛ́t, ńdɔk eshʉ̄ʼ azɔ́p. Pɔ́ e shʉʼ ejúʼ ŋghi za, a etsīa épúp, taʼ akɛt memvhō mé egɔ́ á esī, taʼ mpfɛnne‑memvhō mé egɔ́ éwú.

Lomɛŋ 1:13

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, meŋ ndé zii ŋkwāŋte á gá á leshʉʼ á alāʼ pɛ, táʼ, azō á piŋ mvɛ́ne á gá tɛ ntshí tsetsɔŋɔ. Meŋ nde nɔ̄ŋ ntsáa á gá á leshʉʼ épúp, ŋ́ghʉ̄, afaʼ zá, á zém ntá á alāʼ pɛ azɛ́, ńdeŋ ndeŋ páʼ, á si nzémɛ ntá épúp, á tsetsɛlɛ emɔ̄ʼ melāʼ.

Lomɛŋ 11:12

Páʼ epuɔ Islaɛl é le whʉ̄ mefa, á tsia épúp, Ndém á ghʉ, ŋgɔŋ ntsem é jhʉ́ á mía apɛ lā. Páʼ wɔ fɛ́‑nnɛ̄t ŋgyá á mbū Yɛɛ́so, é kʉɔ́k á nnɔ pɔ́p lā, á tsia épúp, Ndém á ghʉ, epuɔ pīi é té epuɔ Islaɛl ɛ́, é jhʉ́ á mía apɛ lā. Pɔ́ piŋɛ ŋgɔ́ páʼā, ḿbú efɛ́ nnɛ̄t metsem ŋgyá á mbū Yɛɛ́so, apɛ á le fáŋ tɛʼ ɛ́ lɛ̄?

Lomɛŋ 11:24

Wu, o ó si ŋgɔ́ páʼ apū athʉ́ olive zīi, á le tswhí á mbaʼ. Ndém á le pīŋ efhó éwú efāk á wú, ŋ́gyɛ̄t ánɛ azi mɛ́ tuŋneé. Tɛ ŋgʉɔ shɔ́ʼɔ́ á Ndém á lezēŋ ŋgyɛ̄t mbū methʉ́ mīi, a le zī efak áa ánɛ methʉ́ olive mīi, mɛ́ tuŋné ē?

Lomɛŋ 12:16

Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

Lomɛŋ 16:25

Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

Lomɛŋ 9:18

Púp, Ndém a tsaá mezeŋɛ ŋiŋ yīi a á kɔŋ, ŋghʉ̄, ŋiŋ yīi a á kɔŋ, á te athū.

1 Kɔlɛŋte 10:1

Epɔ̄ memía, meŋ á si ŋkɔ̄ŋɔ ŋ́gɛ, pɛ ezéŋ nnáʼ ŋ́kímte anu zīi, á le ghʉ̄ wɔ maŋgānjʉʼ pímpɛ, ŋguʼ Mɔɔ́sɛ. Ndém a le lɔ̄k alɔ ŋkápte á wɔ́p, ŋ́ghʉ̄ pɔ́ metsem é ge etó á mía paŋ ntshi, ńzīŋ á esī ntshi.

1 Kɔlɛŋte 12:1

Epɔ̄ memía, ŋ́gɔ́ ánɛ páʼ Azwakne Ndém á yaá eyi nthū awíɛ awíɛ á lelɔk ŋghʉ̄ mefaʼ Ndém lā, mbɔ meŋ á si ŋkɔ̄ŋɔ ŋ́gɛ, pɛ ecuŋte nzhɛ́ á anuúnē zīi á éwú.

1 Kɔlɛŋte 2:7

Azhɛ̄‑anu zīi pek zíʼnɛ á wɛ́, á si ŋgɔ́ azhɛ̄‑anu, éfhɔ́ɔ á mbū Ndém. Ŋ́gɔ́ ntsem, mbɔ Ndém a le lʉ̄ɔ̄, tɛ nzɛ́t áa te nɔŋ ŋgɔŋ. Ńté njhʉ̄ ndʉ̄ɔ épúp, élɔk eshʉʼ eghʉ, ḿpɛ ekó á nte shʉ́shɔ́k yí.

1 Kɔlɛŋte 4:1

Meŋ á si ŋkɔ̄ŋɔ ŋ́gɛ, epuɔ ezhɛ́ á légɛ, pek é megaŋ afaʼ Klísto, mbɔ Ndém a le tsekné anuúnē zīi, á le lʉ̄ɔ̄, ŋ́gɛ pek ezíʼne á wɛ́.

Efɛze 1:9

A le ghʉ̄ʉ̄, ḿpɛ é zhɛ́ ajū mīi, a le nɔ̄ŋ ŋkwaŋtɛ á ntē ntsem, áju mīi yí méŋwɛ̄t a le té njhʉ̄, éfhó ánɛ apɔŋɔ́ ntē zí, ŋ́kwāŋte á leghʉ.

Efɛze 3:9

A le zéŋ ŋgyá á gá meshhʉ̄ á lelɔk ŋghʉ̄, epuɔ é zhɛ́ páʼ, a á si ŋghʉ̄ɛ, anu zīi a le sáŋ á ntē ntsem, á puɔ. Anu mɛ́t, yí Ndém Nnɔŋ‑Ŋgɔŋ, a le lʉ̄ɔ̄, tɛ efhó á nzií‑ŋgɔŋ.

Efɛze 4:18

Nzém e lē mbú njhʉ́ leghi tsɔ́p. Pɔ́ é ánɛ lenāŋ leswhī tsīi, Ndém a yáa, ŋgɔ́ áa mege, melaʼ mīi, pɔ́ teē athū á mbū yí, tɛ mbú te zhɛ́ á ŋiŋ yīi, a á ewiɛ́ ɛ́.

2 Piɛ 3:8

Mesoó pá, amɔ̄ʼ azō á éwú zīi, pɛ te pɔŋté á lelekne ɛ́. Á mbū Atsyapuɔ páʼā, taʼ aleʼé alāʼ, á gɔ́ páʼ ŋguʼ ntsāʼ lā. Ŋguʼ ntsāʼ, é gɔ́ páʼ taʼ aleʼé lā.

Menjʉɔ te lí 1:20

Ŋ́gɔ́ mé anu zīi, mecɔʼ saŋ esambīa pīi, o ó jʉ́ɔ meŋ ŋgwɛ ánɛ apū ete zá, mbɔɔ ecū mīi, mɛ́ le lɔ̄k á gɔ́ɔl ncūŋte, mɛ́ tshíɛ meláam éwú lā, é lɔkɔ ndʉ́ɛ́, mbɔ mecɔʼ saŋ esambīa é páʼā, ŋ́gɔ́ mecɔʼ Ndém pīi, é cʉtɛ meŋgyā alúŋ epuɔ Yɛɛ́so esambīa. Metsō esambīa mīi mɛ́ tshíɛ meláam éwú, é gɔ́ meŋgyā alúŋ epuɔ Yɛɛ́so esambīa.

Menjʉɔ te lí 10:7

Meleʼé mīi mɛ́ e láʼ ejúʼ á cɔʼ Ndém mbáte esambīa á letɔ̄ŋ ezi ntaŋ, Ndém a eghʉ̄, ajū mīi a le kwaŋtē á ntē ntsem, a epō. Ḿbō páʼ a le tswī épúp, á mbū megaŋ afaʼ pí, métswi‑ŋke.

Menjʉɔ te lí 11:15

Cɔʼ Ndém mbáte esambīa á tɔ́ŋ ezi ntaŋ, mɛ́ júʼ meŋghi teté, é fhó á lephū ndé ŋ́gɛ: «Atsyapuɔ yímpɛ pɔ́ Nzaʼ‑Ŋkhʉ yi mé tsetseŋɔ, ḿbɔ́ŋte á lesāʼ ŋgɔŋ. Ésáʼ ŋgɔŋ mɛ́t á meŋguʼ meŋguʼ. »

Menjʉɔ te lí 7:9

Ajɔ̄ mɛ́t á tɔ́k épúp, meŋ zɛ́t ncʉ̄te cʉte, ńjʉ́ɔ atʉtʉ epuɔ menɔŋ, á zá tɛ ŋgɔ́ yīi, ŋiŋ a gɔ le kūʼ á lesāŋ á. Éfhɔ́ɔ á ŋgɔŋ ŋgɔŋ, éfhɔ́ɔ ánɛ etseŋ ŋgyā ntsem, ánɛ elāʼ tsem, éwɔ shúŋ á ntií ntiī elāʼ. Pɔ́ pú ntshíte ajʉʼ, á mvhɔ akɔʼ lefɔ, mbɔɔ á mvhɔ Mɔ́ Njʉnjhʉ. Ḿmāʼ meféfhɔ́ menzhó, ŋ́gwɛ̄ ezāŋ menaʼ á mbū pɔ́p.