Lomɛŋ 11:22 - Eka Eswhī

²² Jʉ́ɔ páʼ Ndém a á ŋgaŋ ntē mbɔŋ, ńzéŋ ŋgɔ́ á ŋiŋ, ŋ́kīa, ŋiŋ a te zíʼ. A tswaá ŋgʉɔ athʉ́ lepé, á athū epuɔ pīi, pɔ́ é fa nzhɛ. A á piŋ ŋghʉ̄ anu mbɔŋ ánɛ wu. Ńdaʼ ŋ́gɛ, o eké nnáŋ é efʉʼ metsem, ńzhɛ́ á légɛ, yí mé ghʉʉ̄ anu mbɔŋ ánɛ wu, tɛ ŋgɔ́ te épúp zhɛ́, mbɔ a a shʉʼ ezáʼ á wú ajú.

Lomɛŋ 11:22 Iomraidhean Croise

Lúkási 8:15

Emɔ̄ʼ epuɔ é piŋ ŋkó ŋ́gɔ́ páʼ ajʉʼ atsáʼ mbɔŋ zīi, ashuŋne mɛ́t á whʉ éwú lā, pɔ́ juúʼ ashuŋne Ndém, ńdɔ̄k ntē mbɔŋ ntswí, ŋ́kúʼte á mbɔŋɔ́, ŋ́gɔ́ ndeŋ ndeŋ, éfhó ánɛ lekak ete, ánɛ mɛnzhɛ Ndém, ńzém ntá. »

Jáaŋ 15:2

Apū athʉ́ tɛ ntɔ̄ʼne ánɛ meŋ, ḿbiŋ nnɔ̄ŋ te nzémɛ ntá á, a kʉɔ́ʼē. Azi á si nzémɛ ntá, á cuŋte ŋkíŋte ŋ́gɛ, a etswiʼne nzém á mbɔŋɔ́.

Jáaŋ 8:31

Yɛɛ́so á lɛ ndé á mbū epuɔ Yúda pīi, pɔ́ ke fɛ́ nnɛ̄t ŋgyá á mbū yí ŋ́gɛ: «Pɛ ziŋɛ páʼ menu mīi, meŋ á zíʼne á wɛ́, é si ndʉ́ɛ́ épúp, mbɔ pɛ é si ŋgɔ́ á kwaʼ epuɔ nnɔ pá.

Mefaʼ Meziŋ-ntō 11:23

Á gʉɔ tɛ ŋkó éwú, ńjʉ́ɔ páʼ Ndém a ke tswī apɔŋɔ́ ntē te ndhʉ ánɛ epuɔ mɛ́t, ŋgɔŋ é pɔŋ á yí, á semte á wɔ́p ŋ́gɛ, pɔ́ etswiʼne ndɔ̄k á taʼ ntē, ńdɛ̄tne ánɛ Atsyapuɔ Yɛɛ́so.

Mefaʼ Meziŋ-ntō 14:22

Ŋ́kʉ́ʼnɛ nnɔŋ esēmtɛ epuɔ Yɛɛ́so, ńtswíʼtɛ á wɔ́p ŋ́gɛ, pɔ́ ekúʼte á Yɛɛ́so á mbɔŋɔ́, ḿbiŋ nzhɛ́ á légɛ, pɔ́ a pɔ́p é pɔŋteé á lejʉ̄ɔ ŋgʉɔ̄ʼ tɛʼ, tɛ́ ŋkó á ntē Lefɔ Ndém.

Lomɛŋ 11:21

Páʼ Ndém a le záʼ mbū ánɛ athʉ́ zīi, mɛ́ tuŋneé lā. Wu yīi o ké mbiŋ ŋgɔ́ páʼ apū athū zīi, mɛ́ le yɛ̄t yɛt éwú lā, o gɔ te lāk á athū jú ú, mbɔ o te e láʼ evuʼu á yí í.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

1 Kɔlɛŋte 15:2

Ndém a a láʼ ezápa ánɛ ŋke mbɔŋ mɛ́t, tɛ́ eghʉ pɛ etswɛ́t, éyi á gɔ́ yīi, pɛ kuʼteé ndeŋ ndeŋ páʼ, meŋ nde ziʼné á wɛ́ épúp. Tɛ á té épúp ɔ́, mbɔ pɛ le júʼ mvéŋ páʼā, á gɔ́ áa ndémndēm.

Galat 6:9

Ndɛ́ʼ ḿpɛ eká á yímpɛ, á leghʉ anu mbɔŋ. Ḿpɛ nɔŋ ŋghʉ̄ɛ anu mbɔŋ ndɔkɔ ŋgʉ̄ɔ mé mvhɔ, mbɔ afʉʼ a fú ekuʼe, Ndém a eghʉ̄, ḿpɛ ekáp ntá mbɔŋ.

1 Tesalonik 3:5

Á melaʼ épúp tɛ́, meŋ kɛ te kūʼ á lezēŋ nzwíʼte á leshʉʼ njʉ́ɔ á wɛ́ ɛ́ páʼā, ńtó á Timotɛ, ŋ́gɛ a eshʉʼ njʉ́ɔ kɛ pɛ zɛɛ́t efíɛ́ nnɛ̄t, ŋ́gyáa á mbū Klísto lɛ̄ɛ, éswáŋ nnɛ̄t eshúŋ á gá. Meŋ nde gē etó á yí épúp, ńzéŋ nnɔŋ mbɔ́kɔ ŋ́gɛ, kɛ Ŋgaŋ Metáté a lē ŋghʉ, pɛ whʉ̄ʉ ánɛ táté, tɛ afaʼ zīi pek le ghʉ̄ʉ̄, á tó ndémndēm lɛ́.

1 Tesalonik 3:8

Pek é tsetsɔŋɔ, mbɔ pek é zéŋ nzímte, melaʼ mīi, pɛ chʉʉ́ nnɛ̄t ndɛ̄tne ánɛ Atsyapuɔ.

Eble 10:23

Ndém a le laʼnē á lefū ŋgyá á yímpɛ azō. A piīŋ te lé á anu, mɛ́ faʼ kékáŋ á. Púp, ḿpɛ etswiʼne eshúŋ esa saá, ajū mīi, a le phʉ́ á yímpɛ.

Eble 3:14

Ḿpɛ gɔ́ ŋké ŋkúʼte menu mīi, mɛ́ le gē ezi, ńzíʼne á yímpɛ, tɛ́ ḿpɛ fɛ́ nnɛ̄t ŋgyá á mbū Ndém, tɛ ndáʼ ŋkó á nzokó, mbɔ ḿpɛ é páʼā, ḿpɛ a Klísto é lɔkɔ ncʉ́ʼɛ á taʼ.

Eble 3:6

Klísto, páʼ a á si ŋgɔ́ á Méŋ Ndém lā, a juúʼ nchu Ndém, mbɔ Ndém a le tsekné alāʼ zí á mbū yí. Ḿpɛ gɔ́ ŋké ŋkúʼte menu muɔ mɛ́t á ntē pímpɛ, ńnɔ̄ŋ ncuŋtɛ nzwíʼtɛ mé lekāk, mbɔ ḿpɛ mé si ŋgɔ́ alāʼ zí mɛ́t.

1 Jáaŋ 2:19

Epuɔ puɔ mɛ́t, é le fhó á nnɔ pímpɛ ntó, pɔ́ le zī te epuɔ pímpɛ ɛ́. Pɔ́ le wíʼe ŋgɔ́ epuɔ pímpɛ, mbɔ ḿpɛ a pɔ́p é zɛ́t nnɔ. Pɔ́ le pīŋ efhó á nnɔ pímpɛ ntó épúp, tɛ́ á lɔk ntswī ndeŋ ndeŋ á légɛ, tsɔ ŋiŋ wɔp, a lɛ te á ŋiŋ nnɔ yímpɛ ɛ́.

Menjʉɔ te lí 2:5

Kímte ndéŋté yīi, o le tshí éwú, tɛ́ efhó éwú ŋgwhʉ̄ á esī. Ŋ́gɔ̄ nnɛ̄t ju, ŋ́gwáʼ atswhī tepɔŋ jú, ńcʉ́ʼɛ ŋghʉ̄ɛ áa mefaʼ mīi, o lɛɛ́ nzi ŋghʉ̄ɛ efʉʼ mvhɔ. Tɛ ŋgɔ́ te épúp ɔ́, mbɔ meŋ a shʉʼ shʉʼe, ékú á ajū mīi o tshíɛ á láam wu éwú. O gɔ́ te gɔ̄ nnɛ̄t ju, ŋ́gwáʼ atswhī tepɔŋ jú ú, mbɔ meŋ a shʉʼ eghʉ épúp.