Lomɛŋ 11:20 - Eka Eswhī

²⁰ Á épúp á anuúnē. Mɛ́ lɛɛ́ nzáʼa á wɔ́p, melaʼ mīi pɔ́ le sɛ̄t nzem Ndém. O ké mbiŋ ŋgɔ́ á ajʉʼ ega mɛ́t páʼā, á gɔ́ melaʼ mīi, o lē efɛ́ nnɛ̄t ŋgyá á mbū Yɛɛ́so. Ndɛ́ʼ o ké ndɔ̄k épúp, ŋ́ŋīa. Lak athū jú.

Lomɛŋ 11:20 Iomraidhean Croise

Lúkási 18:14

Yɛɛ́so á ge emakne, ńdé ŋ́gɛ: «Pɛ ezhɛ́ á légɛ, ŋiŋ wuɔ mɛ́t, á ge epiŋ nzem mé mba zi, mbɔ Ndém a á ndáʼ mvéŋ á yí páʼ ŋiŋ yi, ḿbiŋ te ŋiŋ Falísia véŋ. Á épúp tɛ́, ŋiŋ yīi a kɔʼneé nnɛ̄t kɔʼné, Ndém a a shʉʼ esóʼne á yí. Ŋiŋ yīi a piīŋ nnɔŋ nnɛ̄t á esī nɔŋ, Ndém a a shʉʼ ekɔ́ʼne á yí. »

Mefaʼ Meziŋ-ntō 18:6

Ńdé épúp, táʼ, epuɔ Yúda é pú ŋkʉ̄ŋne á anu zí, ńcʉ́ʼɛ nzɔ̄tɛ á yí zɔte. Pɔ́ɔl á lɛ mbʉ̄pte avɔ́p ánɛ menzhó mí, ńdé á mbū pɔ́p ŋ́gɛ: «Pɛ a Ndém é ké efākne, mbɔ a cʉte á wɛ́, mbɔ alɔ́ʼ zá á té éwú ú. Tɛ efhó tsetsɔŋɔ, meŋ a tshi á wɛ́ néŋ, égʉɔ etswii ŋke mbɔŋ, á mbū epuɔ pīi, é té epuɔ Yúda á. »

Lomɛŋ 11:18

Ndɛ́ʼ o eké ndɔ̄k épúp, ŋ́gwák mbū methʉ́ mīi, mɛ́ le záʼē. Akwaŋte leŋia á zi ŋgɔ́ á athū wu, o ekímte á légɛ, wu mé té wɛ̄ meŋgaŋ á, meŋgaŋ mé wɛɛ̄ á wú.

Lomɛŋ 11:21

Páʼ Ndém a le záʼ mbū ánɛ athʉ́ zīi, mɛ́ tuŋneé lā. Wu yīi o ké mbiŋ ŋgɔ́ páʼ apū athū zīi, mɛ́ le yɛ̄t yɛt éwú lā, o gɔ te lāk á athū jú ú, mbɔ o te e láʼ evuʼu á yí í.

Lomɛŋ 12:16

Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

Lomɛŋ 12:3

Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

Lomɛŋ 3:3

A zi ŋgɔ́ éyi, emɔ̄ʼ epuɔ á nnɔ pɔ́p, é le sɛ̄t nzem Ndém, mbɔ wɔ́p á lesɛt nzem Ndém, á gɔ eghʉ̄ʉ, Ndém á sɛt nzem zɔp lɛ́?

1 Kɔlɛŋte 10:12

Púp, ŋiŋ yīi a á si ŋkwāŋa ŋ́gɛ, yí teteē ánɛ mɛnzhɛ Ndém, ŋgaŋ a epá á yí á lewhʉ á esī á afʉʼ zīi, ŋgʉɔ̄ʼ e é shʉʼ.

1 Kɔlɛŋte 15:1

Epɔ̄ memía, meŋ á si ŋkímtɛ á wɛ́ ŋke mbɔŋ yīi, meŋ nde tswī á mbū pɛ, pɛ ejúʼ mvéŋ, ńzéŋ nzīŋ páʼ é si ndʉ́ɛ́ épúp.

1 Kɔlɛŋte 16:13

Ndɛ́ʼ ŋiŋ á lí, pɛ echʉ́ nnɛ̄t ŋkúʼte anu Klísto tɛ a etē, pɛ egɔ́ á kwaʼ mbaŋa, ndɛ́ʼ amɔ̄ʼ azō á faŋne á wɛ́.

2 Kɔlɛŋte 1:24

Á té ndɔ̄kɔ ŋ́gɛ, pek e ŋyɛt á wɛ́ ŋyɛt, tɛ́ pɛ efɛ́ nnɛ̄t ŋgyá mé Klísto ó. Pek lɔkɔ efāʼa á lenēŋ azék apū, ánɛ lepɔŋ tsɛ́. Pɛ é si ncuŋtɛ efíɛ́ nnɛ̄t, ŋ́gyáa á mbū Klísto.

2 Kɔlɛŋte 10:5

Ḿbík ajūɔ tsem zīi, á lɔkɔ á leŋia, ńtɛ́nnɛ á lezhɛ̄ á Ndém. Ŋ́ghʉ̄, epuɔ é wáʼ mekwaŋte mīi, é ntē pɔ́p, ńjúʼ á mbū Klísto.

Fílíip 2:12

Mepɔŋ mesoó pá, pɛ gɛ nzī nzīŋɛ ánɛ mekhu anu zīi, meŋ nde ziʼné á wɛ́, pɛ etswiʼne nzīŋ éwú, tɛ pɛ é le lɛ̄ nzīŋ éwú áa afʉʼ zīi, meŋ á tsetsɛlɛ pɛ ɛ́, pɛ etswhi nzīŋ éwú tsetsɔŋɔ, páʼ meŋ te á esī í. Pɛ ekāk ete, ńdɔ̄k mekuʼ pɔ́ lenɔŋ nnɛ̄t á esī á mvhɔ Ndém, ńtswī á légɛ, a lē ŋghʉ pɛ tswɛ́t,

Kɔlɔs 2:7

Ńdɔkɔ ŋ́gɛ, pɛ etsēŋɛ meŋgaŋ mɛ́ ánɛ yí, ḿbú ndɛ̄t ewɛ lenāŋ ánɛ yí. Ŋ́kúʼte á wɛ́ á lefɛ̄ nnɛ̄t ŋgyá á mbū yí, ńdeŋ ndeŋ páʼ mɛ́ le ziʼné á wɛ́ épúp. Ńchʉ́ nnɛ̄t esyákne á Ndém mé taʼ ntē.

2 Tesalonik 2:4

Ŋiŋ wuɔ mɛ́t, a a shʉʼ epʉ́ʼɛ nnɛ̄t, élé gɛ, yí puú ntɔ́k akʉ̄ɛ akʉ̄ɛ zīi, mɛ́ wuʼtɛ ntɔ́ŋɔ lɛ ndém, ḿbú nzéŋ ńtsyā tɛ mbɔɔ kwaʼ Ndém. Égɔ́ gɔ́ɔ, tɛ yí méŋwɛ̄t e egʉɔ ŋkó á Mía Ŋgyā Ndém, ńnáŋ éwú, ésáʼ ŋ́gɛ yí é Ndém.

1 Timotɛ 6:17

Éshʉ̄ʼ ánɛ epuɔ pīi, pɔ́ é megaŋ lewūʼ á ŋgɔŋ ega, tswi á mbū pɔ́p ŋ́gɛ, ndɛ́ʼ pɔ́ ŋia. Ŋ́gɛ ndɛ́ʼ pɔ́ tshí ntē wɔ́p ánɛ lewūʼ, melaʼ mīi é gɔ́ ezéŋ mmī. Ŋ́gɛ pɔ́ etshí ntē wɔ́p áa ánɛ Ndém. Yí mé yaá á yímpɛ etsō mbɔŋ tɛ nzáne, ŋ́gɛ e etswíte á yímpɛ.

Eble 3:12

Púp me epɔ̄ memía, pɛ elāk athū zɛ́, ndɛ́ʼ ŋiŋ nnɔ wɛ, á wɛ ntē tepɔŋ, ńtē yīi e ghʉ, ŋiŋ a á le fɛ́ nnɛ̄t ŋgyá á mbū Ndém yīi, a ghʉɛ mɛ́ gɔ́ɔ éwú ú, ńtē yīi e ghʉ, a efhó á nzem Ndém ntó.

Eble 3:19

Ḿpɛ é si mbīŋɛ njʉ́ɔ páʼ, pɔ́ lɛ te kó ajʉʼ mɛ́t tɛ nzwīte ɛ́, melaʼ mīi, pɔ́ le lʉ̄ʼ á wɔ́p á lefɛ̄ nnɛ̄t, ŋ́gyá á mbū Ndém.

Eble 4:11

Ḿpɛ ekāk ete á lekō á ntē azwite á lezēŋ Ndém. Ḿpɛ eghʉ̄, tɛ tsɔ ŋiŋ nnɔ yímpɛ, a á le tē athū á mbū Ndém, éfā nzhɛ páʼ, wɔ maŋgānjʉʼ pímpɛ, é le ghʉ̄ épúp ɔ́.

Eble 4:6

Epuɔ pīi é lɛ megaŋ mvhɔ, á lejūʼ ŋke mbɔŋ, pɔ́ lɛ te kó á ntē ajʉʼ zīi, Ndém a á éwú tɛ nzwīte ɛ́, melaʼ mīi, pɔ́ lɛ te ŋke mbɔŋ mɛ́t kúʼte. Meshhʉ̄ é ké nzɛ́t á mbū emɔ̄ʼ epuɔ, á lekō éwú.

Jáak 2:19

O zhɛɛ́ á légɛ, taʼ Ndém mé éwú. Á gɔ́ épúp, ŋ́gɔ́ mbɔŋ. Mesī é zéŋ nnɔ̄ŋ nzhɛ́ɛ azɔ́p épúp, ńnɔŋ mvɛ̄tɛ. »

Jáak 4:6

Táʼ, Ndém a á si ŋké ŋghʉ̄ɛ á mbɔŋɔ́, apɔŋɔ́ ntē te ndhʉ zīi, a wɛɛ̄ ánɛ pímpɛ, á faáŋ ntsyā ajūɔ tsem. É melaʼ épúp tɛ́, aŋwaʼne Ndém á leé ŋ́gɛ: «Ndém a teém nzem wɔ ŋáʼte‑nnɛ̄t. Ḿbiŋ ntswī apɔŋɔ́ ntē zí, á mbū wɔ nɔŋ‑nnɛ̄t á esī. »

1 Piɛ 1:17

Pɛ é ntē aswiŋte pɛ, ńtɔ́ŋ á Ndém é lɛ Mɔʼɔ́ wɛ. A te wɛ̄ atɛʼte ánɛ epuɔ ɔ́, ŋ́ké mbiŋ efhó ánɛ eyi leghʉ awɔ́ lɛ́, tɛ́ nzáʼ ntsaŋ zi. Púp, pɛ elɔ̄k meleʼé mīi, pɛ zɛɛ́t ŋgɔ̄ elɔk enáŋ á esī atsetsáʼ ega, ńdɔ̄k meziŋɛ́ mɛ́, ńtswī á légɛ, pɛ é si ŋgūʼtɛ á Ndém.

1 Piɛ 5:12

Méŋ atsém akɛtte wuɔ mɛ́t, a á páʼa, mbɔ Silvɛŋ mé ntswíte á gá á letī á mbū pɛ. A á si ŋgɔ́ á méŋ mɔ́ ga á nzem Klísto. Ŋ́gɔ́ á ŋiŋ yīi, mɛ́ gɔ etém nzem ŋgyá á mbū yí. Meŋ á ntíi, ńdɔkɔ ŋgyáa á wɛ́ ŋgate, ńzéŋɛ ndɔkɔ ŋkɛ́ʼtɛ eshúŋɔ á wɛ́ páʼ, Ndém a ghʉʉ̄ anu mbɔŋ té ndhʉ épúp, ánɛ pímpɛ. Pɛ echʉ́ nnɛ̄t ŋkúʼte épúp, ńdɔk nnáŋ.

1 Piɛ 5:9

Ndɛ́ʼ pɛ tsɔ́ʼ esa ŋgyá mé yí, ńnɔ̄ŋ ntswīʼnɛ efíɛ́ nnɛ̄t zɛ ŋgyáa á mbū Ndém. Pɛ ezhɛ́ á légɛ, emɔ̄ʼ epɔ̄ memía pɛ́, é egʉ́ɛ́ egʉ́ɛ́ á ntē ŋgɔŋ ega, ńzéŋɛ njʉ́ɔ ŋgʉɔ̄ʼ páʼ pɛ.

Menjʉɔ te lí 18:7

A gɔ́ éyi pɔ́ le náŋ á ntē lewūʼ, mbɔɔ á ntē lepɔŋ lɛ akɔ̄ lɛ́, mɛ́ zéŋ ŋghʉ̄ pɔ́ jʉ́ɔ ŋgʉɔ̄ʼ, mbɔɔ ŋgeŋge ndeŋ ndeŋ épúp. Mɛ́ eghʉ̄ épúp ánɛ tésɔŋ wuɔ mɛ́t, melaʼ mīi a á si ndʉ́ɛ́ á ntē yí ŋ́gɛ: “Meŋ naáŋ ánɛ akɔʼ lefɔ, ŋ́gɔ́ á mɛfɔ. Meŋ te á mpfók menzwí í, épīŋ le láʼ aleʼé ŋgɔ́ ánɛ lewhʉ̄ ɛ́.”

Menjʉɔ te lí 3:17

O si ndʉ́ɛ́ ŋ́gɛ, o ó ŋgaŋ lewūʼ, ŋ́gɛ o lē ŋgwɛ azō tɛ á zá, ŋ́gɛ amɔ̄ʼ azō á té á mbū wu ŋkíŋɛ. O o si ndʉ́ɛ́ épúp páʼā, ŋ́ké ŋgɔ́ á ŋgaŋ ŋgʉɔ̄ʼ, ŋ́gɔ́ á te kuʼ ánɛ azō, ŋ́gɔ́ á mbūŋ, ŋ́gɔ́ á apií‑menēk, ńzéŋ ŋgɔ́ á atseŋ te nzhó.