Lomɛŋ 11:17 - Eka Eswhī

¹⁷ Epuɔ Islaɛl é si ŋgɔ́ páʼ, athʉ́ olive zīi, mɛ́ tuŋneé lā, mbɔ Ndém a lē nzáʼ emɔ̄ʼ mbū athʉ́ mɛ́t, ńzáʼ épúp, ḿbiŋ mbɛ́ á wú yīi, o te ŋiŋ Islaɛl ɛ́, ŋ́gɔ́ páʼ apū athʉ́ olive zīi, á tshií á mbaʼ lā, ŋ́gyɛ̄t á ajʉʼ mɛ́t. Á piīŋ ŋgɔ́ tsetsɔŋɔ, ŋ́gɔ́ yīi, o gɔ́ ejhʉ́ ajú á apɛ mbɔŋ ŋka athʉ́ yīi, é fhɔ́ɔ ánɛ athʉ́ olive, ḿbʉɛ.

Lomɛŋ 11:17 Iomraidhean Croise

Matío 21:43

«Á épúp tɛ́ meŋ shúŋɔ á wɛ́ ŋ́gɛ, Ndém a shʉʼ ekú á ajʉʼ zɛ́ á ntē lefɔ tsí, éyá á mbū epuɔ pīi, pɔ́ é si ŋghʉ̄ɛ ajū mīi, a á si ŋkɔ̄ŋɔ. [

Jáaŋ 15:1

Yɛɛ́so á zéŋ ndé ŋ́gɛ: «Meŋ á si ŋgɔ́ á kwaʼ athʉ́ lɛzɛŋ, Mɔʼɔ́ ga á gɔ́ ŋiŋ yīi, a túŋnɛ ŋkāʼ methʉ́ lɛzɛŋ mɛ́t.

Jáaŋ 15:2

Apū athʉ́ tɛ ntɔ̄ʼne ánɛ meŋ, ḿbiŋ nnɔ̄ŋ te nzémɛ ntá á, a kʉɔ́ʼē. Azi á si nzémɛ ntá, á cuŋte ŋkíŋte ŋ́gɛ, a etswiʼne nzém á mbɔŋɔ́.

Jáaŋ 15:6

Ŋiŋ a gɔ te tēmte nnɛ̄t zi ánɛ eza á, mbɔ a a cʉ́ʼ páʼ mbū athʉ́ mīi, mɛ́ é maʼ á apɛ́, é zó, mɛ́ pɛ́ ntɔ̄ á mmók, é shhʉ́ lā.

Mefaʼ Meziŋ-ntō 2:39

Á zi ŋgē egɔ́, mbɔ Ndém a le laʼnē ajʉɔ anu, á mbū pɛ, mbɔɔ á mbū ewɔŋkhʉ̄ pɛ́, mbɔɔ á mbū epuɔ pīi, pɔ́ zɛɛ́t te zhɛ́ á Ndém. Á mbū ŋgɔŋ epuɔ metsem pīi, Atsyapuɔ Ndém yímpɛ, a a shʉʼ etɔ́ŋ á wɔ́p ŋ́gɛ, pɔ́ eshʉ̄ʼ mé lezēŋ tsí. »

Lomɛŋ 11:24

Wu, o ó si ŋgɔ́ páʼ apū athʉ́ olive zīi, á le tswhí á mbaʼ. Ndém á le pīŋ efhó éwú efāk á wú, ŋ́gyɛ̄t ánɛ azi mɛ́ tuŋneé. Tɛ ŋgʉɔ shɔ́ʼɔ́ á Ndém á lezēŋ ŋgyɛ̄t mbū methʉ́ mīi, a le zī efak áa ánɛ methʉ́ olive mīi, mɛ́ tuŋné ē?

Galat 2:15

Ḿpɛ é páʼā, mbɔ mɛ́ le zhí á yímpɛ, ḿpɛ gɔ́ epuɔ Yúda. Ḿpɛ é té epuɔ pīi, é té epuɔ Yúda á, épuɔ pīi ḿpɛ jʉɔ́ á wɔ́p páʼ megaŋ mefa lá á.

Efɛze 3:6

Ntsem mɛ́t, e ejʉɔ: epuɔ pīi é té epuɔ Yúda á, é zapaá ánɛ ŋke mbɔŋ, ńdɛ̄tne ánɛ Yɛɛ́so Klísto, ŋ́gwɛ̄ azɔ́p akim, páʼ epuɔ Yúda lā, ánɛ ajū mīi, Ndém a le phʉ́ʉ̄. Á páʼā, pɔ́ lɔkɔ mbúu ncʉ́ʼɛ á taʼ mbe nnɛ̄t, pɔ́ a epuɔ Yúda, éfú ewɛ azɔ́p ajū mīi, Ndém a le laʼnēē.

Kɔlɔs 2:13

Á lɛ amɔ̄ʼ afʉʼ, pɛ gɔ́ páʼ mepfhō lā, melaʼ mefa mɛ́, mbɔɔ melaʼ páʼ, mɛ́ lɛ te á wɛ́ tém. Á piīŋ ŋgɔ́ tsetsɔŋɔ, mbɔ Ndém a ke ghʉ̄ʉ̄, pɛ a Yɛɛ́so é zím ánɛ lewhʉ̄, á lɔkɔ ndēknɛ mefa mímpɛ.

Menjʉɔ te lí 11:4

Epuɔ mémpīa mɛ́t pīi pɔ́ shúŋɔ ajū mīi, pɔ́ é si nzhɛ́ɛ ánɛ Ndém, pɔ́ tshiteé á mvhɔ Atsyapuɔ Esaʼ‑Ŋgɔŋ ntsem. Pɔ́ é si ŋgɔ́ methʉ́ Olive mɛ́mbīa, ńzéŋ ŋgɔ́ etsō tsɛ́pīa tsīi, mɛ́ tshítɛ meláam éwú.