Lomɛŋ 11:16 - Eka Eswhī

¹⁶ Mɛ́ piŋɛ ŋgyá mvhɔ atsém mblɛ á mbū Ndém, mbɔ avuʼ á puú nzéŋ ŋgɔ́ áa azí. Ŋiŋ a yáa ŋgaŋ athʉ́ á mbū Ndém, á zéŋ nzhɛ́ a légɛ, mbū athʉ́ é puú nzéŋ ŋgɔ́ áa emi Ndém.

Lomɛŋ 11:16 Iomraidhean Croise

Lomɛŋ 11:17

Epuɔ Islaɛl é si ŋgɔ́ páʼ, athʉ́ olive zīi, mɛ́ tuŋneé lā, mbɔ Ndém a lē nzáʼ emɔ̄ʼ mbū athʉ́ mɛ́t, ńzáʼ épúp, ḿbiŋ mbɛ́ á wú yīi, o te ŋiŋ Islaɛl ɛ́, ŋ́gɔ́ páʼ apū athʉ́ olive zīi, á tshií á mbaʼ lā, ŋ́gyɛ̄t á ajʉʼ mɛ́t. Á piīŋ ŋgɔ́ tsetsɔŋɔ, ŋ́gɔ́ yīi, o gɔ́ ejhʉ́ ajú á apɛ mbɔŋ ŋka athʉ́ yīi, é fhɔ́ɔ ánɛ athʉ́ olive, ḿbʉɛ.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

1 Kɔlɛŋte 7:14

Meŋ ndʉ́ɛ́ páʼa melaʼ mīi, ndō wɔ̄ yīi a zɛɛ́t te gɔ́ á ŋiŋ Yɛɛ́so lā, a á cʉ́ʼ á ŋiŋ Ndém melaʼ nzwí yi, páʼ a á ŋiŋ Yɛɛ́so lā. Ndeŋ ndeŋ épúp, menzwí yīi, a zɛɛ́t te gɔ́ á ŋiŋ Yɛɛ́so, a á cʉ́ʼ á ŋiŋ Ndém melaʼ ndō yi, páʼ a á ŋiŋ Yɛɛ́so lā. Á piŋɛ te épúp ɔ́, mbɔ ewɔŋkhʉ̄ pɔ́p e gɔ́ páʼ, pɔ́ a Ndém é té nnɔ ɔ́ lā, tɛ́ pɔ́ ké ŋgɔ́ ewɔŋkhʉ̄ Ndém.

Jáak 1:18

A le fhó ánɛ lekɔŋ yi, ńdɔ̄k ashuŋne anuúnē, ŋ́ghʉ̄ ḿpɛ é gɔ́ éwú. Ŋ́ghʉ̄ɛ épúp páʼā, ŋ́gɛ ḿpɛ egɔ́ á mbū yí, ńtshí mvhɔ, ánɛ ajū mīi a á pɔ́.

Menjʉɔ te lí 14:4

Epuɔ puɔ mɛ́t, é si ŋgɔ́ epuɔ pīi, pɔ́ a wɔnzwí é lɛ te nɔ̄ɔŋ, pɔ́ lɛ te menzwí zhɛ́. Pɔ́ le nɔ̄ŋ nzhɛnɛ á Mɔ́ Njʉnjhʉ é ejʉʼ tsem yīi, a gʉɔ éwú. Ndém a le fhó á nnɔ epuɔ menɔŋ, ncūʼ á wɔ́p. Pɔ́ gɔ́ á mvhɔ yí mbɔɔ á mvhɔ Mɔ́ Njʉnjhʉ, ŋ́gɔ́ páʼ mvhɔ ecū mīi, é fhɔ́ɔ á ŋkāʼ lā.