Lomɛŋ 11:15 - Eka Eswhī

¹⁵ Ndém a le náʼ mbaʼne á wɔ́p mé á nzem, ŋghʉ̄ ŋgɔŋ epuɔ metsem, é piŋ nzem á mbū yí. A láʼ aleʼé zīi, Ndém a ghʉɛ, pɔ́ zéŋɛ mbīŋɛ nzem á nnɔ, a lɛ ŋgɔ́ lɛ akɔ̄? A láʼ egɔ́ anu mbɔŋ tɛʼ, égɔ́ páʼ, ŋiŋ a kwhʉ́ɛ, ńzéŋɛ nzímɛ ánɛ lewhʉ̄ lā.

Lomɛŋ 11:15 Iomraidhean Croise

Lúkási 15:24

Meŋ nde nɔ̄ŋ nzhɛ́ɛ á légɛ, mɔ́ wuɔ a lē ŋkwhʉ́, a á zéŋ eshʉ̄ʼ. A le píī, meŋ á zéŋ njʉ́ɔ á yí.” Pɔ́ lɛ nnéŋ lekāk á ŋgyā.

Lúkási 15:32

Ḿbiŋ ŋgɔ́ mé ntsiʼnzem wu wuɔ, mbɔ á pɔŋ ŋ́gɛ, ḿpɛ egáŋte, ŋ́kák melaʼ mīi, mɛ́ le nɔ̄ŋ nzhɛ́ɛ á légɛ, a lē ŋkwhʉ́, a á piŋ nzéŋ eshʉ̄ʼ. A le píī, mɛ́ zéŋ njʉ́ɔ á yí.”»

Lomɛŋ 14:1

Pɛ etswí á ŋiŋ yīi a á si mbwɛ́tɛ á ánɛ lefɛ̄ nnɛ̄t ŋgyá á mbū Klísto, ńnéŋ á nnɔ pɛ. Ndɛ́ʼ pɛ a pɔ́p é ŋak ánɛ ezi ntií lekwaŋte anu.

Lomɛŋ 14:3

Ŋiŋ yīi a pfɛɛ́t etsō tsem, a te pɔŋté á leŋyaŋne á ŋiŋ yīi, a gɛ te mpfɛ́tɛ mbap á ā. Ŋiŋ yīi, a piīŋ te mbap pfɛ́t, a te pɔŋté á lethū alɔ́ʼ ŋiŋ yīi a pfɛɛ́t etsō tsem, tɛ mbā á yí í, melaʼ mīi Ndém á veéŋ á ŋgaŋ azí.

Efɛze 1:10

Afʉʼ á fú nnáŋ tɛ ŋkūʼ, Ndém á ghʉ, anu mɛ́t zīi a le nɔ̄ŋ ŋkwaŋtɛ, á po, ŋ́gɔ́ á lepū ncúʼte ŋgɔŋ ntsem, ájū mīi á lephū mbɔɔ azi á esī atsetsáʼ, ńcúʼte ajūɔ tsem jʉɔ mɛ́t, ńnɔ̄ŋ á mekhu taʼ Efɔ, á Klísto.

Menjʉɔ te lí 11:11

Táʼ, meleʼé alāʼ mɛ́ntɛ́t mé atsém mɛ́t, é etɔ́k, Ndém á tó Azwakne zīi, á ghʉɛ mɛ́ gɔ́ɔ éwú, a eshʉʼ ŋkó ánɛ epfhō cɔ̄, pɔ́ lɛ ndū á esī ntshíte á ajʉʼ. Mmɔʼ mía mía ecɔʼ, á epú njhʉ́ epuɔ pīi, pɔ́ nɔŋ ncʉ̄ʉ á wɔ́p.