Lomɛŋ 11:14 - Eka Eswhī

¹⁴ Meŋ a ghʉ afaʼ mɛ́t, tɛ́ elɔk eghʉ, ntɔ̄ŋ epuɔ alāʼ pék, e efūʼ, ńzhɛ́ páʼ, Ndém a a shʉʼ á nnɔ pɔ́p, éghʉ, emɔ̄ʼ ntaʼné shɔ́ʼɔ́ lɛ́, e etswɛ́t.

Lomɛŋ 11:14 Iomraidhean Croise

Lomɛŋ 10:19

Meŋ gɔ ezéŋ nzɛ́tte ŋ́gɛ: epuɔ Islaɛl é lɛ te júʼ anu zīi, ŋke mɛ́t é lɔkɔ ndʉ́ɛ́ lɛ̄? Pɔ́ lɛ te júʼ. Ndém a le zī nté njhʉ̄, ńdɔ̄k nchu Mɔɔ́sɛ ńde ŋ́gɛ: «Meŋ a shʉʼ eghʉʉ, pɛ eséŋ eshhʉ̄ ánɛ alāʼ zīi, á kaá ŋgɔ́ á alāʼ zá á. Éghʉʉ, ntē wɛ́ e efūʼ, melaʼ alāʼ zīi, leghi tsɔ́p é té éwú ú.

Lomɛŋ 11:11

Meŋ á páʼā ndɔkɔ nzɛ́tɛ ŋ́gɛ: á páʼā, mbɔ epuɔ Islaɛl é le pú ŋkwate ŋ́gwhʉ̄ á esī áa ndaʼ kɛ akɔ̄ lɛ́? Ŋgáŋ, á té épúp ɔ́. Pɔ́ le kwatē épúp, tɛ́ Ndém á zápa épúp, ŋ́ghʉ̄, epuɔ pīi é té epuɔ Yúda á, é tswɛ́t. Á ghʉɛ épúp, ńdɔkɔ efāʼa ŋ́gɛ, epuɔ Islaɛl e eséŋ eshhʉ̄ ánɛ pɔ́p.

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

1 Kɔlɛŋte 1:21

Páʼ epuɔ ŋgɔŋ puɔ, é kɛ te lɔ̄k azhɛ̄‑anu zɔ́p, éfhó ánɛ ajū mīi, Ndém a á lɔk azhɛ̄‑anu zí ŋghʉ̄, ḿvéŋ á yí lā, Ndém a á piŋ ŋkɔ̄ŋ á yí á lefhō ánɛ ŋke mbɔŋ yīi, pek tswii, pɔ́ piŋ nnɔ̄ŋ ntɔ́ŋɔ lɛ apiá‑anu, tɛ́ ŋghʉ̄, epuɔ pīi, pɔ́ é véŋ ŋke mɛ́t, e tswɛ́t.

1 Kɔlɛŋte 10:33

Pɛ eghʉ̄ páʼ meŋ lā, meŋ kaāk ete á légɛ, ajūɔ tsem zīi meŋ ghʉɛ, a etswíte epuɔ metsem. Meŋ te lɛ ŋghʉ̄ áa ajū mīi, á tswíte á gá meŋɛmeŋ ɛ́. Meŋ ghʉʉ̄ azi, á tswíte á atʉtʉ epuɔ, ńzhɛ́ páʼ Ndém a a ghʉ pɔ́ etswɛ́t.

1 Kɔlɛŋte 7:16

Wu menzwí, ŋgɔ́ á ŋiŋ Yɛɛ́so, o gɔ le zhɛ́ kɛ Ndém a gɔ ezápa ánɛ wu, ŋ́ghʉ̄ ndō wu á tswɛ́t kɛ ŋgáŋ lɛ́ɛ̄. Wu ŋiŋ mbaŋa, o ó le zhɛ́ kɛ, Ndém á gɔ ezápa ánɛ wu, ŋ́ghʉ̄ nzwí wu á tswɛ́t kɛ ŋgáŋ lɛ́ɛ̄.

1 Timotɛ 1:15

Anu zīi meŋ gɔ á ndʉ́ɛ́ la, á ajʉʼ éwú, ŋ́gɔ́ épúp, ŋ́gɔ́ azi epuɔ metsem é gɔ evéŋ mé taʼ ntē: Yɛɛ́so Klísto, a le shʉ̄ʼ á ŋgɔŋ, ŋ́gɔ̄ á ŋghʉɛ́, megaŋ mefa e etswɛ́t. Meŋ á páʼa, ŋ́gɔ́ ŋgaŋ mefa té mmɔʼ.

1 Timotɛ 2:4

A á si nzi ŋkɔ̄ŋɔ ŋ́gɛ, ŋiŋ ntsem a etswɛ́t, ńzhɛ́ anuúnē ánɛ yí.

1 Timotɛ 4:16

Lak á athū jú, ánɛ ewu lenāŋ. Ńdāk athū jú, ánɛ anu zīi o zíʼnɛ epuɔ. Gɔ́ efʉʼ metsem, ńnɔŋ ŋkāka áa ete. O gɔ eghʉ épúp, tɛ́ Ndém a eláʼ ŋghʉ̄ o etswɛ́t, epuɔ pīi pɔ́ júʼɔ á wú, e etswɛ́t azɔ́p.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

2 Timotɛ 2:10

Melaʼ épúp tɛ́, meŋ kaka ete mvéŋɛ ŋgʉɔ̄ʼ mɛ́t ntsem, melaʼ epuɔ pīi, Ndém a le tsɔ́ʼē, ŋ́gɛ pɔ́ é epuɔ pí, tɛ́ Yɛɛ́so Klísto a eghʉ̄, pɔ́ etswɛ́t azɔ́p, ńtā á ntē shʉ́shɔ́k á lemiʼɛ, á lezēŋ Ndém.

Tíit 3:5

ŋ́ghʉ̄ ḿpɛ etswɛ́t. A te gē eghʉ épúp, éfhó ánɛ mefaʼ membɔŋ mīi, ḿpɛ méŋwɛ̄t é lɔkɔ á ndeŋ ndeŋ ŋghʉ̄ɛ ɛ́. A le gē eghʉ épúp, éfhó ánɛ atsāmezeŋɛ zí zīi, a wɛɛ̄ ánɛ pímpɛ. A le fhó ánɛ páʼ a le sōk mefa mímpɛ, ńzápa ánɛ Azwakne Ndém, ŋ́ghʉ̄ ḿpɛ cʉ́ʼ epuɔ meswhī.

Filemɔŋ 1:12

Meŋ á piŋne á yí, ŋ́gyá á mbū wu, a á si ŋgɔ́ ntē gá ntsem.

Eble 1:14

Mecɔʼ Ndém é gɔ́ áa mezwakne, ńnɔŋ ŋghʉ̄ɛ afaʼ á mbū Ndém. Ndém a toó á wɔ́p ŋ́gɛ, pɔ́ egʉɔ ntswíte epuɔ pīi, a a láʼ eghʉ pɔ́ etswɛ́t.

Eble 2:3

Ḿpɛ piŋɛ te lɔ̄k ŋke yīi, é ghʉɛ mɛ́ tswɛ́tɛ ntɔ́ŋ á azō ɔ́, mbɔ ḿpɛ gɔ eghʉ̄ʉ páʼ lā, ḿvūʼɔ ŋgʉɔ athʉ́ lepé é? Atsyapuɔ méŋwɛ̄t, a le zī á letswi ŋke mɛ́t. Epuɔ pīi é le júʼē, é véŋ. Pɔ́ mé le shúŋ á yímpɛ ŋ́gɛ, é anuúnē.

Jáak 5:20

Pɛ ezhɛ́ á légɛ, ŋiŋ yīi, a á ghʉ, taʼ ŋgaŋ mefa á fhó ánɛ mɛnzhɛ tepɔŋ mbīŋ nzem, a á páʼā, ńdɔkɔ ntswítɛ á yí, á lelāʼ ntā á lezēŋ Ndém. ńzéŋɛ ndɔkɔ ntswítɛ á yí ŋ́gɛ, Ndém a elēkne á tɛnzá mefa yi.