Lomɛŋ 11:13 - Eka Eswhī

¹³ Tsetsɔŋɔ, meŋ shúŋnɛ á mbū pɛ, á wɛ́ pīi, pɛ te epuɔ Yúda á: meŋ á si ŋgɔ́ á nziŋ‑ntō Yɛɛ́so, á mbū epuɔ pīi, é té epuɔ Yúda á. Ntē gá é nɔŋ ŋgáŋtɛ, melaʼ afaʼ mɛ́t zīi, mɛ́ le tsekné á mbū meŋ.

Lomɛŋ 11:13 Iomraidhean Croise

Mefaʼ Meziŋ-ntō 13:2

Á shʉʼ ŋgɔ́ amɔ̄ʼ afʉʼ, pɔ́ nɔŋ ŋkɔ̄ŋɔ nnáŋa nzi melaʼ Ndém, ńnɔŋ eswíŋtɛ á Ndém. Azwakne Ndém á shʉʼ amɔ̄ʼ aleʼé, ńdé á mbū pɔ́p ŋ́gɛ: «Pɛ etswhi efāk á Baanabas pɔ́ Sɔ́ɔl, pɔ́ eghʉ̄ mefaʼ mīi, meŋ a tsékne á mbū pɔ́p. »

Mefaʼ Meziŋ-ntō 22:21

Atsyapuɔ á zéŋ ndé á mbū meŋ ŋ́gɛ: “Ké efhó á tésɔŋ ega ntó tó, meŋ méŋwɛ̄t e tó á wú tɛ ŋgia e esāk, á mbū epuɔ pīi, é té epuɔ Yúda á.”»

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Galat 1:16

á sia eshúŋ á gá páʼ Méŋ yi, a á épúp. Ésīa épúp páʼā, ŋ́gɛ meŋ ndɛ ŋgʉ̄ɔ á nnɔ epuɔ pīi, é té epuɔ Yúda á, éshúŋ páʼ Méŋ yi mɛ́t, a á épúp. Meŋ nde pīŋ te gʉ̄ɔ ntswí mmɔʼ ntekné ndɛʼɛ, á mbū ŋiŋnɔŋ ɔ́.

Galat 2:2

Meŋ nde gē epe egʉɔ épúp, mbɔ Ndém mé sia eshúŋ á gá. Meŋ kó éwú, pek a wɔ tshí‑mvhɔ ánɛ alúŋ epuɔ Yɛɛ́so, é ghʉ acuʼte. Meŋ kó ánɛ acuʼte mɛ́t, ŋ́kɛ́ʼte ŋke mbɔŋ yīi, meŋ á si ntswīi á tsetsɛlɛ epuɔ Yɛɛ́so pīi, é té epuɔ Yúda á, eshúŋ á wɔ́p, ḿbɔ́k afaʼ zīi, meŋ ke ghʉ̄ʉ̄, mbɔɔ azi meŋ á tsetsɔŋɔ ŋghʉ̄ɛ, á lege ezoko, ńtó ndémndēm.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

1 Timotɛ 2:7

É melaʼ épúp tɛ́, Ndém a le tsɔ́ʼ á gá ŋ́gɛ, meŋ egɔ́ á ntswi‑ŋke yi, ŋ́gɔ́ á nziŋ‑ntō. A le tsɔ́ʼ á gá ŋ́gɛ, meŋ ezíʼne epuɔ pīi, é té epuɔ Yúda á, á lefɛ̄ nnɛ̄t ŋgyá á mbū yí, ńzéŋ nzíʼne á wɔ́p anuúnē ánɛ yí. Meŋ shúŋɔ anuúnē, meŋ te ŋghíɛ mela á.