Lomɛŋ 11:12 - Eka Eswhī

¹² Páʼ epuɔ Islaɛl é le whʉ̄ mefa, á tsia épúp, Ndém á ghʉ, ŋgɔŋ ntsem é jhʉ́ á mía apɛ lā. Páʼ wɔ fɛ́‑nnɛ̄t ŋgyá á mbū Yɛɛ́so, é kʉɔ́k á nnɔ pɔ́p lā, á tsia épúp, Ndém á ghʉ, epuɔ pīi é té epuɔ Islaɛl ɛ́, é jhʉ́ á mía apɛ lā. Pɔ́ piŋɛ ŋgɔ́ páʼā, ḿbú efɛ́ nnɛ̄t metsem ŋgyá á mbū Yɛɛ́so, apɛ á le fáŋ tɛʼ ɛ́ lɛ̄?

Lomɛŋ 11:12 Iomraidhean Croise

Mefaʼ Meziŋ-ntō 3:21

Ánɛ tsetsɔŋɔ, a pɔŋteé á yí á lenāŋ á lephū, tɛ ndáʼ ntshí ánɛ afʉʼ zīi, Ndém a a ghʉ, akʉ̄ɛ akʉ̄ɛ, a ecʉ́ʼ eswhī, páʼ a le lɔ̄k nchu metswi‑ŋke pí, ńdé épúp, tɛ efhó tɛ afʉʼ.

Lomɛŋ 11:15

Ndém a le náʼ mbaʼne á wɔ́p mé á nzem, ŋghʉ̄ ŋgɔŋ epuɔ metsem, é piŋ nzem á mbū yí. A láʼ aleʼé zīi, Ndém a ghʉɛ, pɔ́ zéŋɛ mbīŋɛ nzem á nnɔ, a lɛ ŋgɔ́ lɛ akɔ̄? A láʼ egɔ́ anu mbɔŋ tɛʼ, égɔ́ páʼ, ŋiŋ a kwhʉ́ɛ, ńzéŋɛ nzímɛ ánɛ lewhʉ̄ lā.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 11:33

Jʉ́ɔ páʼ apɔŋɔ́ ntē zīi, Ndém a wɛɛ̄ ánɛ epuɔ, á faáŋ épúp. Jʉ́ɔ páʼ azhɛ̄‑anu zí á faáŋ tɛʼ, a puú nzhɛ́ páʼ, ajūɔ tsem á ziīŋ épúp. Ŋiŋ a gɔ le zhɛ́ páʼ Ndém a zapaá menu épúp ɔ́. Ŋiŋ á le zhɛ́ páʼ memɛnzhɛ pí, é épúp ɔ́.

Lomɛŋ 9:23

A le gē eghʉ épúp, ńzéŋ nnɔŋ ŋkɔ̄ŋɔ ŋ́gɛ, mɛ́ ezhɛ́ páʼ lewūʼ tsí é faáŋ épúp, ánɛ epuɔ pīi, é páʼ meŋgwʉ́ŋ mīi, a wɛɛ̄ atsāmezeŋɛ ánɛ pɔ́p lā. A le té njhʉ̄ ŋyɛ̄tte meŋgwʉ́ŋ mɛ́t, ŋ́gɛ pɔ́ eláʼ ŋkó á ntē lewūʼ tsí.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.