Lomɛŋ 10:9 - Eka Eswhī

⁹ Púp, o lɔkɔ nchu wú mvéŋ á mvhɔ epuɔ ŋ́gɛ, Yɛɛ́so a á Atsyapuɔ, ḿvéŋ á ntē wu á légɛ, Ndém a le ghʉ̄ á zím ánɛ lewhʉ̄, mbɔ Ndém a fú eghʉ, o etswɛ́t.

Lomɛŋ 10:9 Iomraidhean Croise

Lúkási 12:8

«Meŋ shúŋɔ á wɛ́ ŋ́gɛ, ŋiŋ a tshíɛ á mvhɔ alāʼ, ḿvéŋ ŋ́gɛ yí é ŋiŋ ga, mbɔ a láʼ aleʼé zīi, Ndém a záʼa ntsaŋ, Méŋ‑Ŋiŋnɔŋ wuɔ, a etshí á mvhɔ mecɔʼ Ndém, ńzéŋ mvéŋ azí ŋ́gɛ, ŋgaŋ a á ŋiŋ yi.

Jáaŋ 9:22

Mɔʼɔ́ yi pɔ́ mɛ́ wɔp é lɛɛ́ eshúŋnɛ épúp, melaʼ mīi, pɔ́ le nɔ̄ŋ mbɔ́kɔ mekém epuɔ Yúda. Á le gɔ́ mbɔ, pɔ́ é ndáʼ nzápa á légɛ, ŋiŋ a véŋɛ ŋ́gɛ, Yɛɛ́so mé Nzaʼ‑Ŋkhʉ, mɛ́ fhó á ŋgyā aswiŋte njūŋ á yí.

Mefaʼ Meziŋ-ntō 16:31

Pɔ́ pwɛt á mbū yí ŋ́gɛ: «Fɛ́ nnɛ̄t ju ŋgyá á mbū Atsyapuɔ Yɛɛ́so, Ndém a eshʉʼ ŋghʉ̄, pɛ a epuɔ ŋgyā pú metsem, e etswɛ́t. »

Mefaʼ Meziŋ-ntō 2:24

Púp, ŋ́kɛ́ʼte meŋkhʉ lewhʉ̄ ánɛ yí, ŋ́ghʉ̄ á zím, melaʼ mīi, lewhʉ̄ a le gɔ a á le kūʼ á lekūʼte á yí, páʼ ŋgaŋ atʉɛ́ lā á.

Mefaʼ Meziŋ-ntō 2:32

Ŋiŋ wuɔ mɛ́t, a á Yɛɛ́so. Ndém a ke ghʉ̄ʉ̄, á zím ánɛ lewhʉ̄. Pek, épuɔ Yɛɛ́so, é si ŋgɔ́ wɔ njhʉɛ‑njʉɔ́ metsem.

Mefaʼ Meziŋ-ntō 8:36

Pɔ́ yí é zɛ́t nzīŋ ziŋ, ŋ́gʉɔ tɛ ŋkó amɔ̄ʼ ajʉʼ, ntshi é gɔ́ éwú. Mɔ́ ndʉɛ mɛ́t á lé á mbū yí ŋ́gɛ: «Ntshi e ewuɔ. Akɔ̄ á gɔ evɛ́ne, tɛ mɛ́ le á gá á ntshi nōoʼ ē?»

Lomɛŋ 10:10

Ŋiŋ a fɛɛ́ nnɛ̄t ŋgyá á mbū Yɛɛ́so páʼā, Ndém á tɔ́ŋ á ŋgaŋ lɛ, ŋiŋ ndeŋ ndeŋ. Ŋiŋ a lɔɔ̄k nchu yí, ḿvéŋ á mvhɔ epuɔ á légɛ, Yɛɛ́so a á Atsyapuɔ páʼā, Ndém á ghʉ ŋgaŋ á tswɛ́t.

Lomɛŋ 14:11

Atsyapuɔ Ndém a lée á ntē aŋwaʼne yí ŋ́gɛ: «Meŋ á si ŋgɔ́ á Ndém, ńnáŋ nte, epuɔ metsem e láʼ etswíʼte á mvhɔ meŋ, éwuʼte á gá. Epuɔ metsem e láʼ eshúŋ á mvhɔ alāʼ á légɛ, meŋ mé si ŋgɔ́ á Ndém. »

Lomɛŋ 14:9

melaʼ mīi a le kwhʉ́ʉ̄, ńzéŋ nzím ánɛ lewhʉ̄ páʼā, ńdɔkɔ ŋgɔ́ á Atsyapuɔ á mbū mepfhō, mbɔɔ á mbū epuɔ mete.

Lomɛŋ 4:24

Mɛ́ lɛɛ́ nzéŋɛ ndʉ́ɛ́ tɛ mbɔɔ yímpɛ. Ndém a a láʼ etɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá mé yí yīi, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄.

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

1 Kɔlɛŋte 12:3

Melaʼ épúp tɛ́, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, Azwakne Ndém á gɔ́ le tshóne á ŋiŋ, á lé ŋ́gɛ: «Ndɔ e é athū Yɛɛ́so ó. » Pɛ ezéŋ nzhɛ́ á légɛ, ŋiŋ a gɔ le lé ŋ́gɛ: «Yɛɛ́so a á si ŋgɔ́ á Atsyapuɔ», tɛ́ gɔ́ yīi Azwakne Ndém mé tshóne á ŋgaŋ á.

Fílíip 2:11

Ŋ́gɛ, ŋiŋ ntsem a esáʼ ŋ́gɛ, Yɛɛ́so Klísto mé Atsyantsɔp. Awiɛ́ awiɛ́ a eghʉ̄ épúp, ńdɔk ŋgūʼte á Ndém Mɔʼɔ́.

1 Piɛ 1:21

Pɛ zapaá ánɛ yí tɛ́ efɛ́ nnɛ̄t ŋgyá á mbū Ndém. Ndém mé le ghʉ̄ á zím ánɛ lewhʉ̄, yí mé yá á yí lewūʼ te mi, tɛ́ pɛ egē efɛ́ nnɛ̄t eyá á mbū Ndém, ńnɔŋ nzhɛ́ɛ á légɛ, pɛ é ndáʼ ŋgwɛ̄ ajū mīi, pɛ é si eshʉ́ɛ́.

1 Jáaŋ 4:15

Ŋiŋ a véŋɛ á légɛ, Yɛɛ́so a á Méŋ Ndém, mbɔ Ndém a á me ŋgaŋ, ŋgaŋ á zéŋ ŋgɔ́ mé yí.

2 Jáaŋ 1:7

Megaŋ mela tɛ nzáne, é kʉʉ̄ŋ mbú ésāŋ ndo esī atsetsáʼ. Pɔ́ té si mvéŋɛ ŋ́gɛ, Yɛɛ́so Klísto a le cʉ́ʼ á ŋiŋnɔŋ, éshʉ̄ʼ á ndo esī atsetsáʼ á. Ntií ŋiŋ jʉɔ mɛ́t, a á si ŋgɔ́ á ŋgaŋ mela, ŋ́gɔ́ á ŋgaŋ mbo Klísto.